Dagblaðið Vísir - DV - 21.06.2010, Blaðsíða 20

The A-Team er sjónvarpsþáttaröð
frá 9. áratugnum sem margir ættu
að þekkja. Þættirnir voru þekktir fyr-
ir heilalausan hasar og grunnar en
skemmtilegar persónur, þar á meðal
B.A. Baracus sem gerði Mr. T að stór-
stjörnu. Þeir fjölluðu um fyrrverandi
sérsveitarmenn úr Víetnamstríðinu
sem eru á flótta og vinna sem málalið-
ar. Myndin er byggð á sömu baksögu,
en Víetnam hefur nú breyst í Írak. Í
myndinni eru sérsveitarmennirnir
fjórir reknir úr hernum og dæmdir í
fangelsi fyrir glæp sem þeir frömdu
ekki. Þeir eru ekki ánægðir með það
og brjótast út til þess að geta sýnt fram
á sakleysi sitt og hreinsað mannorðið.
Söguþráðurinn er náttúrlega al-
gjört kjaftæði, en það er ótrúlegt hvað
hægt er að komast upp með þegar
hasarinn er svona skemmtilegur. Joe
Carnahan gerði vel í að leyfa mynd-
inni að halda sjarmanum og karakt-
ernum í stað þess að treysta alveg á
tæknibrellur. Hann heldur í einkenni
þáttanna og er myndin troðfull af
teiknimyndaofbeldi og yfirgengileg-
um hasaratriðum. Allt sem maður
vonar í laumi að gerist í venjulegum
hasarmyndum gerist í þessari mynd.
Þeir reyna til dæmis að fljúga skrið-
dreka í fallhlíf.
Þessi yfirgengilegu hasaratriði
hefðu þó aldrei gengið upp ef persón-
urnar væru ekki skemmtilegar. Liam
Neeson leikur Hannibal Smith, hinn
reynda leiðtoga hópsins. Það er gam-
an að sjá Neeson í svona hlutverki og
hann ljær persónunni nokkurn trú-
verðugleika, eins mikinn og hægt er í
mynd sem þessari. Bradley Cooper er
líka ágætur sem kvennabósinn Face,
en hann er á góðri leið með að verða
Matthew McConaughey 21. aldarinn-
ar enda ber að ofan við hvert tækifæri.
Það vandasama verk að feta
í fótspor Mr. T kom svo í hlut
bardaga íþróttamannsins Quintons
„Rampage“ Jackson, sem stóð sig
nokkuð vel innan um stórleikarana og
reyndi lítið að herma eftir Mr. T. Sharl-
to Copley úr District 9 stal svo senunni
nokkrum sinnum sem snargeggjaði
þyrluflugmaðurinn Murdock. Jessica
Biel sést í minna hlutverki og er eins
og uppvakningur mestallan tímann.
Öllu skemmtilegri er Patrick Wilson
sem er góður sem kolruglað illmenni
myndarinnar.
The A-Team á að sjálfsögðu ekki að
taka alvarlega. Þetta er ekki mynd sem
vinnur til verðlauna á kvikmyndahá-
tíðum, en þetta er hraður og hávær
Hollywood-hasar sem flestir ættu að
geta skemmta sér yfir.
Jón Ingi Stefánsson
Helvítis bransinn
Kristbjörg
borgar-
listamaður
Leikkonan Kristbjörg Kjeld var á
17. júní útnefnd borgarlistamað-
ur Reykjavíkur. Það var splunku-
nýr borgarstjóri Reykjavíkur, Jón
Gnarr, sem sá um útnefninguna
sem fór fram í Höfða. Áslaug Frið-
riksdóttir, fyrrverandi formaður
menningar- og ferðamálaráðs,
gerði grein fyrir vali ráðsins á
borgarlistamanni. Við þetta tæki-
færi var Kristbjörgu veittur ágraf-
inn steinn, heiðursskjal og viður-
kenningarfé.
tvö ný lög
Hljómsveitin Sudden Weather
Change sendi frá sér smáskífuna
The Thin Liner um helgina. Plat-
an inniheldur tvö ný lög sem
tekin voru upp í vor. Lögin heita
The Thin Liner og The Whaler og
um upptökustjórn sá Aron Arn-
arsson. Hljómsveitin lauk nýlega
stuttum Evróputúr þar sem kom-
ið var við í Belgíu, Þýskalandi
og Bretlandi. Sudden Weather
Change fagnaði útgáfunni í Hava-
rí á Laugaveginum um helgina
en smáskífan fæst í öllum helstu
plötuverslunum.
mannaKorn í
HásKólabíói
Hljómsveitin Mannakorn ætlar að
halda aukatónleika í Háskólabíó
vegna mikilla eftirspurna. Sveit-
in, sem gaf nýlega frá sér tvöfalda
safnplötu, hélt tvenna tónleika þar
í maí sem seldist upp á. Fyrirhug-
aðir tónleikar eru þó ekki fyrr en
16.október en miðasala á þá hefst
fimmtudaginn 1.júlí klukkan 10.00
á midi.is. Þeir Magnús Eiríksson
og Pálmi Haraldsson verða í aðal-
hlutverki en njóta aðstoðar fjölda
þekktra tónlistarmanna.
