Dagblaðið Vísir - DV - 03.02.2010, Side 14

14 MIÐVIKUDAGUR 3. febrúar 2010 FRÉTTIR
Níu í viðbót
verða hengdir
Írönsk stjórnvöld sögðu í gær að
þess yrði skammt að bíða að níu
yrðu hengdir, til viðbótar tveimur
sem hengdir voru á fimmtudaginn.
„Níu aðrir verða brátt hengdir.
Þeir níu, og þeir tveir sem hengdir
voru á fimmtudaginn, voru hand-
teknir í óeirðum nýlega og höfðu
tengsl við andbyltingarhópa,“ hafði
Fars-fréttastofan eftir Ebrahim Ra-
isi, háttsettum embættismanni.
Ellefumenningarnir voru
dæmdir til dauða meðal annars
fyrir að hafa „háð stríð gegn guði“
og að hafa verið meðlimir vopn-
aðra hópa.
Berst gegn rétti
samkynhneigðra
Benedikt XVI páfi hefur hvatt
kaþólska biskupa í Englandi og
Wales til að berjast af „trúarlegri
sannfæringu“ gegn frumvarpi að
jafnréttislögum og sagði að lög sem
veittu samkynhneigðum jafnrétti
„gengju í bága við náttúrulögmál-
ið“. Ummælin eru talin bein árás á
stefnu Gordons Brown forsætisráð-
herra í jafnréttismálum og tíma-
setningin vandlega ákveðin enda
standa kosningar fyrir dyrum og
atkvæði kaþólskra kunna að vega
þungt með tilliti til þess hver verði
forsætisráðherra þegar páfi sækir
Bretland heim seinna á árinu.
Baráttusamtök fyrir réttindum
samkynhneigðra fordæmdu um-
mæli páfa og sögðu að jafnrétti yrði
að ná til allra.
Varði fjölkvæni sitt
Jacob Zuma, forseti Suður-Afríku,
neyddist í viðtali til að verja rétt
sinn til þess að eiga margar eigin-
konur á Alþjóðaefnahagsþinginu í
Davos í Sviss í janúarlok.
Fjölkvæni er löglegt í Suður-
Afríku, en umdeilt, og Zuma, sem
hefur kvænst fimm sinnum, hefur
sætt gagnrýni frá andstæðingum
fjölkvænis sem segja að siðurinn
sé úr takti við nútímann og ósann-
gjarn gagnvart konum.
Zuma sagði að menningar-
legt val hans hefði hvorki áhrif á
póli tíska skoðun hans né skoðanir
hans á jafnrétti kvenna og sagðist
aðspurður sinna öllum konum
sínum „fullkomlega“ jafnt.
Silvio Berlusconi, forsætisráðherra Ít-
alíu, lætur ekki deigan síga frekar en
fyrri daginn ef eitthvað er að marka
ítalska dagblaðið La Repubblica. Fyrr
í vikunni stóð hann frammi fyrir upp-
reisn í flokki sínum vegna frétta þess
eðlis að hann hygðist flagga aðlaðandi
ungum konum sem frambjóðendum
í sveitarstjórnarkosningum sem fram
fara á Ítalíu í næsta mánuði.
Þess er skemmst að minnast þegar
Berlusconi hugðist fara þá leið í Evr-
ópuþingkosningum og þingkosning-
unum í júlí á síðasta ári við litlar vin-
sældir. Þá kynnti hann til leiks þekktar
konur úr sjónvarpinu, fyrirsætur og
kvenkyns keppendur úr raunveru-
leikaþættinum Big Brother, og lýsti
eiginkona hans, Veronica Lario, fyrir-
ætlunum hans sem misbeitingu valds
og skammarlegri leið til að „skemmta
keisaranum“.
Umræddir frambjóðendur, flestir
hverjir, voru dregnir til baka í kjölfar
svipaðrar gagnrýni og Lario viðhafði.
En nú virðist sem forsætisráðherr-
ann hyggist nýta auknar vinsældir
sínar, sem tilkomnar eru vegna árás-
ar sem hann varð fyrir í desember, og
blása nýju lífi í hugmynd síðasta árs.
Fyrirsætur og veðurfréttaþulur
Hugsanlegir frambjóðendur fyrir flokk
Berlusconis í Lazio, samkvæmt dag-
blaðinu La Repubblica, eru sjónvarps-
kynnirinn Francesca Pascale og fyrir-
sætan og sönkonan Cristina Ravot.
Aðrar konur sem nefndar hafa ver-
ið til sögunnar eru Francesca Prov-
etti, sem er þekkt sjónvarpskona og
hefur einnig unnið sér til frægðar að
hafa komist í úrslit í keppninni ung-
frú Ítalía, og Giovanna Del Giudice,
fyrrverandi veðurþula á einni sjón-
varpsstöðva Berlusconis og núverandi
aðstoðarkona á þingi landsins. Ef satt
reynist mun Provetti bjóða sig fram í
Lombardia-héraði og Giudice í Camp-
ania.
