Dagblaðið Vísir - DV - 26.06.2009, Page 4

föstudagur 26. júní 20094 Fréttir
Sandkorn
n Á vef tímaritsins Herðu-
breiðar eru birt sprenghlægi-
leg tölvupóstsamskipti á
milli Hannesar Hólmsteins
Gissurarsonar og tveggja að-
standenda tímaritsins, þeirra
Karls Th.
Birgis-
sonar og
Guðmund-
ar Andra
Thorsson-
ar. Upp-
haf sam-
skiptanna
er að
Hannes vildi að Karl styddi
þá staðhæfingu sína með
gögnum að prófessorinn
hefði á sínum tíma sérhæft
sig í því að ræða það op-
inberlega að Baugur hefði
haldið Samfylkingunni uppi
fjárhagslega. Guðmundur
Andri biðst hins vegar forláts
og vill fá vinnufrið og Karl
nennir ekki að eltast við óskir
prófessorsins og hæðir hann
í bak og fyrir, meðal annars
með því að hrósa prófessorn-
um fyrir „fallegar gæsalapp-
ir“ í einu bréfinu. Hannes
hlaut sem kunnugt er dóm
fyrir ritstuld í bók sem hann
skrifaði um Halldór Laxness.
Það er því nokkuð kómískt
í því samhengi að Hannes
skuli átelja Karl fyrir bág-
borna heimildanotkun.
n Athygli vakti í vikunni að
Bjarni Ármannsson gaf það
út að hann ætlaði sér að
flytja heim í
sumar eftir
eins árs bú-
setu í Nor-
egi. Bjarni
var nefni-
lega svo
heppinn
að hann
flutti burt
frá Íslandi í ágúst árið 2008,
rúmum mánuði fyrir efna-
hagshrunið og hina eldheitu
umræðu í samfélaginu um
ábyrgð útrásarvíkinganna
á stöðunni. Bjarni er senni-
lega sá útrásarvíkingur sem
sloppið hefur hvað best frá
hruninu efnahagslega því
hann hætti hjá Glitni á vor-
mánuðum 2007 og græddi
formúu á kaupréttarsamn-
ingum sínum við bankann
þegar verðið á hlutabréfun-
um var í hæstu hæðum. Nú
er bara að vona að ástæðan
fyrir heimkomu Bjarna sé að
hann hafi séð fram á væntan-
lega betri tíð og blóm í haga
fyrir íslenskt efnahagslíf:
Að heimkoma Bjarna hljóti
að boða efnahagsvor fyrir
bágstadda íslenska þjóð því
hann er sannarlega glögg-
skyggn maður eins og dæmin
sanna.
Átta menn eru í símaskrá skráðir með starfsheitið útrásarvíkingur. Fæstir þeirra vilja
þó kannast við að vera útrásarvíkingar í raun. Víkingar símaskrárinnar breyttu allir
skráningu sinni eftir bankahrunið. Álit þeirra á útrásarvíkingunum sjálfum er æði
misjafnt en allir segjast þeir hafa uppskorið hlátur kunningja vegna uppátækisins.
„ÉG ER ALGJÖR
ÚTRÁSARVÍKINGUR“
„Ég hef ekki orðið var við að
fólk sé að fletta upp útrásar-
víkingum og skamma mig.“
„Ég hef engar morðhótanir feng-
ið ennþá. Það er enginn að hringja
og rukka mig um pening. En maður
verður nú samt að borga skuldirn-
ar þeirra,“ segir Sveinn Jóhannesson
Kjarval sem skráður er í símaskrá
sem útrásarvíkingur. Hann kannast
þó ekki við að vera einn slíkur. „Ekki
ennþá. En hver veit? Það virðast vera
lausar stöður í bransanum,“ segir
hann.
Skráningin í símaskrána var létt
grín hjá Sveini, líkt og hinum sjö sem
þar eru skráðir sem útrásarvíking-
ar. Honum fannst líka áskorun að
fá þennan starfstitil samþykktan í
símaskránni. „Ég vildi sjá hvort þeir
myndu leyfa mér þetta. Ég þurfti að-
eins að þrasa. Síðan leyfði ég þeim að
velja á milli þessa og annarra óhefð-
bundinna starfsheita og þau völdu
þetta,“ segir hann.
Sveinn segist dagsdaglega starfa
sem „tölvugaur“ en hann er 32 ára
gamall.
Gaurar sem misstu
sig í góðærinu
Snorri Sveinsson er að ljúka námi
á náttúrufræðibraut í Borgarholts-
skóla og stefnir á jarðeðlisfræði við
Háskóla Íslands. Hann segir móður
sína ekki hafa verið sérlega ánægða
þegar hún komst að því að sonurinn
var nefndur útrásarvíkingur í síma-
skránni. „Mamma var í smá sjokki
þegar hún komst að þessu. En ég hef
svo sem gert flippaðri hluti. Þetta var
bara eitt af uppátækjunum mínum,“
segir þessi tvítugi námsmaður.
