Dagblaðið Vísir - DV - 21.06.2010, Blaðsíða 8
Fyrrverandi starfsmaður Háskóla
Íslands, HÍ, hefur stefnt skólanum
og Magnúsi Tuma Guðmundssyni,
deildarforseta jarðvísindadeildar,
fyrir ólögmæta uppsögn. Sá hinn
sami er á sama tíma grunaður um
milljóna króna fjárdrátt í starfi og
hefur verið kærður til lögreglu.
Á haustmánuðum vaknaði grun-
ur um fjárdrátt starfsmannsins við
reglubundið eftirlit á bókhaldi HÍ
hjá Ríkisendurskoðun. Samkvæmt
heimildum DV kom þá í ljós mis-
ræmi í bókhaldi upp á hátt í tvær
milljónir króna sem viðkomandi
er grunaður um að hafa dregið sér
smátt og smátt yfir nokkurra mán-
aða tímabil. Eftir nánari skoðun var
starfsmanninum á endanum sagt
upp störfum og var hann kærður til
lögreglu fyrir fjárdrátt. Starfsmaður-
inn hefur á móti stefnt skólanum og
deildarforsetanum fyrir ólögmæta
uppsögn.
Í fullum rétti
Sólveig Bachmann Gunnarsdóttir,
lögmaður hjá Háskóla Íslands, stað-
festir bæði brottrekstur og málarekst-
ur fyrrverandi starfsmannsins. Hún
vonast eftir farsælli lausn á málinu.
„Þetta komst upp við eftirlit á bókhaldi
þar sem starfsmaðurinn er grunaður
um fjárdrátt. Uppsögnin tengist þeim
grunsemdum og sú rannsókn er hjá
lögreglu. Við munum bara verjast og
vonir okkar standa til þess að skólinn
verði sýknaður af þessari kröfu og upp-
sögnin þannig talin lögmæt,“ segir Sól-
veig.
Magnús Tumi Guðmundsson,
deildarforseti jarðvísindadeildar HÍ,
telur að skólinn hafi alfarið unnið eft-
ir settum reglum og brottrekstur við-
komandi starfsmanns hafi því miður
verið eina lausnin. „Ég harma þetta
mjög. Brottreksturinn var sú niður-
staða sem fékkst og við töldum ekki
hægt að vinna málið öðruvísi. Ég tel
okkur hafa unnið rétt að málinu og
það verður nú að hafa sinn gang,“ segir
Magnús Tumi.
Afar leitt
Aðspurð telur Sólveig skólann hafa ver-
ið í fullum rétti varðandi brottvikningu
starfsmannsins sem um ræðir. Hún
segir málið fyrst og fremst sorglegt.
„Að sjálfsögðu hörmum við að svona
hafi komið upp, það er mjög sorglegt
og alltaf leiðinlegt að standa í svona
máli. Við sögðum viðkomandi upp og
töldum okkur hafa fyrir því lögmæt-
ar ástæður. Til staðar voru grunsemd-
ir um fjárdrátt sem hefur verið kærður
til lögreglu. Við teljum okkur vera í full-
um rétti og vonumst að sjálfsögðu eftir
sigri. Við treystum nú á að lögregla ljúki
rannsókn á fjárdrætti, þetta hefur bara
sinn gang í kerfinu,“ segir Sólveig.
Magnús Tumi harmar málið og seg-
ir það afar leiðinlegt fyrir sína hönd
því viðkomandi starfsmaður hafi starf-
að lengi í skólanum. Að öðru leyti vill
hann sem minnst tjá sig um málið.
„Það er náttúrlega áfall þegar svona
kemur upp, fyrir alla sem eiga í hlut,
og auðvitað er áfallið stærra þar sem
viðkomandi hefur unnið lengi hjá okk-
ur. Við höfum hins vegar engan annan
kost en að vinna eftir lögum og reglum.
Það er aftur á móti ekki búið að sakfella
neinn í málinu. Skólinn fór fram á lög-
reglurannsókn sem nú er í gangi en ég
vona að málinu ljúki með þeim hætti
að viðkomandi starfsmaður hljóti sem
minnstan skaða,“ segir Magnús Tumi.
Fyrrverandi starfsmaður Háskóla Íslands
hefur stefnt skólanum og deildarforseta
jarðvísindadeildar, Magnúsi Tuma Guð-
mundssyni, fyrir ólögmæta uppsögn. Við-
komandi var rekinn eftir að upp komst um
milljóna fjárdrátt sem kærður hefur verið
til lögreglu. Lögmaður hjá háskólanum tel-
ur skólann í fullum rétti.
MAGNÚS TUMI
HARMAR DEILU
TrAusTi hAfsTeinsson
blaðamaður skrifar: trausti@dv.is
Ég vona að mál-inu ljúki með
þeim hætti að viðkom-
andi starfsmaður hljóti
sem minnstan skaða.
fyrir dómstóla Háskólanum og Magnúsi
Tuma er stefnt fyrir ólögmæta uppsögn.
Á sama tíma rannsakar lögreglan meintan
fjárdrátt starfsmannsins sem stefnir.
erfitt mál Magnús Tumi
segir málið afar erfitt enda
hafi starfsmaðurinn starfað
lengi hjá skólanum.
