Dagblaðið Vísir - DV - 04.12.2009, Blaðsíða 26

Ekki hægt að sötra
allan daginn
Ég datt í gríðarlegan 2006 fíling á dögunum þegar ég, nauðbeygður, ákvað að tími væri kominn til að skipta loksins út fermingarrúm-inu mínu sem hefur fylgt mér í hartnær fjórtán ár og skella mér á eitt nýtt flennistórt á lagerútsölu. Mikið varð konan mín fegin enda
höfðum við harkað í gamla rúminu eins lengi og lífsins mögulegt var. Það
litla sem forríkur blaðamaður getur búist við að safna í sarpinn af pening-
um á þessum síðustu og verstu var lagt í púkkið.
Ég er vanafastur maður varðandi flest í minni til-veru og að fá sér nýtt rúm er nú ekki beinlínis eins
og að skipta um sokka enda þarf maður að flatmaga á þessum beddum
megnið af ævinni. Og það var ekki að spyrja að því. Röskunin þýðir að ég
hef ekki sofið í mánuð!
Gamla rúmið hafði ekki aðeins fylgt mér í á annan áratug heldur hugsa ég að ef ég skæri það upp mætti finna hliðarprófílinn á mér rækilega stimplaðan í gormakerfið. Þar er mitt far sem hefur fylgt mér og tryggt mér svo góðan nætursvefn í gegnum tíðina að hægt
var að leggja skurðgröfu inn á svefnherbergisgólfið hjá mér án þess að ég
rumskaði. Enginn prófaði það samt, ég bara gef mér það.
Gamla rúmið var ekki búið neinum lúxus, það var lítið, svo lítið að það er eiginlega með hreinum ólíkindum að tvær manneskjur hafi getað sofið í því.
Mér fannst það
svalt. Í því var
viss naumhyggja
sem ég kunni
að meta. Jú, jú,
þú getur keypt
King Size, raf-
drifið, upphitað,
nuddrúm með
útvarpi og gervi-
hnattamóttöku,
en þú þarft þess
ekki. Tvennt gat
vel komist af í litla gamla rúminu, kreppan og allt það.
En nýja rúminu tekur mig lengri tíma að venjast en góðu hófi gegnir. Það hentar mér greinilega bara ekki að sofa allur í réttum hlutföll-um eins og tölvuteiknuðu týpurnar í rúmauglýsingunum. Ég var gaurinn sem var í gömlu týpunni í þeim auglýsingum og samkvæmt
öllum lögmálum hefði ég átt að vera með rauða hringi og sársaukaörvar
á helstu álagsstöðum þar sem mig átti að verkja vegna þess að rúmið var
ekki vottað heilsurúm af einhverjum hnykklækni með sjálfsalagráðu og
þaulprófað af NASA. En svo var ekki. Það bara virkaði fyrir mig.
Konan fílar nýja rúmið, aldrei sofið betur. Á meðan ég ligg án þess að ná að festa djúpsvefn gjörsamlega þjakaður af víðáttubrjálæði í öllu þessu plássi sem ég hef allt í einu. En þær eru ófáar andvökunæt-urnar undanfarnar vikur sem ég hef legið og hugsað hvort ég ætti
nú ekki bara að laumast fram, draga fram gamla rúmið, sem enn liggur
upp á rönd í stofunni þangað til einhver kemur og tekur það, og læðast til
að stela nokkrum tímum af gæðasvefni.
Hugurinn reikar þegar maður liggur andvaka. Ég fór að setja hlutina í heimspekilegt samhengi og félagsfræðingurinn, sem prófgráðan í náttborðinu mínu segir að ég sé að einhverju leyti, vaknaði.
Þetta er nýi tíminn, ekki ósvip-að Nýja Íslandi. Þótt hann sé ekki jafn þægilega kunnug-legur og sá gamli er mikil-
vægt að falla ekki í gamla farið sitt.
Ekki ósvipað Nýja Íslandi. Því þá
lærir maður aldrei að venjast því
nýja sem er, hvort sem manni líkar
það betur eða verr, vonandi komið
til að vera.
Góðærið fyrir hrun var þægi-legt, það var kunnuglegt og þægilegt að hjakka í því fari. Svo gott að það sváfu
allir á verðinum. En einhvern tíma
verður maður að vakna og átta sig
á því, líkt og ég með gamla rúmið,
að gamla farið og gamli tíminn var
handónýtur og eflaust að skemma
á manni bakið til frambúðar.
Þótt kreppan komi illa við ótrúlega marga og enn fleiri horfi til fyrri tíma með söknuði þá leyfi ég mér að fullyrða að góðærið var gamla, handónýta fermingarrúmið sem engum gerði gott. Og nýi tíminn, Nýja Ísland, er heilsurúmið sem ætlað er að rétta úr okkur og lina
álagsmeiðsli gamla tímans.
En við verðum að standast freistinguna, næst þegar hún hún sýnir sinn ljóta haus í andvöku nýrra nátta, að laumast ekki úr nýja rúm-inu, nýja tímanum, Nýja Íslandi, yfir í gamla farið.
SvEfnlauSar
nætur á nýja ÍSlandi
sigurður MikaEl Jónsson skrifar
HELGARPISTILL
„Þetta er mjög skemmtilegt starf, mjög fjölbreytt. Það er
eiginlega enginn týpískur dagur til í þessu starfi,“ segir
Guðmundur Mar Magnússon, bruggmeistari Ölgerðar-
innar.
