Dagblaðið Vísir - DV - 21.06.2010, Blaðsíða 4
Tónlistarmaðurinn Erpur Eyvindar-
son hefur stefnt lögreglustjóraemb-
ættinu á höfuðborgarsvæðinu. Áður
hafði lögreglan neitað rapparanum
um réttargæslumann í málaferlum
vegna líkamsárásar og stefnan nú er
til að fá dómsúrskurð þess efnis.
Um er að ræða líkamsárásarkæru
Erps á hendur Magnúsi Ómarssyni,
oftast nefndum Móra, vegna atviks
sem átti sér stað í febrúar síðast-
liðnum í höfuðstöðvum 365 miðla í
Skaftahlíð. Rappararnir tókust þá á
í anddyri hússins þar sem Móri var
vopnaður hnífi en Erpur skúringa-
moppu. Báðir hafa þeir kært vegna
líkamsárásar og fór sá síðarnefndi
fram á að fá skipaðan réttargæslu-
mann á þeim forsendum að hann
hefði orðið fyrir andlegu áfalli við
árásina.
Að fá réttargæslumann skipaðan
hefur þá þýðingu fyrir Erp að hann
þarf þá sjálfur ekki að bera kostnað
af málarekstri gegn Móra. Án þess
þarf rapparinn sjálfur að borga.
Beiðni hafnað
Jón H.B. Snorrason, aðstoðarlög-
reglustjóri hjá lögreglunni á höf-
uðborgarsvæðinu, bendir á að ein-
staklingar hafi þann rétt að bera það
undir dómstóla þegar beiðni um
réttargæslumann hafi verið hafn-
að. Aðspurður segir hann rökin fyr-
ir synjun iðulega þau að brotið telj-
ist ekki nógu alvarlegt eða brotaþoli
er talinn geta gætt eigin hagsmuna
sjálfur. „Þegar um ræðir kynferðis-
brotamál er ávallt skipaður réttar-
gæslumaður en stundum í ofbeld-
ismálum. Í slíkum málum tökum
við tillit til aldurs viðkomandi ann-
ars vegar og alvarleika brotsins hins
vegar. Ef annað eða bæði eiga ekki
við höfum við hafnað beiðnum um
réttargæslumann,“ segir Jón.
„Ég geri ráð fyrir að í þessu máli
hafi hvorugt þessara ákvæða átt við
og því hafi honum verið neitað um
réttargæslumann af þeim sökum að
hann sé nógu gamall til að gæta eig-
in hagsmuna og brotið ekki það al-
varlegt. Það hafa hins vegar allir rétt
til að bera þá synjun undir dómstóla
og um það snýst málið nú. Svo verð-
um við að sjá hverju það skilar.“
Reyndi að stinga
Fljótlega eftir atvikið kærði Erpur
Móra fyrir líkamsárás en greint hef-
ur verið frá því að Móri líti svo á að
Erpur hafi átt upptökin. Til að safna
sér fyrir lögfræðikostnaði hélt Móri
styrktartónleika í vetur þar sem tíu
fyrstu tónleikagestirnir fengur áritað-
ar skúringamoppur frá rapparanum.
Til stóð að rappararnir tveir
mættu í útvarpsþáttinn Harma-
geddon á útvarpsstöðinni X-inu þar
sem þeir höfðu áður munnhöggv-
ist í fjölmiðlum. Þangað á Móri að
hafa mætt vopnaður hnífi og raf-
byssu og náðu rappararnir aldrei
inn í útsendinguna þar sem þeir
slógust í anddyrinu. Vefmiðillinn
Vísir birti atvikalýsingu Erps fljót-
lega eftir átökin: „Hann ýtir í mig og
fer að þenja sig. Ég gríp þá í hann
og keyri á hann. Hann dettur og fer
að kýla mig. Þegar ég held honum
niðri dregur hann upp hníf og byrj-
ar og sveifla honum á fullu. Ég hleyp
í burtu og hann reynir að stinga
mig. Ég tek þá moppu og lem hann
í hausinn,“ sagði Erpur.
Við vinnslu fréttarinnar var leit-
að viðbragða hjá Erpi en hann vildi
ekki tjá sig um málið.
ERPUR STEFNIR
LÖGREGLUNNI
Lögreglustjóraembættinu á höfuðborgarsvæðinu hefur verið stefnt af tónlistarmann-
inum Erpi Eyvindarsyni sem krefst réttargæslumanns eftir líkamsárás. Hinn meinti
árásarmaður er annar rappari, Magnús Ómarsson, en þeir tókust á í höfuðstöðvum
365 miðla vopnaðir hnífi og skúringamoppu.
tRausti hafstEinsson
blaðamaður skrifar: trausti@dv.is
Því hafi honum verið neitað um réttar-gæslumann af þeim sökum að hann sé nógu
gamall til að gæta eigin hagsmuna og brotið ekki
það alvarlegt.
Vill réttargæslumann
Lögreglanhafðineitað
Erpiumréttargæslumann
ogíkjölfariðstefndihann
löggunnifyrirdómstóla.
4 fréttir 21. júní 2010 mánudagur
Fljótur að ná
fyrsta laxinum
Það tók Jón Gnarr, nýjan borgar-
stjóra Reykjavíkur, ekki nema fimm
mínútur að ná fyrsta laxinum í
Elliðaánum á sunnudagsmorgun.
