Dagblaðið Vísir - DV - 19.07.2010, Blaðsíða 26

„Keppnin í Tyrklandi var meira feg-
urðarsamkeppni. Ég fékk svolít-
ið menningarsjokk því þarna er
öðruvísi að vera en á Íslandi,“ segir
Bryndís Gyða en hún tók bæði þátt
í fegurðarsamkeppni í Tyrklandi og
í Þýskalandi í ár. Í Tyrklandi var hún
kjörin „Miss photogenic“, en hún
segist hafa upplifað ólíka menning-
arheima á ferðum sínum fyrir feg-
urðarsamkeppnirnar.
„Ég tók eftir strax og ég var á leið-
inni heim af flugvellinum í Tyrklandi
að sá ég bara kofa, pínulitla kofa þar
sem fólk býr, þar sem tré var haft fyr-
ir þak. Þetta var sérstaklega áberandi
í litlu bæjunum, það var eiginlega
bara í borgunum sem voru almenni-
leg hús. Annars leið mér eins og ég
væri komin í gettóið þar sem nasism-
inn var, þær myndir sem maður hef-
ur séð af því. Ég er ekkert vön þessu,
að ferðast til svona óþróaðra landa.“
Stelpurnar frá Úkraínu gerðu
hvað sem er
Bryndís segir forsvarsmenn fegurð-
arsamkeppnanna beggja hafa greitt
fyrir för hennar út.
„Annars hefði ég ekki farið. Það
var umboðsmaður sem sér um að
„scouta“ módel í verkefni og stelp-
ur í keppnir og hann sá mynd af
mér, grunar að það hafi verið á aug-
lýsingu á síðu sem hann sá. Hann
gúggl aði mig og fann mig einhvern
veginn, sendi mér meil og talaði við
mig. Ég kynnti mér þennan mann
og hann hafði unnið með öðrum ís-
lenskum stelpum sem höfðu tek-
ið þátt í fegurðarsamkeppnum svo
ég vissi að þetta var allt öruggt og
svona. Ég skoðaði líka keppnirnar
og talaði við stelpur sem höfðu áður
farið og svona,“ segir Bryndís og tek-
ur fram að þátttakan hafi verið mjög
skemmtileg upplifun.
„Æðislegt að kynnast svona
mörgum, við erum enn í sambandi í
dag. Til dæmis, ein stelpan sem varð
mjög góð vinkona mín, hún er módel
í Noregi og er núna flutt til LA og það
getur verið að ég sé að fara til hennar.
Gaman að geta farið og heimsótt fólk
allsstaðar að úr heiminum. Við vor-
um flestar góðar vinkonur en síðustu
dagana fór samkeppnin að harðna.
Þegar verið er að taka myndir þá eru
ákveðnar stelpur sem troða sér alltaf
fremst. Það eru aðallega stelpur frá
fátækum löndum eins og til dæmis
Úkraínu sem finnst þetta vera alveg
annað líf ef þær ná árangri og þær
gera eiginlega bara hvað sem er til að
fá athygli og komast áfram.“
Bryndís Gyða segist þó ekki hafa
áhuga á Ungfrú Ísland í bili.
„Allavega ekki á næsta ári, ætla
að hvíla mig aðeins á þessu. Tvær
keppnir á einu ári er alveg nóg.“
Myndi pottþétt segja já við
Playboy
Bryndís, sem starfar bæði sem
fyrirsæta og með langveiku fólki seg-
ist hyggja á landvinninga.
„Það er núna á planinu hjá mér að
fara til Dubaí og svo er verið að tala
um að ég sé mögulega að fara til Am-
sterdam í nokkra daga. Ég hef verið
að hugsa um að fara til Dubaí þar
sem eru mikil tækifæri fyrir stelpur
með evrópskt útlit. Það halda marg-
ir að þetta sé eitthvað arabaland, en
það er voðalega vestræn menning
þarna. En þetta kemur í ljós og ég
er að fara að læra einkaþjálfarann í
haust og verð að einbeita mér að því.“
Bryndísi er margt til lista lagt en
hún er einnig liðtæk söngkona og
segist stefna á að gefa eitthvað út í
framtíðinni.“
„Fólk mun örugglega heyra eitt-
hvað eftir mig en ég er aðallega að
syngja popp og svo líka rólegar mel-
ódíur.“
Í ljósi þess að súpermódel okkar
Íslendinga, Ásdís Rán, er nýbúin að
sitja fyrir í búlgarska Playboy ligg-
ur beint við að spyrja þokkagyðjuna
Bryndísi Gyðu hvort tilboð frá Play-
boy myndi freista hennar.
