Dagblaðið Vísir - DV - 30.01.2009, Page 56
föstudagur 30. janúar 200956 Lífsstíll
Kaftur engifersins slæm flensa herjar nú á landann
og svo virðist sem annar hver Íslendingur hafi nú nælt sér í
þessa skæðu flensu. fyrirbyggjandi ráð fyrir þá sem ekki lang-
ar að leggjast í rúmið í heila viku er að fara í næstu heilsubúð
sem býður upp á heilsusafa og biðja um engiferskot. Lækn-
ingarmáttur engifersins er mikill og þykir ekki ólíklegt að
hægt sé að koma í veg fyrir heljarinnar flensu með því að taka
eitt skot á dag í nokkra daga. Láttu reyna á það.
umsjón: koLbrún páLÍna heLgadóttir, kolbrun@dv.is
njóttu þess að
slaKa á
Hvíld á klukkustundar fresti
ef þú ert að vinna við mjög krefjandi
verkefni skaltu láta vekjaraklukkuna
hringja á klukkustundar fresti.
hvíldu þig stutta stund og kannaðu
hvort þú sért í raun með hugann við
verkið.
Hafðu hnetur og fræ við
höndina
bæði hnetur og fræ hafa róandi
áhrif á heilastarfsemina. Þau eru
prótínrík og innihalda amínósýrur
sem vekja vellíðunartilfinningu með
myndun serótíníns. hafðu góða
hnetublöndu í skúffunni, til dæmis
möndlur, heslihnetur, sólblóma- og
sesamfræ.
Afslappandi hádegisverður
Veldu léttan og róandi, en í senn
heilaörvandi og orkumikinn
hádegisverð og vertu laus við
miðdegisdrungann.
Síðdegishressing
ferskt ávaxtasalat er streitulosandi,
sérstaklega ef þú notar kantalópu-
eða hunangsmelónu, apríkósur,
banana eða vatnsmelónu, því þessir
ávextir eru allir mjög ríkir af kalíum
sem hefur góð áhrif á blóðþrýsting-
inn.
Dragðu djúpt andann
fólk sem er undir miklu álagi heldur
oft ósjálfrátt niðri í sér andanum.
gerðu hlé á vinnunni í nokkrar
mínútur. Lokaðu augunum og
einbeittu þér að andardrættinum.
Loftið streymir inn um nasirnar og
fyllir lungun svo brjóstkassinn þenst
út, síðan streymir það aftur frá þér.
haltu einbeitingunni og endurtaktu
öndunina nokkrum sinnum, ekki
láta neitt utanaðkomandi trufla þig.
Þetta er auðveld leið til að upplifa
innri ró.
Umbun er nauðsynleg
ef þér finnst lífið snúast um
eintómar kröfur og að umbun sé
sjaldgæfur draumur, skaltu taka
málin í þínar hendur og gera
eitthvað sem gleður þig og lætur
þér líða betur.
Þú gætir til dæmis skroppið í
blómabúð og valið þér fallegan
blómvönd, komið við í uppáhalds-
bakaríinu þínu, skotist til að hitta
vinkonu eða vin á kaffihúsi eða
gefið þér tíma til að lesa kafla í
spennandi bók.
Hugaðu að
Heilsunni
Almennt eru ungar konur í dag heilsuhraustar, sem eru góðar fréttir. Hins vegar eiga
konur það til að tileinka sér ákveðið mynstur í lífinu eða fara illa með sig á einhvern
hátt, til dæmis með óreglulegu mataræði, of miklu álagi í vinnu og fleiru sem getur
valdið vandamálum síðar á lífsleiðinni. Hér kíkjum við á fjögur helstu heilsufars-
vandamál kvenna nú til dags.
StreSS
ungar konur nú til dags þekkja það allar að vera undir miklu álagi. Í fyrsta
lagi vilja flestar konur standa sig á vinnumarkaðnum, í öðru lagi eru kröfur
um menntun sífellt að aukast og eru margar hverjar því bæði í vinnu og
skóla. ekki má svo gleyma fjölskyldunni, barnauppeldinu, heimilishaldinu
og að lokum félagslífinu. Það má því gera ráð fyrir því að allar konur hafi
á einhverjum tímapunkti lífs síns fundist þær vera að kikna undan álagi
og hafi þá látið sjálfar sig og allt sem viðkemur sjálfsrækt sitja á hakanum.
gættu þess að festast ekki of lengi í slíku ástandi.
SlæmAr mAtArvenjUr
konur eiga það til þegar þær eru undir álagi að gleyma því mikilvægasta, mataræðinu. Þær grípa gjarnan til óhollrar fæðu á óreglulegum tímum og til lengri tíma litið fer það ekki vel með líkamann. Leti og/eða tímaleysi spilar að vissu leyti þarna inn í en eins og við vitum er ekki flókið verk að byrja daginn með hollri máltíð og allar konur ættu að huga meira að því að taka með sér hollt nesti til að grípa til yfir daginn.
Þær sem taka hins vegar upp á því að svelta sig bara til að passa í flottu
gallabuxurnar sínar ættu að huga að langtíma afleiðingunum áður en þær fara að misbjóða líkama sínum. mjög algengt er að konur missi tökin og enda sumar hverjar fárveikar þó svo að það hafi aldrei verið ætlunin.
ÓörUggt kynlíf
Það eru sérstaklega ungar konur sem eiga það til að stunda óöruggt
kynlíf eða taka getnaðarvarnarpilluna óreglulega. smokkanotkun er
eitthvað sem allar konur ættu að huga að því óöruggt kynlíf getur ekki
bara valdið því að konur verði þungaðar, heldur er hættan mikil á hinum
ýmsu kynsjúkdómum og í verstu tilfellunum geta þeir valdið varanlegri
ófrjósemi. erlendar rannsóknir hafa sýnt fram á að ein af hverjum fjórum
fjórtán til nítján ára stúlkum hafa smitast af kynsjúkdómi og er óhætt að
segja að það séu allt of háar tölur.
DepUrð
stór hluti kvenna upplifir einhvern tímann á lífsleiðinni depurð eða leiða.
gæta þarf þess þó vel að fylgjast náið með líðan sinni þegar depurðin segir til
sín og hafa vit á að leita sér hjálpar verði hún langvarandi.
Þegar þú ert farin að skrópa í skóla eða vinnu vegna líðanar þinnar, hætta við
að hitta vini, eiga erfitt með að einbeita þér, ert farin að missa alla löngun til
að stunda kynlíf með maka þínum, eða sefur orðið óreglulega er ástæða til að
leita sér hjálpar. farðu vel með þig!