Venju samkvæmt renndi borgar-
stjórinn fyrir fyrsta laxinn en um var
að ræða sex punda hæng. Naut hann
aðstoðar fulltrúa frá Stangveiðifé-
lagi Reykjavíkur við að ná laxinum
á land.
Jón sagði í dagbók sinni á Face-
book á laugardag að hann væri frek-
ar seinheppinn veiðimaður. Heppn-
in virðist hins vegar hafa verið með
honum á sunnudag.
Kosningar
endurteknar
Endurtaka þarf sveitarstjórnar-
kosningarnar í Reykhólahreppi,
samkvæmt úrskurði frá úrskurð-
arnefnd um sveitarstjórnarkosn-
ingar. Það var Hafsteinn Guð-
mundsson, íbúi í Flatey, sem
kærði kosningarnar þar sem
honum bárust ekki upplýsingar
um kosningarnar; hverjir væru í
framboði og hvar kjörstaðir væru,
fyrr en eftir kosningar.
Óskar Steingrímsson, sveit-
arstjóri í Reykhólahreppi, sagði
í samtali við Vísi á sunnudag að
hugsanlega mætti skrifa mistök-
in á hann. Bréfin sem innihéldu
upplýsingarnar hefðu verið send
of seint þar sem hann hefði farið
í jarðarför hjá mágkonu sinni.
Hreppsnefndin mun ákveða
næstu skref í málinu.
Siv vill í ríkisstjórn
„Hvenær vill maður ekki fara í rík-
isstjórn?“ spurði Siv Friðleifsdótt-
ir, þingkona Framsóknarflokksins,
í útvarpsþættinum Sprengisandi
á Bylgjunni á sunnudagsmorgun.
Þetta sagði Siv þegar hún var spurð
hvort Framsóknarflokkurinn gæti
hugsanlega tekið þátt í ríkisstjórnar-
samstarfinu með Samfylkingunni og
Vinstri-grænum.
Siv sagði að hún sæi ekki fram á
hvernig ríkisstjórnarflokkarnir ætl-
uðu að koma ýmsum málum í gegn-
um þingið, og nefndi frumvarp um
fækkun ráðuneyta sérstaklega.
Lágt menntunar-
stig á Íslandi
Lækka þarf kostnað á hvern nem-
anda í íslensku skólakerfi með því
að gera skipulag grunnskóla, fram-
haldsskóla og háskóla markvissara.
Þetta kemur fram í riti um umbóta-
tillögur Samtaka atvinnulífsins.
Þar kemur fram að þrátt fyrir að
útgjöld til menntamála á Íslandi séu
hærri en í öðrum OECD-ríkjum sem
hlutfall af landsframleiðslu skili það
sér ekki sem skyldi í árangri í mennt-
un. Menntunarstig landsmanna 25
til 64 ára er töluvert undir meðaltali
OECD-ríkja en aðeins í Tyrklandi er
hlutfallið lægra en á Íslandi.
Kristín Ingólfsdóttir, rektor Háskóla
Íslands, segir þær upphæðir sem
varið hafi verið til uppbyggingar Vís-
indagarða Háskóla Íslands ekki vera
óeðlilegar miðað við stærð verkefnis-
ins og breytingar sem þurfti að gera á
deiliskipulagi og útliti varðandi fram-
kvæmdar- og tímaáætlun.
DV sagði frá því í síðustu viku að
kostnaður vegna undirbúnings við
byggingu Vísindagarða í Vatnsmýri
hefði numið 148 milljónum króna.
Þó væri óljóst hvenær framkvæmd-
ir gætu hafist á lóðinni. Áætlað er að
heildarkostnaður verkefnisins geti
numið tugum milljarða króna.
Kristín segir að skólinn hafi brugð-
ist skjótt við eftir efnahagshrunið sem
varð árið 2008. Hann hafi þá hægt
á öllum verkefnum tengdum Vís-
indagörðum. Þar á meðal hafi ver-
ið ákveðið að minnka starfshlutfall
framkvæmdastjóra félagsins Vísinda-
garða, sjálfstæðs félags í eigu Háskóla
Íslands sem ætlað er að halda utan
um framkvæmdina, niður í fimmt-
án prósent. Kristín segir að eftir hrun
hafi mjög litlu fé verið varið í verk-
efnið. Framkvæmdastjóri verkefnis-
ins var sömuleiðis lækkaður í laun-
um með úrskurði Kjararáðs, en hann
hafði áður haft um milljón króna í
mánaðarlaun, hærri laun en forsæt-
isráðherra.
Fyrirhugað er að garðarnir rísi á
reitnum milli Oddagötu, Eggertsgötu,
Sturlugötu og Íslenskrar erfðagrein-
ingar í Reykjavík. Þar er meðal ann-
ars gert ráð fyrir sjö hæða byggingu
í miðju byggingarreitsins. Frá árinu
2002 hefur áætlað byggingarmagn
á reitnum aukist um 140 prósent og
miðast nú við 72 þúsund fermetra.
Kristín segir að Háskóla Íslands
hafi verið gert að skera niður um
einn milljarð króna í fyrra og um þrjú
hundruð milljónir króna á þessu ári,
en þar hafi verið tekið tillit til mikill-
ar fjölgunar stúdenta við Háskóla Ís-
lands. rhb@dv.is
Kristín ingólfsdóttir, rektor Háskóla Íslands, um Vísindagarða:
Segirkostnaðinneðlilegan
Kostnaður við Vísindagarða 148 milljónir Enneróvísthvenærþeirmunurísaá
næstuárum.