„Ég væri til í að sitja fyrir í amer-
íska Playboy. Ef manni myndi ein-
hvern tíma verið boðið það myndi
maður pottþétt segja já. En ég hef
reyndar ekki skoðað Playboy svo ég
ætti kannski ekki að svara þessari
spurningu.“
Rapparinn og grafíski hönnuð-
urinn Ómar Hauksson, sem er
hvað þekktastur fyrir að hafa
slegið í gegn með hljómsveitinni
Quarashi, er um þessar mundir
í tökum fyrir mynd sem hann er
með í smíðum. Óljóst er um ná-
kvæman söguþráð myndarinn-
ar en af Facebook-síðu Ómars
að dæma koma uppvakning-
ar talsvert við sögu í myndinni
ásamt miklu magni af gervi-
blóði og alls kyns tæknibrellum.
Ómar vill sem minnst gefa upp
um myndina að svo stöddu en
spennandi verður að sjá hvort
hér sé á ferðinni fyrsta íslenska
„zombie“-myndin. Upptökur
fóru víst að einhverju leyti fram
utan dyra í síðustu viku og leist
erlendum ferðamönnum víst
ekki á blikuna þegar þeir mættu
uppvakningunum á leið sinni
um borgina.
„Þetta er víst bara svona. Ekkert
sem við getum gert í því,“ seg-
ir Bríet Sunna Valdemarsdótt-
ir söngkona. Rás 2 hefur hafn-
að lagi hennar, Þú varst mér allt,
því það er ekki talið henta stöð-
inni. „Mér skilst að lagið hafi far-
ið fyrir fund og niðurstaðan var
sú að það væri ekki nógu sum-
arlegt. Þeir segjast ætla að skoða
það með haustinu.“ Lagið er eft-
ir Halldór Guðjónsson en Bríet
Sunna syngur auk þess að semja
textann. Textinn er afar ástríðu-
fullur enda samdi hún hann til
ástarinnar í lífi sínu, eins og hún
orðar það í kynningu á laginu á
vefsíðunni Youtube. „Þetta lag
er mér mikið hjartans mál,“ segir
hún að vonum frekar spæld með
höfnun Rásar 2-manna.
Það er stjörnum prýddur hóp-
ur sem aðstoðar Bríeti Sunnu í
laginu því Böddi í Dalton syngur
bakraddir og Davíð Sigurgeirs-
son gítarleikari og kærasti ann-
arrar ungrar söngstjörnu, Jó-
hönnu Guðrúnar, spilar á gítar
og bassa í laginu. Lagið er hug-
ljúf ballaða. Bríet Sunna, sem er
hvað þekktust fyrir að hafa fang-
að hug og hjarta sjónvarpsáhorf-
enda í 2 seríu Idol-Stjörnuleitar-
innar, er þó bjartsýn þrátt fyrir að
Rás 2 hafi hafnað henni. „Ég hef
fengið góðar undirtektir annars
staðar frá og vona bara að lagið
fái að hljóma,“ segir hún vongóð.
viktoria@dv.is
„Ekki nógu sumarlEgt“
rappari
gErir
zombiE
mynd
Rás 2 vill ekki spila nýtt lag idol-stjöRnunnaR BRíetaR sunnu:
Fréttakonan skelegga Lára
Ómarsdóttir fór á kostum í frétt-
um sjónvarpsins á föstudags-
kvöld. Lára hafði komið sér fyrir
við þjóðveginn á Kjalarnesi og
lýsti þar í beinni útsendingu
miklum umferðarþunga út úr
bænum. Lýsingar hennar á um-
ferðinni voru með eindæmum
og marg endurtók hún hversu
þung umferð hefði verið út úr
bænum. Glöggir sjónvarpsáhorf-
endur tóku hins vegar eftir því
að nánast engin umferð var við
veginn. Einn og einn bíll fór fram
hjá Láru þar sem hún stóð sum-
arklædd við veginn. Viðmæl-
andi hennar var eitthvað seinn á
staðinn því í miðri frétt kom lög-
reglumaður á hjóli og Láru lá svo
á að tala við hann að hún hljóp
að honum og reif upp skyggnið á
hjálminum til að hún gæti spurt
hann spurninga. Það viðtal varði
afar stutt enda viðmælandinn
of seinn í viðtalið. Lára gaf svo
orðið aftur yfir til Páls Magnúsar
fréttaþular sem augljóslega var
skemmt yfir tilþrifum Láru við
umferðarlýsinguna.
lára lýsti
tómum
vEgum
26 fólkið 19. júlí 2010 mánudagur
Fyrirsætan Bryndís Gyða Grímsdóttir fór
í tvær fegurðarsamkeppnir á árinu. Hún
er á leiðinni til dubaí og segir stelpurnar
frá Úkraínu gera allt til að komast áfram í
keppnunum.
Bryndís Gyða Grímsdóttir:
Segir ekki nei við
Pl yboy
Þokkafull í bikiní Bryndís
Gyða er efnilegt glamúrmódel.
Ögrandi Bryndís
Glæsileg fyrirsæta.