Dagblaðið Vísir - DV - 03.02.2010, Page 13

NEYTENDUR 3. febrúar 2010 MIÐVIKUDAGUR 13
ER SÓSAN KEKKJÓTT? Fitubrák ofan á súpum
og sósum má draga burt með því að leggja örk af
eldhúspappír ofan á. Ef tími vinnst til má líka kæla
súpuna og fjarlægja fituna eftir að hún hefur storkn-
að. Gott ráð til að leysa upp kekki í súpum og sósum
er að setja þær í blandara og hræra smá stund. Of
sætar sósur má svo bæta með því að setja sítrónu-
safa saman við.
HRÍSGRJÓN Í KLESSU? Hrísgrjón sem loða
saman í klumpum má setja í hringform og baka
í ofni í tíu mínútur. Þannig losna þau í sundur
og verða léttari. Hvolfið úr forminu og berið
fram með sósu eða snöggsteiktu grænmeti
sem sett er í miðju hringsins. Gott ráð er líka að
setja svolítið af ólífuolíu í pottinn þegar hrís-
grjón eru soðin. Þannig loða þau síður saman.
Þegar allt er lagt saman kostar
skíðahelgi á Akureyri fyrir fjög-
urra manna fjölskyldu ríflega 60
þúsund krónur. Þetta miðast við
að fjölskyldan búi á sunnanverðu
landinu, eigi allan búnað til skíða-
iðkunar og hafi aðgang að ókeyp-
is gistingu hjá ættingjum eða vin-
um á Akureyri. DV tók saman hvað
aðgangur á skíðasvæðið í Hlíðar-
fjalli kostar í tvo daga, ásamt bens-
ínkostnaði og uppihaldi yfir eina
helgi.
Bensínverð aldrei hærra
Ferðalagið til eða frá Akureyri er
alls ekki ókeypis. Bensínverð hef-
ur aldrei verið hærra á Íslandi. Al-
gengt verð á þjónustustöðvunum
er nú 196,2 krónur. Sá sem keyrir
til Akureyrar á bíl sem eyðir 10 lítr-
um á hundraðið þarf nú að eyða
15.000 krónum í bensín fram og til
baka. Með svolitlu snatti á Akur-
eyri, auk gjalds í Hvalfjarðargöngin,
má gera ráð fyrir því að ferðakostn-
aður sé um 20.000 krónur. Til gam-
ans má geta að fyrir þremur árum
hefði viðmóta akstur kostað rétt um
10.000 krónur.
Gisting getur verið dýr ef gista
þarf á hóteli. Margir eiga hins veg-
ar ættingja eða vini og geta gist hjá
þeim á meðan aðrir taka sumarbú-
staði á hagstæðu verði. Kostnaður
við gistingu er ekki reiknaður með
að þessu sinni, þar sem hann er æði
misjafn.
Sannkölluð paradís
Í Hlíðarfjalli, ofan Akureyrar, er
sannkallaða vetrarparadís að finna,
enda hefur aðsóknin verið mikil í
vetur, að sögn starfsmanna. Í Hlíð-
arfjalli eru sex skíðalyftur og þar af
eru tvær stólalyftur. Flutningsgeta
er 4.200 manns á klukkustund í full-
um afköstum. Svæðið hefur verið
opið meira og minna í allan vetur,
enda hefur verið nægur snjór fyrir
norðan. Verð í fjallið fyrir fjögurra
manna fjölskyldu, tvo fullorðna og
tvö börn, í tvo daga, er 11.300 krón-
ur miðað við að fjölskyldan eigi all-
an þann búnað sem til þarf. Leiga
á öllum búnaði fyrir einn fullorð-
inn í tvo daga kostar 4.900 krónur,
3.300 fyrir ungling en leiga fyrir all-
an búnað í tvo daga fyrir barn kost-
ar 2.800 krónur.
Létt í hádeginu
Ef ráð er gert fyrir því að fjöl-
skyldan sé hagsýn og komi með
nesti að heiman má draga veru-
lega úr kostnaði við mat í helgar-
ferð á skíði til Akureyrar. Ef farið
er af stað eftir venjulegan vinnu-
dag á föstudegi má gera ráð fyrir
einni máltíð á leiðinni norður. Ef
keypt er hefðbundið hamborgara-
tilboð í sjoppu á leiðinni má gera
ráð fyrir því að máltíðin kosti um
3.500 krónur fyrir fjögurra manna
fjölskyldu. Vitanlega má komast
af með eitthvað minni peninga ef
ódýrari matur á borð við pylsu eða
samloku er valinn.
Á laugardegi og sunnudegi þarf
fjölskyldan líklega að kaupa fjórar
máltíðir; tvær hvorn dag.
