Morgunblaðið - 01.05.2015, Qupperneq 24

24 FRÉTTIRInnlent
MORGUNBLAÐIÐ FÖSTUDAGUR 1. MAÍ 2015
GÆÐI – ÞEKKING – ÞJÓNUSTA
Láttu okkur
létta undir fyrir
næstu veislu
Háaleitisbraut 58-60 • 108 Reykjavík • haaleiti@bjorg.is • Sími 553 1380
Serviettu- og
dúkaleiga
Gardínuhreinsun
Dúkaþvottur
ÚR BÆJARLÍFINU
Skapti Hallgrímsson
Akureyri
Boðið verður upp á nýtt, þverfag-
legt meistaranám í heilsugæslu-
hjúkrun frá og með næsta hausti við
framhaldsnámsdeild heilbrigðisvís-
indasviðs Háskólans á Akureyri.
Samningur þar að lútandi var und-
irritaður í gær, af heilbrigð-
isráðherra, rektor HA og forstjóra
Heilsugæslu höfuðborgarsvæðisins.
  
Á þessu ári verður 27 milljónum
króna varið til verkefnisins af hálfu
Velferðarráðuneytisins. Markmiðið
er að efla klíníska hæfni hjúkr-
unarfræðinga í heilsugæslu og
styrkja þannig þverfaglega teym-
isvinnu innan heilsugæslunnar, svo
sem í bráðaþjónustu, þjónustu við
tiltekna sjúklingahópa og á sviði for-
varna og heilsuverndar.
  
Fyrst um sinn er um að ræða sex
námsstöður en vilji er til að þeim
fjölgi og verði á næstu árum við all-
ar helstu heilbrigðisstofnanir á
landinu. Námið er kallað Heilsu-
gæsla í héraði, og umsjónaraðili
námsins er Sigríður Sía Jónsdóttir,
lektor við heilbrigðisvísindasvið HA.
  
Verkalýðurinn á Akureyri held-
ur upp á 1. maí – hátíðisdag verka-
lýðsins – eins og annars staðar í
heiminum. Kröfuganga hefst kl.
14.00 í dag við Alþýðuhúsið og mun
fólk safnast saman frá 13.30.
  
Gengið verður frá Alþýðuhúsinu
að menningarhúsinu Hofi eins og
undanfarin ár, og þar verður hátíð-
ardagskrá. Ávarp 1. maínefndar
stéttarfélaganna flytur Anna Júl-
íusdóttir, varaformaður Einingar-
Iðju en aðalræðu dagsins flytur Elín
Björg Jónsdóttir, formaður BSRB.
Þá skemmta Sveppi og Villi.
  
Stefna, félag vinstri manna,
heldur opinn morgunfund í dag á
Kaffi Amor við Ráðhústorg kl.
10.45. „Stefna hvetur launþega-
hreyfinguna til að treysta nú fast á
eigin mátt og ná fram kröfum sín-
um,“ segir í tilkynningu. Ræðumað-
ur er Hjördís Sigursteinsdóttir, for-
maður Félags háskólakennara á
Akureyri. Rósa María Stefánsdóttir
syngur en Jón Laxdal, Ingibjörg
Hjartardóttir og Guðmundur Beck
lesa upp.
  
Akureyri verður á iði í maí-
mánuði; íþróttafélög, einstaklingar
og fyrirtæki munu þá gæða bæinn
lífi á margvíslan hátt, í samvinnu við
Akureyrarbæ. Dagskráin hefst
formlega um aðra helgi með ÍBA-
deginum, en þá heldur Íþrótta-
bandalag Akureyrar upp á 70 ára af-
mælið, sem var reyndar í fyrra.
  
Dagskráin hefst þó í raun á
sunnudaginn þegar fólki er boðið á
krullukynningu í Skautahöllinni frá
kl. 13 til 16 í tengslum við alþjóðlegt
krullumót, Ice Cup, sem fer nú fram
í 12. skipti í bænum.
  
Þátttakendur á Ice Cup eru frá
Kanada, Bandaríkjunum, Englandi,
Sviss, Ungverjalandi, Noregi og Ís-
landi. Alls taka 16 lið þátt með 66
skráða liðsmenn og nú, eins og í
fyrra, eru erlendir þátttakendur á
mótinu fleiri en þeir innlendu.
  
Ingibjörg Ólöf Isaksen, bæj-
arfulltrúi og formaður íþróttaráðs,
er ánægð með hvernig til tókst að
skipuleggja Akureyri á iði. „Ég er
rosalega þakklát fyrir hve vel fólk
hefur brugðist vel við. Samstaðan er
mikil og allir tilbúnir að leggja sitt
af mörkum,“ sagði hún í gær. Allir
viðburðir eru ókeypis en tilgang-
urinn er að fá sem flesta til að
hreyfa sig.
  
