Dagblaðið Vísir - DV - 19.07.2010, Blaðsíða 23

mánudagur 19. júlí 2010 úttekt 23
20 hlutir sem hafa breyst frá
2007!
Ávextir eru munaðarvara
Árið 2007 var varla til sá ávöxtur sem var ekki hægt að fá í Hagkaupum og nota í
exótíska mont eftirrétti handa vinnufélögunum í matarboðum. Þegar krónan féll árið
2008 var erfitt að fá ýmsa ávexti í verslunum og lokaðist hreinlega fyrir innflutning
á sumum tegundum. Nú eru ávextir orðnir dýr munaðarvara eins og þegar afi og
amma voru lítil. Epli og appelsínur sáust þá sjaldnast nema á jólunum. Þetta er
kannski ekki alveg svo slæmt ennþá, en verð á ávöxtum hefur hækkað mikið.
Nytja-
markaðir
eru fjársjóðskistur
Árið 2007 vissi fólk varla hvar nytjamark-
aður Sorpu var til húsa, hvað þá Rauði
krossinn. Nú blómstra báðir markaðirnir
sem aldrei fyrr og það er iðulega biðröð
fyrir utan þá á hádegi þegar opnar. Verst
er þó að sumir aðilar nýta sér nytja-
markaðina sem heildsölur og endurselja
notaða hluti á netinu. Það hefur bitnað
á hinum almenna kaupanda sem þarf
að mæta snemma og vera fljótur til að
grípa góssið. Flóamarkaður Reykvíkinga,
hið eina sanna Kolaport, hefur aldrei
verið líflegri en einmitt núna en hann
blómstraði í kreppunni. Þar iðar allt af
lífi um helgar og hvergi fæst ódýrari og
betri harðfiskur.
úr gæða-
víNum
í heimabrugg
Það er af sem áður var, þegar venjulegt
fólk keypti sér Chatau Latour árgang
1964 og nú hefur fólk skipt yfir í ódýrari
tegundir. Margir brugga sér sjálfir sín
eigin léttvín og einnig bjór.
NammigrísirNir
halda aftur af sér
Eftir að sykurskattur var lagður á hverja þá matvöru sem inniheldur örðu af sykri er
sælgæti orðið rándýrt. Fólkið sem drakk 10 lítra af kolsvörtu kóki á dag er því óðum
farið að slaka á neyslunni og sælgæti selst í minna mæli en það gerði í góðærinu.
Doktor
guNNi
er neytendafrömuður!
Fyrir kreppu var doktorinn einna helst
þekktur fyrir störf sín í þágu íslenskrar
tónlistar en hann var bæði laga og
textahöfundur og hefur verið meðlimur
í sumum af epískustu hljómsveitum
landsins, á borð við pönksveitina Unun.
Eftir að verðlag fór að hækka fram úr
hófi greip Gunni til sinna ráða og bauð
lesendum sínum að senda sér dæmi
um okurverð verslana. Seinna meir fór
doktorinn að skrifa í Fréttablaðið um
neytendamál og gerðist andlit lággjalda-
flugfélagsins Iceland Express.
FlatskjÁirNir eru enn í hverri stofu
Flatskjáir þóttu mikið tákn ársins 2007 en það er eitt velmegunarmerkið sem hefur
ekki horfið þrátt fyrir kreppuna. Það er hvergi hægt að kaupa gömlu túpusjónvörpin
nema ef ske kynni í Góða hirðinum þar sem þau dúkka reglulega upp. Því þynnri og
meira gljáandi, því flottari. Það eina sem ef til vill hefur breyst er að færri íslenskar
kvikmyndir eru sýndar á skjánum vegna niðurskurðar á fjárframlögum til RÚV.
líFræNt
hvað er það?
Í góðærinu blómstruðu heilsuverslanir
sem aldrei fyrr og þótti enginn matur
hugsandi mönnum bjóðandi nema
hann væri svo hryllilega lífrænn að hann
kæmi helst úr bakgarðinum hjá Sollu á
Grænum kosti. Allt mögulegt var merkt
lífrænt í matvöruverslunum og veit-
ingastaðir buðu upp á sérstaka lífræna
matseðla með byggsalötum og öllu úr
spelti. Þegar krónan féll árið 2008 áttuðu
menn sig á því að lífræna lífsstílnum
yrði varla viðhaldið með áframhaldandi
kaupmáttarrýrnun og gengislækkun.
Eitt lífrænt epli kostaði yfir 100 krónur
og rúsínupakkinn slagaði í 700 kallinn á
tímabili. Það hefur því dregið verulega
úr neyslu úr lífrænum vörum þrátt fyrir
eflaust stórkostlega hollustu þeirra.
FrÁ Dýrum
gjöFum
í heimagerðar sápur
Það var algengt í góðærinu að sjá
greinar í blöðum um útgjöld heimilanna
fyrir jólin og gátu þær upphæðir sem
hver fjölskylda eyddi í jólagjafir hlaupið á
hundruðum þúsunda. Í kreppunni hefur
mörg húsmóðirin gripið til þess ráðs
að föndra jólagjafirnar og má til dæmis
nefna að lopi seldist upp á landinu
síðastliðið haust þegar allir sem vettlingi
gátu valdi prjónuðu gjafir fyrir jólin. Þeir
sem voru sniðugir hafa föndrað allt frá
sápum til matreiðslubóka og voru það
margir sem fengu heimagerðar jólagjafir
síðustu jól.
Færri
silíkoN-
brjóst
lýtaaðgerðum fækkar
Lýtalæknar urðu sannarlega varir við
góðærið en á árunum 2005 – 2007 voru
framkvæmdar hundruð brjóstastækkana
á ári. Nú hefur lýtaaðgerðum fækkað um
fjórðung á síðustu mánuðum og sagði
Guðmundur Már Stefánsson lýtalæknir
í samtali við fréttastofu Stöðvar 2 í vetur
að frekari samdráttar væri að vænta.
Einna helst eru það brjóstastækkanirnar
sem eru að fara verst út úr kreppunni.
Það má því búast við færri silíkonbrjóst-
um í sumar í sundlaugunum.
FrÁ þyrlu-
pöllum í bílastæði
Þegar mesti uppgangurinn var í íslensku
viðskiptalífi þurftu jöfrarnir oft að
skjótast á fundi hér og þar á landinu
og var þá einkar handhægt að ferðast í
þyrlu. Sumar voru í eigu útrásarvíking-
anna en aðrar voru leigðar. Hér og þar
um landið voru þá malbikaðir og merktir
sérstakir þyrlupallar, einn sá þekktasti
við hótelið á Búðum á Snæfellsnesi. Í
dag er mjög lítil umferð um palla þessa,
og hefur einhverjum þeirra verið breytt
í bílastæði. Væri sjálfsagt einnig tilvalið
að setja upp körfu og leyfa sauðsvörtum
almúganum að drippla og trampa þar
sem milljónamæringarnir stigu áður úr
svörtum einkaþyrlum.
ísleNska
í búðum
íslenska er töluð í bónus
Á góðæristímanum fékkst varla Íslend-
ingur í afgreiðslustörf eða ræstingar.
Fólk var búið að læra að segja takk á
bæði pólsku og tælensku enda nánast
bara útlendingar og unglingar að vinna
á kassanum í Bónus. Þegar kreppan
skall á og atvinnuleysi jókst svo um
munaði fóru Íslendingar að leita í þessu
störf í auknum mæli og nú er loksins
hægt að heyra „Viltu poka?“ og „Takk
fyrir og góða helgi“, á ástkæra ylhýra.