Dagblaðið Vísir - DV - 12.06.2009, Blaðsíða 22

Kerfisvillingarnir
Svarthöfði er einföld sál og bjartsýnn eftir því. Þess vegna batt hann til að byrja með von-ir við að upp úr rústum efna-
hagshrunsins myndi rísa nýtt, betra
og heilbrigðara samfélag. Íslenska
kunningja- og vinaspillingin sem hef-
ur gegnsýrt allt kerfið komst í þrot og
því komnar fínar forsendur til þess að
hverfa aftur á byrjunarreit. Svarthöfði
vanmat samt auðvitað styrk kerfisins
sem er ódrepandi. Spillingarkerfið
hrundi aldrei. Það hökti aðeins um
stund en eftir að Búsáhaldabylting-
in fjaraði út og æstur múgurinn fékk
helstu kröfum sínum framgengt náðu
kerfismaurarnir vopnum sínum og
hafa nú sem fyrr tögl og hagldir.
Kosningarnar breyttu engu þar um enda leiða skilget-in afkvæmi kerfisins nýja ríkisstjórn og þráast við að
stokka spilin, gefa upp á nýtt og skilja
þá út undan sem hafa safnað spiki við
kjötkatlana í gegnum áratugina. Líf
allra Íslendinga hefur breyst til hins
verra en kerfið er við hestaheilsu og
dafnar í skjóli máttlausra yfirvalda,
áhugaleysis á því að rannsaka málin af
alvöru og draga seka til ábyrgðar.
Eina ljósglætan í svartnættinu nú er Eva Joly, þessi öfluga og beinskeytta kona, sem bauðst til þess að kenna kerfiskúg-
uðum molbúum að rannsaka íslenska
stórglæpi og fokdýr afglöp á heims-
mælikvarða. Eva minnir Svarthöfða
um margt á Tinu Turner. Ekki beinlín-
is í útliti en rétt eins og Tina er amma
rokksins er Eva amma allra efnahags-
brotarannsókna og því var alveg eitur-
snjallt hjá Agli Helgasyni að lokka Evu,
við annan mann, til landsins.
Það er að segja þetta hefði verið snilldarbragð ef kerf-ið hefði ekki verið búið að ákveða fyrirfram að beita
öllum sínum klækjum og áhrifum
til þess að leggja björg í götu Evu og
bregða fyrir hana fæti. Nú er allt reynt
til þess að gera þessa snjöllu konu tor-
tryggilega og þar fara vitaskuld fremst-
ir í flokki lögfræðingar. Eðlilega þar
sem lögfræðingagerið vann allt meira
og minna fyrir útrásina, veit upp á sig
skömmina og vill allt til þess vinna
að ófrægja Joly og losna við hana úr
landi.
Þessir illverkasnatar kerfisins seilast meira að segja svo langt að nú bera þeir út sögur um að Eva sé meira fyrir að
gutla í koníaki en þefa uppi rafræn
fingraför á stórkostlegum verðmæta-
flutningum úr landi. Þetta er óttalega
sveitalegur rógburður og dæmigert
fyrir íslenska plebba að reyna að gera
veraldarvana parísardömu tortryggi-
lega með svona slúðri. Allir heims-
borgarar sjá að auðvitað kann Joly að
meta fínar veigar en það gerir hana
ekki verri. Hún hefur bara meiri stíl en
afkomendur sauðaþjófa sem hrjóta
í fínustu óperuhúsum heims og fá
meltingartruflanir af gulláti.
Sem betur fer virðast launráð lögfræðinganna ekki ætla að bíta á Evu og Svarthöfði lifir enn í voninni um að hér megi
rísa nýtt og heilbrigðara samfélag án
þess að blása þurfi til byltingar sem
mun kosta mannslíf. Til þess að forða
okkur frá þessu þarf bara að einangra
alla sveittu kerfispungana, taka þá úr
umferð og gelda og leyfa Evu að ganga
lausri í því sem þá getur síðar orðið
Paradís.
