Dagblaðið Vísir - DV - 25.08.2010, Blaðsíða 4

4 fréttir 25. ágúst 2010 miðvikudagur
LAGERSALA
www.xena.is
Mikið af
fínum skóm í
leikfiminano1 - st. 28-35 verð kr. 3995.-
no2 - st. 41-47 verð kr. 7995.-
no3 - st. 36-41 verð kr. 7495.-
Opið virka daga 12-18
laugardag 12-16
Erill hjá lögregl-
unni á Selfossi
Tuttugu og fimm ökumenn voru
myndaðir við of hraðan akstur
á Selfossi í vikunni. Flestir óku
of hratt á Suðurlandsvegi en sá
sem hraðast ók þar var á tæplega
hundrað og fjörtíu kílómetra
hraða. Tveir voru kærðir fyrir að
aka of hratt innanbæjar, 25 og 36
kílómetrum yfir hámarkshraða
sem er 50 kílómetrar á klukku-
stund. Einnig var talsvert um
eignaspjöll í vikunni í Selfoss-
umdæmi, en að kvöldi 19. ág-
úst tóku til að mynda einhverjir
sig til og skáru á sextíu og tvær
heyrúllur við bæinn Vatnsleysu í
Biskups tungum. Tjónið er metið
á hundruð þúsunda króna.
Gjaldskrá OR þarf
að hækka
Samkvæmt útreikningum fjármála-
skrifstofu Reykjavíkurborgar þarf að
hækka gjaldskrá Orkuveitunnar um
tuttugu prósent. Slík hækkun myndi
þýða um 2,8 til 3 milljarða í auknar
tekjur fyrir fyrirtækið. En tuttugu
prósenta hækkun myndi þó aðeins
tryggja rekstur fyrirtækisins fram að
áramótum, og því gæti það reynst
raunin að gjaldskrá hækki enn frem-
ur í náinni framtíð. Forsvarsmenn
OR hafa áður nefnt í fjölmiðlum að
líklegt sé að tveggja stafa hækkun
verði á gjaldskránni.
Jóhanna á
lista Time
Tímaritið Time Magazine hefur nefnt
Jóhönnu Sigurðardóttur sem eina
af topp tíu kvenleiðtogum heims-
ins. Um er að ræða grein í blaðinu
þar sem nefndur er fjöldi af kven-
leiðtogum í heiminum og þeim lýst
stuttlega. Í greininni er sagt frá því að
Jóhanna hafi komist til valda í kjölfar
öldu óánægju vegna efnahagshruns-
ins, og að hún sé fyrsti opinberlega
samkynhneigði þjóðarleiðtoginn. Á
meðal annara kvenna á listanum eru
Angela Merkel, kanslari Þýskalands,
og Cristina Fernández de Kirchner,
forseti Argentínu.
Byggðastofnun veitti há lán til útgerða á Vestfjörðum:
Vísar tengslum á bug
„Ákvarðanir um lánveitingar af þess-
ari stærðargráðu eru teknar í stjórn
stofnunarinnar, ekki af forstjóra,“ seg-
ir Aðalsteinn Þorsteinsson, forstjóri
Byggðastofnunar.
Eins og DV greindi frá á mánudag
veitti Byggðastofnun útgerðarfélaginu
Miðvík á Tálknafirði lán upp á hundr-
uð milljóna króna árið 2008 sem voru
tengd við japönsk jen. Lánin voru veitt
með veði í tveimur bátum tengdum
Miðvík, þeim Indriða Kristins BA-751
og Sigurvon BA-367. Lánin voru tekin
til kaupa á aflaheimildum árið 2008.
Miðvík er í eigu Guðjóns Indriða-
sonar og fjölskyldu á Tálknafirði. Í
greininni var greint frá því að móðir
Særúnar Magnúsdóttur, konu Guð-
jóns, og faðir Aðalsteins Þorsteins-
sonar, væru systkinabörn. Aðalsteinn
segir tengslin ekki vera nánari en svo
að þau gætu aldrei valdið vanhæfi í
þessu máli, hvorki samkvæmt reglum
stjórnsýsluréttarins eða lögum um
fjármálafyrirtæki.
Meira en þriðjungur af lánum
Byggðastofnunar hefur verið veittur til
fyrirtækja í sjávarútvegi. Byggðastofn-
un á líka 36,4 prósent í eignarhalds-
félaginu Glámu á Patreksfirði á móti
Odda og Þórsbergi, dótturfélagi Mið-
víkur.
