Dagblaðið Vísir - DV - 26.06.2009, Qupperneq 30

föstudagur 26. júní 200930 Fókus
um helgina
Grapevine Grasrót #5
Á föstudagskvöld fer fram fimmta kvöldið í tónleika-
röðinni Grapevine Grasrót sem tímaritið Grape-
vine vinnur í samstarfi við Gogoyoko. Tónleikarnir
fara fram í Nýlenduvöruverzlun Hemma og Valda á
Laugavegi. Fram koma Pascal Pinon, Adda, Lydía og
Elín Ey. Tónleikarnir hefjast klukkan 21.
sumarsýninG asÍ
Listasafn ASÍ opnar sumarsýn-
ingu sína um helgina. Sumarsýning
safnsins samanstendur af verk-
um eftir listamennina Jón Stefáns-
son, Jóhannes Sveinsson Kjarval og
Svavar Guðnason, þrjá stórmeistara
íslenskrar myndlistar. Meðal verk-
anna á sýningunni eru þekktustu
perlur íslenskrar myndlistar, svo
sem Fjallamjólk Kjarvals og Einræð-
isherra Svavars Guðnasonar. Safnið
er opið öllum frá 13 til 17 alla daga
vikunnar nema mánudaga.
Hafnarstrætið
myndskreytt
Gluggar gamla Hótel Akur-
eyri í Hafnarstræti 98 taka á sig
óvanalega mynd í sumar. Búið
er að skreyta þá með gömlum
ljósmyndum af bæjarlífi Akur-
eyrar frá fyrsta til fjórða áratugs
19. aldar. Þetta er samstarfsverk-
efni Stíls, KEA, Akureyrarstofu,
Saga Capital, Markaðsskrifstofu
Norðurlands og Minjasafnsins á
Akureyri en framkvæmdir í gamla
hótelinu liggja niðri vegna efna-
hagsástandsins.
afar seGja frá
Iðnaðarsafnið á Akureyri stendur
fyrir svokölluðum Afadögum 25. til
28. júní. Afadagar ganga út á það að
krakkar komi með afa sinn í fræðslu-
og skemmtiferð á safnið þar sem
þeir segja sögur og upplýsa þá sem
yngri eru um fyrri tíma. Á dögunum
er verið að skapa umgjörð utan um
samskipti eldri og yngri kynslóða til
þess að miðla reynslu og þekkingu.
Ömmur eru ekki síður velkomnar
á Afadögunum. Safnið er opið alla
daga frá 13 til 17 en engin aðgangs-
eyrir er fyrir börn yngri en 16 ára.
Seint á síðasta ári kom út ný útgáfa
af hinum klassíska leik Bomber-
man. Þessi leikur er aðeins fáanleg-
ur í gegnum svokallað Wii Ware en
þar geta Wii-notendur keypt ýmsa
leiki og forrit í gegnum Wii Shopp-
ing Channel. Fyrir þá Wii-notend-
ur sem ekki hefur tekist að fara inn
á verslunarstöðina, þá komist þið
inn í gegnum Bretland.
Bomberman Blast er fínasta
skemmtun og allt þetta Wii-shop-
dæmi er snilld. Þar getur maður
keypt alls konar töff stöff svo sem
klassíska leiki af NEs og SNES. Búið
er að „pimpa“ Bomberman tölu-
vert upp og fjölbreytni hans hef-
ur verið aukin til muna. Hægt er
að spila gegn vinum og fjölskyldu-
meðlimum í mörgum mismun-
andi tegundum af leikjum og jafn-
vel hægt að búa til sín eigin borð og
persónur.
Einnig geta átta manns spilað í
einu í gegnum netið og getur þú þá
verið að sprengja upp lið frá öllum
heimshornum. Leikurinn er hrað-
ur og miskunnarlaus og þarf mað-
ur að ná upp töluverðri lagni til
þess eins að sigra tölvuna í venju-
legu spili.
Fyrir okkur nostalgíuplebbana
sem viljum helst spila gamla Nin-
tendo-leiki er Wii Shopping Chann-
el alveg málið. Gengið er reynd-
ar fáránlega óhagstætt en hvað er
maður ekki tilbúinn að greiða fyrir
Castlevania 1 og Punch-Out?
