Dagblaðið Vísir - DV - 30.01.2009, Side 17

föstudagur 30. janúar 2009 17Fréttir
„Það er ekki rétt að hann fái greitt
út samningstímann það sem hann
kann að fá í laun núna sem seðla-
bankastjóri. Það sem hann fær greitt
á samningstímanum annars staðar
frá kemur til frádráttar,“ segir Hró-
bjartur Jónatansson hæstaréttarlög-
maður.
DV sagði frá því miðvikudaginn
að það gæti kostað íslenska ríkið allt
að 78 milljónum ef næsta ríkisstjórn
myndi vísa Davíð Oddssyni seðla-
bankastjóra úr starfi. Að frádregn-
um eftirlaunum Davíðs myndi ríkið
þurfa að greiða honum 58,5 milljónir
króna ynni hann skaðabótamál gegn
ríkinu fyrir ólögmæta brottvikningu
úr starfi.
1,6 milljónir á mánuði
Seðlabankastjórar eru skipaðir til sjö
ára. Davíð Oddsson á fjögur ár eftir
af samningstíma sínum. Samkvæmt
starfsmannalögum skapast bótakrafa
ef starfsmönnum er vikið frá gegn
vilja sínum og án þess að hafa brotið
þannig af sér í starfi sínu að uppsögn
sé réttlætanleg. Því gætu Davíð og
hinir seðlabankastjórarnir sótt bæt-
ur eftir ákvæðum starfsmannalag-
anna ef þeir víkja ekki sjálfviljugir úr
embætti. Davíð Oddsson hefur nú,
eftir nýlega lækkun, um 1,6 milljónir
króna í heildarlaun á mánuði.
Hróbjartur segir að þeim sem vik-
ið er úr starfi með ólögmætum hætti,
eins og það heiti, eigi rétt á skaðabót-
um sem nemi tapi launanna sem þeir
verði af. „Hann er væntanlega búinn
að ávinna sér gríðarlegar eftirlauna-
greiðslur fyrir setu sína á Alþingi og
sem ráðherra, þannig að nettó tjón
ríkisins er einungis mismunurinn á
milli bankastjóralaunanna og þeirra
tekna sem hann fengi úr ríkissjóði á
grundvelli eftirlaunaávinnings.
Breytingarnar ná til Davíðs
Á Alþingi voru í desember samþykkt-
ar breytingar á eftirlaunalögum ráð-
herra og þingmanna. Áhöld hafa
verið um það hvort fjórði liður breyt-
inganna nái til Davíðs Oddssonar
en þar segir meðal annars: „Í fjórða
lagi að sérákvæði um eftirlauna-
kjör forsætisráðherra verði felld á
brott þannig að um fyrrverandi for-
sætisráðherra gildi eftirleiðis sömu
reglur og um aðra ráðherra.“ Jón
Magnússon, þingmaður og hæsta-
réttarlögmaður, telur í samtali við DV
að breytingarnar nái ótvírætt til hans.
Þær skerði því eftirlaun Davíðs.
Tugir milljóna í bætur
DV reiknaði í lok nóvember út
hversu mikil eftirlaun Davíð fengi ef
hann léti þá af störfum. Samkvæmt
þeim útreikningum, og miðað við að
breytingarnar á eftirlaunalögunum
eigi við hann, hafði Davíð unnið sér
inn eftirlaunagreiðslur upp á 530.504
krónur á mánuði.
Að sögn Hróbjarts myndu eftir-
laun Davíðs, eða aðrar launagreiðsl-
ur, dragast frá launum hans sem
seðlabankastjóri ef ríkið yrði skaða-
bótaskylt vegna ólögmætrar upp-
sagnar.
Lækkun launa seðlabankastjóra
gilda til næstu áramóta. Aðeins á
þessu ári hefur Davíð haft 1,6 millj-
ónir króna í mánaðarlaun en annars
hefur hann haft 1,8 milljónir. Eins og
áður sagði á hann um fjögur ár eftir
af samningi sínum við Seðlabank-
ann. Fari hann beint á eftirlaun mun
ríkið þurfa að greiða honum skaða-
bætur upp á tæpar 1.100 þúsund
krónur á mánuði fyrsta árið en hin
þrjú árin tæpar 1.300 þúsund krón-
ur á mánuði. Þetta er að því gefnu
að hann myndi vinna skaðabótamál
gegn ríkinu.
