Dagblaðið Vísir - DV - 19.07.2010, Page 20

GanGa í Viðey
Séra Þórir Stephensen, fyrrverandi
staðarhaldari í Viðey, mun á morg-
un, þriðjudag, leiða gönguna um
eyjuna. Þar verða gestir leiddir í all-
an sannleikann um sögu Viðeyjar.
Saga Viðeyjar er mikil og merk en
þar hafa í fornleifauppgreftri fundist
merki um mannavistir á eyjunni allt
frá 10. öld. Aukasiglingar eru til Við-
eyjar á þriðjudögum klukkan 18.15
og 19.15. Gengið verður frá Viðeyjar-
stofu klukkan 19.30. Gangan tekur
um einn og hálfan tíma og stefnt er
að því að fara til baka um 22.00 Leið-
sögnin er ókeypis og öllum heimil
en borga þarf ferjutoll til Viðeyjar.
ný plata
RökkuRRóaR
Hljómsveitin Rökkurró mun á
næstu vikum gefa út sína aðra
plötu, Í annan heim. Fyrri plata
Rökkurróar kom út árið 2007 og
hlaut góðar viðtökur. Svo góðar
að hún hefur verið illfáanleg hér
um langt skeið. Alex Somers úr
Riceboy Sleeps stjórnaði upp-
tökum á nýju plötunni. Hún var
tekin upp meðal annars í tónlist-
arskóla trommuleikara sveit-
arinnar, í hljóðveri Sigur Rósar,
Sundlauginni, og í eldhúsinu hjá
Alex. Á plötunni kennir ýmissa
grasa og margt mun vera ólíkt
með henni og fyrri plötu sveitar-
innar. 12 Tónar gefa plötuna út
og á henni eru níu lög. Umslag
og útlit plötunnar var hannað af
hljómsveitinni sjálfri. Eitt lag af
plötunni er komið í spilun og er
það lagið Sólin mun skína. Hægt
er að hlusta á það á vefsíðunni
gogoyoko.com.
leitað að
tRúbatRixum
Trúbatrix leitar að tónlistarkonum
fyrir tónleikaferð og safnplötu sum-
arið 2010. Trúbatrix er hópur kven-
kyns trúbadora en þær vöktu tals-
verða athygli síðastliðið sumar. Nú
leita trúbatrixur að nýjum og spenn-
andi íslenskum tónlistarkonum sem
vilja bætast í hópinn. Leitað er að
konum sem spila frumsamda tónlist
og eru tilbúnar að spila á tónleik-
um. Almenningur er líka hvattur til
að benda á efnilegar tónlistarkonur.
Áhugasamir eru beðnir um að senda
tölvupóst á netfangið trubatrix@
gmail.com.
20 fókus 19. júlí 2010 mánudagur
VaRúlfuRinn á íslensku
Bjartur útgáfufélag hefur tryggt sér útgáfu-
réttinn á spennusögum eftir Fred Vargas.
Vargas er franskur metsöluhöfundur en bækur
hennar eru þekktar víða um heim. Fyrsta
bókin er komin út á kilju og heitir Varúlfurinn.
Væntanlegar eru tvær í viðbót, Kallarinn og
Þríforkurinn. Væntanlega góð viðbót í flóru
spennusagna hér á landi.
elduR í HúnaþinGi Unglistahá-
tíðin Eldur í Húnaþingi hefst miðvikudaginn
21. júlí og stendur til 25. júlí. Hátíðin hefur
verið haldin árlega frá árinu 2003. Ýmislegt
spennandi er að finna á dagskrá hátíðarinnar.
Þar má nefna heimsmeistaramót í kleppara,
hundahlýðninámskeið, sápubolta, tónleika
og margt fleira spennandi. Öll vinna er unnin
í sjálfboðaliðastarfi af íbúum á staðnum.
Hugmyndin kviknaði í rauninni þegar okkur bauðst þetta húsnæði. Það hefur staðið autt í
nokkurn tíma og við höfum tekið eft-
ir því. Þegar við komum hingað inn
hrópaði þetta rými á að það yrði not-
að,“ segir tónlistarmaðurinn Valgeir
en hann og kona hans, Ásta Kristrún
Ragnarsdóttir, eru að opna menning-
arsal í gamla Slipphúsinu við Reykja-
víkurhöfn. Þar hafa þau innréttað fal-
legan sal með húsmunum sem þau
hafa fengið hér og þar um bæinn.
Salnum er ætlað að hýsa menning-
arviðburði af ýmsum gerðum - bæði
fyrir íslenska og erlenda gesti.
Menningarefni fyrir ferðamenn
„Það verður kaffihús hér á daginn,
við erum hér að vinna svo þetta verð-
ur dálítið frjálslegt bara,“ segir Val-
geir. Á daginn verður rekið kaffihús í
salnum en á kvöldin verða í honum
ýmsar uppákomur. Á efri hæð húss-
ins eru þau hjónin með forritunar-
fyrirtæki sitt svo þau koma til með
að eyða miklum tíma í húsinu. „Við
höfum verið að þróa þessa hugmynd
í sambandi við ferðamenn. Það er
að segja að vera með einhvers kon-
ar framboð á menningarlegu efni.