Hugmyndina fékk hann dag einn
þegar hann var að láta sér leiðast yfir
skólabókunum. Álit hans á hinum
eiginlegu útrásarvíkingum er ekki
sérlega mikið en hann hefur þó ekk-
ert á móti þeim persónulega. „Eru
þetta ekki bara gaurar sem misstu sig
í góðærinu?“ spyr hann.
Misslæmir víkingar
Gestur Gunnarsson er heldur ekki
á því að útrásarvikingarnir séu al-
slæmir eins og margir vilja halda
fram. „Ég held að þeir séu misslæm-
ir,“ segir hann en fæst þó ekki til að
nefna nein nöfn.
Gestur tók upp starfsheitið út-
rásarvíkingur í símaskránni
í ársbyrjun þegar Bús-
áhaldabyltingin stóð sem hæst. „Þeir
voru búnir að vera mikið í umræð-
unni og mjög hataðir. Mér fannst
þetta fyndið í staðinn fyrir að vera
ekki með neinn starfstitil,“ segir
Gestur sem er lögfræðingur fram-
tíðarinnar enda laganemi um þessar
mundir.
Andri Már Gunnarsson kann-
ast hins vegar ekki við annað en
að standa undir starfstitlinum um-
deilda. „Ég er algjör útrásarvíking-
ur. Maður fékk nú kaupæði eins og
þessir víkingar,“ segir hann og hefur
bara gaman að titlinum.
Andri er 24 ára og segist í raun
vera þúsundþjalasmiður. Dagsdag-
lega starfar hann við að
mála, smíða og gera við. „Og fjár-
festa,“ bætir hann við hlæjandi.
Bara strákahúmor
Störf útrásarvíkinga símaskrárinn-
ar eru æði fjölbreytileg en hinn sex-
tán ára Grímur Óli Grímsson er um
þessar mundir að temja hesta úti á
landi. Ástæða þess að hann skráði sig
sem útrásarvíking var ekki úthugsuð.
„Þetta var nú bara djók á milli mín
og vinar míns. Mér fannst þetta bara
fyndið,“ segir hann.
Davíð Geir Jónasson tekur í sama
streng. „Þetta var bara brandari. Ég
vinn við kvikmyndagerð og fólk er
alltaf að fletta mér upp. Fólk skelli-
hlær bara yfir þessu,“ segir hann.
Davíð hefur ekki fengið nein sím-
töl frá reiðum borgurum eftir að hann
breytti skráningunni sinni. „Ég hef
ekki orðið var við að fólk sé að fletta
upp útrásarvík- ingum
og skamma mig,“
segir
hann
létti-
lega.
Þessi 22 ára auglýsinga- og kvik-
myndagerðamaður segist lítið eiga
sameiginlegt með útrásarvíkingun-
um og er hálffeginn. „Ég get ekki sagt
að ég sé fjárglæframaður,“ segir Dav-
íð sem er varkár þegar kemur að fjár-
festingum.
Tryggvi Þór Jóhannsson á það
hins vegar sameiginlegt með víking-
unum að búa erlendis. Hann er nú
búsettur í Danmörku en er að flytja
heim þar sem hann ætlar að hefja
nám í lögfræði, líkt og útrásarvík-
ingurinn Gestur. „Þetta var bara smá
strákahúmor og gert í mesta sak-
leysi,“ segir hann um skráninguna
sína í símaskránni. „Mér fannst þetta
kaldhæðnislegt í því ástandi sem
ríkir. Þetta var ekkert meira en það,“
segir Tryggvi.
Freyr Ómars-
son útrásarvík-
ingur vildi ekki
tjá sig þegar
blaðamað-
ur hafði sam-
band.
Erla Hlynsdóttir
blaðamaður skrifar: erla@dv.is
Kaldhæðni gestur gunnarsson tók upp
starfsheitið „útrásarvíkingur“ í síma-
skránni í ársbyrjun þegar Búsáhaldabylt-
ingin stóð sem hæst.
Mamma í sjokki snorri sveinsson segir
að mamma hans hafi fengið smá sjokk
þegar hún komst að því að sonurinn var
skráður útrásarvíkingur.
Mynd róBErt rEynisson
nýtur lífsins sveinn jóhannesson Kjarval segist ekki hafa fengið neinar morðhótanir
þrátt fyrir útrásarvíkingatitilinn og er með húmorinn í lagi eins og sjá má.
Útrásarvíkingarnir davíð geir jónasson
kannast ekki við að vera fjárglæframaður
spurður um hvort hann líkist útrásarvíkingun-
um. andri Már gunnarsson segist hins vegar
hafa fengið kaupæði að hætti útrásarvíkinga.