Dagblaðið Vísir - DV - 08.01.2010, Qupperneq 18

18 FÖSTUDAGUR 8. janúar 2010 FRÉTTIR
VÍGREIFUR
Sea Shepherd-samtökin komust í
fréttirnar fyrr í vikunni þegar jap-
anskt hvalveiðiskip sigldi á hraðbát
þeirra, Ady Gil, með þeim afleið-
ingum að hann brotnaði í tvennt.
Samtökin hafa sakað stjórnend-
ur hvalveiðiskipsins um að hafa af
ásetningi siglt á Ady Gil en aðeins
einn áhafnarmeðlima, mynda-
tökumaður frá Animal Planet, slas-
aðist. Sex manna áhöfn Ady Gil var
síðar bjargað af öðru skipi samtak-
anna.
Í kjölfar árekstursins, sem er sá
síðasti í átökum japanskra hval-
veiðimanna við umhverfissinnana
í Suðurhöfum, lýstu Sea Shepherd-
samtökin yfir „hvalastríði“ gegn
japanska hvalveiðiflotanum. Báð-
ir aðilar kenna hinum um og sagði
áhöfn hvalveiðibátsins að Ady Gil
hefði hægt ferðina þegar báturinn
var að fara fyrir stefni hvalveiði-
skipsins sem hefði ekki haft svig-
rúm til að breyta um stefnu.
En upptaka af atburðinum virð-
ist renna stoðum undir fullyrðingar
umhverfissinnanna því það virðist
sem Ady Gil sé á nánast engri ferð
þegar hvalveiðiskipið stefnir beint
á hraðbátinn eftir að hafa breytt
um stefnu. Allan tímann var dælt
sjó úr slöngum yfir hraðbátinn, og
eftir áreksturinn er dælt sjó á báða
hluta hans.
Alvöru hvalastríð
Paul Watson, stofnandi Sea Shep-
herd-samtakanna og skipstjóri
flaggskips þeirra, Steve Irwin,
sagði að Japanar hefðu með fram-
ferði sínu fært baráttuna upp á
nýtt og ofbeldisfyllra stig. Watson
sagði að Japanar færu villur vegar
ef þeir héldu að hin tvö skip sam-
takanna hyrfu á braut frá Suður-
höfum vegna atviksins. „Við stönd-
um frammi fyrir alvöruhvalastríði
núna,“ sagði Paul Watson.
Meðlimir Sea Shepherd hafa
verið þyrnir í augum japanskra
hvalveiðimanna og reynt sitt ýtr-
asta til að gera þeim skráveifu. Þeir
hafa beint sterkum ljósgeislum að
skipum hvalveiðimanna, kastað að
þeim fnyksprengjum og reynt að
flækja reipi í skrúfur hvalveiðiskip-
anna. Hvalveiðimennirnir hafa
svarað með því að dæla sjó úr há-
þrýstislöngum á umhverfissinnana
og einnig beitt hátíðnihljóðum.
Óafsakanlegt
Á vefsíðu bandaríska tímaritsins
er haft eftir Peter Hammarstedt,
fyrsta stýrimanni Bob Barker, syst-
urskips Ady Gil, að áhöfn Ady Gil
hefði ekki gert neitt sem réttlætti
að siglt yrði á bátinn. En áhöfn jap-
anska hvalveiðiskipsins, Shonan
Maru 2, er á öndverðum meiði. Að
þeirra sögn var skipið búið að vera
undir „stöðugum árásum“ þenn-
an örlagaríka miðvikudag. Einnig
hefði fnyksprengjum verið skotið
upp á dekk annars hvalveiðskips,
Nisshin Maru, sem var í grennd-
inni. Að sögn áhafnar Shonan
Maru 2 voru skipverjar á Ady Gil að
reyna að flækja reipi í skrúfu eða
stýri hvalveiðbátsins þegar árekst-
urinn var, sem er ekkert annað en
„glæpsamleg hegðun“.
Í yfirlýsingu frá japönsku fisk-
veiðistofnuninni segir að aðgerðir
meðlima Sea Shepherd séu „með
öllu óafsakanlegar“.
