Dagblaðið Vísir - DV - 21.06.2010, Blaðsíða 7

mánudagur 21. júní 2010 fréttir 7
Flest bendir til þess að Bjarni Bene-
diktsson verði áfram formaður
Sjálfstæðisflokksins en líkur á mót-
framboði gegn honum fara þverr-
andi fyrir landsfund flokksins sem
hefst síðdegis á föstudag. Þá eru
vaxandi líkur á að Ólöf Nordal verði
ein í kjöri til varaformanns.
Ýmis nöfn hafa verið nefnd, sem
mögulegir frambjóðendur, bæði
gegn Bjarna og Ólöfu undanfarna
daga og vikur. Tíðast er nefndur
Kristján Þór Júlíusson sem mögu-
legur mótframbjóðandi Bjarna en
hann hlaut 40 prósent atkvæða á
landsfundi flokksins í lok mars í
fyrra. Ljóst var að Kristján Þór átti
tiltölulega mikið fylgi djarflegri
baráttu stuðningsmanna í Reykja-
vík að þakka, en talið er að Kristj-
án Þór hafi einkum sótt fylgi sitt til
grasrótar flokksins í hverfafélögun-
um í Reykjavík og landsbyggðar-
innar.
Bjarna ekki ógnað
Ástæður þess að botninn kann nú
að vera dottinn úr mögulegu mót-
framboði Kristjáns Þórs gegn sitj-
andi formanni liggja í kjördæmi
Kristjáns Þórs, Norðausturkjör-
dæminu. Í fyrsta lagi er óhugs-
andi að Kristján Þór og Ólöf Nordal
verði formaður og varaformaður:
þau eru bæði úr sama kjördæmi. Í
öðru lagi galt Sjálfstæðisflokkurinn
mikið afhroð á Akureyri í heima-
byggð Kristjáns Þórs í sveitarstjórn-
arkosningunum í síðasta mánuði. Í
þriðja lagi var útkoma Sjálfstæðis-
flokksins afleit í Norðausturkjör-
dæminu í þingkosningunum í apr-
íl í fyrra. Hann hlaut 17,5 prósent
greiddra atkvæða en 28 prósent í
þingkosningunum 2007. Þá er á
það að líta í fjórða lagi að grasrót-
in í Reykjavík, sem Kristján Þór
sótti stuðning til í formannskjör-
inu í fyrra, er nú sem heimilislaus
og höfuðlaus her. Geir H. Haarde
og Vilhjálmur Þ. Vilhjálmsson eru
hættir í stjórnmálum. Guðlaugur
Þór Þórðarson, sem hefur átt sterkt
bakland í hverfafélögum flokks-
ins í Reykjavík, á á brattann að
sækja vegna framboðsstyrkja sem
hann neitar enn að upplýsa hvað-
an komnir eru. Að þessu leyti kann
staða Kristjáns Þórs að vera verri
nú en fyrir landsfundinn í mars í
fyrra.
Þótt staða Sjálfstæðisflokksins
sé ekki sterk í kjölfar bankahruns-
ins og útkomu skýrslu rannsóknar-
nefndar Alþingis er það mál nokk-
urra forystumanna að flokkurinn
hafi þrátt fyrir allt komist lifandi
frá hruninu. Það hafi alls ekki leg-
ið í augum uppi eftir alþingiskosn-
ingarnar í fyrra þar sem flokkurinn
galt sitt mesta afhroð frá stofnun
lýðveldisins fyrir 66 árum. Flokk-
urinn hafi hins vegar náð vopnum
sínum í mörgum stórum sveitar-
félögum í kosningunum í síðasta
mánuði.
Staða Ólafar styrkist
Þessi staðreynd hefur ekki endilega
styrkt stöðu Bjarna Benediktsson-
ar, sem situr enn í skugga umræðu
um viðskipti sín með Wernersson-
um, fyrrverandi eigendum Miles-
tone. Wernerssynir hafa sætt rann-
sókn sérstaks saksóknara meðal
annars vegna meðferðar á bóta-
sjóði Sjóvár fyrir bankahrun. Hins
vegar þykir staða Bjarna ekki held-
ur hafa veikst innan flokksins upp
á síðkastið, en getur endurspeglað
skort á öðrum leiðtogaefnum inn-
an flokksins. Ýmsir hafa þó ver-
ið nefndir sem mögulegir mót-
frambjóðendur auk Kristjáns Þórs,
þeirra á meðal Davíð Oddsson og
Þorsteinn Pálsson. En þegar aðeins
örfáir dagar eru til landsfundarins
hefur þeim, sem eru óánægðir með
Bjarna á formannsstóli, ekki tekist
að finna þeirri óánægju farveg eða
tekist að virkja öfl innan flokksins
gegn honum.
Athyglisvert er einnig að staða
Ólafar Nordal virðist hafa styrkst
síðustu daga og vikur, einkum eftir
að fyrir lá að mögulegum keppinaut
hennar um varaformannsstólinn,
Hönnu Birnu Kristjánsdóttur, hafði
ekki tekist að vinna afgerandi sigur
sem leiðtogi Sjálfstæðisflokksins í
höfuðborg landsins. Innan við 34
prósenta fylgi flokksins í Reykjavík
er langversta útreið sem flokkurinn
hefur fengið í borginni áratugum
saman eins og meðfylgjandi gögn
um kosningaúrslit gefa til kynna.
Eftir því sem DV kemst næst
lét Hanna Birna kanna stöðu sína
varðandi framboð til varafor-
manns og leiddi sú könnun í ljós
að hún ætti alls ekki sigur vísan
gegn Ólöfu Nordal. Þykir einboðið
að Hanna Birna leggi ekki í fram-
boð til varaformanns öðruvísi en
að hafa afgerandi og yfirgnæfandi
sigurlíkur.
