Dagblaðið Vísir - DV - 24.07.2009, Blaðsíða 19

fréttir 24. júlí 2009 föstudagur 19
ÓDÝRT SUMARFRÍ Í
Köben
Margfalt ódýrari
Súpermarkaðurinn NETTO er hjá einni
stærstu metró-stöð Kaupmannahafnar,
Nørreport. Stórsniðugt er að kaupa sér
nesti og drykkjarvörur í NETTO því þær eru
margfalt ódýrari þar en í mörgum sjoppum
og öðrum stórmörkuðum. Þarna er líka hægt
að kaupa ýmislegt matarkyns ef ferðalangar
taka upp á því að elda sér sjálfir í staðinn fyrir
að fara á veitingastað sem er ekki gefins í
Kaupmannahöfn í dag.
Staðsetning: Fiolstræde 9.
Heimasíða: www.netto.dk
Vinsæll Íslendingabær
Kjötbærinn, Kødbyen, á Vesterbro er á bak við aðallest-
arstöð Kaupmannahfnar. Þetta er eitt heitasta hverfið í
Kaupmannahöfn í dag og ekki að ástæðulausu enda þar að
finna samansafn af ýmissi þjónustu, svo sem veitingahús,
líkamsræktarstöðvar, bakarí, skemmtistaði og gallerí. Dóra
Takefusa rekur þar skemmtistaðinn Jolene sem er afar
vinsæll með Íslendinga sem búsettir eru í Kaupmannahöfn.
Kósí skjaldbaka
Veitingastaðurinn Skildpadden,
eða Skjaldbakan, býður gestum
upp á að búa til sína eigin samloku
sem kostar ekki mikið. Samlokurn-
ar eru afar gómsætar og má með
sanni segja að diskurinn sé vel
útilátinn. Svo er staðurinn líka bara
svo hrikalega kósí.
Staðsetning: Gråbrødretorv 39.
Heimasíða: www.skilpadden.dk
Betri en Burger King
Á Sporvagninum, eða Sporvejen, er hægt að fá gómsæta hamborgara sem
skjóta borgurunum á MacDonalds og Burger King svo sannarlega ref fyrir rass.
Sporvagnahamborgararnir eru líka ekkert sérstaklega dýrir miðað við gæði.
Staðsetning: Gråbrødretorv 17.
Heimasíða: www.sporvejen.dk
Ein sú heitasta
Verslunin Wasteland er ein sú heitasta í Kaupmannahöfn í dag
og selur bæði notuð föt ásamt eigin hönnun sem gefur second
hand-perlunum ekkert eftir. Einnig er hægt að kaupa einstaklega
smart reiðhjól í versluninni. Finna má fleiri second hand-verslanir
á www.visitcopenhagen.dk/secondhand. Upplýsingar um fata-
markaði má finna á wwww.visitcopenhagen.dk/loppemarkeder.
Staðsetning: Studiestræde 5.
Köben undir berum himni
Á Nýhöfn er hægt að fara í hálftíma bátssiglingu um
Kaupmannahöfn og kostar það aðeins þrjátíu danskar fyrir
fullorðna og fimmtán danskar krónur fyrir börn. Mikil örtröð
er í siglingarnar á sumrin en bátarnir eru margir og því komast
allir að sem vilja. Ferðalangar ættu að varast að tylla sér á
veitingastöðunum á Nýhöfn aftur á mót því þar er verðið
brjálæðislegt. Sniðugra er að koma með drykkjarföng og nesti
með sér og setjast við höfnina og fylgjast með mannlífinu.
Staðsetning: Nýhöfn.
Töff, notuð föt
Önnur flott second hand-
verslun er København K
sem er rótgróin í miðbæ
Kaupmannahafnar. Þar er
að finna töff, notuð föt á
mjög viðráðanlegu verði.
Alveg þess virði að kíkja í
bæinn.
Staðsetning:
Studiestræde 32B og
Teglgårdsstræde 4.
Engu líkur
Taílenski veitingastaðurinn Wok-
shop er í fínni kantinum en verðið
er hreint ótrúlegt. Fyrir rúmar
hundrað danskar er hægt að velja
um hina ýmsu rétti sem eru hver
öðrum gómsætari og hrikalega
matarmiklir. Þjónustan er frábær,
veitingastaðurinn einstaklega
huggulegur og stemningin engu
lík. Um helgar er yfirleitt mikil
örtröð á Wokshop og því óvitlaust
að panta borð.
Staðsetning: Ny Adelgade 6
Heimasíða: www.wokshop.dk
mynd Gunnar
GunnarSSon