Aðspurður hvað framtíð Glámu
beri í skauti sér, segir Aðalsteinn erf-
itt að segja um það. „En á hinn bóg-
inn hefur hið upphaflega markmið
um að hamla á móti því að veiði-
heimildir fari af svæðinu gengið
bærilega eftir, einkum á sunnanverð-
um Vestfjörðum og í Strandasýslu,“
segir hann.
rhb@dv.is
Guðjón Indriðason
Útgerðarfélagið Miðvík
er verulega skuldsett, að
stórum hluta vegna lána
sem það hefur tekið hjá
Byggðastofnun.
Opinbert loftfar á vegum ísraelskra yfirvalda millilenti á Íslandi á sunnudag. Á ann-
an tug manna var í vélinni og gistu þeir á hóteli í Reykjavík. Þeir báðu um heimild
til að bera vopn á meðan á dvöl þeirra á landinu stæði en upplýsingafulltrúi utan-
ríkisráðuneytisins segir þeirri beiðni hafa verið hafnað.
ÆTLUÐU AÐ BERA
VOPN Í REYKJAVÍK
Starfsmenn ísraelska ríkisins báðu
ríkislögreglustjóra um leyfi til að
bera vopn á meðan á eins dags dvöl
þeirra á Íslandi stóð. Flugvél á veg-
um ísraelskra stjórnvalda millilenti
á Keflavíkurflugvelli á sunnudag og
fór þaðan aftur á mánudag. Sam-
kvæmt heimildum DV gistu átján
menn úr vélinni á Park Inn Ísland
Hóteli í Ármúla í Reykjavík aðfara-
nótt mánudags og voru farnir aftur
um morguninn. Ekki er vitað hvað
mennirnir voru að gera hér á landi.
Vildu bera vopn
Að sögn Urðar Gunnarsdóttur,
upplýsingafulltrúa utanríkisráðu-
neytisins, báðu mennirnir emb-
ætti ríkislögreglustjóra um heimild
til að bera vopn á Íslandi en beiðni
þeirra um að bera vopn utan vélar-
innar var hafnað.
Við vinnslu þessarar fréttar
náðist ekki í þann sem fer með
slík mál hjá ríkislögreglustjóra en
Urður sagðist ekki vita af hverju
mennirnir vildu fá að bera vopn á
landinu. Hún segir þó öryggisráð-
stafanir hjá Ísraelum vera miklar
og eflaust þess vegna sem þeir hafa
viljað bera vopn á landinu.
Fékkst ekki staðfest
Ef til þess hefði komið að þeir
hefðu fengið að bera vopn hefðu
þeir þurft lögreglufylgd á Íslandi.
Þegar háttsettir erlendir embætt-
ismenn og þjóðhöfðingjar hafa
verið hér á landi þá hafa þeir til
að mynda þurft á lögreglufylgd að
halda vegna vopnaðra lífvarða sem
fylgja þeim hvert fótmál.
Eins og áður sagði náðist ekki
í embætti ríkislögreglustjóra við
vinnslu þessarar fréttar og fékkst
því ekki staðfest hvort mennirnir
hafi hlýtt því að fara ekki vopnaðir
inn í landið.
Snyrtilegir menn
Samkvæmt sjónarvottum DV
samanstóð ísraelski hópurinn af
tveimur eldri mönnum og mönn-
um á fertugsaldri sem allir voru í
mjög góðu líkamlegu ásigkomu-
lagi og afar snyrtilegir til fara. Op-
inbera flugvélin sem þeir komu í til
landsins var geymd á bann svæði
á Keflavíkurflugvelli samkvæmt
heimildum DV.
Er það sama svæðið og hin-
ar margfrægu fangaflutningavélar
eiga að hafa verið á, en talið er að
frá árinu 2002 hafi flugvélar, sem
notaðar voru til fangaflutninga
bandarísku leyniþjónustunnar,
millilent um tvö hundruð sinnum
á Íslandi.
bIrGIr olGeIrSSon
blaðamaður skrifar: birgir@dv.is
Beiðni þeirra um að bera
vopn utan vélarinnar
var hafnað.
Össur Skarphéðinsson ut-
anríkisráðherra Upplýsinga-
fulltrúi utanríkisráðuneytisins
segir flugvél á vegum ísraelsku
ríkisstjórnarinnar hafa millilent á
Íslandi á sunnudag.
Avigdor lieberman utanríkisráðherra Ísraels
Beiðni Ísraelsmanna um að opinberir starfsmenn
þeirra gætu fengið að bera vopn á Íslandi var hafnað
af embætti ríkislögreglustjóra.