Dagblaðið Vísir - DV - 03.02.2010, Qupperneq 17

Hver er maðurinn? „Leifur
Breiðfjörð, myndlistarmaður.“
Hvaðan ertu? „Fæddur og uppalinn
í Reykjavík.“
Hvað drífur þig áfram? „Sköpun-
argleðin og ánægjan af því að vinna
við það sem ég er að gera.“
Hverju ertu stoltastur af?
„Fjölskyldunni og þeim verkum sem
ég hef unnið að í gegnum tíðina.“
Hvað kom til að þú varst fenginn
í þetta verkefni? „Ég gerði steinda
glugga fyrir þessa kirkju árið 1985.
Tveimur árum síðar var haft samband
við mig og ég var beðinn um að
gera nýtt anddyri fyrir kirkjuna. Það
var beint fyrir neðan gluggann og
átti að mynda heild. Það er svolítið
merkilegt því ég er nýbúinn að gera
bronshurðir fyrir Hallgrímskirkju og
þessar hurðir tengjast einmitt mikið.
Eru báðar á vesturhlið kirkjunnar og
fyrir neðan glugga sem ég gerði. Það
má segja að ég sé á hurðatímabili
ferils míns.“
Viltu segja mér frá verkinu?
„Þetta er abstrakt verk sem byggt er
upp af náttúrulegum formum. Síðan
eru ákveðin „element“ í glugganum
sem endurtaka sig í hurðinni. Bláa
litinn notaði ég sem andstæðu við
litina inni í kirkjunni en þeir eru
hlýir og þungir. Ég vildi fá eitthvað
nýtt inn í kirkjuna. Þetta er í raun
glerskúlptúr sem maður gengur inn
í. Svo má nú segja að þetta sé ákveð-
inn útflutningur því stálhluti verksins
er unninn hér á Íslandi í fyrirtæki sem
heitir Teknís. Verkið sjálft vann ég úti
í Þýskalandi.“
Hefur þú fengið einhver
viðbrögð við því? „Ég hef ekki
heyrt annað en að menn séu mjög
ánægðir með það. Úti er að fara af
stað kynning á efninu svo það er
ekki alveg farið að reyna á almenn-
ingsálit.“
Hvaðan fékkstu innblástur?
„Það tengist bara öðrum verkum
sem ég er að vinna að og hef unnið
í gegnum tíðina. Ég byggði þetta
á mínum hugmyndabanka og svo
tengist það auðvitað glugganum
og formunum um það. Er gert til
minningar um þjóðskáld Skota, sumt
í verkinu minnir á hann.“
ÆTLAR ÞÚ AÐ FLYTJA TIL ÚTLANDA EÐA ÞEKKIR ÞÚ EINHVERN SEM ER Á FÖRUM?
„Nei, ég er ekki að fara eða neinn í
minni fjölskyldu, en ég heyri af fólki
sem er að flytja.“
ÁGÚST EYSTEINSSON,
27 ÁRA, NEMI
„Ég er ekki að flytja en vinkona mín og
hennar maður eru atvinnulaus og eru
að flytja til Þýskalands.“
SIGURBJÖRG SARA RÍKHARÐSDÓTTIR,
21 ÁRS, NEMI
„Nei, ég er ekki að flytja og ég þekki
engan sem er að fara.“
ÍRIS DÖGG ÁSMUNDSDÓTTIR,
23 ÁRA, BÍLASPRAUTARI
„Nei, ég er ekki að fara og ég þekki
heldur engan sem ætlar að flytja.“
HALLA SIGURÐARDÓTTIR,
46 ÁRA, PRENTSMIÐUR
DÓMSTÓLL GÖTUNNAR
Myndlistarmaðurinn LEIFUR
BREIÐFJÖRÐ á nýtt anddyri í
dómkirkjunni í Edinborg en það er
járn- og skúlptúrverk sem er blátt að lit.