Ásgeir Jónsson
dúndrandi afþreying
BomBerman
Blast
Útgefandi: Wii Ware
Spilast á: nintendo Wii
tölvuleikir
Bomberman Blast Ágætis
skemmtun og sérstaklega
þegar maður sprengir upp
vini eða vandamenn.
Mér hefur fundist íslensk-ar fjölskyldur þurfa góða ástæðu til að hlæja svo-lítið og skemmta sér. Í
allri þessari ömurlegu kreppuum-
ræðu hefur mér fundist það svolítið
gleymast hvað fjölskyldan og börnin
skipta miklu máli. Börnin eru fram-
tíðin. Ég á ekki milljarða til að senda
heim en ég á smá grín og ég vona að
það hjálpi einhverjum,“ segir Stefán
Karl Stefánsson leikari sem búsettur
hefur verið á vesturströnd Bandaríkj-
anna síðastliðin fimm ár ásamt Stein-
unni Ólínu Þorsteinsdóttur leikkonu
og fjórum börnum.
Stefán gaf nýlega út fjölskylduplöt-
una Túrett og moll og verður hér á
landi í sumar til þess að kynna hana
ásamt því að leika í tveimur íslensk-
um kvikmyndum.
Aðspurður segist Stefán hafa geng-
ið lengi með hugmyndina í magan-
um að búa til þessa plötu og í fyrra er
hann var í smá pásu frá leiklistinni tók
hann upp símann og hafði samband
við Senu með hugmynd sína sem tók
vel í verkefnið.
Laddi fyrirmyndin
„Pabbi minn og Laddi voru æskuvin-
ir og hann bauð mér eitt sinn að fylgj-
ast með sér í stúdíóinu og frá þeirri
stundu varð ég alveg heillaður. Ég
elskaði allar þessar plötur sem barn
og hlustaði á þær í kaf. Síðan upp úr
þessu leiklistarbrölti á manni varð
þetta fljótlega það sem mig langaði að
gera – grín og glens fyrir börn og fjöl-
skyldur. Þakkláta áhorfendur,“ segir
Stefán sem vann plötuna ásamt Gísla
Rúnari Jónssyni, Veigari Margeirssyni
og eiginkonu sinni. Gísli samdi alla
texta á plötunni og Veigar útsetti tón-
listina.
„Þetta átti upprunalega bara að
vera grín og glens, frekar einföld plata
en endaði í big band-fíling og þannig
útsetningum að við snerumst í kring-
um sjálfa okkur á köflum. Þetta var
orðið svo flókið,“ segir hann hlæjandi.
Mikil vinna fór í plötuna sem
tók um 60 daga af hundrað prósent
vinnu. „Það er mjög óvenjulegt en við
vildum skila af okkur hundrað pró-
sent verkefni heim. Ég sé ekki ástæðu
til að draga úr gæðum þegar verið er
að vinna barna- og fjölskylduefni.“
Stefán valdi 30 fræg lög, 14 þeirra
enduðu á plötunni með íslenskum
textum. Þar á meðal eru þrjú lög úr
teiknimyndinni Jungle Book sem var
í miklu uppáhaldi hjá Stefáni sem
barni.
„Við vorum ekki með neinn rauð-
an þráð sem við unnum eftir. Það eina
sem við höfðum í huga við gerð plöt-
unnar var að hún myndi renna ljúf-
lega í gegn, sama hvort þú ert fjögurra
ára eða 94 ára. Það eiga allir að geta
notið hennar.“
Hann segir marga karaktera koma
fram á þessari skemmtiplötu og mikið
af mismunandi sönglögum og tempói
en öll lögin koma frá einum barka og
því þurfti að fara vandlega í verkið.
„Þessi konsept-vinna sem Gísli
Rúnar lagði í þessa plötu er algjört
meistaraverk. Hann raðaði þessu öllu
saman. Allt er þetta hans hugarsmíð
og Gísli í sínu besta formi,“ segir Stef-
án sem ber Veigari einnig góða sög-
una. „Hann tók við boltanum við út-
setningu og fékk til liðs við sig brilljant
tónlistarmenn og á endanum varð
þessi plata, Túrett og moll, að því sem
hún er,“ segir Stefán og útskýrir titil
plötunnar. „Platan er svo svolítið eins
og túrett, full af dyntum og duttlung-
um,“ segir hann hlæjandi.