Guðmundur er lærður bruggmeistari frá Danmörku.
Var þar í skóla í tvö ár en hann er með háskólapróf í efna-
fræði. „Það er gott að vera með þann grunn. Áður en mað-
ur getur skráð sig í svona skóla þarf maður að vera með
einhvern grunn í einhverju matvælatengdu,“ segir hann
en þegar DV slóst í för með Guðmundi var hann að dæma
framleiðslu Ölgerðarinnar. Hann settist niður í nýstofn-
aðan Bjórskóla Ölgerðarinnar og fékk sér sopa. „Þótt það
sé viss rútína á hverjum degi þá er enginn dagur hjá mér
eins.“ Aðspurður hvort hann mæti á bíl í vinnuna seg-
ist hann ekkert smakka meira yfir daginn og lítið í einu.
„Þetta væri ekki gott starf fyrir einhvern sem ætti í erfið-
leikum með áfengi.
Þetta er vinna, það er ekkert hægt að sötra allan daginn
– það gengur ekki upp,“ segir hann og hlær.
Hálf milljón lítra af Malti í desember
Þegar jólahátíðin nálgast rúllar verksmiðjan allan sólar-
hringinn og ekki er bara verið að framleiða bjór. Malt er
fyrirferðarmikið á framleiðslulínum Ölgerðarinnar. „Það
er rosamikið framleitt af Malti núna. Við erum líka að selja
tilbúnar blöndur. Salan á því hefur aukist mikið. En Maltið
hefur alltaf haldið sér. Sumir vilja búa til sína blöndu en við
erum með 50/50 blöndu og hún selst vel fram að jólum.
Síðan selst lítið þegar hátíðin gengur í garð. Þá vill hver og
einn gera sína blöndu,“ segir sérfræðingurinn og glottir.
„Við seljum í desember rúma hálfa milljón lítra af Malti.“
Ætla að þróa nýjar tegundir
Í litlum sal hefur Ölgerðin komið sér upp tilraunatönk-
um. Tveir þúsund lítra tankar standa tilbúnir fyrir afurðir
sem framleiddar eru í litlu magni. Þorra- og jólabjór eru
til dæmis bruggaðir þarna. „Þetta er svona einn tíundi af
stóru vélunum okkar enda eru þær í gangi allan sólar-
hringinn. Hér erum við með tilraunabrugg sem við erum
nýbúin að setja upp. Það er til að þróa nýjar tegundir og
brugga árstíðabjóra. Þorra, jóla og svo framvegis. Búa til
tegundir í minna magni.“
Dæmir í Ameríku
Guðmundur er í miklum metum sem smakkari. Á næsta
ári er hann að fara til Ameríku að dæma í einni stærstu
bjórkeppni heims. „Mér bauðst það að vera dómari. Ég
fer í apríl og fæ að meta bjóra alls staðar að úr heiminum.
Ég fæ samt ekki að dæma flokkana sem Ölgerðin keppir í,“
segir hann en Gull- og Lite-bjórar fyrirtækisins hafa stað-
ið sig mjög vel í keppnum undanfarið. „Við sendum ein-
hverja bjóra í keppnina og það er raðað þannig að ég fái
ekki að dæma flokka þar sem okkar bjór er. Það eru níutíu
flokkar þannig að það er af nægu að taka,“ segir hann og
hlær. „Síðast voru 2.500 bjórar sem kepptu og það er búist
við svipuðu magni nú,“ segir Guðmundur og það er ekki
laust við að blaðamaður fái vatn í munninn við tilhugsun-
ina.
Íslenskur bjór góður
Íslenskir bjórar hafa slegið í gegn undanfarið og segir Guð-
mundur að þeir séu vel samkeppnishæfir við þá erlendu.
„Það er vaxandi flóra hér á landi. Ljós lagerbjór hefur verið
langmest framleiddur hér á landi en það er langt frá því að
vera eina tegundin sem er til. Ölvisholt er að gera skemmti-
lega hluti að mörgu leyti. Bjórinn frá þeim er með meira
bragði en gengur og gerist og þó þeir séu ekki að selja í ein-
hverju gríðarlegu magni eru þeir að auka við flóruna.
Það er kosturinn við litlu tankana, þá getum við farið að
leika okkur meira. Það á ekki að seljast mjög mikið en við
aukum flóruna – það er pælingin með þessu,“ segir þessi
mikli meistari um leið og bjalla í sal Ölgerðarinnar gellur.
Það er kominn tími til að fylgjast með framleiðslunni sem
verður drukkin yfir hátíðarnar.
Guðmundur Mar Magnússon bruggmeistari Ölgerðarinnar er
einn af fremstu bruggmeisturum landsins. Hann er á leið til Am-
eríku í apríl til að dæma í einni stærstu
bjórkeppni heims. Guðmundur segir starfið
sitt afar skemmtilegt, það séu nánast engir
tveir dagar eins þó að klára þurfi ákveðna
rútínu.
26 föstudagur 4. desember 2009 uMræða
brugg-
meistara
Í smökkun Guðmundur að
smakka á framleiðslunni.
Niðurstaðan - þetta var í lagi.
Kíkt í tankinn Bruggferlið er langt
og strangt og nýjustu tækni beitt.
Guðmundur fylgist með af athygli.
MynD Kristinn MAGnússon
Margverðlaunaður Guðmundur er mikils metinn smakkari.
Hér fyrir framan hluta viðurkenninga sem bjór Ölgerðarinnar
hefur fengið.