Dagblaðið Vísir - DV - 19.11.2010, Blaðsíða 52

52 SPORT UMSJÓN: ANNAS SIGMUNDSSON as@dv.is 19. nóvember 2010 FÖSTUDAGUR
Strákarnir okkar í Þýskalandi 4. HLUTI
R
hein-Neckar Löwen
berst nú á toppi þýsku
Bundesligunnar við lið
Hamburg, Kiel og Füch-
se Berlín. Guðmundur Þ.
Guðmundsson, landsliðsþjálfari Ís-
lands í handbolta, tók við liði Rhein-
Neckar Löwen fyrir tveimur mánuð-
um þegar Svíarnir Ola Lindgren og
Kent Harry Andersson voru rekn-
ir frá liðinu. Áður hafði hann verið
íþróttastjóri fyrir bæði Rhein-Neck-
ar Löwen og AG Kaupmannahöfn frá
því í lok mars síðastliðnum.
Danski skartgripajöfurinn Jesper
Nielsen á bæði liðin og ætlar þeim
báðum stóra hluti á næstu árum.
Með liði Rhein-Neckar Löwen spila
þrír íslenskir leikmenn, þeir Guðjón
Valur Sigurðsson, Ólafur Stefáns-
son og Róbert Gunnarsson. Guðjón
Valur hefur ekki getað spilað síðan á
Evrópumeistaramótinu í janúar þar
sem Íslendingar lentu í þriðja sæti.
Hann hóf að æfa með liði Rhein-
Neckar Löwen í síðustu viku.
Blaðamaður DV hitti þá Guð-
mund, Guðjón Val og Róbert í Mann-
heim í Þýskalandi í síðustu viku og
ræddi við þá um atvinnumennsk-
una, lífið í Þýskalandi og mögu-
leika íslenska landsliðsins á kom-
andi heimsmeistaramóti í Svíþjóð
sem hefst í janúar. Er þetta fjórða og
síðasta greinin um atvinnumenn-
ina í Þýskalandi sem DV birtir. Ól-
afur Stefánsson vildi ekki taka þátt
í viðtalinu með félögum sínum hjá
Rhein-Neckar Löwen. DV fjallaði ný-
verið um fjárfestingu Ólafs í félaginu
Arðvis hf. og er hann ósáttur við þá
umfjöllun blaðsins.
Guðmundur, nú tókst þú við lið-
inu í september. Settirðu þér einhver
markmið með liðið?
Guðmundur: „Já, ég gerði það.
Fyrsti leikur minn með liðið var
gegn Barcelona á útivelli. Ég byrjaði
að ræða við liðið um markmið okk-
ar í riðlinum okkar í meistaradeild-
inni. Við ákváðum að setja okkur
mjög háleit markmið í þessum riðli.
Þeim höldum við samt fyrir hópinn.
Við erum núna í fyrsta og öðru sæti í
þessum svokallaða dauðariðli ásamt
Kiel. Langtímamarkmið er samt að
gera Rhein-Neckar Löwen að einu
sterkasta liði heims innan fimm ára.
Síðan er markmiðið í þýsku deild-
inni í vetur að berjast á toppnum. Við
erum þar og ætlum að halda okkur
þar.“
Var eitthvað sem kom þér á óvart
við komuna til Þýskalands?
Guðmundur: „Nei, í rauninni
ekki. Ég hafði kynnst liðinu í gegn-
um starf mitt sem íþróttastjóri. Vissi
nokkurn veginn að hverju ég gekk.
Kannski helst frábær umgjörð í
kringum liðið. Efast reyndar um að
önnur lið hafi eins góða umgjörð og
við. Æfingaaðstaða, sjúkraþjálfun og
læknar. Hér er allt til alls til að skapa
góðan árangur. Síðan eru mjög fjár-
sterkir aðilar á bak við liðið.“
Nú varst þú búinn að taka að
þér starf sem íþróttastjóri AG Kaup-
mannahafnar. Var það erfið ákvörð-
un að fara úr því starfi?
Guðmundur: „Ég var íþróttastjóri
hjá bæði Rhein-Neckar Löwen og
AG Kaupmannahöfn. Mitt hlutverk
var að stýra leikmannakaupum og
svo framvegis. En, já og nei. Það var
vissulega gaman í þessu starfi. Þegar
eigandi félaganna biður mann hins
vegar um að taka við þessu starfi og
býður manni fimm ára samning þá
er eiginlega ekki hægt að segja nei.
Ég þurfti í raun ekkert langan tíma
til að hugsa mig um. Hann spurði
mig beint og ég játaði því strax að ég
myndi taka starfið að mér. Sé ekki
eftir því þótt hitt starfið hafi verið frá-
bært líka.“
Var þetta erfiðari ákvörðun en að
segja upp störfum hjá Kaupþingi?
Guðmundur: „Ég var í frábæru
starfi hjá Kaupþingi og fékk mikla
útrás fyrir minn metnað þar. Mér
fannst frábært að starfa hjá Kaup-
þingi. Á þeim tíma var mjög gaman
að taka þátt í uppbyggingu bankans
en auðvitað fór þetta afar illa þótt
ég fari ekkert nánar út í það. Það var
hins vegar ekki erfitt að hætta þar.
Umhverfið eftir bankahrunið var allt
annað en þegar ég hafði ráðið mig í
starfið. Þess vegna var ákvörðunin
ekki erfið að segja skilið við banka-
starfsemina og snúa sér að handbolt-
anum sem aðalstarfi.“
Var erfitt að fara með fjölskylduna
til Þýskalands?
