Dagblaðið Vísir - DV - 21.06.2010, Blaðsíða 25
Þetta er besta liðið Eftir jafntefli Ítalíu og Nýja-Sjá-
lands í gær var Marcello Lippi, þjálfari Ítalíu, spurður hvort hann væri
einfaldlega með nægilega sterkt lið til að verja heimsmeistaratitilinn. Sér-
staklega hefur ítalska pressan áhyggjur af framherjum liðsins og gæðum
þeirra. „Við erum með frábæran markaskorara í Gilardino og þá er Iaqu-
inta að koma til baka eftir meiðsli. Við eigum ekki í neinum vandamálum
fram á við,“ svaraði Lippi og hvað varðar hópinn í heild sagði hann: „Ég er
alveg handviss um að hafa ekki skilið neinn stórkostlegan leikmann eftir
heima. Þetta eru þeir sem ég valdi og ég hef trú á þeim.“
lahm sallarólegur Eftir fyrsta leik Þjóðverja
átti það að heita formsatriði að koma liðinu í 16 liða úrslitin. Tap
gegn Serbum hefur þó sett D-riðilinn í algjört uppnám og verður
Þýskaland að fá stig í lokaleiknum gegn Gana til að tryggja sér
áframhaldandi þátttöku á HM. „Við þekkjum svona aðstæður út
og inn. Á EM fyrir tveimur árum þurftum við jafntefli í lokaleikn-
um í riðlinum til að tryggja okkur áfram. Við náðum því þá og það
sama munum við gera núna,“ segir fyrirliðinn Phillip Lahm en
Þjóðverjar léku eins og allir vita til úrslita á EM 2008.
hmmolar
England fundar
n England hefur farið afleitlega
af stað á HM og er liðið að
spila hreint ömurlega. Enskir
funduðu á sunnudagskvöldið
þar sem menn
áttu að ræða
tilfinningar
sínar. „Það
verða allir að
leysa frá skjóð-
unni og segja
hvernig þeim
líður og hvað
þurfi að bæta,“
sagði John Terry, miðvörður
Englands, við SkySports um
fundinn. „Nú þurfum við allir
sem heild að slaka aðeins á og
byrja að gera það sem við erum
vanir að gera allt árið með
félagsliðum okkar. Það er engin
ástæða til að breyta leikstíl
okkar því hingað til hef ég ekki
séð neitt lið sem ástæða er til að
hræðast,“ sagði hann.
JamEs vEit EkkErt
n Og meira af Englendingum.
Þrátt fyrir að hafa haldið mark-
inu hreinu gegn Alsír veit David
James, mark-
vörður liðsins,
ekkert hvort
hann byrji í
rammanum
gegn Slóveníu
í lokaleik Eng-
lands. Capello
tilkynnir
byrjunarliðið
aldrei fyrr en rétt fyrir leik. „Ég
hef verið ánægður með þetta
kerfi þegar ég er í byrjunarliðinu.
Þegar ég hef verið á bekknum hef
ég bara þurft að sætta mig við
það. Það er samt svolítið skrýtið
að vita ekki hvort maður byrji
þó svo ég hafi spilað leikinn á
undan,“ segir James.
kEwEll brJálaður
n Harry Kewell er vægast sagt
reiður út í ítalska dómarann
Roberto Rosetti fyrir að reka
hann af velli
gegn Gana.
Kewell varði
boltann með
hendi á línu en
augljóst var að
hann var ekki að
reyna það. „Það
er synd að þetta
skuli hafa farið
svona. Boltinn fór í höndina á
mér en þetta var ekki viljandi. Ég
var að reyna að setja öxlina fyrir
boltann en ekki höndina,“ segir
Kewell og bætir við að Ítalinn hafi
einfaldlega eyðilagt fyrir honum
mótið. Rosetti er einn albesti
dómari heims og dæmdi meðal
annars úrslitaleikinn á EM fyrir
tveimur árum.
vErðum að komast
niður á Jörðina
n „Það bjóst enginn við miklu
af orkkur fyrir mótið,“ segir
Blaise Nkufo, framherji Sviss, en
Svisslendingar
komu heldur
betur á óvart
í fyrsta leik
sínum á mót-
inu þegar þeir
lögðu Spán.
Sviss mætir
Síle í dag,
mánudag. „Nú
þurfum við að halda okkur við
jörðina og halda áfram að gera
þessa hluti sem við erum búnir
að æfa svo vel,“ segir Nkufo en
Sílemenn voru virkilega sannfær-
andi í sigri sínum á Hondúras í
fyrstu umferðinni.
mánudagur 21. júní 2010 25
Það eru 736 fótboltamenn sem fá að
upplifa það fjórða hvert ár að vera á
heimsmeistarakeppninni í fótbolta.
Í svona stórum hópi leikmanna má
alltaf finna magnaðar sögur en eina
þeirra á hinn 27 ára gamli markvörð-
ur Ítala, Federico Marchetti, sem
byrjaði í marki heimsmeistaranna
gegn Nýja-Sjálandi í gær. Hann kom
einnig inn á í fyrsta leik liðsins gegn
Paragvæ þar sem Gianluigi Buff-
on, aðalmarkvörður Ítala, meiddist.
Marchetti lenti í miklum hremming-
um fyrir fimm árum sem hann hef-
ur náð að rífa sig upp úr en upprisa
hans hefur verið hreint mögnuð.
Marchetti ætlaði ekki einu sinni að
verða markvörður en er nú í byrjun-
arliði heimsmeistaranna á HM.
Nær dauða en lífi
„Þú fæðist ekki sem markvörður, þú
verður slíkur,“ segir Federico Mar-
chetti í ítarlegu viðtali við vef FIFA.