20 fókus 21. júní 2010 mánudagur
atHugasemd Höfundur greinarinnar Það sem ekki má
tala um, sem birt var í miðvikudagsblaði DV, vill koma á framfæri að
missagt var að sýningin Gerpla, í leikstjórn Baltasars Kormáks, hefði ekki
fengið neina tilnefningu til Grímunnar fyrir utan tilnefningu fyrir bestu
leikstjórn. Hið rétta er að sýningin var tilnefnd fyrir hljóðmynd ársins og
tónlist, lýsingu, búninga og leikmynd. Það sem höfundur vildi koma á
framfæri var að honum þætti undarlegt að sýningin væri tilnefnd fyrir
bestu leikstjórn án þess að vera tilnefnd í hinum stóru flokkunum - fyrir
bestu sýningu, leikara eða handrit. Sú gagnrýni stendur.
sýning í ljósafossstöð Um
helgina var opnuð sýningin Náttúran í hönnun
í Ljósafossstöð við Úlfljótsvatn. Sýnendur eru
rúmlega 30 talsins en á sýningunni er íslensk
náttúra hlutgerð og skyggnst inn í hugarheim
listamannanna fjölmörgu. Sýningin Náttúran í
hönnun er samvinnuverkefni Hönnunarmiðstöðvar
Íslands og Landsvirkjunar. Sýningin verður opin til
28. ágúst, alla daga vikunnar. 
Aaron Green (Jonah Hill) er hug-
myndasmiður hjá stórri tónlistarút-
gáfu sem hefur ekki veðjað á réttu
hrossin seinustu árin. Hann fær
tækifæri lífs síns í því vandasama
verkefni að ferja breska rokkstjörnu
frá London. Ferðinni er heitið á stór-
tónleika í Los Angeles sem munu
skila útgáfu Aarons óteljandi millj-
ónum í kassann. Ferill hans liggur
að veði og hann þarf að gera bók-
staflega allt til að þetta gangi upp.
Aldous Snow (Russell Brand) er
magnaður tónlistarmaður sem er
illa veðraður af skuggahliðum tón-
listarbransans. Hann á í undarlegu
sambandi við föður sinn og fyrrver-
andi kærustu sem eru bæði búsett í
Bandaríkjunum. Aaron þarf að vaða
eld og brennistein til að skila Bret-
anum í tónleikahúsið.
Ferðin einkennist af drama,
hörðum eiturlyfjum, kynsvalli,
sambandsslitum, fjölskylduerjum
og hinum ýmsu glæpum. Nichol-
as Stoller er af nýjasta árgangi grín-
myndaleikstjóra og talar mjög skýrt
til yngri kynslóða rétt eins og í fyrri
mynd sinni, Forgetting Sarah Mars-
hall. Stíllinn hljóðar upp á grófa
kímni sem er ófeimin við að löðra
allt í eiturlyfjum, kynlífi og öðrum
klassískum tabúum. Samræður er
vel skrifaðar og ferskar. Takturinn
er síðan sleginn með frábærri tón-
list og í þessu tilfelli er bresk tónlist
mest áberandi.
Russel Brand sem Aldous Snow
er meiriháttar og verulega fyndinn.
Einfaldur, fullur af sjálfum sér og
með allskyns rokkstæla sem lýsa sér
meðal annars í fáránlegum dans-
stíl. Tónlistarmyndbönd Aldous og
fyrrverandi konu hans eru æðisleg,
drepfyndin sem og ýmsir sjónvarps-
treilerar sem birtast manni. Jonah
Hill er líka frábær sem starfsmaður
útgáfunnar, Aaron Green. Hann er
góður strákur með sitt á hreinu en
fer vissulega út af sporinu til að upp-
fylla kröfur starfsins. P Diddy stend-
ur sig einnig vel sem útgáfumógúll-
inn Sergio sem er algerlega siðlaust
bransaógeð sem hugsar bara um
peninga. Ýmsir þekktir einstaklingar
koma við sögu og leika þá sjálfa sig,
Lars Ulrich, Pink, Christina Agui lera
og Pharrell Williams svo eitthvað
sé nefnt. Handritið hefur klassíska
fléttu en digurt af kjöti á beinunum.
Þetta er stórskemmtileg og krass-
andi grínmynd sem kemur inn á
raunveruleg gildi lífsins í ólgusjó yf-
irborðsmennsku og bransakjaftæðis.
Erpur Eyvindarson
Get Him to
tHe Greek
Leikstjóri: Nicholas Stoller.
Aðalhlutverk: Jonah Hill, Russell
Brand, Rose Byrne, Sean Combs, 
Elisabeth Moss.
kvikmyndir
Jonah Hill og Russell Brand Fara
með aðalhlutverkin í myndinni.
brj laður Hasar
tHe a-team
Leikstjóri: Joe Carnahan.
Aðalhlutverk: Liam Neeson, Bradley
Cooper, Quinton Jackson, Sharlto
Copley, Jessica Biel, Patrick Wilson.
kvikmyndir
„I Love It wHen A pLAn comes
togetHeR“ Hannibal Smith fær sér
vindil eftir vel heppnað verkefni.
A-LIðIð Svalir gaurar horfa
ekki á sprengingar.