ER Á HURÐA-
TÍMABILINU
„Ég er ekki á förum en ég á kunningja-
fólk sem er farið með þrjú börn til
Noregs.“
SVANDÍS ÓSKARSDÓTTIR,
55 ÁRA, BANKAMAÐUR
MAÐUR DAGSINS
Fyrr en síðar verða kjósendur og
skattgreiðendur að sætta sig við orð-
inn hlut. Því fyrr sem það verður því
meiri tími gefst til þess að huga að
mikilvægum skilyrðum framleiðsl-
unnar og innviðum félagskerfis-
ins sem einnig getur bognað undan
þunga bankahrunsins.
Þjóðin og þingið hefur nú varið
16 mánuðum í umræður um Icesa-
ve-vandann. Skuldbindingar ríkis-
ins vegna vandans eru 230 milljarð-
ar króna. Vextir eru drjúgir eða allt
að 150 milljarðar króna miðað við 5,5
prósenta nafnvexti.
Einblíni þjóðarinnar veldur því
að fæstir átta sig á að aðrar skuldir
eru bæði meiri og erfiðari en Icesa-
ve-skuldbindingin. Innlendar skuldir
vegna bankanna og gjaldþrots Seðla-
banka Íslands eru um 480 milljarðar
króna. Lán á móti þessum skuldum
eru sum hver verðtryggð og á engu
betri vaxtakjörum en Icesave-lánin
frá Hollandi og Bretlandi.
Um síðustu áramót höfðu íslensk-
ir skattborgarar greitt um 32 milljarða
króna í vexti vegna gjaldþrots Seðla-
bankans. Þar af voru vaxtagreiðslurn-
ar um 7,5 milljarðar en verðbætur um
24,5 milljarðar króna.
Þetta er sárgrætilegt vegna þess að
gjaldþrot Seðlabankans át bókstaf-
lega upp um 70 prósent af auknum
skatttekjum ríkissjóðs.
Óréttlætið
Það er einnig sárgrætilegt óréttlæti ef
stjórnvöld verða uppvís að því að hafa
mulið undir eignafólk þegar björg-
unaraðgerðir hófust í bankahruninu
sjálfu. Lilja Mósesdóttir hagfræðingur
og þingkona VG sagði á þingi snemma
í vetur, að margt benti til þess að 10
prósent íslenskra sparifjáreigenda
hefðu átt um 70 prósent af innstæðu-
upphæðinni sem skattgreiðendur
voru látnir ábyrgjast hér innanlands.
„Sú aðgerð að tryggja innstæður
að fullu fól í sér mikla eignatilfærslu
frá skattgreiðendum til fjármagnseig-
enda sem birtist meðal annars í því að
nú þarf ríkið að leggja ríkisbönkunum
til um 200 milljarða í eigið fé. Auk þess
var tekin sú ákvörðun að bæta fjár-
magnseigendum tap vegna peninga-
markaðssjóða bankanna og er talið að
þessi ákvörðun hafi kostað skattgreið-
endur að minnsta kosti um 200 millj-
arða.“
Icesave-skuldbindingin, sem nú
hefur hlaðið stjórnkerfiskreppu frá
Bessastöðum ofan á fjármálakreppu
þjóðarinnar, er í raun og veru hreint
ekki eins íþyngjandi vandi og hér um
ræðir.
Skuldabyrðin vegna annarra
skulda en Icesave er slík á næstu
tveimur árum að til greiðslufalls get-
ur komið eins og Friðrik Már Bald-
ursson hagfræðingur reyndi að koma
forsetanum í skilning um með bréfi
sem hann sendi honum skömmu
áður en hann vísaði Icesave-málinu
til þjóðarinnar. Réttilega hefur Friðrik
Már áhyggjur af fjármögnun á móti
greiðslubyrðinni ef íslenska þjóðin
ætlar reiðilega að standa í stríði við
umheiminn næstu misserin vegna
Iceave. „Í þessari stöðu felst mikil
áhætta sem brýnt er að leysa úr með
því að tryggja fjármögnun greiðslna
þessara opinberu aðila með góðum
fyrirvara. Það háa áhættuálag sem
fjármálamarkaðir leggja á Ísland nú
stafar án efa að miklu leyti af því að
það liggur ekki ljóst fyrir hvernig land-
ið mun mæta þessum greiðslum.“
Gamla valdabröltið
Gegn öllum góðum og skynsömum
úrræðum standa stjórnarandstöðu-
flokkarnir með forsetanum og ritstjór-
anum í Hádegismóum.
