Dagblaðið Vísir - DV - 21.06.2010, Síða 17
mánudagur 21. júní 2010 erlent 17
Barack Obama Bandaríkjaforseti
hefur tekið fagnandi tilkynningu
kínverskra stjórnvalda um að þau
muni heimila sveigjanlegra gengi
gjaldmiðils síns, yuans, og sagði
Obama að um væri að ræða „upp-
byggilegt skref“ sem myndi hjálpa
til við að blása lífi í alþjóðlegan efna-
hagslegan bata.
Bandarískir stjórnmálamenn
hafa löngum haldið því fram að
yuan hafi verið of lágt skráð og því
gefið Kína ósanngjarnt forskot á við-
skiptasviðinu.
Á laugardag tilkynnti kínverski
seðlabankinn að hann myndi veita
„meiri sveigjanleika“ í gengisskrán-
ingu og fylgdi tilkynningunni sú
skoðun að umræddar endurbæt-
ur væru mögulegar vegna batnandi
ástands í fjármálakerfum heimsins.
Ekki fylgdu hins vegar sögunni
nákvæmar upplýsingar um hvenær
umræddar breytingar kæmu til fram-
kvæmda og útilokaði stjórn seðla-
bankans að um yrði að ræða stórfellt
endurmat á virði yuansins og sagði
að það væri „ekki grundvöllur fyrir
miklar sveiflur eða breytingar“.
Gengi yuansins hefur haldist í
6,83 gagnvart Bandaríkjadal síðan
í júlí 2008 og hafa kínversk stjórn-
völd verið gagnrýnd fyrir að halda
því óeðlilega lágu til að styðja við út-
flutning landsins.
Barack Obama sagðist hlakka til
að taka málið upp á G20-ráðstefn-
unni í Toronto í Kanada um næstu
helgi og sagði ákvörðun Kínverja
vera mögulegt „framlag til betra jafn-
vægis á efnahag heimsbyggðarinn-
ar“. kolbeinn@dv.is
Ákvörðun Kínverja í gengismálum vekur fögnuð Bandaríkjaforseta:
Boða meiri sveigjanleika
Yuan og Bandaríkjadalir Kínverjar lofa ekki einni stórvægilegri gengisbreytingu.
MYnd Afp
Yfirlýsing sjálfs-
vígs sprengju vargs
Eftirfarandi yfirlýsing er sögð vera
frá einni þeirra kvenna sem stóðu
að sjálfsvígsárásunum í Moskvu í
marslok.
„Kæru systur og bræður, ég hef
náð samkomulagi við Allah um að
selja honum sál mína og fá í staðinn
inngöngu í Paradís, ef Guð lofar. Á
næstu dögum hyggst ég efna heit
mitt, ef Guð lofar verð ég píslar-
vottur. Þeim sem kalla mig hryðju-
verkamann og sjía svara ég: „Já, ég er
hryðjuverkamaður, já, ég er sjíi, því
ég mun færa heiðingjunum ógn og ég
get sagt með stolti að ég kaus dauð-
ann þegar þið kusuð lífið. Ég kaus
dauðann því í mínum huga er hann
líf. Ég sver til Guðs að ég sé enga betri
leið, ekkert ærlegra verk en að gefa líf
mitt til að verða píslarvottur.“
Setja á „laga og
reglu“-gjald
Bresk stjórnvöld vilja að barir sem
opnir eru langt fram á nótt taki þátt í
að standa straum af kostnaði vegna
andfélagslegrar hegðunar og áfeng-
istengds ofbeldis sem fylgir löngum
opnunartíma.
Vertshús sem eru opin lengur
en til ellefu að kvöldi munu þurfa
að borga „laga og reglu“-gjald og
borgar- og bæjaryfirvöldum verð-
ur veitt heimild til að fara fram á
aukagjöld fyrir leyfi til að hafa opið
lengur. Gjaldið mun að öllum líkind-
um taka mið af vinsældum viðkom-
andi vertshúss. Einnig er í bígerð að
fækka þeim stöðum sem selja áfengi
auk þess sem skattlagning áfengis og
verðlagning verður endurskoðuð.
Almanna tengsla-
klúður hjá BP
Myndir af aðalframkvæmdastjóra
olíufélagsins British Petroleum, Tony
Hayward, þar sem hann tekur þátt
í siglingakeppni við Isle of Wight
við suðurströnd Englands, einungis
tveimur sólarhringum eftir að hann
var yfirheyrður harkalega af banda-
rískri þingnefnd vegna olíulekans á
Mexíkóflóa, hafa vakið harða gagn-
rýni beggja vegna Atlantsála.
