Morgunblaðið - 01.05.2015, Qupperneq 28
28 FRÉTTIRErlent
MORGUNBLAÐIÐ FÖSTUDAGUR 1. MAÍ 2015
Tökum að okkur trjáklippingar,
trjáfellingar og stubbatætingu.
Vandvirk og snögg þjónusta.
Sími 571 2000
www.hreinirgardar.is
Fréttir berast enn af fólki sem finnst á lífi eftir jarð-
skjálftann sem reið yfir Nepal á laugardag. Staðfest
er að 5.582 hafi látist en hugsanlegt er að talan gæti
orðið um 10 þúsund. Í gær fannst 15 ára drengur á
lífi í húsarústum í Katmandú. Það sem varð honum
til lífs var að hann drakk vatn sem hann vatt af föt-
um sínum og gat nærst á smjöri. Í gær var einnig
kona dregin úr blokkarrústum en hún lá þar föst
milli þriggja látinna manna. Vonin lifir því enn í
brjósti björgunarfólks.
AFP
Vonarneistinn glæðist í Nepal
Tíu pakistanskir karlmenn sem
reyndu að myrða nóbelsverðlauna-
hafann Malölu Yousafzai árið 2012
hafa verið dæmdir í lífstíðarfangelsi.
Dómstóll í norðvesturhluta Pakist-
ans kvað upp dóminn í gær.
Lögreglan hafði sagt að skærulið-
inn Ataullah Khan, sem er 23 ára
gamall, væri viðriðinn árásina en
hann var ekki á lista yfir þá 10 menn
sem voru dæmdir.
Malala var á leið sinni í skólann
með skólabíl þegar hún var skotin í
höfuðið en tvær vinkonur hennar
særðust einnig í árásinni. Áður hafði
hún tjáð sig opinberlega um mikil-
vægi menntunar stúlkna þrátt fyrir
að vera þá einungis á unglingsaldri.
Malala Yousafzai hlaut friðar-
verðlaun Nóbels árið 2014 fyrir bar-
áttu sína fyrir menntun kvenna í
Pakistan. Hún er nú 17 ára gömul og
býr í Birmingham í Bretlandi ásamt
fjölskyldu sinni.
Tíu hlutu
lífstíðar-
fangelsi
Dæmdir fyrir árás-
ina á Malölu árið 2012
Þórunn Kristjánsdóttir
thorunn@mbl.is
Ef friðargæsluliðar verða fundnir
sekir um að hafa nauðgað munaðar-
lausum og sveltandi börnum í Mið-
Afríkulýðveldinu þá „verður engin
miskunn sýnd,“ sagði Francois Hol-
lande, forseti Frakklands, við fjöl-
miðla þegar hann var í heimsókn í
borginni Brest í norðvesturhluta
Frakklands í gær. 14 franskir friðar-
gæsluliðar eru sakaðir um að hafa
beitt níu til 13 ára gömul börn kyn-
ferðisofbeldi.
Sagt upp eftir leka
Sænskur yfirmaður hjá friðar-
gæslusveitum Sameinuðu þjóðanna,
Anders Kompass, lak skýrslu, sem
byggist á framburði drengja sem lýsa
ofbeldinu, til franskra stjórnvalda. Í
kjölfarið var honum vikið frá störfum
þar sem hann er grunaður um lekann
en ástæðan er sú að honum gramdist
aðgerðaleysi SÞ í málum sem varða
ofbeldi gagnvart börnum í Mið-Afr-
íkulýðveldinu. Þessu greindi Guardi-
an frá í vikunni en blaðið er með
skýrsluna undir höndum og fékk
hana frá samtökunum Aids Free
World, en þau krefjast þess að sjálf-
stæð rannsókn fari fram á því hvern-
ig SÞ taka á málum tengdum kyn-
ferðisofbeldi af hálfu friðargæsluliða.
Ofbeldið á að hafa átt sér stað í
fyrra þegar friðargæslusveit á veg-
um SÞ var þar. Yfirmenn mannrétt-
indaskrifstofu SÞ í Genf fengu
skýrsluna í hendur síðasta sumar. Í
henni kemur fram frásögn sex
drengja, sem sumir eru munaðar-
lausir, þar sem þeir lýsa marghátt-
uðu ofbeldi, svo sem nauðgunum og
öðru kynferðisofbeldi af hálfu
franskra hermanna á tímabilinu des-
ember 2013 til júní 2014. Ofbeldið fór
fram í miðstöð fyrir fólk sem hefur
þurft að flýja heimili sín, á M’Poko
flugvelli í höfuðborginni, Bangui.
Franska varnarmálaráðuneytið
neitar því að það reyni að breiða yfir
yfirvofandi hneyksli vegna skýrslu
SÞ. Rannsókn hafi farið strax af stað
í ágúst sl. þegar frönsk lögregla var
send til höfuðborgarinnar Bangui.
„Það er enginn vilji fyrir því að breiða
yfir þetta en við erum að fara yfir
gögnin,“ sagði Pierre Bayle, talsmað-
ur varnarmálaráðuneytisins, við
AFP. Hann bætti við að fara yrði var-
lega þar sem um alvarlegar ásakanir
væri að ræða, sem enn hefðu ekki
verið sannaðar.
