Dagblaðið Vísir - DV - 03.02.2010, Síða 15

FRÉTTIR 3. febrúar 2010 MIÐVIKUDAGUR 15
Sjóránið bar ávöxt
Sómalskir sjóræningjar hafa sleppt
gríska flutningaskipinu Filitsa
og 22 manna áhöfn þess, en það
lenti í klóm sjóræningjanna 11.
nóvember. Skipinu var sleppt í
vikubyrjun eftir að útgerðarfélag
þess hafði greitt lausnargjaldið að
sögn öryggisfulltrúa og talsmanns
félagsins. Talsmaðurinn, Michael
Battzoglou, sagði að áhöfnin væri
öll heil á húfi.
NAVFOR, teymi Evrópusam-
bandsins gegn sjóránum, staðfesti
að lausnargjald hefði verið greitt
en neitaði að tjá sig um hve há
upphæð hefði skipt um eigendur.
Ákærður fyrir
sódómsku
Anwar Ibrahim, leiðtogi malasísku
stjórnarandstöðunnar, hefur verið
ákærður fyrir sódómsku í annað
skipti á einum og sama áratugn-
um, en réttarhöldum yfir hon-
um var frestað að beiðni verjenda
hans.
Anwar, sem sagði að réttar-
höldin væru „vélabrögð örfárra
lúalegra og spilltra“ á yfir höfði sér
allt að tuttugu ára fangelsisvist ef
hann verður sakfelldur.
Anwar Ibrahim var dæmdur til
níu ára fangelsisvistar árið 2000
fyrir sömu sakir, en alríkisdóm-
stóll ógilti þann dóm fjórum árum
síðar.
Dýrt viskítár
Ein sjaldgæfasta hálfflaska af viskíi
verður boðin upp hjá uppboðs-
fyrirtækinu McTears í Glasgow í
dag. Um
er að ræða
flösku af
Spring-
bank-viskíi
frá J & A
Mitchell
& Co Ltd,
en viskíið
var eimað
árið 1900.
Reiknað
er með að
hálfflaskan
sjaldgæfa
fari á um
sex þús-
und sterl-
ingspund,
eða 1,2
milljónir
íslenskra
króna.
Á meðal
annarra
sjaldgæfra
guða-
veiga sem fara undir hamarinn má
nefna Macallan, Dalmore, Bow-
more, Higland Park og Talisker,
og án efa munu viskíáhugamenn
berjast um hituna.
Æðsti „vúdúmeistari“ Haítí, Max
Beau voir, fullyrðir að andstæðingar
trúar hans hafi vísvitandi komið í veg
fyrir að brýn aðstoð bærist iðkendum
trúarbragðanna. Að sögn hafa með-
limir evangelísku kirkjunnar verið við
stjórnvölinn og slegið eign sinni á öll
hjálpargögn. „Þeir hafa það forskot að
vera við stjórn flugvallarins þar sem
allt situr fast. Þeir taka allt sem þeir
koma höndum yfir og færa sínu fólki,
og það er skömm að því,“ sagði Max.
Max Beauvoir sagði að hann væri
ekki að fara fram á að fá meira en
aðrir, en þjáningar allra væru eins
og sömuleiðis þarfirnar. „Við biðjum
aðeins um sanngirni,“ sagði hann og
bætti við að það hefði tekið tveggja
vikna baráttu að fá fyrstu matarsend-
inguna til heimabæjar hans, Mariani,
sem er rétt utan við höfuðborgina
Port-au-Prince.
Í kjölfar jarðskjálftans fór ev-
angelistinn Pat Robertson mikinn í
bandarísku sjónvarpi og fullyrti að
Haítar hefðu „gert samning við djöf-
ulinn“ fyrir 200 árum þegar þeir báru
sigurorð af Frökkum.
Max Beauvoir sagðist ekki þekkja
Pat og taldi sig „ekki missa af miklu“.
Hann sagði einnig að vúdú hefði ver-
ið þróað af forfeðrum Haíta og væri
hluti af tilveru þeirra: „Að segja okk-
ur að láta af vúdúiðkun er eins og
að biðja Bandaríkjamenn að láta af
hamborgaraáti.“
Max vísaði til föðurhúsanna þeirri
hugmynd að mannfórnir væru hluti
vúdúiðkunar, sem og ástundun þess
að stinga prjónum í dúkkur. „Það er
Hollywood-vúdú. Enginn í Holly-
wood hefur nokkurn tímann sent
mannfræðing til að rannsaka vúdú á
Haítí,“ sagði Max Beauvoir.
Vúdú er blanda trúar vesturaf-
rískra þræla sem fluttir voru til eyj-
unnar á 16. öld frá Vestur-Afríku og
rómversk-kaþólskrar kristni.