Farandsýning um kvenrétt-
indabaráttu síðustu 100 ára verður
opnuð í Hofi í dag, 1. maí. Sýningin
er á vegum Kvenréttindafélags Ís-
lands í samvinnu við Akureyrarbæ
og Menningarfélag Akureyrar.
  
Sýningin, sem var fyrst sett upp
á samnorrænu jafnréttisráðstefn-
unni í Svíþjóð sl. sumar, fer nú hring
um landið með viðkomu í hinum
ýmsu sveitarfélögum og endar í
Reykjavík í desember. Sýningin
stendur yfir í Hofi frá 1.-15. maí.
  
Allra veðra er von hér á ísa landi,
eins og landsmenn hafa kynnst und-
anfarið. Á sunnudaginn verður hægt
að kynnast öllum mögulegum árstíð-
um; allt frá trylltum stormi til sól-
arblíðu eins og segir í tilkynningu.
Sinfóníuhljómsveit Norðurlands
flytur nefnilega Árstíðirnar fjórar,
eitt þekktasta og vinsælasta verk
Antonios Vivaldis (1678-1741), og
Árstíðirnar fjórar í Buenos Aires
eftir Astor Piazzolla (1921-1992).
  
Hljómsveitarstjóri er Guð-
mundur Óli Gunnarsson, aðalstjórn-
andi SN, og Greta Guðnadóttir er
einleikari á fiðlu. Greta var kons-
ertmeistari SN frá árinu 2000 þar til
í fyrra.
  
Betur fór en á horfðist, þegar
tilkynnt var um eld í íbúð í Gilja-
hverfi um miðjan dag í gær.
Slökkviliðið, sem allt var á æfingu á
Akureyrarflugvelli, brást skjótt við
en sem betur fór var eldurinn eng-
inn. Hins vegar hafði bakaraofn
gleymst í gangi og mikill reykur var
í íbúðinni. Hún var mannlaus.
  
Hljómsveitin Vio úr Mos-
fellsbæ, sigurvegari Músíktilrauna í
fyrra, heldur tónleika á Græna hatt-
inum í kvöld. Axel Flovent, 19 ára
Húsvíkingur, hitar upp.
  
Vert er að geta þess að Axel gef-
ur út plötuna Forest Fires 25. maí
næstkomandi í gegnum bresku út-
gáfuna Trellis records og hefur
músík hans þegar vakið athygli í
Bretlandi.
  
Hvanndalsbræður verða svo
með tvenna útgáfutónleika á staðn-
um annað kvöld; sveitin gaf nýverið
út sjöunda plötuna.
  
Friðrik krónprins Dana og María
eiginkona stöldruðu við á Akureyr-
arflugvelli í vikunni á leið sinni til
Grænlands. Starfsmenn kipptu sér
ekki upp við það enda Friðrik marg-
oft komið þar við. Þetta var í hádeg-
inu og spenntur matargestur hjá
Baldvin í Flugkaffi var ekki seinn að
teygja sig í símann og fékk að taka
selfie af sér með prinsinum.
Meistaranám í heilsugæsluhjúkrun
Morgunblaðið/Skapti Hallgrímsson
Heilsugæsluhjúkrun Eyjólfur Guðmundsson, rektor Háskólans á Akureyri, Kristján Þór Júlíusson heilbrigðis-
ráðherra og Svanhvít Jakobsdóttir, forstjóri Heilsugæslu höfuðborgarsvæðisins, eftir undirskrift samningsins.
Laugavegur, Skólavörðustígur og
Pósthússtræti verða göngugötur
þann 15. maí ef breytingartillaga
borgarráðsfulltrúa meirihlutans
verður samþykkt.
Í fréttatilkynningu frá Reykjavík-
urborg segir að 76% borgarbúa hafi
verið ánægð með sumargötur á und-
anförnum árum og verða þær því að
öllu óbreyttu opnaðar eftir hálfan
mánuð.
Göturnar þrjár verða lokaðar bíla-
umferð: á Laugavegi frá Vatnsstíg, á
Skólavörðustíg frá Bergstaðastræti
og í Pósthússtræti frá Kirkjustræti.
Þó verður opið fyrir bílaumferð á
morgnana frá klukkan átta til ellefu
frá mánudegi til föstudags til þess að
auðvelda þjónustu- og rekstrarað-
ilum flutninga.
„Blómakerum, bekkjum eða öðr-
um götugögnum verður komið fyrir
á bílastæðum á svæðinu en eitt bíla-
stæði á hverjum götukafla verður
laust fyrir vöruafgreiðslu. Séð verð-
ur fyrir bílastæðum fyrir hreyfi-
hamlaða eins og verið hefur und-
anfarið ár,“ segir í tilkynningu.
Tillagan, sem tekin verður fyrir í
borgarráði í næstu viku, gerir ráð
fyrir að göturnar verði lokaðar bíla-
umferð fram til 15. september.
Morgunblaðið/Eggert
Sumargötur Lokað verður fyrir bílaumferð á nokkrum götum borgarinnar.
Breytast í göngu-
götur þann 15. maí