Heildarkostnaður ríkisins við að
reka Davíð úr Seðlabankanum yrði
því um 58,5 milljónir króna ef hann
tæki enga aðra vinnu.
Hæstaréttarlögmaðurinn Hróbjartur Jónatansson segir ekki sjálfsagt að Davíð Oddsson fengi greidd full
laun út skipunartíma sinn væri hann rekinn úr Seðlabankanum. Hann segir að eftirlaun Davíðs eða önnur
laun á skipunartímanum dragist frá þeim launum sem hann fengi ef hann ynni skaðabótamál gegn ríkinu.
EFTIRLAUN DRÆGJUST
FRÁ SKAÐABÓTUNUM
„Aðeins á þessu ári hefur Davíð haft 1,6 milljónir
króna í mánaðarlaun en annars hefur hann haft
1,8 milljónir.“
BALDUR GUÐMUNDSSON
blaðamaður skrifar baldur@dv.is
Davíð Oddsson seðlabankastjóri
Ætti rétt á 58,5 milljónum króna ef hann
ynni skaðabótamál á hendur ríkinu fyrir
ólögmæta brottvikningu úr starfi.
DV MyND SiGURÐUR GUNNARSSON
„BYKO stóð á engan hátt fyrir þessu
bjórsmygli. Bjórinn var ekki gefinn
með okkar vitund: BYKO var ekki að
gefa neinum bjór heldur sá sem stóð
að smyglinu,“ segir Sigurður E. Ragn-
arsson, forstjóri BYKO, um áralangt
bjórsmygl á Diebels Alt-bjór í gámum
fyrirtækisins.
Fyrrverandi yfirmaður lagnadeil-
ar fyrirtækisins, Sigurjón Örn Stein-
grímsson, er til rannsóknar hjá lög-
reglu grunaður um að hafa staðið að
smyglinu. Bjórinn var notaður til að
hygla viðskiptavinum lagnadeildar
fyrirtækisins svo að þeir beindu við-
skiptum sínum frekar til BYKO. „Ég
vissi ekki af þessu bjórsmygli fyrr en í
byrjun janúar og þá kærði ég smyglið
til tollstjóraembættisins og Sigurjón
var látinn hætta,“ segir Sigurður.
Rannsókn stendur nú yfir hjá toll-
stjóraembættinu á smyglinu. Réttir
tollar voru ekki greiddir af bjórnum
sem var bókfærður sem kynningar-
efni í tollaskýrslum. Sigurjón hefur
verið yfirheyrður hjá tollstjóraemb-
ættinu og liggur einn undir grun í
málinu, að sögn Egils Stephensen hjá
embættinu.
Sigurður segir að Sigurjón hafi
brotið allar starfsreglur BYKO með
smyglinu og með því að gefa við-
skiptavinum lagnadeildarinnar bjór-
inn. „Hann var bara að misnota
aðstöðu sína,“ segir Sigurður en jafn-
framt leikur grunur á að öðru en bjór
hafi verið smyglað í gámunum.
Aðspurður hvort honum finnist
ekki að bjórsmyglið líti hörmulega út
fyrir BYKO, því bjórinn hafi verið gef-
inn til viðskiptavinanna í nafni þess,
segir Sigurður að fyrst og fremst sé
þetta „skelfileg ógæfa eins manns“.
Aðspurður segir Sigurður að hann
viti ekki hvort bjórinn hafi verið gef-
inn til viðskiptavina lagnadeildarinn-
ar. Sigurjón hefur sagt í samtali við DV
að bjórinn hafi verið gefinn í kassavís
til viðskiptavina lagnadeildarinnar og
að aðeins BYKO hafi greitt á bjórgjöf-
unum.
ingi@dv.is
Forstjóri BYKO segir að fyrirtækið hafi ekki staðið fyrir því að viðskiptavinirnir fengu gefins bjór:
„skelfileg ógæfa eins manns“
ByKO hvergi nærri
forstjóri BYKO segist ekki hafa vit-
að af bjórsmyglinu sem fyrrverandi
yfirmaður lagnadeildar fyrirtækis-
ins, sigurjón örn steingrímsson, er
grunaður um að hafa staðið að
PRÓFKJöR EITRA
STJÓRNMÁLIN