Mest er ábyrgð Sjálfstæðisflokksins
sem auðveldast er einnig að lesa sök-
um innbyggðrar sérhagsmunagæslu
flokksins:
Hann bar ábyrgð á einakvæðingu
bankanna til flokksgæðinga ásamt
flokki Sigmundar Davíðs Gunnlaugs-
sonar.
Hann var í aðstöðu til að fylgjast
með bankagæðingunum í gegnum
Fjármálaeftirlitið.
Hann blekkti Hollendinga og Breta
fram á síðustu stundu til að bjarga
bankagæðingunum.
Hann vissi um ástandið og hafði
vitað nær allt árið 2008.
Hann gerði lítið til að leysa úr álita-
málum gagnvart Bretum og Hollend-
ingum frá bankahruni þar til hann
hraktist frá völdum.
Hann notar nú Icesave-samning-
inn, sem búið er að gera, til þess að
fella ríkisstjórnina.
Hann teflir efnahagsáætluninni í
samvinnu við AGS í tvísýnu sem getur
leitt til greiðslufalls þjóðarinnar.
Hann kærir sig kollóttan þótt sam-
skipti við öll önnur ríki fari í uppnám.
Hann sýnir því tómlæti þótt þjóðin
sundrist í stað þess að sameinast.
Hann sakar aðra um landráð en
sýnir engin merki auðmýktar sjálfur.
Svo skal böl bæta...
KJALLARI
MYNDIN
1 Stöð 2 afhjúpaði uppljóstrara
Fréttablaðið birti í gær gögn sem
uppljóstrari bauð Stöð 2. Þar kom fyrir
tölvupóstfang uppljóstrarans.
2 John Terry fær leyfi til að bjarga
hjónabandinu
John Terry fyrirliði Chelsea og enska
landsliðsins í knattspyrnu hefur fengið
leyfi frá störfum til að bjarga hjónabandi
sínu.
3 Gisele fæddi í baðkari
Ofurfyrirsætan Gisele Bundchen eignaðist
sitt fyrsta barn í baðkari á heimili sínu.
4 Sophia neitar sök - Rúna bar
vitni símleiðis
Sophia Hansen neitaði sök um að hafa haft
Sigurð Pétur Harðarson fyrir rangri sök
þegar hún sakaði hann um að hafa falsað
undirskrift hennar.
5 Var að kafna á chili-kássu og
keyrði inn í hús
Ökumaður timburflutningabíls missti
stjórn á bílnum og keyrði bílinn
langleiðina inn í hús.
6 Frjálslyndi flokkurinn ítrekar að
Ólafur F. sé einn á báti
Frjálslyndi flokkurinn áréttar að Ólafur sé
ekki í flokknum.
7 Ætlaði að skila í síðustu viku
Sjálfstæðisflokkurinn hafði lofað að skila
reikningi sínum fyrir árið 2008 til
Ríkisendurskoðunar í síðustu viku.
MEST LESIÐ á DV.is
JÓHANN
HAUKSSON
útvarpsmaður skrifar
„Þetta er sárgrætilegt
vegna þess að gjaldþrot
Seðlabankans át bók-
staflega upp um 70
prósent af auknum
skatttekjum ríkissjóðs.“
UMRÆÐA 3. febrúar 2010 MIÐVIKUDAGUR 17
Gluggaþvottur Miklar endurbætur hafa staðið yfir á Hallgrímskirkju. Viðgerð á kirkjuturninum er lokið og nýjum hurðum hefur
verið komið fyrir. Síðasti hluti framkvæmdanna stendur nú yfir en hann felst meðal annars í þrifum á kirkjunni eins og sjá má á
þessari mynd. MYND KRISTINN