Dagblaðið Vísir - DV - 19.07.2010, Blaðsíða 22

22 úttekt 19. júlí 2010 mánudagur
20 hlutir sem hafa breyst frá
Íslendingar hafa aðlagast breyttu efnahagsástandi:
tjöldin
taka við af fellihýsunum
Sumarið 2007 voru öll tjaldstæði troðin af fellihýsum
og hjólhýsum. Gamla góða fjölskyldutjaldið lá inni í
geymslu og rykféll meðan skrímslin héngu aftan
úr bílunum. Það var ekki óalgengt að sjá hjólhýsi
með örbylgjuofnum og gervihnattardiskum og
spurðu menn sig hvert útilegustemningin
hefði farið. Nú eru þegar farin að sjást mun
fleiri tjöld en áður og er gangandi fólki
óhætt að leggjast niður á tjaldsvæði
án þess að eiga á hættu að verða
að klessu undir hjólhýsi á leið í
vegasjoppu.
jeppar eru vandræðalegir og óumhverfisvænir
Menn þurftu stóra bíla til að draga fellihýsaflykkin og rauk sala á jeppum upp í
góðærinu. Mörg þeirra fjallaferlíkja sem keypt voru árið 2007 fóru þó aldrei út fyrir
borgarmörkin og gegndu hlutverk stöðutákns fyrir viðskiptajöfra í hádegisverði í
Reykjavík. Til er fræg ljósmynd af höfuðstöðvum 365 ehf. þar sem saman voru komnir
hátt í tugur Range Rover jeppa, hver öðrum líkur þar sem eigendur þeirra sátu á
stjórnarfundi. Ekki gat útvarpsstjórinn sjálfur, Páll Magnússon, verið eftirbátur þeirra
og ók hann einnig um á Range Rover. Nú hafa margir þessara jeppa verið endur-
heimtir af lánadrottnum og aðrir seldir úr landi. Þeir fáu sem eftir eru, eru vandræða-
leg áminning um tryllta neysluhyggju sem ríkti í góðærinu.
Mcdonald‘s
ekki lengur á Íslandi
Það átti engin von á þessu þegar
Davíð Oddson beit í fyrsta McDon-
ald's hamborgarann á Íslandi árið
1991 en í fyrra hvarf McDonald's
hamborgarakeðjan af landi
brott. Ástæðan voru dýr aðföng í
kjölfar hruns krónunnar. Í kjölfarið
heyrðist hátt í spjátrungum sem
bauluðu hver í kapp við annan að
McDonald's óhollustunni yrði sko
ekki saknað! Þrátt fyrir þetta mættu
þúsundir manns að fá sér síðasta
hamborgarann síðustu vikuna sem
keðjan var opin.
Bensín getur greinilega endalaust hækkað Í verði
Það voru góðir tímar árið 2007 og muna menn glögglega eftir því þegar bensínlítrinn
skreið yfir 100 krónurnar í byrjun árs. Þótti þetta heldur gróft, en almenningur var
ekkert að stressa sig allt of mikið yfir þessu, og dældi sem fyrr fé í olíufélögin. Í dag
kostar bensínlítrinn hins vegar yfir 190 krónur og hafa margir gripið til reiðhjólanna
eða almenningssamgangna.
strætó er svalur
Árið 2007 þótti ekki töff að taka strætó.
Það gerðu bara börn og gamalt fólk.
Eins furðulegt og það er, er annað
uppi á teningnum erlendis og þar nýta
Íslendingar sér almenningssamgöngur
grimmt. En á Íslandi lét fólk ekki sjá sig
í strætó, gekk frekar. Þetta hefur breyst
töluvert eftir að harðnaði í ári og hefur
farþegafjöldi strætisvagna margfaldast
á örfáum árum.
Ferðalög
innanlands
hafa stóraukist
Í góðærinu var ekki óalgengt að
meðalfjölskylda færi til útlanda tvisvar
á ári. Utanlandsferðir hafa nú hækkað
töluvert í verði og ferðaskrifstofurnar
eru að mestu leyti í eigu sömu aðila.
Þannig er lítil sem engin samkeppni og
verðið helst hátt. Fólk hefur þá brugðið á
það ráð að ferðast innanlands í staðinn.
Ferðamannaiðnaðurinn á Íslandi glæðist
og krakkarnir sjá landið – allir græða.
pýraMídaviðskipti
blómstra Í kreppunni
Þegar atvinnuleysið jókst um mörg prósent á einu ári gripu sumir til þess ráðs að
skapa sér sín eigin tækifæri. Herbalife, Jen Fe, Olong te og Aloe Vera drykkir eru
allsstaðar til sölu og sölufólk auglýsir við hvert tækifæri. Að sama skapi verður
það að teljast kreppuvænt að lifa á dufti og orkute, svo fólk slær þarna tvær
flugur í einu höggi.
úr einkaþotuM á saga Class
Árið 2007 áttu margir útrásarvíkinganna svokölluðu sjálfir einkaþotur. Þeir sem áttu
ekki slík tryllitæki leigðu þær oft á ferðum sínum um heiminn. Nú hafa flestir selt
þotur sínar og fréttist á dögunum af einum þeirra á almennu farrými á leið til London.
Flestir leyfa sér þó enn þann munað að fljúga á Saga Class, enda kannski verðmunur-
inn ekki svo mikill þegar viðkomandi á hundruði milljóna í handraðanum.
skjár einn
ekki lengur ókeypis
Sjónvarpsstöðin Skjár Einn státaði lengi
vel af því að vera eina sjónvarpsstöðin
sem var algerlega ókeypis og stólaði
aðeins á auglýsingatekjur. Það er af sem
áður var og nú kostar áskriftin 2.200 krón-
ur á mánuði. Slagorð stöðvarinnar, Skjár
Einn – alltaf ókeypis er því orðið úrelt.