Samantekið er staðan því sú að
þrátt fyrir óánægju innan flokksins
með forystuna og hlutskipti flokks-
ins eftir bankahrunið eru yfirgnæf-
andi líkur á að Bjarni verði áfram
formaður flokksins og Ólöf Nordal
verði kjörin varaformaður. Athuga
ber að samkvæmt reglum flokks-
ins eru allir kjörgengir á lands-
fundinum og atkvæði verða greidd
í formanns- og varaformannskjöri
hvernig svo sem allt veltur.
Enn lifir ESB-klofningurinn
Verði niðurstaðan sú að Bjarni
og Ólöf leiði Sjálfstæðisflokkinn
á næstunni má einnig búast við
nokkrum áherslubreytingum í
stefnu flokksins.
Í fyrsta lagi er ljóst að ályktun
landsfundar Sjálfstæðisflokksins
í fyrra um aðildarumsókn að Evr-
ópusambandinu er úrelt. Úr þessu
verður ekki snúið við í miðri á og
gengið til þjóðaratkvæðagreiðslu
um það hvort Ísland sæki um að-
ild. Ætla má að ályktað verði í þá
veru að flokkurinn styðji aðildar-
ferlið úr því sem komið er en áskilji
sér allan rétt til baráttu gegn samn-
ingsdrögum þegar þau liggja fyr-
ir, fari þau að mati flokksins gegn
mikilvægum hagsmunum þjóðar-
innar, svo sem í sjávarútvegi. Ljóst
er þó að andstæðingar aðildar að
ESB hafa yfirhöndina innan Sjálf-
stæðisflokksins sem stendur og
eru líklegir til þess að knýja í gegn
beinskeytt orðalag um mögulegan
aðildarsamning.
Eðli málsins samkvæmt fá að-
ildarviðræðurnar við ESB vaxandi
pólitískt vægi á næstu mánuðum
og misserum og eins víst að þau
öfl innan flokksins, sem hlynnt eru
aðild, reyni að ná viðspyrnu. Má
í því sambandi benda á að mik-
ill meirihluti forystu Samfylking-
arinnar telur raunsætt og raunar
óumflýjanlegt að hafa Sjálfstæðis-
flokkinn með í ráðum um farsæla
niðurstöðu aðildarviðræðnanna.
Viðbragshópur að störfum
Um þetta má benda á skýrslu end-
urreisnarnefndar Sjálfstæðisflokks-
ins. Hún var unnin í aðdraganda
landsfundar flokksins í fyrra undir
leiðsögn Vilhjálms Egilssonar. Dav-
íð Oddsson sté í pontu og úthúð-
aði Vilhjálmi og tugum sjálfstæðis-
manna sem unnið höfðu skýrsluna
og tætti niður efni hennar.
Í skýrslunni stendur meðal ann-
ars orðrétt: „Hik Sjálfstæðisflokks-
ins fram að falli bankanna, við að
ræða Evrópumál, peningastefnu,
myntina, ríkisfjármál og störf Al-
þingis hefur haft skaðleg áhrif [...]
Flokkurinn verður að hlusta á bak-
landið, og má ekki veigra sér við að
ræða eldfim mál áður en í óefni er
komið.“
Þá segir enn fremur í skýrslunni
að sú skoðun sé mjög útbreidd í
atvinnulífinu og innan Sjálfstæð-
isflokksins að gjaldmiðillinn og
stjórn á meðferð hans hafi átt stór-
an þátt í því að ástandið hér á landi
sé verra en víðast hvar í nágrenni
okkar. „Margir telja gjaldmiðilinn
óbrúklegan en virk og ábyrg um-
ræða innan Sjálfstæðisflokksins
komst aldrei af stað fyrr en síðast-
liðið haust (2008), né heldur hafði
ríkisstjórnin forgöngu um umfjöll-
un um málið á sínum vettvangi
með þeim hætti að það gæti haft
breytingar í för með sér.“
Viðbragðshópur vinnur nú að
smíði tillagna sem kynntar verða
á landsfundinum næstkomandi
föstudag.
Bjarni og Ólöf
SigurStrangleg
Þegar aðeins fjórir dagar eru til landsfundar hefur óánægjuöflum innan Sjálfstæðisflokksins hvorki tek-
ist að finna farveg fyrir óánægjuna né finna frambjóðendur til að bjóða Bjarna Benediktssyni og Ólöfu
Nordal birginn. Yfirgnæfandi líkur eru því á að Bjarni verði áfram formaður með Ólöfu Nordal sér við
hlið á varaformannsstóli. Flokkurinn er enn klofinn varðandi aðild að ESB og þarf að endurnýja liðlega
ársgamla samþykkt landsfundar um málið.
jÓhaNN haukSSoN
blaðamaður skrifar: johannh@dv.is
Þykir einboðið að Hanna Birna
leggi ekki í framboð til
varaformanns öðruvísi
en að hafa afgerandi
og yfirgnæfandi sigur-
líkur.
Verðandi varaformaður Enginn
hefuropinberlegalagtíbaráttugegn
ÓlöfuNordalívaraformannsstól
Sjálfstæðisflokksins,aðeinsfáeinum
dögumfyrirlandsfund.
Formaður áfram InnanSjálfstæðisflokksins
hefurandstæðungumBjarnaBenediktssonar
ekkitekistaðvirkjaóánægjuöflgegnhonum.
Tapaði í borginni Hanna
BirnaKristjánsdóttirtelursig
ekkiöruggagegnÓlöfuogkýs
þvíaðbjóðasigekkifram.