Morgunblaðið - 18.05.2015, Qupperneq 12
12 FRÉTTIRInnlent
MORGUNBLAÐIÐ MÁNUDAGUR 18. MAÍ 2015
Viðar Guðjónsson
vidar@mbl.is
Tónlistarveitan Tidal tilkynnti ný-
lega um að tónlist væri aðgengileg
Íslendingum í gegnum hana, þrátt
fyrir að ekki væri búið að ganga frá
samningum þess efnis við Samband
tónskálda og eigendur flutnings-
réttar, STEF.
Guðrún Björk Bjarnadóttir, fram-
kvæmdastjóri sambandsins segir þó
að samningaviðræður séu á lokastig-
um og að ekki sé rétt að agnúast út í
aðferðir Tidal þar sem finna megi
fjölda tónlistarveita sem ekki greiði
fyrir notkun á tónlist og ætli sér ekki
að gera það nokkurn tíma.
Þurfa samning við STEF
Fyrir nokkru barst tilkynning frá
norsku tónlistarveitunni Tidal um að
Íslendingar geti nálgast tónlistar-
efni í gegnum vefsíðu fyrirtækisins.
Þegar tónlist er gerð aðgengileg í
gegnum tónlistarveitur þarf m.a. að
gera samninga við höfundarrétt-
arsamtök, bæði til þess að geta boðið
upp á innlenda og erlenda tónlist á
viðkomandi markaði. „Tidal þarf að
gera samning við okkur en svo þarf
að gera samning við hvern og einn
útgefanda um það hvort hann vill
gera efni sitt aðgengilegt á viðkom-
andi veitu,“ segir Guðrún Björk.
Hún segir að samningurinn sem
STEF er við það að klára við Tidal
sé sambærilegur og þegar hefur ver-
ið gerður við aðrar tónlistarveitur.
„Þessar tónlistarveitur greiða 12%
af tekjum sínum á Íslandi til
STEFS,“ segir Guðrún. Þessir fjár-
munir dreifast svo til listamanna
sem og milliliða. „Þegar kemur að
tónlistarveitum, ef tonlist.is er und-
anskilin, er vandamál íslenskra tón-
listarmanna hve litlu hefur verið
streymt af íslenskri tónlist og þar af
leiðandi fer lítið til íslenskra höf-
unda. Langstærsta hluta tekna
STEFS af Spotify, greiðum við til
erlendra höfunda,“ segir Guðrún.
Tidal hefur reynt að leggja meiri
áherslu á tóngæði en aðrar veitur.
Fyrir vikið hefur henni tekist að
höfða meira til eldra fólks sem
gjarnan kaupir meira af innlendri
tónlist. „Sá hópur leggur meiri
áherslu á tóngæði og hlutfall
streymis af verkum innlendra höf-
unda erlrnfid hefur verið meira en af
verkum sem eru á Spotify. Kannski
leiðir koma Tidal til þess að fleiri
velja að streyma íslenskri tónlist,“
segir Guðrún.
Höfðu ekki sam-
ið við STEF
Tidal tilkynnti um opnun á Íslandi
án nauðsynlegra samninga Báðust
afsökunar og samningar á lokastigum
Morgunblaðið/Styrmir Kári
Prins Póló Litlu er streymt af ís-
lenskri tónlist um tónlistarveitur.
Að sögn Guðrúnar höfðu for-
svarsmenn Tidal samband við
STEF og báðust afsökunar á því
að hafa gert þjónustuna aðgengi-
lega hér á landi án þess að hafa
gengið frá samningum þess efn-
is. Gefin var sú ástæða að leyf-
isdeildin væri seinni í snúningum
en markaðsdeildin. „Í þessum
heimi sem við erum í er fullt af
þjónustum sem ætla sér ekki að
sækja um leyfi og eru af ásettu
ráði að stunda sjóræningja-
starfsemi. Því ætla ég ekki að
setjast í dómarasæti og skamma
fyrirtæki sem kemur þremur
dögum of seint til okkar. Þó að
þeir hafi opnað formlega hafa
þeir ekki farið í neinar markaðs-
aðgerðir á Íslandi. Þetta er lög-
leg tónlistarveita sem hefur gert
samninga um allan heim. Því er
þetta algjört smámál í stóra
samhenginu,“ segir Guðrún.