Íslendingar þurfa að hlæja
Íslendingar voru ofarlega í huga
þeirra við gerð plötunnar. „Við hugs-
uðum hlýlega til okkar heimahaga og
ég vona að það skili sér – að fólk geti
hlegið, haft gaman af og dillað sér um
leið.“
Aðspurður segir Stefán það hafa
verið virkilega erfitt að horfa á íslenska
hagkerfið hrynja úr fjarska. „Maður er
eins og allir hér heima, bjargarlaus og
ráðalaus en einnig fjarri sínum. Ekki
gat ég mótmælt á Austurvelli þannig
að manni leið svolítið eins og að vera
lokaður í stofufangelsi á meðan það
var verið að rífa heimili manns,“ út-
skýrir Stefán en bætir við að á sama
tíma hafi þjóðerniskenndin styrkst
gífurlega.
„Í flugvélinni á leiðinni heim um
daginn byrjuðu tveir menn að öskra
á hvor annan. Annar var Íslendingur
og hinn Breti. Þeir æptu þarna hvor
á annan út af einhverju sem ég veit
ekki alveg hvernig hófst og á endan-
um öskraði Bretinn: „Hvern djöful-
inn eruð þið að rífa kjaft! Þið ættuð
að skammast ykkar. Landið ykkar er
gjaldþrota!“ Ég leyni því ekki að það
fauk í mig. Við Íslendingar erum með
helvíti sterk bein. Við getum tekið
öllum andskotanum og höfum lifað
margan harðan veturinn þó að það
hafi farið um okkur silkihanskinn síð-
astliðin 10 ár en við látum ekki koma
svona fram við okkur. En að sama
skapi verðum við að vera kurteis á
móti og sýna virðingu.“
Stefán tekur það þó fram að það
sé ekki langt í rétta hugarfarið. „Mað-
ur fylltist svo fljótt af þessu „hey, við
reddum þessu“. Ég get beitt mér á
þessum vettvangi og ég óskaði sér-
staklega eftir því að hafa diskinn sem
ódýrastan svo sem flestir gætu keypt
hann. Ég fæ ekkert út úr þessum diski
en ég vona að sem flestir aðrir geri
það – að hann gleðji aðra.“
Aftur í íslenskar kvikmyndir
Það er langt síðan Stefán Karl hefur
leikið í íslenskri kvikmynd en í sum-
ar verður breyting þar á því hann hef-
ur tekið að sér tvö hlutverk í tveimur
afar ólíkum myndum. Tökur á mynd-
inni Jóhannes eftir Þorstein Gunnar
Bjarnason hefjast í byrjun júlímán-
aðar. Með aðalhlutverk fer maður-
inn sem kveikti áhuga Stefáns, Þór-
hallur Sigurðsson betur þekktur sem
Laddi. Hann fer með hlutverk grunn-
skólakennara sem á ekki sjö dagana
sæla. „Myndin gerist á einum degi
þannig að það er nokkurs konar „road
movie“-fílingur yfir henni. Líf þessa
grunnskólakennara leggst algjörlega
í rúst á einum degi,“ útskýrir Stefán.
„Þegar allt sýnist nú vera komið á slétt-
an flöt hittir Laddi mig þar sem ég tek
hann upp í Hvalfirðinum og myndin
tekur enn eitt tvistið, en ég leik eitur-
lyfjasala í þessari mynd.“ Stefán segir
það skemmtilegt að taka að sér nýtt
hlutverk en í senn erfitt. „Maður þarf
að nálgast hlutverkið með nýjum fíl-
„Ég á ekki milljarða
en ég á smá grín“
Stefán Karl Stefánsson leikari dvelur á Íslandi í sumar en síðastliðin fimm ár hefur
hann verið búsettur á vesturströnd Bandaríkjanna. Stefán hefur gefið út barna- og
fjölskyldudisk sem hlotið hefur heitið Túrett og moll og vonast hann til þess að platan
fái Íslendinga til að hlæja og dilla sér á erfiðum tímum.
Mikil vinna í sumar stefán dvelur á
íslandi þangað til í ágúst. fjölskylda hans
varð eftir í san diego þar sem stefán
segir það nánast ómögulegt að fljúga
með eiginkonuna og fjögur börn til
landsins – það sé svo dýrt.
Mynd HeiðA HeLgAdóttir