Ef ásakanirnar reynast réttar þá
mun þetta ekki eingöngu hafa gríðar-
legar afleiðingar fyrir franska her-
menn heldur einnig fyrir landið
sjálft, að sögn David Smith fyrrver-
andi friðargæsluliða og sérfræðings í
málefnum Mið-Afríkulýðveldisins.
Hann bendir ennfremur á að heilt
yfir hafi franskir friðargæsluliðar
verið hjálpsamir og fyrir þeirra til-
stuðlan þá hafi verið hægt að halda
flugvellinum opnum. Það þýðir að
hægt hefur verið að koma nauðsyn-
legum lyfjum, mat og öðru til lands-
ins. Róstusamt hefur verið í landinu
um árabil og þúsundir manna hafa
látið lífið vegna átaka milli kristinna
og múslima.
Ekki í fyrsta skipti
Þetta er ekki í fyrsta skipti sem SÞ
eru sakaðar um að bregðast ekki við
ásökunum um að friðargæsluliðar
hafi beitt börn og aðra borgara kyn-
ferðisofbeldi í þeim löndum þar sem
þeir hafa starfað. Guardian greinir
frá því að samkvæmt annarri innan-
hússskýrslu, sem blaðið hefur undir
höndum steðji mikil hætta að starf-
semi SÞ vegna kynferðislegrar mis-
notkunar friðargæsluliða á borgur-
um alls staðar í heiminum. Í þessari
sömu skýrslu segir að SÞ hafi ekki
brugðist við ásökunum um kynferðis-
ofbeldi sem friðargæsluliðar í Haítí,
Líberíu og Búrúndí hafi beitt. Þá hafi
85% af öllum ásökunum um kynferði-
ofbeldi friðargæsluliða átt sér stað í
Kongó, Haítí, Líberíu og Suður-Súd-
an.
Mun ekki sýna neina miskunn
14 franskir friðargæsluliðar bendlaðir við barnaníð í Mið-Afríkulýðveldinu
AFP
Óöld Franskir friðargæsluliðar.
Boko Haram hélt gíslum sínum við
grimmilegar aðstæður í Sam-
bisafrumskóginum í Nígeríu. Í vik-
unni tókst nígeríska hernum að
bjarga um 500 stúlkum og konum
úr haldi hryðjuverkasamtakanna.
„Hverjar sem þær eru þá er það
mikilvægasta að þær hafa nú verið
frelsaðar,“ sagði talsmaður varnar-
málaráðuneytisins. Mögulegt er tal-
ið að skólastúlkur sem Boko Haram
rændi fyrir rúmu ári séu í hópi
þeirra sem tókst að frelsa.
Nígeríski herinn bindur miklar
vonir við að fleiri stúlkur og konur
verði frelsaðar á næstu dögum.
500 konur frelsaðar
frá Boko Haram
NÍGERÍA
Calbuco-eld-
fjallið í suður-
hluta Síle gaus á
ný í gær. Um 20
km gosmökk
lagði upp af fjall-
inu. „Eins og spáð
var þá hófst gosið
aftur í þriðja sinn
á stuttum tíma í
Calbuco-eld-
fjallinu. Rauð
hætta.“ Þetta skrifaði Jarð-
fræðistofnunin í Síle á Twitter-síðu
sína í gær, AFP greindi frá.
Í síðustu viku gaus eldfjallið í tví-
gang. Þá þurftu yfir sex þúsund íbú-
ar í nágrenninu að yfirgefa heimili
sitt en flug raskaðist töluvert.
Calbuco-eldfjallið
bærir á sér enn á ný
Gosmökkur upp af
Calbuco.
SÍLE
Talið er verðmæti rúmlega þriggja
tonna af kókaíni sem fundust um
borð í skipi í Aberdeen í Skotlandi í
vikunni sé rúmlega 100 milljarðar
íslenskra króna eða um 500 millj-
ónir punda. Þetta er stærsti ein-
staki eiturlyfjafundur og líklega sá
verðmætasti í sögu Bretlands.
Níu menn hafa verið handteknir
og eru í gæsluvarðhaldi til 5. maí
nk. og hafa allir verið ákærðir fyrir
fíkniefnainnflutning. Þeir eru allir
tyrkneskir og á aldrinum 26 til 63
ára. „Rannsóknin á skipinu hefur
verið vandlega skipulögð og sér-
fræðingar hafa unnið við ákaflega
erfiðar aðstæður,“ sagði John
McGowan, aðalrannsakandi bresku
lögreglunnar, við BBC.
Verðmætasti kók-
aínsmyglfarmurinn
BRETLAND
Skip Þrjú tonn af kókaíni voru um borð.
Að minnsta kosti
200 Sómalar fór-
ust í sjóslysi við
stendur Líbíu
fyrr í mán-
uðinum. Stjórn-
völd staðfestu
þessa tölu. Talið
var í fyrstu að
fjöldinn hefði
verið rúmlega
750 en einungis
28 lifðu af. Ef svo hefði verið hefði
þetta verið mannskæðasta sjóslys
flóttafólks við Miðjarðarhafið.
Leiðtogar í Evrópu hafa fullyrt
að fé til björgunaraðgerða við Mið-
jarðarhafið verði þrefaldað á næstu
árum.
SÓMALÍA
Minnst 200 Sómal-
ar fórust í sjóslysinu
Sjóslys eru tíð á
Miðjarðarhafi.