Föstudagur 12. júní 200922 Umræða
Sandkorn
n Evrópumálin eru nokkuð
áberandi í tveimur stórum
greinum í nýjasta hefti Þjóð-
mála, þar sem þeir Björn
Bjarnason og Styrmir Gunn-
arsson halda um penna. Björn
skrifar um
„ESB-króga
Samfylk-
ingarinnar
og vinstri-
grænna“ og
spáir bæði
Steingrími
J. Sigfússyni
og flokki
hans miklum hrakförum fyrir
svik í ESB-málum með því að
hafa mælt gegn aðildarum-
sókn fyrir kosningabaráttu
en samþykkt að leggja fram
þingmál í þá veru eftir kosn-
ingar. Þá syrgir hann líka að
„óþolinmóðir aðildarsinnar“ í
Sjálfstæðisflokknum hafi ekki
fylgt landsfundarsamþykkt um
Evrópumál heldur hafið und-
irskriftasöfnunina Sammála
fyrir aðildarumsókn.
n Styrmir Gunnarsson er á
svipuðum slóðum í hluta
greinar sinnar um vinstri-
stjórn í tilvistarkreppu og er
harðorður í garð elítunnar í
Samfylkingunni sem hann
segir líta á sig „sem hina
menntuðu
yfirstétt á
Íslandi“ en
þori ekki að
leggja það
í dóm kjós-
enda hvort
sækja eigi
um aðild
að Evrópu-
sambandinu eða ekki. Annars
fer hann yfir stöðuna á þingi
og óvissuna um að aðildar-
umsókn nái fram að ganga
á Alþingi. Hann segir að þó
þingmenn Borgarahreyfing-
ar styðji málið séu margir
vinstri-grænir þingmenn and-
vígir því. Þá er óvíst að fram-
sóknarmenn segi já og ekki
miklar líkur á að þingmenn
Sjálfstæðisflokksins myndu
greiða tillögunni atkvæði sitt
og varar þá við; „Þeir hinir
sömu mundu fá slæma útreið
í næsta prófkjöri á vegum
flokksins.“
n Nú leita menn leiða til að
skera niður ríkisútgjöld.
Einn þeirra sem hafa lagt sig
niður við þessa vinnu til að
ráðleggja Steingrími J. Sig-
fússyni fjármálaráðherra er
lausamennskublaðamaður-
inn og bloggarinn Friðrik Þór
Guðmundsson. Þannig telur
hann sig nú hafa fundið leið
til að skera niður um átta til
níu milljarða króna og það án
þess að hreyfa við heilbrigð-
is-, félags- og menntamál-
um. Þannig vill hann með-
al annars skera niður tæpa
tvo milljarða í beingreiðslum
til bænda, 125 milljónir til
stjórnmálaflokka og hálfan
milljarð til Biskupsstofu og
Þjóðkirkjunnar. Þá vill hann
þurrka upp skúffufé ráðherr-
anna og fresta framkvæmd-
um á Alþingisreitnum og
spara þannig 250 milljónir
króna á næsta ári.
LyngháLs 5, 110 reykjavík
Útgáfufélag: útgáfufélagið Birtíngur ehf.
Stjórnarformaður: hreinn Loftsson
framkvæmdaStjóri: elín ragnarsdóttir
ritStjórar:
jón trausti reynisson, jontrausti@dv.is
og reynir traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
ásmundur helgason, asi@birtingur.is
dv á netinu: dv.is
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 70 50.
umbrot: dv. Prentvinnsla: Landsprent. dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
öll viðtöl blaðsins eru hljóðrituð.