Barnung brúður í Sádi-Arabíu hefur
dregið til baka beiðni um að hjóna-
band hennar og áttræðs eiginmanns
verði ógilt. Stúlkan sem um ræðir er
ekki nafngreind en er tólf ára og er frá
Qaseem-héraði austur af höfuðborg-
inni Riyadh. Hún var gefin eiginmanni
sínum í september gegn vænni þókn-
un föður hennar til handa, en þóknun-
in samsvaraði tæpum þremur milljón-
um íslenskra króna.
Grátbað um aðstoð
Stúlkan hafði ásamt móður sinni far-
ið þess á leit við dómstóla landsins að
hjónaband hennar yrði ógilt og grund-
vallaði beiðnina á því að henni hefði
verið nauðgað. En nú hefur stúlkunni
snúist hugur, hún hefur dregið beiðn-
ina til baka og segist vilja virða vilja
föður síns.
„Ég er hjónabandinu samþykk.
Ég hef ekkert á móti því. Þetta er í
samræmi við dótturlega virðingu
fyrir föður mínum og hlýðni gagn-
vart óskum hans,“ hafði dagblaðið
Okaz eftir stúlkunni, en orðin á hún
að hafa látið falla við dómstólinn.
Aðstæður stúlkunnar urðu heyr-
inkunnar í janúar þegar blaða-
maður dagblaðsins Al-Riyadh hitti
stúlkuna og hún grátbað hann um
að bjarga sér. Sem fyrr segir hef-
ur henni snúist hugur og það mun
hafa verið móðir hennar sem kom
sinnaskiptum hennar á framfæri.
Þörf fyrir hertar reglur
Í Sádi-Arabíu fyrirfinnast engin lög
sem banna að börn séu gefin í hjóna-
band, en þó virðast vera blikur á lofti
hvað það varðar. Í apríl sagði dóms-
málaráðherra landsins, Mohammed
Al-Issa, að þörf væri fyrir hertar regl-
ur svo hægt væri að koma í veg fyrir að
foreldrar „seldu“ börn sín.
Tilefni orða Mohammeds Al-
Issa var hjónaband átta ára stúlku
og sextugs manns. Sá ráðahagur var
fordæmdur af mannréttindasam-
tökum víða um heim. Samkvæmt
lögfræðingi þeirrar stúlku var hún
gefin í hjónaband til að greiða skuld
föður hennar við brúðgumann.
Lyktir þess hjónabands urðu
þær að dómstóll heimilaði skilnað
stúlkunnar við manninn, en í tví-
gang hafði henni verið neitað um
hann.
Brot gegn réttindum barna
Þetta nýja mál hefur vakið athygli
inna vébanda konungsfjölskyld-
unnar í Sádi-Arabíu. Adela bint Ab-
dullah prinsessa, dóttir Abdullah
bin Saud konungs, hefur látið mál-
ið sig varða og sagði að hjónaband-
ið bryti gegn réttindum stúlkunnar.
Prinsessan sagði að börn ættu
rétt til að njóta bernskunnar og ekki
að vera neydd í hjónaband. „Jafnvel
fullorðnir myndu ekki samþykkja
það,“ var haft eftir prinsessunni í
þarlendum fjölmiðlum.
En siðurinn á einnig sína fylgis-
menn sem bera því við að hann sé
hluti af sádiarabískri menningu.
Eins og málum er háttað í Sádi-Ar-
abíu nú eru haldnar í heiðri strang-
ar reglur súnní-íslam sem banna
frjálst samband kynjanna og heimil-
ar feðrum að gifta dætur sínar hverj-
um þeim sem þeim sýnist.
KOLBEINN ÞORSTEINSSON
blaðamaður skrifar: kolbeinn@dv.is
Æðsti „vúdúmeistari“ Haítí vandar kristnum ekki kveðjurnar:
Vúdúiðkendur mæta afgangi
Vúdúsöluturn Vúdútrúarmenn telja sig ekki sitja við sama borð og kristnir á Haítí.
MYND AFP
Barnungri brúði sem farið hafði fram á að hjónaband hennar og áttræðs manns yrði
ógilt hefur snúist hugur. Haft er eftir stúlkunni að sinnaskiptin megi rekja til dóttur-
legrar hlýðni hennar. Dómsmálaráðherra landsins vildi herða lög svo foreldrar gætu
ekki „selt“ börn sín.
VELUR ÁTTRÆÐAN
EIGINMANN
Svartklæddar konur sitja í
sandi Engin lög banna að ungar
stúlkur séu giftar í Sádi-Arabíu.
MYND PHOTOS.COM
Ég er hjónaband-inu samþykk. Ég
hef ekkert á móti því.
Þetta er í samræmi við
dótturlega virðingu fyrir
föður mínum og hlýðni
gagnvart óskum hans.