Morgunblaðið - 18.05.2015, Side 15

FRÉTTIR 15Erlent
MORGUNBLAÐIÐ MÁNUDAGUR 18. MAÍ 2015
Mest seldu ofnar
á Norðurlöndum
Davíð Már Stefánsson
davidmar@mbl.is
Lögreglumaður á vegum Evrópu-
sambandsins er meðal þeirra sem
létust í sjálfsvígsárás skammt frá
alþjóðaflugvellinum í höfuðborg
Afganistan, Kabúl, í gærmorgun.
Talibanar lýstu yfir ábyrgð á
verknaðinum með tölvupósti sem
sendur var á fjölmiðla í kjölfar
árásarinnar.
Árásinni beint að EUPOL
Þrír létust og að minnsta kosti
átján særðust, þar af átta konur og
þrjú börn, þegar talibani sprengdi
upp bifreið sína þegar hann mætti
erlendri bílalest skammt frá inn-
gangi alþjóðaflugvallarins í Kabúl.
Árásinni var beint að tveimur lög-
reglubifreiðum á vegum Evrópu-
sambandsins en auk bresks ríkis-
borgara, sem var staddur í annarri
bifreiðinni, létust tvær afganskar
unglingsstúlkur sem áttu leið hjá.
Að sögn sjónarvotta var sprenging-
in mjög öflug og byrgði mikill reyk-
ur þeim sýn sem leituðu særðra í
rústunum.
„Það eina sem við vitum á þessari
stundu er að tvö ökutæki EUPOL
voru þarna þegar árásin var gerð.
Einn lést í annarri bifreiðinni en
hann er útlendingur sem starfaði á
vegum EUPOL,“ sagði Aziz Ba-
sam, talsmaður sendinefndar lög-
reglu Evrópusambandsins í Afgan-
istan (EUPOL), eftir árásina í gær.
Fjórtán létust í síðustu viku
Sjálfsmorðsárásin kemur í kjöl-
far annarrar árásar talibana en í
síðustu viku létust fjórtán manns
þegar vopnaðir meðlimir samtak-
anna réðust inn á gistiheimili í Ka-
búl. Margir þeirra sem létust í
árásinni voru útlendingar sem
störfuðu í Afganistan en fólkið var
meðal gesta á tónleikum á Serena-
hótelinu. Umsátrið um hótelið hófst
um áttaleytið á miðvikudagskvöldið
og lauk ekki fyrr en fimm tímum
síðar.
Fjórir Indverjar, tveir Pakistan-
ar, einn Bandaríkjamaður, Ítali og
bresk-afganskur ríkisborgari voru
meðal þeirra sem létust í árásinni
en aðeins tvær vikur eru síðan
reynt var að efna til samningavið-
ræðna á milli talibana og samninga-
aðila á vegum afgönsku ríkisstjórn-
arinnar.
Í stríði við ríkið og NATO
Talibanar komu fyrst fram á
sjónarsviðið þegar Sovétríkin
drógu hersveitir sínar frá Afganist-
an og hefur hreyfingin barist um
völd þar í landi frá því árið 1994.
Hreyfingin er súnní-íslömsk og
pastúnsk þjóðernishreyfing sem
ríkti yfir stærstum hluta Afganist-
ans frá 1996 til 2001, allt þar til inn-
rásarher, sem leiddur var af banda-
ríska hernum, hrakti hana frá
völdum. Hreyfingin á nú aðallega í
skæruhernaði við ríkisstjórn Afg-
anistans og herlið NATO.
Zabihullah Mujahid, talsmaður
talibana, sagði á Twitter í kjölfar
árásarinnar á hótelið að allir út-
lendingar frá þeim ríkjum sem áttu
aðild að innrásinni í Afganistan á
sínum tíma væru álitnir innrásar-
menn. Talibanar vilja koma á
ströngum sjaría-lögum í Afganistan
en meðal þess sem hreyfingin
stendur fyrir er að banna sjón-
varpsáhorf og tónlist auk þess sem
stúlkum, sem náð hafa tíu ára aldri,
er bannað að sækja sér menntun.
Þá eru opinberar aftökur víðast
hvar við lýði þar sem talibanar eru
við völd.
Þrír létust í sjálfsmorðsárás talibana
 Annarri hryðjuverkaárás talibana í
Kabúl á innan við viku beint að EUPOL
AFP
Árásir Þrír féllu í sjálfsmorðsárásinni í gærmorgun, tvær afganskar unglingsstúlkur og breskur ríkisborgari sem
var á vegum EUPOL í Afganistan. Alls hafa sautján látið lífið í árásum talibana í Kabúl frá því í síðustu viku.
Hersveitir sýrlenska stjórnarhers-
ins hröktu í gær vígamenn hryðju-
verkasamtakanna Ríki íslams frá
rústum hinnar fornu borgar Pal-
myra í Sýrlandi. Samtökin hafa til
þessa eyðilagt nokkra staði þar sem
merkar fornminjar hefur verið að
finna og var óttast að Palmyra yrði
næst í röðinni.
Fjórir leiðtogar féllu í loftárás
Hátt í þrjú hundruð manns hafa
látist frá því að meðlimir Ríkis ísl-
ams hófu að sækja að Palmyra á
miðvikudaginn í síðustu viku. Sam-
kvæmt BBC voru þar af fimmtíu og
sjö óbreyttir borgarar sem voru
margir hverjir teknir af lífi af Ríki
íslams. Fram kemur í frétt AFP að
vígamenn Ríkis íslams hafi verið
komnir að Palmyra, sem er á heims-
minjaskrá Sameinuðu þjóðanna,
þegar þeir voru hraktir frá þeim.
Haft er eftir fulltrúa sýrlenskra
stjórnvalda að rústirnar hafi ekki
orðið fyrir skemmdum, hins vegar
væri enn full ástæða til þess að ótt-
ast um þær. Þá segir í fréttinni að
stjórnarherinn hefði náð á sitt vald
að nýju norðurhluta bæjarins Tad-
mur sem vígamennirnir tóku yfir í
fyrradag en bærinn er við hlið Pal-
myra.
Þá féllu að minnsta kosti þrjátíu
og tveir liðsmenn Íslamska ríkisins,
þar á meðal fjórir leiðtogar samtak-
anna, í loftárás sérsveita Banda-
ríkjahers í gær. Ráðist var til atlögu
á búðir Ríkis íslams í austurhluta
Sýrlands, samkvæmt upplýsingum
frá mannréttindasamtökum sem
fylgjast með stöðu mála í Sýrlandi.
Samkvæmt upplýsingum frá
Bandaríkjaher féll meðal annars
Túnisbúi sem hefur stýrt sölu sam-
takanna á olíu og gasi á svörtum
markaði til þess að fjármagna starf-
semi Ríkis íslams.
Fornminjarnar í Pal-
myra eru óhultar í bili
 Sýrlenski herinn hrakti meðlimi Ríkis íslams frá Palmyra
AFP
Palmyra Mjög er óttast um fornminjarnar sem eru á heimsminjaskrá SÞ.
Norðmenn héldu í gær upp á þjóðhátíðardag sinn með því að flykkjast út
undir beran himin og marsera um götur og stræti eins og sjá má á mynd-
inni hér að ofan frá Osló. 17. maí 1814 fékk Noregur stjórnarskrá, en varð
sjálfstætt land 7. júní árið 1905 af völdum sambandsslita á milli Noregs og
Svíþjóðar. Eftir það hefur 17. maí alltaf verið þjóðhátíðardagur Noregs.
Þjóðhátíðardagur Norðmanna haldinn hátíðlegur
AFP
Marserað um götur Osló