Dagblaðið Vísir - DV - 03.07.2009, Page 50

Föstudagur 3. júlí 200950 Helgarblað
Hver er maðurinn?
Einn klassískasti og besti bílaleikur sögunnar. Einn í bílnum hugsar sér einhvern frægan karl eða konu og hinir
í bílnum reyna að komast að því hver maðurinn sé með því að spyrja spurninga sem aðeins er hægt að svara
með já eða nei. Hægt er að takmarka spurningafjöldann við tuttugu eins og margir gera þannig að sé ekki
komið nafn á þann sem viðkomandi er að hugsa um innan þeirra marka hefur hann sigrað.
Frúin í Hamborg
Frúna í Hamborg þarf ekki að kynna fyrir nokkrum. leikurinn er ætlaður fyrir tvo og spyr annar: „Hvað gerðirðu
við peninginn sem frúin í Hamborg gaf þér?“ Hinn velur þá einhvern hlut sem hann á að hafa keypt og spyr
þá sá sem byrjaði alls kyns spurninga um hlutinn. Markmið þess sem er að spyrja er að fá hinn til þess að svara
annaðhvort já eða nei eða láta hann segja litina svart eða hvítt. Það eru bannorðin.
Söguleikur
í þessum leik geta verið endalausir þátttakendur. sá fyrsti byrjar á einni setningu úr sögu, vanalega með: „Einu
sinni...“ og gæti svo bætt við „fór lítill strákur út í búð“. sá næsti kemur svo með næstu setningu í framhaldi og
svo koll af koll. Þessi leikur getur tekið langan tíma og verður sagan alltaf skrýtnari og skemmtilegri því lengri
sem hún verður. Ekki er verra ef mamma eða pabbi punkta hjá sér söguna og lesa hana svo síðar um kvöldið.
Steinn, Skæri, blað
Þennan kunna allir. Ætlaður fyrir tvær persónur. upplagður fyrir systkini sem sitja aftur í bílnum á leið um land-
ið. Þátttakendur setja aðra höndina á móti hvor öðrum. telja svona upp að þremur og mynda svo annaðhvort
stein, skæri eða blað með höndunum. steinninn vinnur skærin, blaðið tekur steininn og skærin vinna blaðið. í
þessum má hanga endalaust.
bílalitir og -tegundir
Eitt sem er enginn skortur á þegar verið er að keyra um fagra ísland en það eru aðrir bílar á vegunum. Þá
má líka nýta sér í skemmtilegan leik sem öll fjölskyldan getur tekið þátt í. Hver og einn velur sér annaðhvort
bílategund eða bílalit, tegundir eru oftar sanngjarnari en litir auðveldari. svo er fylgst með hvaða bílar koma á
móti í ákveðinn tíma og sá sem á flestar tegundir eða liti vinnur. Myndast getur mikil stemning undir lokin séu
margir jafnir að stigum.
SíðaSti StaFurinn
Þessi er einnig fyrir alla fjölskylduna. Hægt er að nota nöfn hljómsveita, bíómynda, íþróttafélaga eða manna,
eiginlega hvað sem er. sá sem byrjar segir kannski nafnið á hljómsveit: Kings of leon, þá þarf sá næsti að finna
hljómsveit sem byrjar á N því hin hljómsveitin endaði á þeim staf. Hann segir kannski: Nirvana, og svo heldur
þetta áfram koll af kolli.
Í BÍLNUM
Fallin Spýta
Einhver byrjar á því að ver´ann. Hann grúfir andlitið upp við bústaðinn
á meðan hinir sem leika með hlaupa og fela sig. Þegar sá sem er að leita
er svo búinn að telja röltir hann rólega frá sínum stað þar sem er spýta
lögð upp að veggnum. sjái hann einhvern sem er að fela sig hleypur
hann til baka, fellir spýtuna og kallar: „Fallin spýta fyrir Óla, einn, tveir og
þrír.“ Komist aftur á móti einhver að spýtunni á meðan sá sem er að leita
er of langt frá kallar hann: „Fallin spýta fyrir mér, einn, tveir og þrír.“
pictionary
í þessum leik þurfa að vera minnst tvö tveggja manna lið. Fleiri lið og
liðsmenn eru þó leyfileg. liðin skiptast á að fara upp að töflu eða bara
blaði sem hangir á vegg og eiga að teikna einhvern fyrirfram ákveðinn
hlut. Hinir í liðinu keppast svo við að giska hvað er verið að teikna á
meðan klukkan telur niður. Bæði er hægt að nota sjálft spilið Pictionary
eða einnig útbúa sinn eigin leik sem er engu síðra.
