Dagblaðið Vísir - DV - 19.07.2010, Blaðsíða 19

HELEN ÓLAFSDÓTTIR
gerði sér lítið fyrir og sigraði í
Laugavegshlaupinu í kvennaflokki
sem haldið var á laugardag.
Aukinheldur setti hún glæsilegt
Íslandsmet.
STEFNDI Á SIGUR Í
HLAUPINU
Ég man hvernig mér leið þegar bús-
háhaldabyltingin geisaði á Íslandi.
Ég var sem límdur við tölvuna og
fylgdist agndofa með atburða-
rásinni. Ég vissi að Ísland myndi
aldrei verða samt. Héðan í frá myndi
allt breytast. Ég hafði einhvers stað-
ar vonað að þessi dagur myndi renna
upp, en var fyrir löngu búin að grafa
þá von í safnhaug brostinna vænt-
inga. Svo bara gerðist þetta. Kýlið
sem var búið að vaxa í 18 ár undir
dómsdagskapítalisma Sjálfstæðis-
flokksins brast á 18 andartökum.
Neró og FLokkurinn
Svo komu kosningar og svo kom ný
stjórn með vandamál sem eru mæld
í gígavöttum. Flokkurinn sem kom
okkur í þetta klandur bíður glottandi
í skjóli og nýtur útsýnisins líkt og
Neró forðum þar sem hann spilaði
og söng meðan eldtungurnar spegl-
uðust í barmafullum bikarnum.
Ekki hættir. Bara í „fríi”
Ég hélt, og sjálfsagt margir aðrir, að
allt myndi breytast eftir hrunið. Að
nýtt fólk myndi taka við hinu hrunda
búi og hrunadansararnir myndu
draga sig í hlé. En það má svo sem
segja um sjálfan mig eins marga
aðra að hyskni hinna stjórnandi
stétta er allt að því botnlaus. Einu
stjórnmálamennirnir sem hafa sagt
af sér eru Steinunn Valdís og Lúðvík
Bergvinsson. Allir hinir eru annað
hvort í „fríi” eða á fullu við það sama
og fyrir hrun.
Krafan er korkur í kverk
Það breyttist eiginlega ekki neitt
nema að ný stjórn tók við af þeirri
gömlu. Sömu vinnubrögðin eru
viðhöfð og sami hugsunarháttur og
hratt okkur fram af brúninni er ráð-
andi sem aldrei fyrr. Það var ekki
bara kennitöluflakk hjá fyrirtækj-
unum heldur líka hjá persónunum
sem möluðu gull fyrir hrun. Takið
eftir þessu. Sama fólkið sem staðið
var að hroðafúski er enn að eins og
enginn sé morgundagurinn. Eng-
inn hefur hugrekki til þess að setja
kork í þetta fólk
Ný föt. Sama röddin
Árni Johnsen er byrjaður að byggja!
Hann er búin að troða sér í eitthvað
„stafnkirkjuverkefni” og dílar nú
aldrei sem fyrr við verktaka og efnis-
sölur. Þorgerður Katrín er á fullu í
stjórnmálum og hyggur á stofnun
nýs stjórnmálaflokks. Ólafur Ragn-
ar Grímsson er ennþá að tala um yf-
irburði íslenska kynstofnsins og sér-
staka hæfileika hans til að takast á
við óvæntar aðstæður. Samfylking-
in er að reyna að troða Ingibjörgu
Sólrúnu í eitthvað alþjóða verkefni
á vegum SÞ. Mennirnir sem reyndu
árangurslaust að sölsa undir sig
Orkuveitu Reykjavíkur, eru nú búnir
að ná fram áformum sínum í gegn-
um Magma Energy Sweden. Bank-
sterarnir selja nú þjónustu sína sem
gengur út á að slökkva eldana hús-
um fólks sem þeir sjálfir kveiktu og
Davíð Oddson stjórnar Sjálfstæðis-
flokknum sem aldrei fyrr. Njörður
Njarðvík náði þessari stemningu í
þremur línum:
Hvað finnst þér um hugarástand
heillar þjóðar
er sér lætur einlægt bjóða
afglöp sinna verstu slóða?
Hreint borð
Ég óska þess heitt og innilega að við
komumst upp úr þessum hjólförum.
Ég bara nenni ekki að vakna aftur
i þessum Groundhog day þar sem
sömu fréttirnar koma aftur og aftur
og aftur. Ég vildi óska að hrunsliðið,
já og líka þeir sem æptu á kantinum,
fari að snúa sér að einhverju öðru
en samfélagsmálum. Þetta er kom-
ið gott. Þið klikkuðuð. Við klikkuð-
um öll. Byrjum með hreint borð og
með nýju fólki.
Dauðakynslóðin
Í víða samhenginu ættu allir stjórn-
málamenn af hippakynslóðinni að
sjá sóma sinn í því að setja skott-
ið milli lappa sér og skjótast undir
næsta grjóthnullung. 68-kynslóðin
sem lærði frítt, byggði frítt, naut allra
ávaxta gengina kynslóða og klúðraði
efnahagi þjóðarinnar ofan í salerni
hins alþjóðlega peningamarkaðar....
en ríkistryggðu sínar eigin innistæð-
ur í bönkunum þannig að þau sjálf
tapa eiginlega engu. Byrðarnar bera
þeir sem lærðu ekki frítt, byggðu ekki
frítt og fá lakari þjónustu á öllum
sviðnum samfélagsins. 68-kynslóð-
in er dauðakynslóðin.
