Dagblaðið Vísir - DV - 04.12.2009, Side 34

in upp nýlega og ég lék í ásamt fleir-
um úr Vesturporti. Þannig að það
kom smá hlé á eftirvinnslu Brims,
en hún er væntanleg á nýju ári.“
Jón Ásgeir nærri
því aflífaður
Vesturport hefur tekið þátt í mörgu
fleiru en talið hefur verið upp hér
á undan. Meðal annars tekið þátt
í „Góðærinu“ eins og Björn Hlyn-
ur kallar það. Þá sýndi hópurinn á
samkomu á vegum UNICEF ásamt
Sigur Rós og fleirum í Listasafni
Reykjavíkur í Hafnarhúsinu sem var
kostuð af útrásarvíkingum og fleiri
framamönnum.
„Þetta var partíið fræga með
Roger Moore og uppboðinu á mál-
verki Hallgríms Helgasonar sem var
ekki til. Við tókum atriði úr Woyzeck
þar sem ég kom niður í teygjustökki
ofan úr rjáfri og söng rokkslagara
eftir Nick Cave. Börkur leikmynda-
hönnuðurinn okkar og fleiri voru
búnir að mæla þetta allt út og til
dæmis gera ráð fyrir aukalengingu í
teygjunni við mikinn hita í húsinu.
Þarna voru gaslampar og stappfullt
hús af fólki þannig að við áttuðum
okkur ekki alveg á því hve langt nið-
ur hún færi.“
Til að koma í veg fyrir stórslys var
ákveðið að engin mætti sitja beint
fyrir neðan þar sem Björn hlynur
kæmi niður úr loftinu. „Svo kom
kvöldið og allt var komið í gang. Ég
sat á bjálka uppi fyrir ofan partíið
dágóða stund í fjólubláum jakka-
fötum og támjóum kúrekastígvélum
og vonaði að enginn kíkti upp í loft
áður en atriðið byrjaði. Sá reynd-
ar ekki mjög vel niður fyrir ljósun-
um sem voru beint í andlitið á mér.
Svo byrjaði lagið og ég hékk þarna
uppi á hvolfi á meðan ég söng fyrsta
versið og svo lét ég mig gossa niður
í teygjunni. Þá sá ég Jón Ásgeir Jó-
hannesson sem sat þráðbeint fyrir
neðan mig og að ég var á fullri ferð
á leiðinni í gegnum hann. Ég náði
að vinda upp á mig og sveigja mig
og beygja til að verða honum ekki
að bana og hann rétt slapp. Eftir að
atriðið var búið sögðu félagar mínir
mér að sterkbyggður hællinn á stíg-
vélunum hefði nánast snert á hon-
um hárið. Það er alveg á hreinu að
hann hefði ekki átt séns á frekari
jarðvist ef ég hefði grafið hælinn í
höfuðið á karlgreyinu.
Þetta teygjustökk var það trikk
úr sýningunum okkar sem ég hélt
að ég myndi örugglega deyja sjálf-
ur í, og það oftar en einu sinni. Það
er þó að ég held fyrir tilstilli Einars
Rúnarssonar, tæknimanns úr leik-
húsinu og Snigils, að svo varð ekki.
Hann bjargaði mér oft úr háska í
hinum og þessum leikhúsum úti um
heiminn.“
nick cave í kraftgalla
Á undanförnum árum hefur Vest-
urport unnið með heimsþekktum
listamönnum eins og Gael García
Bernal og eins og áður kom fram
Nick Cave. Björn Hlynur segir það
hafa verið nokkuð sérstaka reynslu
að vinna með honum í fyrstu. „Sér-
staklega fyrir okkur sem höfðum
hlustað á hann í mörg ár.“
Það var Gísli Örn sem átti hug-
myndina að því að reyna fá Cave til
þess að semja tónlistina fyrir Woy-
zeck en Vesturport setti sýning-
una meðal annars upp í Barbican
Theatre í London. „Gísli sendi hon-
um e-mail að mig minnir og hann
hafði svo ekki samband fyrr en hálfu
ári seinna og var til í þetta.“
Aðspurður hvernig náungi Nick
Cave sé segir Björn Hlynur hann
vera sirka eins og maður myndi
ímynda sér. „Hann er ótrúlega yf-
irvegaður og svalur náungi. Hann
hefur upplifað mikið og kippir sér
ekki upp við margt. Hann var á
kafi í heróíni á sínum tíma og man
til dæmis ekki eftir því þegar hann
kom fyrst til Íslands.“
Björn segir Cave þó muna eftir
seinni ferð sinni til landsins. „Gísli
er mikill hestamaður og ákvað að
bjóða honum með sér á hestbak.
Það var mjög skondið að sjá karlinn
þegar það var búið að koma honum
í kraftgalla og troða á hann hesta-
hjálmi. Þá sá ég að fyrst Nick Cave
getur ekki einu sinni haldið kúlinu í
kraftgalla getur það enginn.“
gaman að leika
sigurð óla
Velgengni Björns Hlyns er þó ekki
bara einskorðuð við Vesturport.
