Fréttablaðið - 09.07.2015, Blaðsíða 10

9. júlí 2015 FIMMTUDAGUR| FRÉTTIR ÞINGSJÁ | 10
ÞINGSJÁ
GJALLAR-
HORNIÐ
➜ Úr þingsal
Forseti Alþingis brýndi forystumenn
flokkanna til að setjast niður og
bæta þá stjórnmálamenningu sem
hvíldi eins og farg á þinginu.
AF ÞIN
GPÖ
LLU
N
U
M
K
O
LB
EIN
N
Ó
T
TA
R
SSO
N
P
R
O
P
P
É
Fanney Birna
Jónsdóttir
fanney@frettabladid.is
Kolbeinn
Óttarsson Proppé
kolbeinn@frettabladid.is
Þá er þessu maraþonþingi lokið. Loksins, myndu
sumir segja, og þar á meðal margir þingmenn.
Stemningin á göngum Alþingishússins var einkar létt
eftir að Sigmundur Davíð Gunnlaugsson forsætis-
ráðherra hafði lesið upp forsetabréf um þingfrestun
á föstudaginn. „I’m free,“ hrópaði einn þingmaður og
brosandi gekk þingheimur út í sólina sem vermdi velli.
Vonandi ómuðu orð Einars K. Guðfinnssonar,
forseta Alþingis, þó enn í eyrum einhverra þing-
manna. Einar fór yfir þingveturinn og lýsti því meðal
annars sem ólíkt er með Alþingi og þjóðþingum
Norðurlandanna. Þar fer mun meiri vinna fram í
þingnefndum en hér og að sama skapi minni tími í
umræður í þingsal. Ekki er örgrannt um að sú hugsun
leiti á mann að slíkt fyrirkomulag sé betra en það sem
hér er við lýði.
Mikið hefur verið rætt um þá menningu sem ríkir á
Alþingi og í Þingsjá hefur sjónum ósjaldan verið beint
að henni. Það vill þó oft gleymast að aðeins lítill hluti
af starfi þingmanna fer fram í þingsal. Í þingnefndum
eru málin reifuð, sérfræðingar mæta og skoðanaskipti
fara fram.
Einar gerði meira en að fara yfir málin, hann
brýndi þingheim allan til dáða. Hann sagði það
vera sjálfstætt og óumflýjanlegt verkefni að breyta
þeirri stjórnmálamenningu sem hvíldi eins og farg á
þinginu.
„Ég leyfi mér því að varpa fram þeirri hugmynd að
forustumenn flokka, eða fulltrúar þeirra, setjist niður
og fari yfir þennan þátt sérstaklega í því skyni að sam-
mælast um leiðir til að vinna hér bót á.“
Þingsjá kveður að sinni og vonar að þegar þráður-
inn verður aftur tekinn upp í haust hafi stjórnmála-
menn tekið forseta Alþingis á orðinu.
Brýning um bætta stjórnmálamenningu
Einar K.
Guðfinnsson
forseti Alþingis, við
þingfrestun.
„Þingstörfin í vetur og
vor, og nú fram á sumar,
hafa fjarri því gengið fyrir
sig eins og ég hefði kosið.
Ég get ekki hér og nú
leynt vonbrigðum mínum
með það, persónulegum
vonbrigðum, enda hef
ég lagt áherslu á að
starfsáætlun standist og
það ekki að ástæðulausu.
Það var rauður þráður í
máli flestra ræðumanna
í eldhúsdagsumræð-
unum í fyrrakvöld, jafnt
stjórnarliða og stjórnar-
andstæðinga, að endur-
skoða þyrfti vinnubrögðin
hér á Alþingi. Þetta var
einkar eftirtektarvert.
Nú vil ég taka þingmenn
á orðinu. […] Verði
allir alþingismenn og
ráðherrar tilbúnir að
leggja sitt af mörkum til
þeirrar endurskoðunar
hef ég trú á því að góðir
hlutir gerist. En þá dugar
ekki að skyggnast bara
eftir flísinni frægu í auga
náungans. Við þurfum öll,
undanbragðalaust, að líta
okkur nær.“
Helgi Hrafn
Gunnarsson
við þingfrestun.
