Dagblaðið Vísir - DV - 03.02.2010, Síða 24

FIMMTI MAÐURINN BESTI KOSTURINN
Í febrúar 2008 sætti Handknattleikssamband Íslands, HSÍ, mikilli gagnrýni fyrir vinnubrögð sín í leit að
arftaka Alfreðs Gíslasonar í stöðu landsliðsþjálfara Íslands. Fjórir menn sögðu nei áður en Guðmundur
Þórður Guðmundsson var á endanum ráðinn eftir mikið fjaðrafok. Það sem eftir það hefur gerst veit hvert
mannsbarn. Silfur á Ólympíuleikum og brons á Evrópumótinu sem lauk í Austurríki á sunnudaginn.
Tuttugasta og fimmta febrúar 2008 var
Guðmundur Þórður Guðmundsson
ráðinn þjálfari íslenska landsliðsins í
handbolta í annað sinn. Var hann ráð-
inn í skugga mikilla deilna og gagnrýni
á Handknattleikssamband Íslands,
HSÍ, fyrir störf sín í kringum ráðn-
ingu á nýjum landsliðsþjálfara. Leitað
var að arftaka Alfreðs Gíslasonar eftir
vont Evrópumót í Þrándheimi 2008 og
sögðu alls fjórir menn nei áður en Guð-
mundur var ráðinn.
Við ráðninguna sagði Guðmund-
ur að það skipti hann ekki máli hvort
hann væri fyrsti eða fimmti kostur.
Hann hefur síðan skilað tveimur verð-
launapeningum í safnið hjá landslið-
inu, þeim fyrstu í íslenskri handbolta-
sögu utan B-heimsmeistaratitilsins.
Guðmundur hefur breyst mikið sem
þjálfari og þroskast eins og hann orðar
það sjálfur.
Hætti að þjálfa vegna vinnu
Guðmundur Guðmundsson þjálfaði
lið Fram á árunum 2005-2007. Ráðn-
ing hans þangað olli þó nokkrum deil-
um en Heimi Ríkarðssyni var sagt upp
störfum svo hægt væri að ráða Guð-
mund. Féll það ekki í kramið hjá mörg-
um leikmönnum og stuðningsmönn-
um liðsins. Árangur Guðmundar var
þó óumdeilanlegur og skilaði hann Ís-
landsmeistaratitli á fyrsta ári.
Tímabilið eftir það var ekki jafn-
gott og hætti Guðmundur í apríl 2007,
þó ekki vegna árangursins. Hans beið
þá ný vinna hjá Kaupþingi, vinna sem
hann taldi að myndi ekki samrýmast
handknattleiksþjálfun. Var Guðmund-
ur því búinn að vera frá handbolta í að-
eins tæpt ár þegar hann tók aftur við
landsliðinu. Veittu yfirmenn hans hjá
Kaupþingi honum mikið rými til þess
að þjálfa liðið.
Misheppnuð þjálfaraleit HSÍ
Eftir vonbrigði á Evrópumótinu í
Þrándheimi þurfti HSÍ að hefja leit að
nýjum þjálfara. Fyrsti kostur var Sví-
inn Magnus Anderson sem þjálfar lið
FCK í Danmörku. Þegar Magnus sagði
nei snéri HSÍ sér að Degi Sigurðssyni
sem einnig hafnaði tilboðinu. Því næst
var Geir Sveinssyni boðin staðan og þá
hófst farsinn fyrir alvöru. Geir dró sam-
bandið á asnaeyrunum í fimm daga
áður en hann hafnaði loks stöðunni.
Það var ekki til að hjálpa samband-
inu þegar Þorbjörn Aðalsteinsson,
fyrrverandi landsliðsþjálfari, mætti að
því er talið var drukkinn í útsendingu
íþróttaspjallþáttarins Utan vallar á Stöð
2 Sport og sagði þessa menn hreinlega
ekki þora að taka við starfinu. Þegar
Aron Kristjánsson varð svo fjórði mað-
urinn til að hafna starfi landsliðsþjálf-
ara var botninum endanlega náð.
Íþróttafréttastjórarnir á Fréttablað-
inu og Morgunblaðinu meðal ann-
arra gagnrýndu HSÍ harðlega í pistlum
sínum fyrir störf sín og höfðu mikið til
síns máls. Bjarki Sigurðsson, þáver-
andi þjálfari Aftureldingar í efstu deild
karla, sagði til dæmis um málið í DV:
„Þeir áttu að auglýsa starfið, taka á móti
umsóknum og velja út frá þeim.“ Guð-
mundur var svo á endanum ráðinn og
fékk samning fram yfir Ólympíuleikana
2008.
Guðmundi var nokk sama þótt
hann hefði verið fimmti maðurinn í
röðinni. „Ég hef í gegnum tíðina sótt
í ögrandi verkefni. Ég var í sjálfu sér
ekki að stefna að þessu starfi, en úr því
að þetta þróaðist svona ákvað ég að
stökkva á starfið,“ sagði hann við und-
irskriftina.
Minnst áhætta með Guðmund
Einar Þorvarðarson, framkvæmda-
stjóri HSÍ, hefur komið að málum
landsliðsins í mörg ár. Hann hefur
starfað náið með Guðmundi, bæði á
fyrra tímabilinu og því síðara. Hann
var eðlilega í þungamiðju þjálfarafar-
sans 2008. „Umræðan í þjóðfélaginu
og í fjölmiðlum 2008 var þannig að
finna ætti yngri þjálfara. Einhvern sem
hefði ekki verið þjálfaður af Bogdan en
þjálfararnir hafa verið mikið leikmenn
landsliðsins milli 1980 og 1990,“ segir
Einar.
Framkvæmdastjórinn er eðlilega
hæstánægður með árangur liðsins
undir stjórn Guðmundar en hann var
samt einfaldalega ekki á ratsjá HSÍ til
að byrja með. „Við horfðum ekkert til
Guðmundar þegar við vorum að leita
að þjálfara. Hann var kominn í þannig
vinnu að hann var í raun kominn af
markaðinum og ætlaði bara að segja
skilið við handboltann.
24 MIÐVIKUDAGUR 3. febrúar 2010
TÓMAS ÞÓR ÞÓRÐARSON
blaðamaður skrifar: tomas@dv.is
GUÐMUNDUR GUÐMUNDSSON
Var fimmti maðurinn sem HSÍ talaði við
2008 en það hefur heldur betur skilað sér.