Maður veit hvernig þetta er sjálfur
þegar maður fer til útlanda. Mað-
ur vill heyra um staðinn sem mað-
ur er kominn á,“ segir hann. Ætlun-
in er að bjóða upp á menningarlega
skemmtun fyrir ferðamenn og verð-
ur þar saga lands og þjóðar í aðal-
hlutverki. „Við erum að undirbúa
smá prógramm, ég og þrjár íslenskar
leikkonur sem munu skipta með sér
að leika. Það eru þær Jóhanna Vig-
dís Arnardóttir, Þórunn Lárusdóttir
og Þórunn Erna Clausen sem hoppa
inn eftir þörfum enda allar mjög
uppteknar konur. Þetta er 60 mín-
útna prógramm á ensku sem heit-
ir Iceland in Reverse. Við bökkum í
gegnum Íslandssöguna. Við förum í
gegn um Íslendingasögurnar á svo-
lítið óhefðbundinn hátt. Segjum frá
skemmtilegum brjáluðum skúrkum
og svo líka frá ógeðslegu pörtunum.“
Opin fyrir öllu - jafnvel nekt
Á staðnum koma til með að verða alls
kyns tónlistaruppákomur. „Við ætl-
um að vera hérna með lifandi músík
eftir föngum. Hérna er hægt að taka
inn djass og svo langar okkur líka til
að sjá klassíska tónlist sem er ekki
mann- og plássfrek. Við viljum sjá
hérna svona mýkri tónlist. Við erum
ekki að reyna að laða til okkar dauða-
málmssveitir. Bara „næs“ músík á
þægilegum hljóðstyrk,“ segir Valgeir
hlæjandi. Þó verða ekki bara tónlist-
aruppákomur því þau eru opin fyrir
öllu. „Hér hafa til dæmis rithöfundar
verið að reka inn nefið og sagt að hér
yrði frábært að lesa upp. Við getum
verið hér með skáldavökur og ýmis-
legt. Þetta verður svona menningar-
salur í víðri merkingu. Hér er hægt
að sýna vídeó, stuttmyndir, það er
allt opið. Svo fremi sem - jú, reynd-
ar held ég að það sé í lagi ef fólk þarf
á því að halda - þá getur það komið
nakið fram. Ef fólk telur að frægðin
velti á nektinni þá horfum við í gegn-
um fingur okkur með það.“
Fljótandi veigar
Salurinn er vel búinn gömlum hús-
gögnum sem þau hjónin hafa sank-
að að sér hér og þar um bæinn.
Andrúmsloftið er notalegt og heim-
ilislegt. „Hér sitja allir til borðs. Þetta
er svona svolítið eins og klúbbur
sem maður hefur komið á erlendis
og hugsað: Voða væri nú gaman ef
það væri svona heima.“ Staðurinn
er með vínveitingaleyfi en þau hafa
ekki í hyggju að bjóða upp á mat. „Við
verðum með allar fljótandi veigar en
höfum ekki í hyggju að fara í sam-
keppni við alla þessa frábæru veit-
ingastaði hérna í kring,“ segir Valgeir
og á þá við alla veitingastaðina sem
risið hafa hver af öðrum á svæðinu
í kringum höfnina. Mikið líf er að
kvikna á svæðinu og Valgeir er bjart-
sýnn á framhaldið. „Þetta er alveg
hérna niðri á Granda og við erum á
besta stað, alveg í miðjunni.“
Eldri og mýkri markhópur
Valgeir segir þau stefna á annan
markhóp en sé á flestum stöðum
bæjarins. „Við erum í raun meira að
leita að eldra fólki en yngra því fólk
milli tvítugs og þrítugs hefur 2.000
staði að heimsækja en þegar þú ert
kominn yfir fertugt þá ertu að leita að
annars konar stað þar sem þú veist
að hávaðinn er ekki of mikill. Þú veist
að það fer vel um þig og þú getur far-
ið snemma heim því við lokum ekki
seint,“ segir hann og bætir við að þau
hjónin séu spennt fyrir opnun stað-
arins en hann verður vonandi opn-
aður núna í vikunni. „Þetta er mjög
skemmtilegt. Þetta er bara svona
óvænt innlegg í okkar líf. Við vitum
í sjálfu sér ekkert hvað við erum að
fara út í en við höldum að við getum
gert þetta þannig að þetta verði allt
með svona rólegri formerkjum. Að
gestir okkar verði svona í mýkri kant-
inum. Ég sé ekki fyrir mér stóra dyra-
verði hér,“ segir hann og hlær.
Spilar með dóttur sinni
Opnunarpartí verður fyrir vini og
kunningja í salnum í vikunni. Á
fimmtudaginn verður staðurinn svo
opnaður formlega en þá ætlar Val-
geir að vera með tónleika ásamt sér-
stökum gesti. „Gesturinn er Vigdís
Vala Valgeirsdóttir dóttir okkar sem
er mjög farin að ógna föður sínum
sem sem lagasmiður. Tónleikarn-
ir hefjast klukkan 20.30. Svo vonum
við bara að við fáum nóg af fólki á
staðinn. Þetta verður bara skemmti-
legt,“ segir Valgeir bjartsýnn á fram-
tíð menningarsalarins. viktoria@dv.is
stuðmaðuR
opnaR
menn inGaRsal
Tónlistarmaðurinn Valgeir Guðjónsson og kona hans, Ásta Kristrún Ragnarsdóttir,
opna menningarsal þar sem hinar ýmsu menningaruppákomur verða, bæði fyrir er-
lenda ferðamenn og Íslendinga. Um verður að ræða lifandi tónlist sem og leikrænar
upp á komur sérstaklega ætlaðar erlendum ferðamönnum.