Hann hefur leikið í þó nokkrum
kvikmyndum og vakti til dæmis
mikla lukku í myndinni Strákarn-
ir okkar. Björn Hlynur hefur einnig
leikið í Kaldaljósi, Sveitabrúðkaupi
og Mýrinni sem er ein vinsælasta
íslenska kvikmyndin fyrr og síð-
ar. Þar lék hann Sigurð Óla sem
landsmenn kannast vel við úr bók-
um Arnaldar Indriðasonar.
„Það var ánægjulegt að fá að
leika Sigurð Óla. Sérstaklega þar
sem svo margir Íslendingar höfðu
skoðun á persónunum og öllu sem
við kom bókunum um þau Er-
lend, Elínborgu og Sigurð Óla. Til
dæmis var útlit persónanna eitt-
hvað sem hver og einn hafði sína
hugmynd um. Það voru liðin að
minnsta kosti 50 ár síðan nánast
allir höfðu lesið sömu bókina á Ís-
landi þannig að það var ánægju-
legt að fá að taka þátt í hinni einu
sönnu alþýðulist eins og hún er í
dag. Í leikhúsunum er oft glímt við
verk sem eiga ekki nógu mikið er-
indi til samtímans. Krimminn er í
dag það sem vekur mestan áhuga
hins almenna Íslendings sam-
kvæmt sölutölum og þess vegna er
vert að kvikmynda- og sjónvarps-
heimurinn svari því.“
Björn Hlynur hefur sömu sögu
að segja um sakamálaþáttinn
Hamarinn þar sem hann fór með
eitt af aðalhutverkunum. „Áhorfið
á þættina segir allt sem segja þarf,“
en allir fjórir þættirnir af Hamr-
inum voru með yfir 50 prósenta
áhorf. „Þeir heppnuðust vel og það
sannaðist enn og aftur að við vilj-
um innlent efni og meira af því.“
Björn Hlynur er þó ekki nægi-
lega bjartsýnn á framhaldið þó
mikið af kvikmyndum og öðru efni
sé væntanlegt á næstunni. „Nú er
Kvikmyndamiðstöð Íslands í vænt-
anlegum niðurskurði sem er mjög
svo miður því það er mikilvægur
þáttur í menningarlífi okkar að fá
að sjá þætti eins og Fangavaktina
og Hamarinn svo dæmi séu tekin.“
fyrsta myndin og faust
Þessi niðurskurður snertir Björn
Hlyn ekki bara sem leikara því
hann hefur nýverið lokið við sitt
fyrsta kvikmyndahandrit. Hann
segir þó líklegt að einhver bið verði
á framleiðslu myndarinnar. „Ég
vona bara að sjóðurinn hverfi ekki
á næstu árum.“
Myndin sem Björn Hlynur er
að undirbúa nefnist Bæjarins
verstu og er byggð á samnefndri
bók. „Þetta er sannsöguleg mynd
um Hrein Vilhjálmsson sem var
til margra ára einn af rónum bæj-
arins. Mjög átakanleg saga með
skrautlegum og skemmtilegum
persónum. Ég hef verið í sambandi
við hann sjálfan í þó nokkurn tíma
og þessi mynd verður vonandi að
veruleika á næsta ári ef Guð lofar.“
Það verkefni sem tekur þó allan
tíma Björns Hlyns þessa dagana er
undirbúningur að næstu sýningu
Vesturports. Það er Faust sem er
jólasýning Borgarleikhússins og
verður frumsýnd annan í jólum.
Það eru frumstofnendur Vesturp-
orts, Björn Hlynur, Gísli Örn, Nína
Dögg og Víkingur sem eru hand-
ritshöfundar verksins en þar út-
færa þau á sinn hátt hina klassísku
sögu um Faust. Nick Cave sér um
tónlistina í verkinu ásamt War-
ren Ellis en hann vann einnig með
Cave að tónlistinni í Woyzeck.
„Gísli leikstýrir en við skrif-
um handritið öll eins og svo oft
áður,“ segir Björn Hlynur en hann
segir að æfingar á verkinu gangi
svona upp og ofan. „Ég vorkenni
stundum fólkinu sem er í þessu
með okkur. Við skiptum um skoð-
un daglega og lítum örugglega út
fyrir að vita ekkert hvað við erum
að gera. En það er bara partur af
þessu og svo smellur þetta allt að
lokum. Eins og Benedikt Erlings-
son kenndi okkur þegar við vorum
í náminu. Þá er mjög mikilvægt að
þora og leyfa sér að vera grútlé-
legur. Upp úr því kemur oft besta
stöffið,“ segir Björn Hlynur að lok-
um en hann mun einmitt leika í
Íslandsklukkunni undir leikstjórn
Benedikts á afmæli Þjóðleikhúss-
ins á næsta ári.
asgeir@dv.is
34 föstudagur 4. desember 2009 helgarblað
„Við þurftum alltaf að bíða eftir Vondu
Veðri til að taka upp og ég Varð alVeg
innilega sjóVeikur eins og nokkrir aðr-
ir um borð. myndatökumaðurinn ældi
á meðan hann Var að taka upp og þetta
Var nokkuð sérstakt.“
þakklátur Fyrir að hafa upplifað
margt, ferðast víða og kynnst
góðu fólki þrátt fyrir ungan
aldur. mynd sigtryggur ari
faust Björn Hlynur fer með eitt
af aðalhlutverkum verksins sem
frumsýnt er um jólin í Borgar-
leikhúsinu. mynd sigtryggur ari