Læknablaðið - 01.09.2015, Blaðsíða 39

LÆKNAblaðið 2015/101 427
l Ö G F R æ ð i 1 5 . P i S T i l l
Læknar eru hvattir til að koma á framfæri við
ritstjórn eða pistlahöfund ábendingum um efni.
Dögg
Pálsdóttir
lögfræðingur
Læknafélags Íslands
Dogg@lis.is
Reglugerð nr. 467/2015
Áður hefur á þessum vettvangi verið
fjallað um lög um heilbrigðisstarfsmenn
nr. 34/2012, sem gengu í gildi 1. janúar
2013.
Lög um heilbrigðisstarfsmenn eru
heildarlöggjöf um alla heilbrigðisstarfs-
menn. Við gildistöku laganna féllu niður
öll lög og allar reglugerðir sem áður höfðu
gilt um einstakar heilbrigðisstéttir. Í þeirra
stað voru settar reglugerðir fyrir hverja og
eina þeirra 33 heilbrigðisstétta sem teljast
til löggiltra heilbrigðisstétta skv. upp-
talningu í 3. gr. laganna.
Um lækna var sett reglugerð um
menntun, réttindi og skyldur lækna og
skilyrði til að hljóta almennt lækningaleyfi
og sérfræðileyfi nr. 1222/2012, sem tók
gildi 1. janúar 2013 og hefur hún gilt síðan.
Sú reglugerð byggði á eldri reglugerð frá
1997 um veitingu almenns lækningaleyfis
og sérfræðileyfa nr. 305/1997 með síðari
breytingum.
Á þessum tíma hafði um nokkurt
skeið staðið yfir heildarendurskoðun á
reglum um almennt lækningaleyfi og sér-
fræðileyfi. Endurskoðuninni var ekki lokið
þegar reglugerð nr. 1222/2012 var sett. Í
ársbyrjun 2013 setti velferðarráðherra því
á laggirnar vinnuhóp sem falið var að
endurskoða gildandi ákvæði um almennt
lækningaleyfi og sérfræðileyfi. Vinnunni
átti að ljúka á árinu 2013 en hún dróst af
ýmsum ástæðum.
Þessari vinnu hefur nú lokið með
setningu nýrrar reglugerðar um menntun,
réttindi og skyldur lækna og skilyrði til
að hljóta almennt lækningaleyfi og sér-
fræðileyfi nr. 467/2015. Með reglugerðinni
eru settar fram skýrari kröfur sem þarf að
uppfylla til að hljóta almennt lækninga-
leyfi og sérfræðileyfi.
Varðandi almenna lækningaleyfið gerir
reglugerðin ráð fyrir því að starfsnám
kandídatsársins skuli byggjast á sérstök-
um marklýsingum þar sem nákvæmlega
er kveðið á um uppbyggingu, innihald og
ýmsa aðra þætti námsins.
Heilbrigðisráðherra hefur hinn 13. júlí
sl. skipað 6 manna nefnd til fjögurra ára,
sem falið er það verkefni að skipuleggja
námsblokkir, fjölda þeirra og ráðningar-
feril fyrir læknakandídata í starfsnámi, í
samstarfi við þær heilbrigðisstofnanir, sem
viðurkenndar eru til slíks náms. Í nefnd-
inni eru 6 læknar, tveir tilnefndir af Land-
spítala, einn af Sjúkrahúsinu á Akureyri,
einn af heilbrigðisstofnunum utan höfuð-
borgarsvæðisins, einn af Heilsugæslu
höfuðborgarsvæðisins og einn af Félagi
almennra lækna. Samkvæmt ákvæði til
bráðabirgða með reglugerðinni taka þessar
reglur um námsblokkir þó ekki til þeirra
læknakandidata, sem hófu starfsnám til
almenns lækningaleyfis vorið 2015. Um
starfsnám þeirra fer samkvæmt ákvæðum
eldri reglugerðar nr. 1222/2012.
