Dagblaðið Vísir - DV - 03.07.2009, Síða 36

Föstudagur 3. júlí 200936 Helgarblað
Þór Saari er eitt af nöfnum nýja Íslands. Hann er alþing-ismaður nýjasta stjórnmála-afls landsins, Borgarahreyf-
ingarinnar. Þór hefur komið víða
við á sinni ævi sem spannar fjörutíu
og níu ár. Hann fór aldrei í mennta-
skóla heldur beint á sjóinn eftir að
hann tók síðasta landsprófið sem þá
var og hét árið 1976. Á sjónum var
hann í tíu ár áður en hann ákvað að
þar lægi hans framtíð ekki lengur. Án
menntaskólaprófs komst hann inn
í háskóla í Bandaríkjunum þar sem
hann dúxaði í hagfræði, hefur BS
gráðu í henni og bætti við sig mast-
ersgráðu í viðskiptafræði eftir það.
Eftir störf sem kennari í Barcelona,
starf á Wall Street og í Seðlabankan-
um meðal annars lá leið þessa ágæta
manns inn á Alþingi Íslendinga.
Gaman en erfitt á sjónum
„Nafnið er finnskt,“ svarar Þór Sa-
ari þegar hann er inntur eftir upp-
runa eftirnafnsins. „Faðir minn var
finnskur. Sjálfur er ég fæddur í Flór-
ída en fluttist heim til Íslands þeg-
ar ég var sex ára gamall. Við móðir
mín og systir bjuggum í Holtunum í
Reykjavík, þar sem við ólumst upp,“
segir Þór en systir hans er Anna B.
Saari sem var einnig í framboði fyrir
Borgarahreyfinguna..
„Ég fór þessa hefðbundnu skóla-
göngu,“ segir Þór sem var aðeins svo
hefðbundin út grunnskóla. Það sem
síðar fylgdi var afar sérstakt. Þór fór
þess í stað á sjóinn aðeins sextán ára
gamall. „Ég var til sjós í tíu ár á milli-
landaskipum hjá Eimskipi. Ég kunni
vel við mig á sjó en það er erfitt starf.
Ég sá hvað menn um fertugt í sama
starfi voru orðnir slitnir,“ segir Þór
sem var bátsmaður og háseti sína
sjótíð og var ánægður með það. „Ég
vildi aldrei verða stýrimaður,“ segir
Þór Saari.
Vann í öðrum tvíburaturninum
Um tuttugu og sjö ára aldurinn
ákvað Þór að hætta sjómennskunni.
„Ég fékk þá flugu í höfuðið að ég vildi
fara að læra meira og fór að kynna
mér möguleika í því,“ segir Þór. „Ég
komst inn í háskóla í Bandaríkjunum
einfaldlega á inntökuprófi og fór fyrst
í BS-nám í hagfræði. Ég glansaði þar
og útskrifaðist með hæstu einkunn.
Þaðan flutti ég til Barcelona þar sem
ég kenndi ensku í tæpt ár. Frá Spáni
fór ég aftur til New York í masters-
nám í viðskiptafræði,“ segir Þór en
viðurkennir að það hafi ekkert verið
sérstaklega ævintýraþráin sem or-
sakaði þessa flutninga heldur hafi:
„Örlögin nú bara hagað því einhvern
veginn að ég hef þvælst á milli,“ eins
og hann orðar það.
Með viðskiptafræðináminu í New
York vann Þór hjá verðbréfafyrir-
tæki sem var í öðrum tvíburaturn-
anna sem hrundu síðan sex árum
síðar. Blaðamanni lék forvitni á að
vita hvort Wall Street-starfið sé jafn
út úr stressandi og hratt og það virð-
ist í kvikmyndunum. „Wall Street var
óttalega einkennilegur vinnustaður.
Þetta er heimur sem er mjög skrít-
inn og mér hugnaðist hann nú ekki
en það var áhuagvert að kynnast því
engu að síður,“ svaraði Þór.
Alþingisfríið út af OECD
Þór kom heim til Íslands í lok árs
1997 og hóf þá störf hjá Seðlabank-
anum þar sem hann vann í um fimm
ár. Eftir það fór hann að starfa hjá
Lánasýslu ríkisins þar til hún var
lögð niður árið 2007 við litla hrifn-
ingu að sögn Þórs. „Lánasýsla ríkis-
ins var einmitt sú er sá daglega um
skuldastýringu ríkissjóðs. Skulda-
stýring ríkissjóðs hefur nú ekki verið
góð síðan,“ segir Þór og hlær við.
