Dagblaðið Vísir - DV - 26.06.2009, Síða 43

föstudagur 26. júní 2009 43Sport
Lífið ekki aLLtaf
Ljúft á BernaBeu
Silfurdrengirnir okkar eru komnir inn á enn eitt stórmótið í handbolta. Þrátt fyrir að geta aldrei stillt upp
sínu sterkasta liði vann Ísland sinn riðil í undankeppni Evrópumótsins. Kynntir voru til sögunnar nýir,
ungir leikmenn sem svo sannarlega stóðu fyrir sínu þegar á þá var kallað. Ísland fékk þægilegan drátt þegar
dregið var í riðla fyrir EM í Austurríki á næsta ári.
Lemstrað siLfurLiðið
komið tiL austurríkis
Aðeins tveimur mánuðum eftir æv-
intýrið í Peking á síðasta ári þar sem
strákarnir okkar, íslenska handknatt-
leikslandsliðið, urðu silfurdrengirnir
okkar hófst næsta verkefni. 29. okt-
óber mættu Belgar í Laugardalshöll-
ina í fyrsta leik þriðja riðils undan-
keppni Evrópumótsins sem fram fer
í Austurríki á næsta ári. Keppt var
með nýju fyrirkomulagi í ár. Hing-
að til hefur dugað að leika heima og
heiman gegn einni þjóð en nú tamdi
evrópska handknattleikssamband-
ið sér það sem hefur tíðkast hefur í
knattspyrnunni. Leikið var í sjö fimm
liða riðlum og drógust Íslendingar
með Noregi, Makedónum, Eistlend-
ingum og Belgum. Fyrirfram góðir
möguleikar til staðar en enginn gat
séð fyrir öll meiðslin sem áttu eftir að
hrjá liðið.
Þórir tryggði stigið
Eftir öruggan skyldusigur á Belgum,
40-21, var haldið til Noregs í fyrsta al-
vöru verkefnið. Noregur hefur yfir að
ráða gífurlega sterkum hópi en í ís-
lenska liðinu voru meiðslin farin að
gera vart við sig. Ólafur Stefánsson
hafði dregið sig úr landsliðinu og þá
var vélmennið Alexander Petterson
meitt. Leikstjórnandi liðsins, Snorri
Steinn Guðjónsson, var einnig frá.
Logi Geirsson, sem síðar átti einn-
ig eftir að meiðast, fór gjörsamlega á
kostum í Noregi og skoraði þrettán
mörk. Ísland sýndi í Noregi fádæma
karakter að ná stigi úr leiknum þegar
ekkert benti til þess að svo yrði. Þórir
Ólafsson, sem kom inn í liðið á kostn-
að Alexanders, hefur sýnt að breidd-
in er alltaf að verða meiri í liðinu og
skoraði hann sigurmarkið þegar ör-
fáar sekúndur voru eftir.
Ungviðið kynnt til leiks
Tæpum mánuði eftir leikinn í Nor-
egi léku Íslendingar æfingaleiki gegn
heimsmeisturum Þjóðverja í Ober-
hausen og Koblenz. Reyndar áttu
Íslendingar eftir að fara í gegnum
langa æfingaleikjahrinu í byrjun árs
þar sem það lék átta leiki á níu dög-
um. Þýskalandsleikirnir voru þegar
horft er til baka æði mikilvægir. Þar
fengu stórt hlutverk í liðinu ungu
strákarnir Aron Pálmarsson, Sigur-
bergur Sveinsson og Rúnar Kárason.
Þessi framtíðarútilína landsliðsins
fór gjörsamlega á kostum í jafntefli
og sigri gegn heimsmeisturunum.
Þarna lágu klárlega einir mikilvæg-
ustu leikirnir fyrir íslenska liðið því
innkoma þessara drengja, þó að-
allega Arons og Sigurbergs, skipti
sköpum þegar upp var staðið.