Johnsen er byrjaður að byggja...
1 KRISTRÚN FANN GRAS Í VINNUNNIFyrirsætan Kristrún Ösp fann sjö
grömm af ólöglegu grasi í vinnunni.
2 EINN VERSTI FJÖLDAMORÐINGI SÖGUNNAR „HETJA“
Belgískur þingmaður segir að
Leópold 2. Belgíukonungur hafi
verið hetja.
3 BANASLYS Í SKEMMTIGARÐI Fimmtán ára gömul stúlka lést eftir
að tæki í skemmtigarði í Barcelóna á
Spáni brotnaði í sundur.
4 GEIR JÓN Á VAPPINU Á AUSTURVELLI Geir Jón Þórisson
naut sín í veðurblíðunni á föstudag.
5 HENRY VILL FARA AFTUR TIL ARSENAL Thierry Henry segist huga
að endurkomu til Arsenal þó hann
hafi nýlega samið við bandarískt lið.
6 KÓKAÍNBARÓN HANDTEKINN FBI handtók á sunnudag alræmdan
dópsmyglara í Púertó Ríkó, Jose
Figueroa Agosto.
7 MENGUNARVÖLDUM BREYTT Í ELDSNEYTI Bandaríkjamaðurinn
Karl Kuschner vinnur að því að
breyta mengunarefnum í eldsneyti
framtíðarinnar.
MEST LESIÐ á dv.is MYNDIN
Hver er konan?
móðir, eiginkona og hlaupari.
Hvar ertu uppalin?
Í Hafnarfirði
Hvað drífur þig áfram?
Ögrandi verkefni
Hvar vildirðu helst búa ef ekki á
Íslandi?
Í S-Frakklandi.
Hvað borðarðu í morgunmat?
Kellogs K og Cheerios í bland ásamt
vítamínblöndu
Hvaða bók lastu síðast?
Horfðu á mig eftir Yrslu Sigurðardóttur
Keppirðu mikið í langhlaupum?
Ekki mörgum en hefur verið að aukast
síðustu misseri
Var stefnan alltaf sett á sigur á
Laugaveginum?
Já ég stefndi á sigur í hlaupinu
Hvernig gekk hlaupið, var ekki
svakalega heitt?
Hlaupið gekk samkvæmt áætlun en það
var svakalega heitt á Söndunum.
Kom brautarmetið þér á óvart?
Já það kom mér verulega á óvart.
Veistu hvað þú misstir mörg kíló á
leiðinni?
Brenndi ca 3.300 kalóríum á leiðinni.
Heldurðu að þú getir bætt þetta
met?
Nei ekki svo viss um það, formið var upp
á sitt besta og aðstæður frábærar.
MAÐUR DAGSINS
KJALLARI
„Það gæti verið að ég skjótist til Eyja í
einn dag eða svo.“
GUNNAR ÓLI GUÐJÓNSSON
23 ÁRA NEMI
„Ég er ekki búinn að ákveða mig ennþá.
Ég er ekki vanur að fara eitthvað en
kannski kíki ég á Strandir að veiða fisk
og tína ber.“
GUÐJÓN KRISTINSSON
56 ÁRA SKRÚÐGARÐYRKJUMAÐUR
„Nei, ég reikna ekki með því. Ég er á
vakt og verð því að vinna yfir helgina.
Þar fyrir utan er ég vön því að vera þá
frekar heima þessa helgi.“
BJÖRG ÞORBJÖRNSDÓTTIR
56 ÁRA FÉLAGSLIÐI
„Ég er ekki alveg búinn að ákveða
það. Ætla sennileg að kíkja á Þjóðhátíð
á sunnudaginn enda farið áður og
skemmt mér vel.“
INGIMAR HELGI FINNSSON
21 ÁRS NEMI
„Ég ætla að vinna um helgina. Ég tek
peningana fram yfir skemmtunina, að
minnsta kosti verður maður að eiga
peninga til að geta skemmt sér.“
SÓLVEIG JÓNSDÓTTIR
26 ÁRA BÍLSTJÓRI
ÆTLAR ÞÚ AÐ FARA ÚT ÚR BÆNUM UM VERSLUNARMANNAHELGINA?
DÓMSTÓLL GÖTUNNAR
MÁNUDAGUR 19. júlí 2010 UMRÆÐA 19
„Enginn hefur
hugrekki til þess
að setja kork í
þetta fólk.“
TEITUR ATLASON
nemi skrifar
Í sól og sumaryl Margir lögðu leið sína í Nauthólsvík á sunnudag enda sannkallað baðstrandarveður. Þessi ungi herramaður tók
með sér lítinn gúmmíbát á ylströndina og lék sér í sjónum. Hitinn í Reykjavík fór í átján gráður. MYND HÖRÐUR SVEINSSON