Dagblaðið Vísir - DV - 17.04.2009, Blaðsíða 30

Mikil spenna var á miðvikudaginn
fyrir úrskurði áfrýjunarréttar Alþjóða
akstursíþróttasambandsins varðandi
loftdreifara aftan á bílum Brawn,
Toyota og Williams. Fjögur önnur lið
höfðu kært þremenningana og von-
uðust auðvitað til að dreifarinn yrði
dæmdur ólöglegur og stigin tekin af
liðunum. Svo fór ekki. Dreifarinn var
dæmdur löglegur og er nú loks kom-
inn botn í þetta mál. Ökumenn og
liðin halda stigum sínum og leiðir því
Jenson Button keppni ökumanna og
Brawn GP keppni bílasmiða.
Ætli önnur lið að geta keppt við
þessi þrjú, þá sérstaklega Brawn að
því er virðist, verða þau nú að hefj-
ast handa við að breyta bílum sín-
um. Umtalsverðar breytingar þarf að
gera þar sem ekki er einungis hægt
að henda bara loftdreifara aftan á
alla bíla. Sérstakar festingar þurfa
að tengjast bílnum og verður því að
hanna undirvagn bílsins meira og
minna upp á nýtt.
Nútímaleg braut
Þetta er í sjötta skiptið sem keppt
hefur verið á brautinni í Sjanghæ.
Lewis Hamilton sigraði þar í fyrra en
þrír ökumenn Ferrari, Kimi Raikk-
onen, Michael Schumacher og Rub-
ens Barrichello, eiga sigur á braut-
inni ásamt Spánverjanum Fernando
Alonso. Brautin hefur verið mun aft-
ar í keppnisröðinni en það var ein-
mitt í Sjanghæ sem Lewis Hamilton
tapaði niður titlinum eftirminnilega
á sínu fyrsta ári.
Brautin í Sjanghæ er nútímaleg
með mikið af öryggissvæðum sem
eru malbikuð. Hún er nokkuð erf-
ið, sérstaklega fyrstu beygjurnar en
þrjár af fyrstu fjórum eru háhraða-
beygjur. Þá er sú þriðja blindbeygja
þar sem ökumenn verða að taka mið
af stöng á áhorfendasvæðinu til að
velja útgangspunkt fyrir beygjuna.
Þessi beygjukafli er afar mikilvæg-
ur ætli menn sér að ná almennileg-
um brautartíma en mikið reynir á
bremsukerfi bílsins á brautinni.
Eltingarleikur við
„Dreifaragengið“
Flavio Briatore, framkvæmdastjóri
Renault-liðsins, kallar liðin þrjú sem
voru fyrir rétti „Dreifaragengið“ og
hefur sagt þá vera með forskot á alla
aðra keppendur. Mikið er til í orðum
Ítalans skemmtilega en nú verða önn-
ur lið að fara að breyta bílum sínum
á meðan Brawn, Williams og Toyota
geta sankað að sér stigum. „Ákvörð-
un réttarins gerir það að verkum, að
sjö lið verða að fara í miklar fjárfest-
ingar til að framkvæma nauðsynlegar
breytingar á sínum eigin bílum,“ seg-
ir liðsstjóri BMW, Mario Theissen,
og bætir við að BMW þurfi nú eins
og allir aðrir að fara að breyta sínum
bíl. „Við tökum samt niðurstöðu rétt-
arins. Hún þýðir að nú hafa reglurn-
ar verið skýrðar. Úr þessu munu þær
ekki leiða til lækkunar vængpressu
og beygjuhraða eins og takmarkið
var með gerð þeirra,“ segir Theissen
sem segir jafnframt að framúrakstur
verði sjaldgæfari vegna loftdreifar-
anna.
Ferrari langt frá toppnum
Eitt allra sterkasta liða síðasta ára-
tugar, Ferrari, er nú langt frá toppn-
um sem það hefur verið á eða nærri
svo lengi. Báðir ökumennirnir, Felipe
Massa og Kimi Raikkonen, eru stiga-
lausir og því augljóslega liðið líka.
Ferrari-liðið neyðist nú til þess að
breyta sínum bíl vegna úrskurðarins
um loftdreifarann. Öðruvísi geti lið-
ið ekki staðið jafnfætis öðrum liðum
í Formúlunni á þessu ári.
„Nú bíðum við eftir rökstuðningi
áfrýjunarréttarins fyrir því að hafna
áfrýjuninni. Því miður erum við til-
neyddir til að breyta grundvallarat-
riðum í hönnun bílsins til þess að
geta keppt jafnfætis öðrum liðum.
Það mun taka okkur tíma og kosta
mikla peninga. Við munum gera allt
til þess að koma okkur aftur í topp-
slaginn,“ segir Stefano Domenicali,
liðsstjóri Ferrari.
föstudagur 17. apríl 200930 Sport
Úrslitakeppnin á fullt Úrslitakeppnin í handboltanum er komin á fullt. Á fimmtu-
daginn voru fyrstu leikirnir þegar undanúrslitin í N1-deild fóru af stað. Á föstudaginn eru svo
leikirnir um umspil um sæti í efstu deild. selfoss og afturelding mætast þar og sigurvegari þeirrar
viðureignar mætir annaðhvort stjörnunni eða ír um síðasta lausa sætið í N1-deild karla. Konurn-
ar hefja leik á laugardaginn en þar mætast Haukar og fram annars vegar og Valur og stjarnan
hins vegar. leikir tvö í N1-deild karla fara ekki fram fyrr en á mánudaginn en á undan því mætast
umspilsliðin aftur á sunnudaginn. Konurnar leika síðan ekki aftur fyrr en á þriðjudagskvöldið. Eitt
er víst, það er nóg af handbolta að sjá næstu vikurnar. Ekki verða neinir undanúrslitaleikir sýndir í
sjónvarpinu vegna kosninga og því tilvalið að drífa sig á völlinn og sjá síðustu leiki ársins.
umsjóN: tómas þór þórðarsoN, tomas@dv.is
© GRAPHIC NEWSHeimild: FIA
3. keppni : 19. apríl
Shanghai-brautin í Kína
5.451km
6 252 2 767 311
3 108
6 295
5 2206 270
4 152
Gír TímatökusvæðiBeygja Snúin svæði
4 187
4 185
2 85
6 250
4 159
7 317
1 km/h
1
2
3
5
67
8
9
10 11
12
13
14
15 16
3
1
2
56 hringir – 305,066km Hringurinn: Heildarlengd:
4
4 196
2 85
Þriðja Formúlumót ársins fer fram í Sjanghæ í Kína um helgina. Eftir úrskurð áfrýjunarréttar er ljóst að
loftdreifarar Brawn GP, Toyota og Williams eru löglegir og geta því önnur lið nú lítið annað gert en hafist
handa við að breyta bílum sínum. Það gerist ekki á einni nóttu og má búast við að Brawn haldi áfram stiga-
söfnun sinni en nýliðarnir leiða keppni ökumanna og bílasmiða.
Dreifararnir
löglegir
Sáttur með úrskurðinn
ross Brawn, eigandi Brawn gp,
sáttur með löglegan loftdreif-
ara og stefnir á þriðja sigurinn
í jafnmörgum mótum.
TÓMAS ÞÓR ÞÓRÐARSON
blaðamaður skrifar: tomas@dv.is
Ekki komnir á pall Hamilton og
massa eru ekki kóngarnir þessa
stundina. samtals hafa þeir eitt
stig úr fyrstu tveimur mótunum.