Þegar Marchetti hóf að leika fótbolta
var hann framherji enda þótti hann
einstaklega sterkur og virkilega hæf-
ur skotmaður. „Eitt kvöldið á æfingu
fór ég í markið því það vantaði mark-
verði. Þar gerðist bara eitthvað og
ég fór aldrei úr markinu aftur,“ segir
hann.
Það tók ekki langan tíma fyrir
stóru liðin að taka eftir þessum há-
vaxna og vel byggða markverði en
Torino klófesti hann á endanum.
Torino lánaði Marchetti út til nokk-
urra liða til þess að flýta þroska hans
sem knattspyrnumanns en árið 2005,
rétt þegar stórir hluti biðu hans, lenti
Marchetti í hryllilegu bílslysi og var
heppinn að sleppa lifandi. „Þegar
maður horfist í augu við dauðann
gerist eitthvað sem ég get ekki út-
skýrt. Þetta var mjög erfið lífsreynsla
sem ég mun aldrei gleyma. Ég fékk
mér tattú af Maríu mey til minning-
ar um hversu heppinn ég var,“ segir
markvörðurinn.
Kom með sín eigin
garðverkfæri
Rétt fyrir bílslysið í nóvember 2005
var Marchetti orðinn atvinnulaus
þar sem Torino var farið á hausinn.
Fyrir lok félagaskiptagluggans í ágúst
2006 hitti hann mann að nafni Sand-
ro Turotti sem sá um að kaupa leik-
menn fyrir ítalska b-deildar liðið Al-
binoLeffe. Hann fékk Marchetti til að
koma til liðsins og borgaði fyrir hann
500 evrur en það er lágmarksfélaga-
skiptagjald á Ítalíu.
Marchetti ákvað að nýta þetta
tækifæri sem honum bauðst og gerði
allt sem í hans valdi stóð til að koma
sér aftur í gang. Hann var ávallt fyrst-
ur á æfingu og síðastur heim, hætti
öllu næturbrölti og tók mataræðið
algjörlega í gegn. Hann kom meira
að segja með sín eigin garðverk-
færi á völlinn og lagaði vítateiginn
svo hann yrði mýkri. Öll þessi vinna
borgaði sig og 18. nóvember 2006,
aðeins rétt rúmu ári eftir bílslsysið,
var hann í byrjunarliði AlbinoLeffe
gegn Juventus í B-deildinni en í hinu
markinu var átrúnaðargoð hans og
verðandi samherji í landsliðinu, Gi-
anluigi Buffon.
500 evrur urðu að
fimm milljónum evra
Eftir tvö ár hjá AlbinoLeffe þar sem
hann fór á kostum kom ekki annað
til greina en að hann færði sig upp í
A-deildina. Cagliari varð svo hepp-
ið að landa Marchetti, fyrst á láni,
en það keypti hann svo endanlega
í febrúar á þessu ári. Heildarverð-
miðinn var fimm milljónir evra og
gróði AlbinoLeffe því svakalegur. Má
segja að báðir aðilar hafi hagnast vel
á þessari ákvörðun Sandros Turotti.
Eftir fyrsta tímabilið hjá Cagli-
ari, 2008/2009, var Marchetti val-
inn markvörður ársins og var laun-
að með sínum fyrsta landsleik 9. júlí
2009. Þá stóð hann í rammanum í 3-0
sigurleik Ítalíu gegn Norður-Írlandi.
Áfram hélt Marchetti að gera frábæra
hluti og vann hann sig upp goggunar-
röðina hjá landsliðinu. Í dag er hann
annar markvörður heimsmeistara Ít-
alíu og búinn að spila rúman einn og
hálfan leik á HM, aðeins fimm árum
eftir að hann hélt að knattspyrnufer-
ilinn væri búinn.
Buffon átrúnaðargoðið
Marchetti segist njóta þess mik-
ið að vera með landsliðinu og fá að
æfa með og læra af Gianluigi Buff-
on. „Hann er átrúnaðargoðið mitt,“
segir Marchetti. „Ég hef alltaf reynt
að herma eftir honum, hluti eins og
staðsetningar og viðhorf hans,“ seg-
ir Marchetti en hann hafnar því al-
farið að vera líkt við Buffon sem alla
jafna er talinn einn sá besti, ef ekki sá
besti, í heiminum.
„Buffon er mun fljótari en ég og
með betri viðbrögð. Reynsla hans
gerir honum kleift að vera viðbúinn
fyrr. Ég einbeiti mér meira að lík-
amlegum burðum mínum. Að vita
hverjir styrkleikar sínir eru held ég að
sé lykillinn að árangri,“ segir mark-
vörðurinn Federico Marchetti sem er
að upplifa drauminn sinn á HM.
Tómas þóR þóRðaRsoN
blaðamaður skrifar: tomas@dv.is
Federico marchetti, markvörður Cagliari á Ítalíu,
byrjaði í marki Ítalíu gegn Nýja-Sjálandi á sunnu-
daginn fyrir Gianluigi Buffon sem er meiddur.
Síðustu ár hafa verið ótrúleg hjá Marchetti sem
lenti í hryllilegu bílslysi fyrir fimm árum og var
heppinn að lifa af.
Ótrúleg
upprisa
Marchettis
Draumur í Dós Federico Marchetti
lenti í alvarlegu bílslysi fyrir fimm árum en
stendur nú vaktina í marki Ítala á HM.
ekki besta byrjunin Marchetti fékk á sig mark eftir sjö mínútur í
leiknum gegn Nýja-Sjálandi. Það var að vísu kolólöglegt en það stóð.