Starfsmannastjóri Baracks Obama
Bandaríkjaforseta fordæmdi þátttöku
Haywards og sagði hana vera „hluta
af samfelldu almannatengslaklúðri“
fyrirtækisins. Starfsmannastjórinn,
Rahm Emanuel, sagði að allir ættu
að geta fallist á að „... Tony Hayward
myndi ekki eiga frama vísan sem al-
mannatengslaráðgjafi.“
Þátttaka Haywards er talin vera
móðgun við þá sem hafa orðið fyrir
skaða vegna olíulekans.
Í kjölfar niðurstöðu Saville-
skýrslunnar um blóðuga sunnu-
daginn í Londonderry 30. janúar
1972 hafa ættingjar ellefu þeirra
sem skotnir voru til bana í Belfast
sex mánuðum áður, 9. til 11. ág-
úst 1971, krafist rannsóknar á því
hvort um hafi verið að ræða sömu
bresku hermennina og voru í
Londonderry.
Atburðirnir í Belfast hafa ver-
ið nefndir blóðugi sunnudagur-
inn í Belfast, en umrædda daga
felldu liðsmenn fallhlífaherdeild-
ar breska hersins ellefu manns í
fjölbýlishúsi í Ballymurphy í vest-
urhluta Belfast. Á meðal fórnar-
lambanna voru hverfispresturinn
og 45 ára móðir.
Í viðtali við breska blaðið The
Guardian sagði John Teggart,
sonur eins fórnarlambsins, að
blóðbaðið hefði verið af sömu
stærðargráðu og í Londonderry
sex mánuðum síðar, en það hefði
„fallið í gleymsku“.
Daniel, faðir Johns, var skot-
inn fjórtán sinnum þegar hann
reyndi að flýja. John sagði að fað-
ir hans hefði verið að heimsækja
systur sína þegar skothríðin hófst.
Krefst alþjóðlegrar
rannsóknar
Rannsókn síðar leiddi í ljós að
flestar kúlurnar lentu í bakinu á
Daniel þegar hann lá særður á
jörðinni, sagði John.
„Okkur hefur tekist að stað-
festa að á meðal þeirra 500 her-
manna sem voru á götum okk-
ar 8. ágúst var 1. fallhlífadeildin,
sama deild og var send inn í
Bogside í Derry. Þetta var sams
konar aðgerð og aðgerðin í Derry
á blóðuga sunnudeginum,“ er
haft eftir John Teggart í The Gu-
ardian.
Gerry Adams, leiðtogi Sinn
Féin og þingmaður, hefur far-
ið fram á að „alþjóðlegri, heið-
arlegri, hlutlausri og sjálfstæðri
stofnun“ verði falið að rannsaka
blóðbaðið.
„Í Ballymurphy, sex mánuð-
um fyrir blóðuga sunnudaginn,
höfum við annað skýrt dæmi um
þann hrottaskap sem fallhlífa-
hermennirnir sýndu og hvernig
breska kerfið reyndi að hylma yfir
atburðina.“
Gerry Adams sagði frásagn-
ir af atburðarásinni í Belfast vera
með eindæmum líkar frásögnum
fjölskyldna sem misstu ástvini og
ættingja í Londonderry, sem nú
hefðu verið staðfestar í Saville-
skýrslunni.
Í Ballymurp-hy, sex mán-
uðum fyrir blóðuga
sunnudaginn, höfum
við annað skýrt dæmi
um þann hrottaskap
sem fallhlífahermenn-
irnir sýndu og hvernig
breska kerfið reyndi að
hylma yfir atburðina.
KolBeinn þorsteinsson
blaðamaður skrifar: kolbeinn@dv.is
Rannsóknar er krafist á öðrum blóðugum sunnudegi í kjölfar birtingar Saville-
skýrslunnar. Um er að ræða aðgerðir breskra hermanna í Belfast sex mánuðum
fyrir atburðina í Londonderry í ársbyrjun 1972. Þingmaðurinn og leiðtogi Sinn
Féin, Gerry Adams, styður kröfu aðstandenda þeirra sem létu lífið í Belfast.
BlóðBAðið í
BelfASt
Minningarkort um fórnar-
lömbin í londonderry Leið-
togi Sinn Féin krefst rannsóknar
á öðru blóðbaði á Norður-Írlandi.
MYnd Afp