Varðandi sérfræðilæknisleyfi gerir
nýja reglugerðin ráð fyrir því að heildar-
námstími í sérfræðinámi skuli að jafnaði
vera að lágmarki fimm ár (60 mánuðir) í
aðalgrein og tvö ár í undirgrein. Það er
lenging um 6 mánuði hvað sérfræðinámið
varðar því það var að jafnaði 4 ½ ár í aðal-
grein samkvæmt eldri reglugerð.
Samkvæmt ákvæði til bráðabirgða með
nýju reglugerðinni er lækni, sem fengið
hefur almennt lækningaleyfi og sem hefur
byrjað skipulagt sérnám fyrir gildis-
töku reglugerðar nr. 467/2015 heimilt að
sækja um sérfræðileyfi á grundvelli eldri
reglugerðar innan fimm ára frá gildis-
töku hennar. Reglugerð nr. 467/2015 öðlast
skv. 20. gr. hennar þegar gildi. Það þýðir
samkvæmt fyrirmælum 2. mgr. 8. gr. laga
nr. 15/2005 um Stjórnartíðindi og Lögbirt-
ingablað að hún hafi öðlast gildi og orðið
bindandi fyrir alla frá og með deginum
eftir útgáfudaginn, eða hinn 22. maí 2015.
Þeir sem þegar hafa byrjað sérfræðinám
skv. eldri reglugerð fyrir 22. maí 2015 hafa
því tíma fram til 22. maí 2020 til að ljúka
því sérfræðinámi á grundvelli ákvæða
eldri reglugerðarinnar, ef þeir svo kjósa.
Í 8. gr. reglugerðar nr. 467/2015 er nánar
fjallað um sérnám í læknisfræði. Þar kem-
ur fram að það skuli uppfylla hvað varðar
innihald og námstíma kröfur um sérnám
sem gerðar eru í því ríki þar sem sérnámið
er stundað.
Sérnám sem unnt er að stunda hér á
landi skal fara fram á heilbrigðisstofnun
eða deild á heilbrigðisstofnun sem hlotið
hefur viðurkenningu til slíks sérnáms af
sérstakri mats- og hæfisnefnd og vera í
samræmi við sérstaka marklýsingu sem
setja skal fyrir sérgreinina. Í marklýsingu
skal meðal annars kveðið á um inntöku í
sérnám, innihald, fyrirkomulag og lengd
sérnámsins og einstakra námshluta, gæða-
kröfur, handleiðslu og hæfismat. Mats- og
hæfisnefndin var skipuð 17. ágúst sl. til
fjögurra ára. Nefndin er þriggja manna
og í henni eiga sæti fulltrúar tilnefndir af
læknadeild Háskóla Íslands, embætti land-
læknis og Læknafélagi Íslands.
Læknar eru hvattir til að kynna sér
ákvæði hinnar nýju reglugerðar sem er að-
gengileg á þessari vefslóð: stjornartidindi.
is/Advert.aspx?ID=a3328029-d1d1-4f92-
a079-51b925dc4735.
&
Victoza (líraglútíð)
leiðir til allt að:1
1,5%
lækkunar á HbA1c
frá 8,4 % HbA1c til 6,9 % HbA1c
3,7 kg
þyngdartaps
Magi
Victoza seinkar
magatæmingu og
veitir því aukna
mettunartilnningu. 2,3
Briskirtill
Victoza virkjar
betafrumurnar sem
losa insúlín þegar
blóðsykur er hár. 2,3
Lifur
Victoza hamlar
seytingu glúkagons
og dregur úr útskilnaði
glúkósa frá lifur. 2,3
Matarlyst
Victoza dregur úr
matarlyst, sem leiðir til
minnkaðrar fæðuneyslu. 2
líraglútíð
Sykursýki tegund 2
IS
/L
R/
04
14
/0
17
9