„Ég vil fyrir hönd
alþingismanna flytja
forseta þakkir fyrir sam-
starfið á líðandi þingi.
Mikið hefur gengið á,
oft í miklum ágreiningi
um fundarstjórn forseta.
Sá ágreiningur hefur
kostað mikinn tíma og
mikla vinnu, ekki síst
forseta sjálfs. Nú höfum
við starfað í um það bil
mánuð án starfsáætlunar
og veit ég að fáum er jafn
illa við þá stöðu og virðu-
legum forseta. Án þess að
benda á nokkurn mann
vitum við að forseti hefur
þurft að sýna fádæma
umburðarlyndi gagn-
vart ýmsu sem hér hefur
gengið á. Kannski er það
ekki þrátt fyrir aðstæður
heldur vegna aðstæðna
sem þakka ber forseta
sérstaklega fyrir sín oft og
tíðum erfiðu störf á þessu
þingi.“
Þingfundir
Þingfundir voru samtals 147 og stóðu alls
í tæpar 838 klst.
Meðallengd þingfunda var 5 klst. og 41
mín.
Lengsti þingfundurinn stóð í 15 klst. og
12 mín. og lengsta umræðan var um
frumvarp til fjárlaga sem stóð í 68 klst.
Þingfundadagar voru alls 126.
Frumvörp og þingsályktanir
Af 207 frumvörpum urðu alls 105 að
lögum, 102 voru óútrædd. Af 115 þings-
ályktunartillögum voru 22 samþykktar en
93 tillögur óútræddar.
Skýrslur
23 skriflegar skýrslur voru lagðar fram,
þar af ein skv. beiðni, en níu beiðnir um
skýrslur höfðu borist er þingi var frestað.
Þrjú álit nefnda um skýrslur bárust.
Fyrirspurnir
Fyrirspurnir á þingskjölum voru samtals
466. Munnlegar fyrirspurnir voru 101 og
var 91 svarað, tvær voru kallaðar aftur og
tvær biðu svars í lok þings en sex voru
felldar niður vegna ráðherraskipta.
365 skriflegar fyrirspurnir voru lagðar
fram og var 319 þeirra svarað og 37 bíða
svars er þingi var frestað en níu voru
felldar niður vegna ráðherraskipta.
Óundirbúnar fyrirspurnir til ráðherra voru
294, þannig að alls svöruðu ráðherrar 704
fyrirspurnum frá þingmönnum ýmist á
þingskjölum eða óundirbúið.
Annað
Sérstakar umræður voru 43 og munnlegar
skýrslur ráðherra voru þrjár.
Fastanefndir þingsins höfðu haldið um
600 fundi þegar þingfundum var frestað.
Ráðherrar svöruðu alls 704 fyrirspurnum á nýafstöðnu þingi, ýmist á þingskjölum eða óundirbúið:
Tölfræðiupplýsingar um nýafstaðið þing
Alls voru samþykkt 90 stjórnar-
frumvörp á nýyfirstöðnu þingi, eða
73 prósent þeirra 120 frumvarpa
sem ríkisstjórnin lagði fram. Það
þýðir að þriðjungur frumvarpa frá
ríkisstjórninni dagar uppi og þarf að
leggja þau fram að nýju í haust eigi
þau að fást samþykkt.
Staðan er enn verri þegar litið er til
allra lagafrumvarpa, það er að segja
bæði stjórnarfrumvarpa og þeirra
sem þingmenn leggja fram. Alls voru
lögð fram 207 lagafrumvörp og 105
þeirra urðu að lögum. Það þýðir að
rétt um helmingur frumvarpa nær í
gegn, hinn helmingurinn dagar uppi.
Á síðustu dögum þingsins runnu
málin í gegn eins og á færibandi. Vik-
urnar þar á undan var hins vegar allt
í lás og engin mál fóru í gegn, utan
lög á verkfall Félags íslenskra hjúkr-
unarfræðinga og BHM.