Þór var ekki lengi án vinnu held-
ur var hann ráðinn sem sérfræðing-
ur í skuldastýringu hjá OECD í París.
Þar hefur hann sérhæft sig í skulda-
stýringu ríkissjóða. „Þar hef ég ver-
ið að vinna sérstaklega í svokölluðu
Afríkuverkefni. Það verkefni er ég að
klára í sumar því ég get ekki unnið
það samhliða þingstörfunum,“ segir
Þór sem nýverið tók sér tveggja vikna
frí á þingi til þess að ferðast til Suður-
Afríku vegna starfsins. Hann þurfti
þó aðeins viku en þegar þingmenn
setja inn varamenn fyrir sig má það
minnst vera tvær vikur.
Vanhæfni og vantraust
„Þetta var ekki hefðbundin stjórn-
málabarátta hjá Borgarahreyfing-
unni,“ segir Þór spurður um að-
dragandann að framboðinu. „Þetta
var bara fólk sem hafði ekkert hist
áður en mætti á laugardögum nið-
ur á Austurvöll og upp úr því varð
framboðið til í febrúar. Við svo sem
reiknuðum aldrei með að við kæm-
umst inn á þing. Við ákváðum bara
að prófa,“ segir Þór en ástæðan fyrir
framboðinu var einfaldlega að þeim
ofbauð það sem var fram undan þá
þegar.
„Það var hér allt að fara til fjand-
ans og við vorum með ríkisstjórn
sem var algjörlega vanhæf. Og okkur
fannst stjórnarandstaðan líka van-
hæf og við vantreystum henni. Við
vantreystum Framsóknarflokknum,
en kannski ekki vinstri grænum sem
slíkum, en við vantreystum Stein-
grími J. Því ákváðum við að ganga
ekki til liðs við aðra stjórnmálaflokka
heldur að koma fram með okkar
frekar takmörkuðu stefnuskrá bara
sjálf,“ segir Þór sem hafði aldrei ætl-
að sér að verða þingmaður.
„Fjórum dögum fyrir kosning-
ar birtist skoðanakönnun þar sem
var ljóst að við myndum ná fjórum,
jafnvel fimm mönnum inn á þing.
Þar rann það upp fyrir mér að ég yrði
kannski þingmaður. Þetta var ekkert
endilega eitthvað sem ég ætlaði mér
að verða en það hefur verið gefandi
og gaman að koma að þessum mál-
um.“
Vill ekki vera lengi á þingi
Þór er ekki mjög hrifinn af Alþingi
sem vinnustað, eiginlega bara alls
ekki. „Ég hef engan áhuga á því að
vera á þingi mjög lengi. Kannski í
mesta lagi eitt kjörtímabil. Þetta er
ekki þannig vinna og Alþingi ekki
þannig vinnustaður að þar sé vert að
eyða mjög miklum tíma,“ segir Þór
og er inntur eftir frekari útskýring-
um á því. Sem hann veitir. „Þarna er
margt illa unnið, bara slæm vinnu-
brögð og Alþingi er illa skipulagt.
Þing- og nefndarfundir eru boðað-
ir þvers og kruss og það mæta ekk-
ert allir á fundina. Þingið starfar líka
á mjög einkennilegum tímum. Það
eru þingfundir út og suður og jafnvel
fram á nótt. Það er einfaldlega af því
„Við Vantreystum
steingrími J.“
Alþingismaðurinn Þór Saari fór aldrei í menntaskóla heldur
fór hann á sjóinn ungur að árum. Í dag er hann þó hámenntað-
ur hagfræðingur sem hefur unnið á Wall Street. Hann sér ekki
fram á að vera lengi á Alþingi, segir að það sé einfaldlega ekki
mjög spennandi vinnustaður og afar illa skipulagður. Þór kaus
vinstri græn í þarsíðustu kosningum en segir þau nú vera orð-
in beina gerendur í hrunadansinum.
„Ég hef engan áhuga á því
að vera á þingi mjög lengi.
Kannski í mesta lagi eitt kjör-
tímabil.“
Framhald á
næstu opnu
Næstu frambjóðendur?
Þór saari og flokkssystir hans,
Birgitta jónsdóttir, horfa á fólkið
í landinu mótmæla Icesave. sjálf
voru þau mótmælendur.
MYND HEIÐA HELGADÓTTIR