„Nú, ha? Ég vissi ekki að
hún stjórnaði bankarann-
sókninni.“
n Valtýr Sigurðsson ríkissaksóknari um þau um-
mæli Evu Joly að Valtýr eigi að hætta vegna
fjölskyldutengsla. – DV.is
„Við tökum einn leik fyrir í
einu því við megum ekki
gleyma að enginn spilar
betur en andstæðingur-
inn leyfir. Þá setjum við
það markmið að vera ekki
klisjukenndir í viðtölum.“
n Þórður Einarsson, þjálfari 3. deildar liðs KB. –
Fótbolti.net
„Tjaldborg heimilanna er
komin til að vera.“
Þorvaldur Þorvaldsson, smiður og mótmælandi.
– mbl.is
„Maður fær bara
það sem maður
á skilið.“
n Ólafur Jóhannesson,
landsliðsþjálfari í knattspyrnu,
ósáttur við gengi liðsins. – Fréttablaðið
„Það er ekki forgangsat-
riði í þessari ríkisstjórn að
skerða réttindi öryrkja og
ellilífeyrisþega.“
n Árni Páll Árnason félagsmálaráðherra um
niðurskurð í ráðuneytum. – visir.is
Vistarbandið endurvakið
Leiðari
Fyrir 1.100 árum hófst flótti fólks frá Noregi til Íslands, meðal annars vegna ofríkis þarlendrar valdaklíku og skertra tækifæra fólksins á því að
framfleyta sér vegna kerfisbundinnar ráð-
stöfunar eigna í hendur fárra. Nú er hafinn
brottflutningur Íslendinga aftur til Noregs,
en margir hafa þó verið sviptir frelsinu til að
fara.
Fyrstu þrjá mánuði ársins fluttu 216 fleiri
Íslendingar til Noregs en öfugt. Þetta kann að
virðast lítið, en þrátt það fyrir hversu langan
tíma það tekur flesta að flytja úr landi hvarf
ígildi eins sjávarþorps til Noregs á þremur til
sex mánuðum eftir efnahagshrunið. Land-
flóttinn er líklega rétt að byrja.
Hið sérstæða við Ísland nútímans er að
yfir 20% húsnæðiseigenda eru föst í skulda-
fangelsi í húsnæði sem þeir geta ekki selt.
Aðstæðurnar minna helst á skert búsetu-
frelsi vinnufólks á nítjándu öld, þegar Íslend-
ingar slógu líklega heimsmet með 25% þjóð-
arinnar í vistarbandi. Áætlað er að árið 2011
verði 40% Íslendinga í þeirri stöðu að skulda
meira í húsnæði sínu en fæst fyrir eignina.
Fæst þessa fólks getur flutt sig um set.
Þótt vistarbandinu hafi verið aflétt og síð-
ar hafi verið sett ákvæði í stjórnarskrána um
að allir skuli „ráða búsetu sinni“, hefur hið
flókna kerfi lánardrottna í reynd endurvakið
það í annarri mynd. Fjárhagslegar þvinganir
geta og hafa svipt hluta almennings frelsinu.
Margir eru nú neyddir út í hægfara og nánast
óumflýjanlegan fjárhagslegan dauða. Bank-
arnir og þeirra ógegnsæja tilfærsla eigna
hafa smám saman orðið mesta ógnin við
frelsi og réttindi Íslendinga. Vextir þeirra eru
sem skattur á almenning og verðtrygging
þeirra er rán með aðferðum tölfræðinnar. En
hækkandi húsnæðislán þeirra, án útgöngu-
leiðar, sem éta smám saman upp mánaðar-
legar tekjur fólks, líkjast fremur þrældómi en
frjálsum og jafnræðislegum viðskiptum.
Það er líklegt að á næstu árum muni
margir reyna að brjótast undan bönkunum
með gjaldþroti, en með ábyrgðarmanna-
kerfinu tókst bönkunum að koma því þannig
við að fólk ætti enga leið út nema með því að
fella ættingja sína og vini.
Margt fólk hefur enga leið út. Bankarnir
mega elta fólk út fyrir landsteinana fyrir það
eitt að hafa fjárfest í heimili í fasteignabólu
sem bankarnir framkölluðu sjálfir og sem
sprakk vegna þeirra eigin mistaka. Fólk ætti
að hafa réttinn til að skila húsnæði sínu til
bankans án frekari eftirmála og hafna rang-
lætisþjóðfélaginu. Það er lágmarkskrafa að
mega fara, eins og Norðmennirnir á níundu
öld.