dagblaðakappHlaup
Þessi er frábær á rúmgóðum palli við sumarbústaðinn séu nokkrir
krakkar með í för. Ekkert þarf nema gamalt dagblað til þess að mynda
frábæra skemmtun. Þetta er einfalt kapphlaup, kannski fram og aftur
pallinn nema það er einn hængur á. Hver þátttakandi heldur á einni
dagblaðssíðu í hvorri hendi og má aðeins stíga fæti á blaðið. Hver og
einn verður því að vera duglegur að koma blaðinu undir næsta fót. stígi
menn ekki á blað þarf að byrja upp á nýtt.
krónuFótbolti
Þessi leikur er ætlaður fyrir tvo og er fullkominn ef vont veður er á
meðan á sumarbústaðadvölinni stendur og það þarf að drepa smá
tíma. Ekkert þarf til þess að spila nema þrjá smápeninga af sömu gerð,
krónur ekki skylda. sá sem er að verjast býr til mark öðrum megin við
matarborðið með því að skeyta saman þumal- og vísifingri. sá sem
sækir reynir að skora inn í markið með því að skjóta krónunni með
vísifingri. Hægt er að takmarka fjölda snertinga og nota fleiri peninga til
að gera leikinn flóknari.
körFuboltaborðtenniS
Þennan má spila utan- og innandyra og geta eins margir og vilja spilað
leikinn sem er afskaplega einfaldur. skál eða fata er sett við enda borðs
og eiga þeir sem spila að láta borðtenniskúlu skoppa á borðinu og ofan
í skálina eða fötuna. Eitt stig fæst fyrir hvert skopp þannig skoppi kúlan
aðeins einu sinni og fari svo ofan í fæst eitt stig, tvö stig fyrir tvö skopp
og svo koll af kolli.
FréttaboðHlaup
Þessi er góður innandyra sé slæmt veður eða bara yfirhöfuð skemmti-
legur. gott er að hafa mömmu eða pabba með. Mamma hengir upp
kannski svona fjórar síður úr sama dagblaðinu upp á vegg á meðan
krakkarnir bíða hinum megin í stofunni. Mamma semur svo nokkrar
spurningar úr fréttunum á veggnum og spyr síðan einnar í einu.
Krakkarnir hlaupa yfir, reyna að finna fréttina og kalla svo upp svarið.
Eitt stig fæst fyrir hvert rétt svar.
Spurningakeppni
spurningakeppn er alltaf góð. Þær þarfnast smá undirbúnings en
eru fullkomin leið til þess að klára notalegt kvöld í sumarbústaðnum,
jafnvel með heitu kakói. Best er að hafa einn spyril sem þarf að búa
til spurningar. liðin skiptast svo á að reyna að svara og má útfæra
keppnina í raun á hvern hátt sem fólk vill. Ekki er verra að skipta í strákar
á móti stelpum því þá myndast alltaf mikil samkeppni á milli kynjanna.
Boltinn Það er alltaf gaman
að kíkja í smá fótbolta hvar
sem maður er á landinu.
Í bústaðnum Má gera fullt
skemmtilegt. sérstaklega ef
þar er stór og góður pallur.
Í fjörunni Ekki má gleyma
fjörunni en við strendur
íslands má finna og gera
margt skemmtilegt.
Í bílnum Þó ferðalögin séu löng
má stytta þau til muna með
skemmtilegum bílaleikjum.
Í SUMARBÚSTAÐNUM