Svo virðist sem betri líkur séu á
því að þingsályktunartillögur nái í
gegn, að því gefnu að þær komi frá
ríkisstjórninni. Ráðherrar lögðu
fram 19 þingsályktunartillögur
og 16 þeirra voru samþykktar. Af
þeim fjórum þingsályktunartillög-
um stjórnarinnar sem ekki urðu að
lögum eru tvær ættaðar frá utan-
ríkisráðherra: Áætlun um alþjóðlega
þróunarsamvinnu Íslands 2016-2019
(Þróunarsamvinnustofnun) og Þjóð-
aröryggisstefna fyrir Ísland. Að auki
er það tillaga umhverfis- og auðlinda-
ráðherra um Landsskipulagsstefnu
2015-2026 og fjögurra ára samgöngu-
áætlun innanríkisráðherra fyrir árin
2015 til 2018.
Þegar litið er til allra þingsálykt-
unartillagna sem fram eru lagðar er
hlutfallið hins vegar mun verra og
ljóst að það eykur líkurnar umtals-
vert á því að slíkar tillögur séu sam-
þykktar að þær komi frá ráðherra.
Alls voru lagðar fram 115 þingsálykt-
unartillögur en aðeins 22 samþykkt-
ar. Það þýðir að af 96 þingsályktun-
artillögum sem óbreyttir þingmenn
lögðu fram voru aðeins sjö samþykkt-
ar.
Þó erfitt sé að fullyrða hvað séu
stór mál, er óhætt að segja að á meðal
þeirra stærstu sem ekki fóru í gegn
séu frumvörp félags- og húsnæðis-
málaráðherra um húsnæðismál;
Þriðjungur frumvarpa frá
ríkisstjórninni dagar uppi
Af 123 lagafrumvörpum ríkisstjórnarinnar á nýyfirstöðnu þingi voru 90 samþykkt. Á meðal stórra mála sem ekki
kláruðust eru húsnæðisfrumvörp félagsmálaráðherra. Um helmingur allra frumvarpa verður að lögum.
Í ÞINGSAL Ríkisstjórninni tókst að koma 73 prósentum lagafrumvarpa sinna í gegnum nýyfirstaðið þing. Aðeins sjö af 96 þingsályktunar-
tillögum óbreyttra þingmanna eru samþykktar. FRÉTTABLAÐIÐ/VILHELM
húsaleigulög, húsnæðisbætur og hús-
næðissamvinnufélög.
Fjögur lagafrumvörp sem ráð-
herrar lögðu fram voru aldrei tekin
á dagskrá og biðu því enn fyrstu
umræðu þegar þingi var frestað. Þar
af eru þrjú frá innanríkis- og dóms-
málaráðherra: Frumvarp um aðgerð-
ir gegn peningaþvætti og fjármögnun
hryðjuverka, frumvarp um almanna-
varnir og frumvarp um tekjustofna
sveitarfélaga. Þá var frumvarp heil-
brigðisráðherra um staðgöngumæðr-
un í velgjörðarskyni ekki heldur
tekið á dagskrá. kolbeinn@frettabladid.is
➜ Yfirlit yfir afdrif mála
Stjórnarmál
Lagafrumvörp
Samþykkt: 90
Bíða 1. umræðu: 4
Í nefnd: 15
Bíða 2. umræðu: 14
Þingsályktunartillögur
Samþykktar: 15
Bíða fyrri eða einnar umræðu: 1
Í nefnd: 2
Bíða síðari umræðu: 1
Alls
Lagafrumvörp
Samþykkt: 105
Bíða 1. umræðu: 38
Í nefnd: 46
Bíða 2. umræðu: 18
Þingsályktunartillögur
Samþykktar: 22
Bíða fyrri eða einnar umræðu: 43
Í nefnd: 44
Bíða síðari umræðu: 6
0
3
-1
2
-2
0
1
5

2
3
:0
0
F
B
0
5
6
s
_
P
0
5
0
K
.p
1
.p
d
f
F
B
0
5
6
s
_
P
0
4
7
K
.p
1
.p
d
f
F
B
0
5
6
s
_
P
0
0
7
K
.p
1
.p
d
f
F
B
0
5
6
s
_
P
0
1
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
7
5
7
-2
6
B
C
1
7
5
7
-2
5
8
0
1
7
5
7
-2
4
4
4
1
7
5
7
-2
3
0
8
2
8
0
X
4
0
0
7
A

F
B
0
5
6
s
_
8
_
7
_
2
0
1
5
C
M
Y
K