Dagblaðið Vísir - DV - 25.08.2010, Blaðsíða 22

22 úttekt umsjón: kRISTJANA GUÐBRANDSDÓTTIR kristjana@dv.is 25. ágúst 2010 miðvikudagur
Áhugamál og dægrastytting gera lífið skemmtilegra og gefa okkur innblástur og aukakraft til góðra verka. Þau
eru mörg og mismunandi áhugamálin og í Reykjavík fyrirfinnst skemmtilegt safn áhugasamtaka, klúbba og
félagasamtaka. Við hittum fyrir fólk sem hefur stofnað til félagsskapar í kringum áhugamál af ýmsu tagi.
Eitthvað fyrir alla
Kvenfjelag Kaffibarsins var stofn-
að síðastliðið vor af kvenkyns
fastakúnnum og fyrrverandi og
núverandi starfsmönnum bars-
ins. Þær hittast einu sinni í viku
og ráðgera hvaða góðgerðamál-
um þær vilja veita liðsinni. Á
Menningarnótt héldu þær mark-
að fyrir framan Kaffibarinn þar
sem allur ágóði af sölu markaðs-
ins rann óskiptur til Stígamóta.
Söluágóðinn var um 70 þúsund
krónur. „Við stofnuðum kvenfé-
lagið vegna þess að okkur fannst
hlutur karla í félagsstarfi tengdu
barnum helst til frekur,“ segir
Guðrún Dóra, gjaldkeri félagsins.
„Karlarnir reka hér öflugan karla-
kór og eru duglegir að hittast og
ræða mikilvæg málefni yfir bjór.
Að sjálfsögðu fannst okkur við
ekki geta verið eftirbátar þeirra
og stofnuðum því Kvenfjelag
Kaffibarsins þar sem við ræðum
ekki síður mikilvæg efni. Við rek-
um öflugt drykkjufélag og sinn-
um góðgerðarmálum af alefli.
Við viljum hag kvenna sem mest-
an og því eru aðaláherslur okk-
ar á að styrkja málstað kvenna.
Við seldum karlakórnum og
fleiri fastakúnnum Kaffibarsins
nærbuxur með áletruninni: „Við
sýnum ábyrgð“, barmmerki með
uppáhaldsfyrirmynd okkar, Vig-
dísi Finnbogadóttur, og ýmislegt
fleira. Við gerum svolítið í því að
starfa í gömlum anda kvengóð-
gerðarfélaga og er það gert með
kímnigáfuna að vopni.“
kvenfjelag kaffi-
barsins í sókn
Guðrún Dóra og meðlimir kvenfélags-
ins með söluvarning til styrktar konum:
Áslaugu Rán Einarsdóttur finnst hvergi betra að vera
en í háloftunum en hún hefur stundað svifvængja-
flug síðustu árin með Fisfélagi Reykjavíkur og á eigin
vegum á ferðalögum um heiminn. Áslaug Rán sem í
daglegu tali er kölluð Ása hefur magnaða ástríðu fyrir
svifvængjafluginu en síðasta ár hætti hún í vinnunni,
seldi allar eigur sínar og hélt á vit ævintýranna með
ferðafélaga sínum Anitu Hafdísi Björnsdóttur. Stúlk-
urnar ferðuðust um heiminn og stunduðu íþróttina og
settu á laggirnar verkefni sem kallast The Flying Effect
í samstarfi við UNIFEM á Íslandi.
Ása segir Fisfélag Reykjavíkur frábæran félagsskap
þar sem vel sé tekið á móti nýliðum.
„Það sem helst einkennir svifvængjaflugið eru góð-
ar móttökur þeirra sem deila með þér áhuganum.
Hvert sem farið er í heiminum einkennist viðmótið
af vinskap, gestrisni og virðingu. Hér á Íslandi bætist
töluvert í hóp nýrra meðlima á ári hverju og alltaf tek-
ið vel á móti þeim sem sýna áhuga. Í vor hófu tíu nýir
meðlimir æfingar og flugu með okkur í sumar.“
Ása segir veðurfar á Íslandi ekki það ákjósanleg-
asta til iðkunar svifvængjaflugs því hér sé vindur frem-
ur óstöðugur. „Við látum það ekki á okkur fá og reyn-
um að finna okkur góða staði til að njóta flugsins. Ég
ætla þó að fara utan í vetur og vinna hjá fyrirtæki sem
heitir Passion Paragliding. Minn fyrsti viðkomustaður
verður Frakkland en svo liggur leiðin til Marokkó þar
sem ég mun starfa í tvo mánuði.“
Www.theflyingeffect.wordpress.com er vefsíða
stelpnanna.
Vinskapur og gestrisni og virðing hvert sem komið er:
Svifið um í háloftunum
Lena Viderø, blaðamaður á Birtingi, er meðlimur klúbbs þar sem lögð er
rækt við handavinnu. „Klúbburinn er áhugamannahópur um alls kyns
handavinnu og kallast hann Félag ná-
kvæmra handiðna man na eða
FNHMN,“ segir Lena.
Skráðir félagar eru Barði Jó-
hannsson tónlistarmaður,
Elma Stefanía Ágústsdóttir,
Kristinn Magnússon, Ólaf-
ur Arnalds tónlistarmað-
ur, Ellen Loftsdóttir, Krist-
inn Magnússon, Ólafur
Arnalds, Lena Viderø,
Sigríður Halldórsdótt-
ir, Hulda Helgadóttir og
Guðmundur Hallgríms-
son, betur þekktur sem
Mundi.
„Klúbburinn var
stofnaður til þess
að lítill hópur af
skemmtilegu fólki
gæti hist, prjón-
að, heklað eða
gert eitthvað allt
annað, svo fram-
arlega sem það er
gert í höndunum,
spjallað, hlust-
að á góða tónlist
og drukkið góða
drykki saman.“
Prjónað, heklað og notið góðra veiga:
Nákvæmar
handiðnir