Paul Watson sagði að tjónið á
Ady Gil væri töluvert fyrir samtök-
in því Ady Gil hafi kostað um tvær
milljónir Bandaríkjadala, um 250
milljónir íslenskra króna, „en líf
eins hvals skiptir okkur meira máli“.
Tvær rannsóknir
Stjórnvöld Ástralíu og Nýja-Sjá-
lands hyggjast hvor um sig rann-
saka málavexti og hvatti aðstoð-
arforsætisráðherra Ástralíu, Juliu
Gillard, bæði Japana og umhverfis-
sinna til að gæta stillingar á með-
an áströlsk yfirvöld rannsökuðu
ástæður árekstursins. Sagði Gillard
að það væri kraftaverk að enginn
hefði látist við áreksturinn.
Ady Gil er skráður á Nýja-Sjá-
landi og hafa siglingamálayfirvöld
þar nú þegar hafið rannsókn á at-
vikinu og kanna kvartanir hval-
veiðiyfirvalda í Japan yfir framferði
meðlima Sea Shepherd-samtak-
anna.
Ríkisstjórn Japan íhugar að
auka öryggi fyrir hvalveiðiflota
landsins, en skýrði það ekki nánar.
Japanskir hvalveiðimenn hyggjast
veiða um eitt þúsund hvali, aðal-
lega hrefnu, áður en flotinn snýr til
hafnar með vorinu.
Engan bilbug er að finna hjá Paul Watson, stofnanda Sea Shepherd-náttúruvernd-
arsamtakanna, þrátt fyrir að samtökin hafi misst sinn hraðskreiðasta bát. Japanskt
hvalveiðiskip sigldi á bátinn Ady Gil með þeim afleiðingum að hann brotnaði í tvennt.
KOLBEINN ÞORSTEINSSON
blaðamaður skrifar: kolbeinn@dv.is
Áreksturinn Shonan
Maru 2 dælir vatni yfir
Ady Gil þegar áreksturinn
á sér stað. MYNDIR AFP
Opið sár á Ady Gil Hraðbáturinn brotnaði í
tvennt við áreksturinn.
Stofnandi Sea Shepherd-samtakanna
Paul Watson segist standa frammi fyrir alvöru
„hvalastríði“.
n Hét áður Earthrace
n Hámarkshraði: 83 km á klukkustund
n Lengd: 24 metrar
n Þyngd: 26 tonn, með fullan tank
n Eldsneyti: Blandað - dýrafita/lífrænt
n Met: Sló met í siglingu umhverfis
jörðina árið 2008, siglingin tók 60
daga, 23 klukkustundir og 49 mínútur
Paul Watson stofnaði Sea Shepherd
árið 1977 og síðan þá hafa hann og
samtökin verið umdeild. Watson hefur
sent Greenpeace-samtökunum, sem
hann hjálpaði til við að stofna, tóninn
og kallað þau „Avon-dömur umhverfis-
verndarhreyfingarinnar“ vegna meintra
bleyðulegra aðgerða þeirra.
Samkvæmt upplýsingum á vefsíðu
Pauls Watson hefur hann orðið fyrir
fjórum árásum þar sem skotvopni var
beitt, en áhöld eru um áreiðanleika
þeirrar fullyrðingar.
n Þegar Sea Shepherd keypti kafbát
árið 1994 sögðu yfirmenn kanadíska
sjóhersins að það yrði of hættulegt
fyrir óbreyttan borgara að stjórna
honum. Paul Watson varð ekki orða
vant: „Síðan eftir síðari heimsstyrj-
öldina hafa Sea Shepherd-náttúru-
verndarsamtökin ráðist um borð í
fleiri skip, siglt á fleiri skip, tekið þátt
í fleiri átökum á rúmsjó og sökkt fleiri
skipum en kanadíski sjóherinn.“
n Þrátt fyrir að hafa misst hraðskreið-
asta bát sinn hafa samtökin enn skip,
fjármagn og viljann til að halda áfram,
sagði Paul Watson: „Við stöndum
frammi fyrir alvöruhvalastríði núna og
hyggjumst ekki hörfa.“
Ady Gil