Dagblaðið Vísir - DV - 16.08.2010, Blaðsíða 8

8 fréttir 16. ágúst 2010 mánudagur
Sorpa gaf 7,5
milljónir
Á sunnudag færði Björn H. Hall-
dórsson, framkvæmdastjóri
Sorpu, starfsfólki Reykjadals sjö
og hálfa milljón á sumarlokahá-
tíð sumarbúðanna sem fram fór í
Reykjadal um helgina. Í tilkynn-
ingu frá Styrktarfélagi lamaðra og
fatlaðra segir að mikill fögnuður
hafi brotist út meðal hátíðargesta.
Styrktarfélagið hefur rekið sum-
arbúðir fyrir einstaklinga á aldr-
inum fimm til tuttugu og þriggja
ára í Reykjadal í tæp fimmtíu ár.
Einnig hefur verið boðið upp á
helgardvalir yfir vetrartímann.
Næstkomandi vetur var ekki ætl-
unin að bjóða upp á helgardvalir
sökum fjárskorts.
TF-SIF snýr heim
Flugvél Landhelgisgæslunnar TF-
SIF kom til Reykjavíkur á sunnudag.
Flogið var frá Houma í Louisiana
með millilendingu í Syracuse í New
York-fylki og Goose Bay á Nýfundna-
landi. Síðastliðinn mánuð hefur
TF-SIF sinnt mengunareftirliti á
Mexíkóflóa fyrir bandarísku strand-
gæsluna og BP. TF-SIF stoppar þó
stutt við hér á landi því um næstu
helgi verður haldið til Dakar í Sen-
egal þar sem flugvélin mun sinna
áframhaldandi eftirliti fyrir Front-
ex, landamærastofnun Evrópusam-
bandsins.
Missti hárið í
hringekju
Sex ára stúlka missti fjórðung hárs
síns eftir að hár hennar flæktist í
skrúfu í hringekju í Fjölskyldu- og
húsdýragarðinum á laugardag. Rík-
isútvarpið greindi frá þessu.
Móðir stúlkunnar segir starfsmenn
garðsins ekki hafa veitt nauðsyn-
lega aðstoð eftir slysið. Hún hyggst
kæra málið til lögreglunnar. Vinnu-
eftirlitið skoðaði tækið hálftíma eftir
að slysið átti sér stað en gerði engar
frekari athugasemdir við tækið en
að setja ætti plasttappa yfir skrúf-
una sem stúlkan flæktist í. Móðirin
osaði dóttur sína sjálf úr tækinu en
fjórðungur hárs stúlkunnar varð eftir
með rótum.
Mörgum spurning-
um ósvarað
Sigmundur Davíð Gunnlaugsson,
formaður Framsóknarflokksins,
sagði enn mörgum spurningum
ósvarað varðandi upplýsingagjöf
Gylfa með tilliti til gengistryggðra
íslenskra lána á Alþingi. Hann vill fá
útskýringar á því afhverju ekki var
tekið meira tillit til óvissunar sem
var uppi við stofnun nýju bankanna.
„Þegar ríkið lagði bönkunum til
hundruð milljarða í eigið fé þá hefðu
menn átt að gera ráðstafanir þannig
að ekki væri verið að setja ríkispen-
inga í að kaupa lán sem gætu reynst
ólögmæt,“ sagði Sigmundur í samtali
við Morgunblaðið fyrir helgi.
LjúFLIngur FannST
LáTInn í rúMI Sínu
„Ávallt virkilega ljúfur,“ segir vinur 37 ára karlmanns sem fannst látinn á heimili
sínu í Hafnarfirði í gær. Lögreglan á höfuðborgarsvæðinu staðfestir mannráp en
verst allra frétta af rannsókn málsins. Ljóst þykir að maðurinn hafi látist af völdum
stungusára en samkvæmt heimildum DV kom kærasta hans að honum látnum.
„Hann var með þægilega framkomu,
orðfár en ávallt virkilega ljúfur,“ seg-
ir vinur hins tæplega fertuga karl-
manns sem fannst látinn á heimili
sínu í Hafnarfirði á sunnudag. Að-
spurður segist vinurinn, sem eðli
málsins samkvæmt vill ekki láta
nafns síns getið, ekki hafa hugmynd
um hver gæti hafa ráðið vini hans
bana.
Lögreglan á höfuðborgarsvæð-
inu hefur staðfest að um manndráp
sé að ræða en að öðru leyti virðist
rannsóknardeildin ekki hafa frekari
hugmyndir en vinur hins látna um
hver morðinginn er. Rannsóknin er
því á frumstigi og enn sem komið
er er hefur enginn verið handtekinn
vegna málsins.
Látinn í rúminu
Samkvæmt heimildum DV fannst
maðurinn, 37 ára að aldri, látinn í
rúmi sínu um hádegisbil með greini-
leg stungusár sem leiddu til dauða
hans. Talið er að hann hafi verið
stunginn aðfaranótt sunnudags og
heimildir DV herma að það hafi ver-
ið kærasta hins látna sem kom að
honum látnum í rúmi sínu. Hinn
látni hefur búið í stóru einbýlishúsi
í Hafnarfirði, þar sem hann fannst
látinn um hádegisbil, undanfarinn
áratug en undanfarin tvö ár hefur
kærasta hans búið þar einnig. Eftir
því sem DV kemst næst er lögregl-
an ráðalaus og hefur enginn verið
handtekinn. Lögreglan hefur varist
allra frétta af atvikinu og hefur ekki
viljað gefa upp að hverju rannsókn-
in beinist og þá hvort morðinginn sé
hættulegur.