Báðust afsökunar á leyfisleysi
ÆTLAR EKKI AÐ SKAMMA LÖGLEGA TÓNLISTARVEITU
Ingvar Smári Birgisson
Benedikta Brynja Alexandersdóttir
Borist hafa 287 umsagnir til Um-
hverfis- og skipulagsráðs Reykja-
nesbæjar vegna tillögu að deiliskipu-
lagi til að sameina lóðir fyrir kísilver
í Helguvík í eigu Thorsil sem er eftir
að byggja. Fram kemur í fundargerð
ráðsins frá 13. maí að áhyggjur snú-
ist um loftmengun sem hafi neikvæð
áhrif á menn og dýr. Kallað hefur
verið eftir íbúakosningu um breyt-
ingartillöguna á deiliskipulaginu og
var í síðustu viku efnt til hópreiðar
og kröfugöngu í Reykjanesbæ þess
efnis.
Farið var ítarlega yfir umsagnirn-
ar og ýmsar spurningar varðandi til-
löguna á fundi ráðsins miðvikudag-
inn 13. maí. Að sögn Eysteins
Eyjólfssonar, formanns Umhverfis-
og skipulagsráðs, leggur ráðið
áherslu á að fara ítarlega yfir allar
umsagnir og vanda til verks. Eins
hefur ráðið lagt upp með að bæjar-
búar hafi greiðan aðgang að upplýs-
ingum er varða málið. Öllum athuga-
semdum er tekið alvarlega enda er
málið hitamál meðal bæjarbúa. Talið
er að aldrei hafi eins margar um-
sagnir borist ráðinu vegna nokkurr-
ar tillögu hingað til. „Við erum að
skoða þetta á faglegum forsendum.
Miðað við fjölda umsagna er eðlilegt
að við skoðum þetta vel og vöndum
okkur,“ segir Eysteinn. Ákvörðun
um málið hefur verið frestað til
aukafundar 27. maí.
Skaðabótamál gegn Reykja-
nesbæ gæti komið til greina
Hákon Björnsson, framkvæmda-
stjóri Thorsil, segir að á annan millj-
arð króna hafi verið eytt í undirbún-
ingsvinnu fyrir kísilverið og telur að
grundvöllur skaðabótamáls hljóti að
vera kannaður nái kísilverið ekki
fram að ganga. „Í gildandi aðalskipu-
lagi er gert ráð fyrir svona starfsemi
og deiliskipulagsbreytingin fjallar
bara um það að sameina nokkrar lóð-
ir í eina lóð. Við erum með samning
við bæinn um lóðina til að reka verk-
smiðju af þessu tagi,“ segir Hákon.
Þá kæmi það Hákoni mjög á óvart
ef blaðinu yrði snúið við. „Í Helguvík
hefur verið unnið að því í áratug eða
meira að byggja upp innviði til að
taka á móti svona starfsemi sem
þessari og það er gert í þeim tilgangi
að laða að atvinnuuppbyggingu.
Þannig að það kæmi okkur mjög á
óvart ef það yrði allt í einu snúið við
blaðinu. Við höfum verið í góðri trú
að vinna að því að koma verksmiðj-
unni af stað. Svo finnst okkur mál-
flutningurinn vera dálítið ósann-
gjarn að því leyti að því er borið við
að fólk óttist rýrnandi loftgæði, en
okkar mat á umhverfisáhrifum sýnir
að umhverfisáhrif, hvað varðar loft-
gæði, eru vel innan allra marka sem
sett hafa verið,“ segir Hákon.
Umsagnir streyma inn
um Kísilver Thorsil
Thorsil hefur varið milljörðum í undirbúninginn
Morgunblaðið/Sigurður Bogi
Deiliskipulag Ekki vilja allir íbúar
Reykjanesbæjar kísilver í Helguvík.
Seglskipið Donna Wood kom til hafnar á Húsavík í gær
í blíðviðri en örlítilli þoku. Skipið sem keypt var í Dan-
mörku nýlega er nýjasta viðbótin í flota Norðursigl-
ingar.
Skipið er 31,2 metra langt, tvímastra eikarskip og
var smíðað árið 1918. Skipið var í áratugi notað sem
vitaskip við strendur Danmerkur, þar til því var breytt
í farþegaskip árið 1990.
Seglskipið Donna Wood kom til hafnar á Húsavík
Morgunblaðið/Hafþór Hreiðarsson
Glæsifley í flota Norðursiglingar