La Repubblica segir að önnur fyrr-
verandi veðurfréttaþula, Chiara Sgar-
bossa fyrrverandi ungfrú Veneto, komi
til greina sem frambjóðandi í Veneto
og Graziana Capone, útskriftarnemi
í lögum og fyrirsæta, sé hugsanlegur
frambjóðandi í Puglia. Graziana hef-
ur fengið viðurnefnið „Angelina Jolie
frá Bari“.
Vísað til föðurhúsanna
Þó nokkrir samherjar Berlusconis
hafa vísað fréttum La Repubblica til
föðurhúsanna. Á meðal þeirra er einn
stækasti stuðningsmaður Berluscon-
is, Giorgio Stracquadanio, sem sagði
að sú hætta væri fyrir hendi að mál-
flutningur af þessu tagi fengi vængi
einmitt á þeim tíma sem reynt væri
að koma pólitískri umræðu á hærra
plan.
Flavia Perina sagði að ef sýning-
arstúlkur yrðu gerðar að frambjóð-
endum yrði um „skref aftur á bak“ að
ræða og slíkt myndi grafa undan al-
varlegri kvenkyns frambjóðendum, til
dæmis stéttarfélagsleiðtoganum Ren-
ötu Polverini.
Að mati Perina er ekki hægt að
bjóða fram alvöru kvenkyns fram-
bjóðendur á annan bóginn og sýning-
arstúlkur á hinn bóginn.
The Times hefur eftir stjórnmála-
fræðingnum Sofiu Ventura að Berlus-
coni sé „... úr tengslum við raunveru-
leika nútímans og hvað konur standi
fyrir í samfélaginu í dag.“
„Er það mögulegt að við, í þessum
flokki, höfum ekki lært neitt?“ spyr
Sofia Ventura.
Kínverskir ráðamenn vöruðu banda-
ríska starfsbræður sína við því að
taka á móti Dalaí Lama, útlægum
andlegum leiðtoga tíbetsku þjóðar-
innar. Kínverjar sögðu að tengsl Kína
og Bandaríkjanna myndu bíða tjón
ef Barack Obama hitti leiðtogann
og hnykkti Zhu Weiqun, háttsettur
embættismaður kínverska komm-
únistaflokksins, á afstöðu Kínverja
og sagði að gripið yrði til „viðeigandi
aðgerða“ ef sú yrði raunin, og þeim
löndum sem ættu í hlut „yrðu leidd
fyrir sjónir mistök sín“.
Ummæli Zhus Weiqun féllu strax
í kjölfar ósættis milli kínverskra og
bandarískra stjórnvalda vegna sölu
þeirra síðarnefndu á vopnum til Ta-
ívan, en Kínverjar telja sig eiga tilkall
til Taívan.
Nýlokið er fimm daga heimsókn
fulltrúa Dalaí Lama til Kína, en mikið
hefur skilið að sjónarmið þarlendra
stjórnvalda og sjónarmið hins út-
læga leiðtoga og sagði Zhu Weiqun
að stór gjá skildi deiluaðila að.
Fulltrúar Dalaí Lama viðruðu í
heimsókn sinni enn og aftur von um
aukna sjálfstjórn Tíbetum til handa,
en að sögn Zhus er ekki möguleiki á
„minnstu málamiðlun“ af hálfu Kín-
verja hvað varðar það málefni.
Zhu Weiqun dró ekki dul á skoð-
un sína á Dalaí Lama og sagði hann
vera vandræðagepil sem ætti að fara
í „... gagngera sjálfsskoðun með til-
liti til orða sinna og gerða og breyta
á róttækan hátt pólitískri stöðu sinni
ef hann vildi vænta árangurs að sam-
skiptum og viðræðum.“
SÝNINGARSTÚLK-
URNAR OG SILVIO
Ítalskt dagblað fullyrðir að Silvio Berlusconi, forsætisráðherra Ítalíu, hyggist tefla
fram aðlaðandi ungum konum úr sjónvarpsgeiranum og fyrirsætuheiminum í kom-
andi sveitarstjórnarkosningum. Áform forsætisráðherrans umdeilda fá blendin við-
brögð hjá flokksmönnum hans.
Er það mögulegt að við, í þessum
flokki, höfum ekki lært
neitt?
Chiara Sgarbossa, fyrrverandi
ungfrú Veneto Nefnd sem hugs-
anlegur frambjóðandi í Veneto.
Hátíð í Viareggio á Ítalíu Silvio
Berlusconi og ríkisstjórn landsins séð
með augum listamannanna Gilberts
Lebridge and Corinne Roger. MYND AFP
KOLBEINN ÞORSTEINSSON
blaðamaður skrifar: kolbeinn@dv.is
Kínverskir ráðamenn vara Bandaríkjaforseta við vegna Dalaí Lama:
Hóta „viðeigandi aðgerðum“
Nóbelsverð-
launahafinn
Dalaí Lama
Er kínverskum
ráðamönnum
þyrnir í augum.
MYND AFP