Tæknideild lögreglunnar rann-
sakaði vettvanginn á sunnudag og
Friðrik Smári Björgvinsson, yfirlög-
regluþjónn lögreglunnar á höfuð-
borgarsvæðinu, stýrir rannsókninni.
„Manndráp var framið, og rannsókn
stendur nú yfir. Að öðru leyti getum
við ekkert sagt um málið,“ segir Frið-
rik.
Algjört áfall
Enginn í nágrenni við þann látna
virðist heldur hafa nokkra hugmynd
um hvað átti sér stað á sunnudag-
inn og urðu þeir nágrannar sem
DV ræddi við ekki varir við nein-
ar mannaferðir eða læti við heimili
hins látna. „Við höfum ekki nokkra
hugmynd um hvað gerðist. Við urð-
um ekki vör við neitt og höfum ekki
orðið vör við óeðlilegar mannaferð-
ir. Þetta er auðvitað mikill harmleik-
ur og okkur nágrönnunum er mjög
brugðið. Við vonumst að sjálfsögðu
til þess að málið verði upplýst,“ seg-
ir Gunnar Karl Guðmundsson, ná-
granni hins látna.
Hinn látni starfaði við hlið föður
síns undanfarin misseri og rak með
honum arðbær fyrirtæki hér á landi.
Viðmælendur DV segja hann hafa
verið ljúfmenni sem hafi haft gott
viðskiptavit. „Ættingjarnir eru í al-
gjöru áfalli. Þetta var voðalega indæll
og góður maður. Alltaf þegar ég hitti
hann þá var hann virkilega ljúfur
og almennilegur,“ segir einn af við-
mælendum DV sem tengist honum
böndum.
Þetta var voða-lega indæll og
góður maður. Alltaf
þegar ég hitti hann þá
var hann virkilega ljúfur
og almennilegur
Á vettvangi Tækni-
deild lögreglunnar
rannsakaði vettvang
fram eftir degi á
sunnudag. Lögregla
verst allra frétta af
gangi rannsóknarinnar.
Bæjarstjórinn á Seltjarnarnesi verst ásökunum framkvæmdastjóra:
Helmingur í veikindaleyfi
Helmingur af framkvæmdastjórum
Seltjarnarnesbæjar er kominn í leyfi
frá störfum. Að minnsta kosti í öðru
tilvikinu er ástæðan erfið samskipti
við Ásgerði Halldórsdóttur bæjar-
stjóra en samkvæmt heimildum DV á
það einnig við í hinu tilvikinu. Reyn-
ist það rétt eru tveir framkvæmda-
stjórar bæjarins ósáttir við fram-
komu bæjarstjórans í þeirra garð.
Um er að ræða helming af fram-
kvæmdastjórunum sem þar starfa ef
marka má vefsvæði bæjarins.
Líkt og DV hefur áður greint frá er
Ólafur Melsted, framkvæmdastjóri
tækni- og umhverfissviðs bæjarins,
í veikindaleyfi og hefur verið í leyfi
frá því í janúar. Hann undirbýr máls-
höfðun gegn bænum vegna eineltis
í sinn garð og hefur ekki aðeins leit-
að til dómstóla heldur einnig til bæði
Persónuverndar og Vinnueftirlitsins.
Gunnar Lúðvíksson, verkefna-
stjóri á fjárhags- og stjórnsýslusviði
Seltjarnarness og starfsmanna-
stjóri bæjarins, staðfestir að tveir
framkvæmdastjórar bæjarins séu
nú komnir í leyfi. Aðspurður hvort
ástæðan í síðara tilvikinu sé erfið
samskipti framkvæmdastjórans við
bæjarstjóra segist hann ekki geta
staðfest slíkt. „Ég hef ekki heyrt það
frá honum,“ segir Gunnar.
Ásgerður bæjarstjóri staðfest-
ir sömuleiðis að tveir framkvæmda-
stjórar séu í veikindaleyfum en úti-
lokar um leið að bæði tilvikin séu
tilkomin vegna erfiðra samskipta
við sig. „Ég get staðfest að annar
framkvæmdastjórinn hefur nú farið
í veikindaleyfi en að öðru leyti ræði
ég það ekki. Ég kannast ekki við að
viðkomandi hafi kvartað yfir sam-
skiptum okkar en ég hef átt mjög góð
samskipti við þann framkvæmda-
stjóra. Ég hafna því að hann sé í leyfi
vegna ósamkomulags okkar á milli,
mér er ekki kunnugt um það,“ segir
Ásgerður.
„Það er orðið augljóst að Ólaf-
ur kvartar yfir okkar samskiptum og
hefur nú lagt inn matsbeiðni þar sem
dómkvaddir matsmenn verði fengnir
til að fara yfir málið. Ég fagna því að
þetta sé komið í þetta ferli og komið
upp á yfirborðið. Ég fagna þessu bara
og óttast ekkert niðurstöðuna í þeim
efnum.“ trausti@dv.is
Tveir í leyfi Tveir framkvæmdastjóra Seltjarnarnesbæjar er í leyfi og að minnsta kosti
annar þeirra kvartar undan samskiptum við bæjarstjórann.