Héraðsdómur dæmir landsliðsmann í körfuknattleik:
Nauðgun eftir karlakvöld
Landsþekktur íþróttamaður, körfu-
boltamaðurinn Sigurður Þorvalds-
son hjá Snæfelli í Stykkishólmi, var
fyrir helgi dæmdur í tveggja ára
fangelsi fyrir nauðgun. Refsingin er
óskilorðsbundin og þar að auki var
viðkomandi dæmdur til að greiða
fórnarlambinu átta hundruð þúsund
krónur í miskabætur og greiðslu alls
sakarkostnaðar.
Embætti ríkissaksóknara ákærði
Sigurð, sem meðal annars hefur leik-
ið fyrir hönd Íslands í körfubolta, fyr-
ir nauðgun á nítján ára stúlku. Eft-
ir lögreglurannsókn var málið sent
embættinu sem í kjölfarið sendi mál-
ið til baka til nánari rannsóknar á
ákveðnum þáttum málsins og til að
afla frekari vitnisburða. Að því loknu
var málið sent ríkissaksóknara á nýj-
an leik sem ákvað að ákæra Sigurð.
Dómari kvað svo upp áðurnefndan
úrskurð sinn í síðustu viku.
Nauðgunin átti sér stað eftir
karlakvöld íslensks íþróttafélags fyr-
ir áramót en stúlkan tilkynnti atburð-
inn til lögreglu snemma laugardags-
morguns. Henni var í kjölfarið fylgt á
neyðarmóttöku Landspítalans vegna
nauðgana þar sem hún hlaut að-
hlynningu og áverkavottorð. Stúlkan
fékk skipaðan réttargæslumann frá
móttökunni. Lögregluembætti barst
formleg kæra nokkrum vikum eft-
ir atburðinn. Samkvæmt heimildum
DV hefur stúlkan átt erfitt uppdráttar
og sótti lítið sem ekkert skóla síðustu
vikur haustannar. Atvikið átti sér stað
í heimahúsi að loknu karlakvöldi
Snæfells í nóvember síðastliðnum en
í vetur varð Sigurður bæði Íslands-
og bikarmeistari með liðinu.
Við vinnslu fréttarinnar var leit-
að viðbragða hjá Sigurði og einn-
ig formanni körfuknattsleiksdeildar
Snæfells, Gunnari Svanlaugssyni, en
hvorugur vildi tjá sig um málið.
frá stykkishólmi Dómur féll yfir
körfuknattleiksmanni á dögunum.
8 fréttir 21. júní 2010 mánudagur
Skaftárhlaup hafið
Skaftárhlaup hófst skömmu eftir
hádegi á sunnudag en vatnið kom
undan Vatnajökli nærri Sveinstind-
um norðan við Langasjó.
Síðasta varð hlaup úr jöklinum í
október árið 2008 en hlaupin verða
vegna jarðhita undir jöklinum. Fyll-
ast þá katlar undir jöklinum af vatni
sem hleypur fram öðru hvoru.
Ekki er fyllilega ljóst hve stórt
hlaupið verður en það fer eftir því
hvort hlaupið komi úr eystri eða
vestari katlinum undir jöklinum.
Hlaupin úr vestari katlinum er alla
jafna minni en úr þeim eystri.
Stúdentar fá
ekki vinnu
Margir af þeim sautján hundruð
háskólanemum, sem sóttu um níu
hundruð störf sem stjórnvöld sköp-
uðu í vor, bíða enn eftir svari.
Nýsköpunarmiðstöð Íslands
hafði umsjón með rúmlega sjötíu
starfanna en hefur aðeins ráðið í tíu.
Árni Páll Árnason félagsmálaráð-
herra sagði í mars síðastliðnum að
háskólanemum yrði tryggð vinna í
sumar og hélt Vinnumálastofnun
utan um verkefnið að tryggja störfin.
Enn hefur ekki verið ráðið í stóran
hluta starfanna. Í samtali við RÚV á
sunnudag sagði Gissur Pétursson,
forstjóri Vinnumálastofnunar, að of
seint hefði verið ráðist í undirbúning
verkefnisins.
Sofnaði undir stýri
Bílvelta varð í Langadal um ellefu-
leytið á sunnudagsmorgun og var
ökumaðurinn, sem var einn í bíln-
um, fluttur til aðhlynningar á sjúkra-
húsið á Akureyri.
Að sögn varðstjóra hjá lögregl-
unni á Blönduósi er ekki vitað hvort
meiðsl mannsins hafi verið mikil.
Ökumaðurinn, sem sofnaði undir
stýri, var réttindalaus en hann er
auk þess grunaður um að hafa verið
undir áhrifum áfengis. Þá stöðvaði
lögreglan á Blönduósi ökumann að-
faranótt sunnudags sem grunaður er
um akstur undir áhrifum fíkniefna.
Tvöföldun Suður-
landsvegar tefst
Vafi leikur á hvort Vegagerðin hafi
staðið rétt að málum við val á verk-
taka vegna tvöföldunar Suðurlands-
vegar við Sandskeið. Kærunefnd
útboðsmála hefur stöðvað samn-
ingagerð vegna tvöföldunarinnar en
þetta kom fram í fréttum Stöðvar 2 á
sunnudag.
Vegagerðin ákvað að taka boði
Vélaleigu AÞ en fyrirtækið sem átti
næstlægsta boðið, Háfell, telur að
Vélaleigan fullnægi ekki skilyrði um
lágmarksveltu.