Magnað í Makedóníu
Það tók á hverja íslenska sál að horfa
upp á Makedóníumenn fagna eins
og óða menn eftir að þeir tryggðu sér
farseðilinn á HM í Króatíu í Laugar-
dalshöllinni. Ísland átti því harma að
hefna eftir ófarirnar í Skopje á síðasta
ári en bjartsýnin var ekki mikil með
lemstrað lið á þessum gífurlega erf-
iða heimavelli. Fyrirliðinn, Guðjón
Valur Sigurðsson, leiddi liðið til sig-
urs en í Makedóníu átti ungstirnið
Aron Pálmarsson hreint magnaðan
leik. Undir lok leiksins, þegar mest á
reyndi, raðaði Aron inn mörkunum
eins og hann hefði aldrei gert neitt
annað en að leika með landsliðinu.
Íslenska vörnin skellti einnig í lás
og hafði Ísland magnaðan sigur, 29-
26. Sannkallaður karaktersigur liðs-
ins sem var nú komið í afar góð mál.
Eistlendingar voru svo lítil fyrirstaða
á heimavelli nokkrum dögum síðar.
Lokatörnin kláruð með stæl
Síðustu fjórir leikir riðilsins voru
leiknir nú í júní á ellefu dögum. Eftir
torsóttan en auðveldan sigur á Belg-
um fengu Íslendingar tvö tækifæri
til þess að koma sér á EM í Austur-
ríki á heimavelli í leikjum gegn Nor-
egi og Makedóníu. Það tókst í seinni
tilrauninni þegar Makedóníumönn-
um var rústað í höllinni eftir jafn-
tefli gegn Noregi. Nú var það Sigur-
bergur Sveinsson sem var stjarnan
en þessi ungi Haukadrengur var sér
og sínu félagi til sóma í leikjunum.
Áræðnin og krafturinn var lyginni
líkast og ljóst er að Guðmundur og
silfurdrengirnir hafa skapað um-
hverfi sem afar auðvelt er fyrir nýja
og unga stráka að fóta sig í. Spennu-
fallsjafntefli gegn Eistlendingum var
dökkur blettur á riðlinum en Ísland
endaði í efsta sæti riðilsins, án þess
að stilla upp sínu sterkasta liði í svo
mikið sem einum leik.
Sigurstranglegir
Dregið var í riðla á miðvikudaginn
fyrir Evrópumótið í Austurríki. Ís-
land fékk fínan riðil svo það sé bara
sagt hreint út. Leikur með Dönum
sem liðið þekkir afar vel, heima-
mönnum í Austurríki sem Dag-
ur Sigurðsson þjálfar og Serbum.
Komist Ísland í milliriðla leikur það
gegn Króötum, Noregi og/eða Rúss-
um. Það sleppur því við að mæta
liðum eins og Þýskalandi, Frakk-
landi, Svíþjóð, Póllandi og Spáni
fyrr en í undanúrslitum komist lið-
ið svo langt.
Ljóst er að Ísland verður ekki tal-
ið neitt annað en sigurstranglegt á
mótinu. Það sýndi handknattleiks-
heiminum svo um munaði í Peking
að hér er mætt sterkt lið til leiks.
Geti Ísland stillt upp sínu sterkasta
liði er sviðið svo sannarlega sett
upp fyrir draumamót hjá íslenska
liðinu. Efniviðurinn er svo sann-
arlega til staðar og þjálfarinn er al-
veg með á hreinu hvað hann vill fá
frá liðinu. Nægur tími er til stefnu
að koma mönnum í lag þannig að
íslenska þjóðin getur væntanlega
ekki beðið eftir janúarmánuði og
enn einu stórmótinu. Væntanlega
fara allir fram úr sér í væntingum.
En það er bara hluti af því að halda
með íslenska landsliðinu í hand-
bolta.
TÓMAS ÞÓR ÞÓRÐARSON
blaðamaður skrifar: tomas@dv.is
„Áræðnin og kraftur-
inn var lyginni líkast og
ljóst er að Guðmundur
og silfurdrengirnir hafa
skapað umhverfi sem
afar auðvelt er fyrir
nýja og unga stráka að
fóta sig í.“
Aron Pálmarsson Einn af ungu strákun-
um sem fóru á kostum í undankeppninni.
MyNd RÓbeRT ReyNiSSON