Fæðið er dýrt
Ef fjölskyldan velur að borða tvær
léttar máltíðir í hádegi (laugardag
og sunnudag) þá kostar súpa dags-
ins ásamt brauði ríflega 700 krónur
á vinsælu veitingahúsi, svo dæmi sé
tekið. Ef vatn er drukkið með kostar
máltíðin 2.800 krónur hvorn dag. Ef
nesti að heiman (alls áætlað 2.000
kr.) er snætt yfir daginn má gera ráð
fyrir því að fjölskyldan verði svöng
um kvöldmatarleytið. Kjötmáltíð
handa fullorðnum kostar á bilinu
2.500 til 3.500 krónur á veitinga-
stöðum á Akureyri. Stór máltíð fyrir
börnin er eitthvað ódýrari en með
gosi fyrir börnin og vínglasi eða
bjór fyrir þá fullorðnu má áætla að
vegleg kvöldmáltíð fyrir fjóra kosti
að lágmarki 10.000 krónur hvort
kvöld.
Miðað við framangreindar for-
sendur slagar matarkostnaður upp
í um 30.000 krónur yfir helgina;
þrjár kvöldmáltíðir og tvær mál-
tíðir í hádegi. Þó skal haft í huga
að matarkostnaður er einnig fyrir
hendi hefði fjölskyldan ekki farið í
ferðalag. Hann hefði þó líklega ver-
ið mun lægri.
Þegar allt er lagt saman kostar
skíðahelgi á Akureyri fyrir fjögurra
manna fjölskyldu, sem á allan bún-
að til skíðaiðkunar og hefur aðgang
að ókeypis gistingu, ríflega 60 þús-
und krónur.
- fjögurra manna fjölskylda -
n Bensín og göng 20.000 kr.
n Aðgangur í Hlíðarfjall 11.300 kr.
n Tvær léttar hádegismált. 5.600 kr.
n Tvær stórar kvöldmált. 20.000 kr.
n Hamborgaratilb. í sjoppu 3.500 kr.
n Smurðar samlokur/helgin 2.000 kr.
n Leiga á öllum búnaði 15.400 kr.
- Miðað við að ekið sé frá höfuðborgar-
svæðinu síðdegis á föstudegi og heim
að kvöldi sunnudags.
- Kostnaður við gistingu bætist við.
Helgarferð
í HlíðarfjallBALDUR GUÐMUNDSSON
blaðamaður skrifar baldur@dv.is
Verð í fjallið fyrir fjögurra
manna fjölskyldu, tvo
fullorðna og tvö börn,
í tvo daga er 11.300
krónur.
Kostnaður við helgarferð á skíði til Akureyrar fyrir fjögurra manna fjölskyldu sem
býr á höfuðborgarsvæðinu nemur ríflega 60 þúsund krónum. Þar af er bensín- og
matarkostnaður áætlaður um 50 þúsund krónur. Í þessum tölum er ekki gert ráð
fyrir kostnaði við gistingu.
SKÍÐAFERÐ NORÐUR
KOSTAR 60 ÞÚSUND
Búa til snjó Snjóframleiðsluvélar
í Hlíðarfjalli sjá til þess að alltaf sé
nægur snjór. MYNDRÚN EHF / RÚNAR ÞÓR
Vetrarparadís í Hlíðar-
fjalli Þar kosta tveir dagar
4.200 kr. fyrir fullorðna en
1.450 kr. fyrir börn.
REIKNIVÉL
FYRIR FARSÍMA-
ÞJÓNUSTU
Unnið er að gerð reiknivélar fyr-
ir neytendur þar sem mögulegt
verður að bera saman verð á
síma- og netþjónustu. Tilgang-
urinn er að auðvelda neytend-
um að leggja mat á hvaða síma-
og/eða netþjónusta hentar þeim
best. Póst- og fjarskiptastofn-
un, PFS, hyggst nú setja reglur
um gæði fjarskiptaþjónustu og
framsetningu upplýsinga sem
birtar eru, svo notendur hafi
aðgang að auðskiljanlegum og
samanburðarhæfum upplýs-
ingum. Reglunum er ætlað að
bæta neytendavernd og verðvit-
und almennings.
BURT MEÐ
BRUNABRAGÐ
Hrærðu ekki í pottrétti sem hef-
ur brunnið við, það eyðilegg-
ur hann. Helltu honum í nýjan
pott og bættu hrárri kartöflu
eða hörðu brauði út í. Það dreg-
ur til sín brunabragðið. Færðu
kartöfluna eða brauðið upp eftir
10 mínútur og bættu dálitlum
pipar og worchestershire-sósu
út í réttinn. Sé magnið orðið
of lítið má bæta niðursoðnum
tómötum, sýrðum rjóma eða
jógúrt saman við pottréttinn.
LJÓS GEGN
ÞJÓFUM
Í stað þess að hafa ljós kveikt
að næturlagi má setja upp bún-
að með innrauðum geisla sem
kveikir ljósin þegar gengið er
fyrir geislann. Búnaðinn má
setja upp utan við húsið eða
innandyra. Skildu eftir ljós í
stofu og eldhúsi þegar þú ferð út
að kvöldlagi. Það er merki þess
að einhver sé heima. Enn betra
er að hafa klukkubúnað sem
kveikir ljósin á vissum tíma,
alveg eins og um daglegan um-
gang fólks sé að ræða.