Dagblaðið Vísir - DV - 21.06.2010, Blaðsíða 22
22 úttekt 21. júní 2010 mánudagur
Fær barnið þitt nægan svefn?
Samkvæmt nýjum rannsóknum geta svefnvandamál ungra barna haft afdrifaríkar
afleiðingar fyrir heilsu þeirra síðar á ævinni. Í rannsókn sem birtist í tímaritinu
Archives of Pediatrics & Adolescent Medicine kemur fram að tilraunir foreldra til
að róa og svæfa ung börn sín geri oft illt verra. Best sé að kenna börnum að svæfa og
hugga sig sjálf. Tengsl finnast á milli of lítils svefns og offitu.
Í nýrri rannsókn kemur fram að svefnvanda-mál ungra barna geti haft áhrif á heilsu þeirra síðar á ævinni. „Auðvitað er erfitt að hlusta á barnið sitt gráta í rúminu,“ segir
Elsie Taveras hjá læknadeild Harvard-háskóla.
„En ef þú tekur barnið upp í hvert skipti sem það
gefur frá sér hljóð gerirðu illt verra.“
Lítill svefn leiðir til vandamála
Þessu er Valérie Simard hjá Hôpital de Sacré-
Coeur í Montréal sammála en Simard rannsak-
aði tengslin milli hegðunar foreldra og svefn-
truflana ungbarna. Simard lagði spurningalista
fyrir 987 foreldra fimm mánaða barna og fann
út að þegar foreldrar eru hjá börnum sínum þar
til þau sofna eða gefa börnum sínum mat eða
drykk um miðjar nætur aukast líkurnar á svefn-
erfiðleikum og eins, ef foreldrarnir halda upp-
teknum hætti þar til börnin eru 29 til 41 mán-
aðar, leiðir það til alvarlegra vandamála líkt og
martraða, of lítils svefns og erfiðleika með að
sofna þegar börnin komast á grunnskólaaldur.
Vakna ekki vegna hungurs
Niðurstöður Simard birtust í tímaritinu Archi-
ves of Pediatrics & Adolescent Medicine. Þar
kemur einnig fram að þær aðferðir sem foreldr-
ar nota til að róa ungbörn hjálpi ekki eldri börn-
um. „Það er ósköp eðlilegt að nýfætt barn fái að
drekka um miðja nótt en fæst börn á aldrinum
29 til 41 mánaðar vakna um miðjar nætur vegna
hungurs,“ segir Simard sem segir að samkvæmt
rannsókninni vakni þriggja ára börn sem eru
vön að fá að drekka eða borða um miðjar nætur
frekar vegna matraða en önnur börn þegar þau
verða fjögurra ára. Í rannsókninni kemur einnig
fram að börn sem eru vön því að hafa foreldri hjá
sér þegar þau sofna, sofna í faðmi foreldra sinna
eða eru færð inn í rúm foreldra sinna þegar þau
vakna um nætur eru líklegri til að eiga erfiðara
með að sofna og sofa í færri tíma en önnur börn.
Tengsl svefns og offitu
Simard vill þó ekki að börnin séu látin gráta sig
í svefn. „Samkvæmt rannsóknum mínum er í
lagi að hugga barnið í stutta stund án þess að
það hafi áhrif á getu þess til að hugga sig sjálft.“
Samkvæmt öðrum rannsóknum sem einnig
hafa birtist í Archives of Pediatrics & Adolescent
Medicine hafa svefnvenjur á fyrstu árum barns-
ins áhrif á heilsu þess síðar á ævinni. Rannsókn-
irnar gefa til kynna að það séu tengsl á milli
svefnvandamála og offitu og andlegra erfiðleika
á fullorðinsárum. Í rannsókn Taveras við Har-
vard kemur fram að ungbörn sem sofa færri en
12 tíma á nóttu, með daglúrum, eru næstum því
tvisvar líklegri til að verða of þung þriggja ára og
því líklegri til að eiga við vandamál tengd offitu
að etja á fullorðinsárum. Taveras segir líkurnar
á offitu aukast ef barnið horfi mikið á sjónvarp.
„17% barna sem sofa færri en 12 tíma á nóttu og
horfa meira en tvo tíma á sjónvarp á dag áður en
þau verða 2 ára mælast of þung þriggja ára mið-
að við 9% viðmiðunarhópsins.“
Í annarri rannsókn, þar sem sálfræðingurinn
Alice Gregory frá University of London fylgdist
með 2076 börnum í 14 ár, kom í ljós að þau börn
sem sofa minna en önnur eru líklegri til að þjást
af kvíða, þunglyndi og árásargirni á aldrinum 18
til 32 ára. Niðurstöðurnar, segir Gregory, gefa til
kynna að börn sem fá ekki nægan svefn þrói ekki
með sér eins mikið sjálfstraust og aðra jákvæða
andlega þætti og önnur.
Ekkert sjónvarp
„Svefn ungra barna getur því haft mikil áhrif á líf
þeirra síðar á ævinni og það er margt sem við sem
foreldrar getum gert til að koma í veg fyrir þessi
vandamál,“ segir Taveras og bætir við að barna-
læknar og foreldrar ættu að hafa í huga að börn
eiga að geta þróað með sér heilbrigðar svefnvenj-
ur sjálf. „Það mikilvægasta sem foreldrar geta gert
er að passa upp á rútínuna, láta barnið alltaf fara
að sofa á sama tíma og fjarlægja allt úr herbergi
barnsins sem getur truflað svefn þess. Alls ekki
setja sjónvarp inn í herbergi barnsins.“