Jón TrausTi reynisson riTsTJóri sKrifar. Það er lágmarkskrafa að mega fara
bókStafLega
Að borga brúsann
Nýir tímar eru gengnir í garð, því nú
hefur það gerst að þingmaður á hinu
háa Alþingi fylgdi eigin sannfæringu.
Guðfríður Lilja Grétarsdóttir sagðist
ekki geta samþykkt það að fela rík-
isstjórninni samningsumboð vegna
Icesave. Guðfríður segist vilja sjá allar
forsendur og segist vilja skoða öll gögn
áður en hún geti stutt stjórnina til áð-
urnefndra verksins.
Það er nýlunda að fólk gangi þvert
á fyrirmæli leiðtoga í íslenskri pólitík.
Með því að vilja skoða málin og
með því að stökkva ekki á fyrstu til-
lögur til lausnar hefur Guðfríður sýnt
dirfsku og kænsku. Hún hefur í hyggju
að finna besta leikinn áður en leikið er.
Hún ætlar ekki að fórna liði í von um
að hugsanlega megi bæta stöðuna.
Svo gerðist það nýlega að Ög-
mundur Jónasson sagði að auðvitað
ættum við að sækja það fé sem út-
rásarvíkingarnir tóku. Ýmsir vildu
þá meina að lagaheimildir skorti.
En núna virðist þó ætla að fara að
rofa til. Að vísu er mér sagt að fálið-
að rannsóknarteymi anni því vart að
leiða grunaða menn til yfirheyrslu,
þótt ekki gusti neitt sérstaklega af
hinum sérstaka saksóknara.
(Ef mannafl skortir við rannsókn
glæpamála útrásarinnar vil ég geta
þess hér og nú að ég get reddað alla-
vega 100 sjálfboðaliðum til verka. Ég
býð yfirvöldum að hafa samband og
ég skal útvega atvinnulaust fólk sem
vill vinna kauplaust við að uppræta
glæpi helmingaskiptamafíunnar.)
Og svo höfum við opinbert
starfsfólk sem gónir til himna,
tálgar sverð og borar í nefið.
Starfsmenn ríkisvaldsins geta
allavega unnið margt gáfulegra en
það að handjárna Tómas R. Ein-
arsson fyrir það eitt að kíkja við á
Fríkirkjuvegi 11, skoða hýbýli og
húsakost. Núna verðum við nefni-
lega að hætta að vernda þá sem
sitja á þjófagóssinu. Við verðum
að breyta lögum, bæta siði og búa
til samfélag sem við viljum til-
heyra. Ef við ætlum að greiða þær
skuldir sem þjófarnir stofnuðu til
verður hart að mæta hörðu.
Enn einn kjáninn og mislukkað-
asti formaður Framsóknar þurfa að
svara til saka og kannski væri réttast
að draga til ábyrgðar það fólk sem
kaus yfir okkur Sjálfstæðisflokk og
Framsókn síðustu átján árin. En svo
getum við auðvitað ákveðið að sam-
einast um að vera saklaus – vera
stikkfrí einsog Gunnar I. Birgisson,
Finnur Ingólfsson, Davíð Oddsson,
Halldór Ásgrímsson og aðrir góð-
kunningjar okkar. Við getum leyft
lýðnum að borga brúsann.
Á Fríkirkjuveginum hitti ég konunginn Krist,
kátur hann sagði við börnin svo hungruð
og þyrst:
– Ef allt þetta fólk fær í hásölum græðginnar gist
þá getum við húsnæðislánin að eilífu fryst.
kristján hreinsson
skáld skrifar
„En svo getum við
auðvitað ákveðið
að sameinast um að
vera saklaus...“
SkáLdið Skrifar
Svarthöfði