Guðmundur: „Nei. Við vor-
um búin að vera í Danmörku í fjór-
tán mánuði. Okkur líkaði vel þar.
Nú erum við búin að flytja þrisvar á
rúmu ári. Það er vissulega stremb-
ið en það hefur tekist með sam-
stilltu átaki hjá mér og sambýliskonu
minni. Það gekk ótrúlega vel og hratt
að flytja hingað niður til Þýskalands.
Það tók tæpa þrjá daga að pakka nið-
ur, flytja og koma okkur fyrir. Við töl-
um bæði þýsku og ég kann mjög vel
við mig í Þýskalandi.“
Nú ert þú með samning við HSÍ
til ársins 2012 samhliða starfi þínu
í Þýskalandi. Gerirðu ráð fyrir að
þjálfa landsliðið þangað til?
Guðmundur: „Ég geri ekki ráð
fyrir öðru en að klára saminginn við
HSÍ.“
Guðjón Valur, nú varst þú að
byrja að æfa aftur eftir að hafa verið
meiddur í níu mánuði. Hvernig geng-
ur það?
Guðjón Valur: „Ég hef auðvit-
að reynt að halda mér í formi allan
tímann en var fyrst núna að reyna
að halda út heila handboltaæfingu.
Maður þarf að venjast hlutunum aft-
ur. Ég get hjólað, lyft og synt og svo-
leiðis. Það sem er erfiðast eru hopp,
hliðarskref og lendingar sem reyna
mikið á hnéð. Vandamálið væri ekki
að spila einn hálfleik heldur að spila
heilan leik á þriggja daga fresti í tvo
mánuði. Ég get komið til baka og
leikið í einhverjar mínútur en það
hefur lítið upp á sig.“
Er orðið erfiðara að takast á við
meiðsli nú en áður?
Guðjón Valur: „Ég hef alltaf æft
frekar vel og aldrei náð að safna
bumbu. Þetta verður væntanlega
ekkert auðveldara með aldrinum.
Það tekur tíma fyrir svona brjósk-
skemmdir að jafna sig. Það þurfti að
færa bein í hnénu og svo voru tvær
skrúfur teknar fyrir þremur vikum.
Þetta þarf bara að fá að gróa.“
Hvaða áhrif hafa níu mánaða
meiðsli haft á andlega líðan þína?
Guðjón Valur: „Ég held þú ættir
að spyrja konuna mína að því. Maður
hefur upplifað daga þar sem allt hef-
ur verið æðislegt og svo koma aðrir
daga þegar ég hef nánast getað farið
heim grátandi. Það er hins vegar fullt
af fólki sem hefur það miklu verra en
ég. Það þýðir lítið að fara að vorkenna
sjálfum sér út af svona smámáli.“
Nú er mikið álag á ykkur, með lið
Rhein-Neckar Löwen í þýsku deild-
inni, bikarnum og meistaradeildinni.
Þess á milli eru landsleikir. Er einhver
frítími?
Guðmundur: „Nei, enginn. Það
er bara þannig. Ég geri ekkert annað
en að horfa á handbolta, skipuleggja,
taka ákvarðanir og greina leiki. Verk-
efnin eru bara allan sólarhringinn.
Það liggur við að ég sé alltaf með
samviskubit yfir því að gera eitthvað
annað. Auðvitað vill maður geta hvílt
sig á milli. Hins vegar eru verkefnin
fram undan það krefjandi að maður
reynir að leggja sig allan fram um að
sinna þeim af bestu getu og rúmlega
það. Leita leiða til að ná árangri. Mín
sýn er sú að árangur næst ekki nema
með góðum undirbúningi og mikilli
vinnusemi. Það er allavegana mín
leið til að ná árangri.“
Róbert: „Nei, það er nú ekki mik-
ill frítími. Það er talað um enskar vik-
ur þegar við spilum tvo til þrjá leiki á
viku. Svoleiðis vikur koma í törnum.
Leikir í meistaradeildinni um helg-
ar, í þýsku deildinni á virkum dögum.
Þá minnkar æfingaálagið á móti en
leikjaálagið eykst.“
Er þetta sældarlíf eða eintóm
vinna?
Róbert: „Þetta er svolítið við-
kvæm spurning. Okkur finnst þetta
auðvitað mjög erfitt en ég held að
maður megi ekki kvarta. Maður á
víst að vera þakklátur fyrir það sem
maður hefur. Ekki misskilja mig. Við
erum auðvitað mjög þakklátir fyr-
ir að fá að vinna við það sem okkur
finnst gaman að. Það er samt eng-
inn dans á rósum. Þegar illa geng-
ur og maður er meiddur er náttúru-
lega algjört helvíti að ganga í gegnum
það. Margir leikmenn eru bara mjög
ánægðir ef þeir vakna á morgnana
án þess að vera með verki. Þannig að
það eru svona hlutir sem fólk sér ekk-
ert þegar við erum að spila.“
Guðjón Valur: „Álagið hefur auk-
ist mikið síðustu árin. Markaðssetn-
ingin í handboltanum hefur ver-
ið aukin með auknu leikjaálagi sem
kemur niður á leikmönnum. Það
kæmi mér ekkert á óvart að eftir eitt-
hvert mótið muni leikmenn rísa upp
og neita að láta bjóða sér þetta leng-
ur. Fjöldi leikja er ekki vandamálið,
heldur tíminn sem þetta tekur. Sum-
arfríið okkar er um tvær til þrjár vikur
á ári. Með betri skipulagningu væri
hægt að koma leikjunum fyrir á færri
mánuðum.“
Hvernig er að vinna með Jesper
Nielsen?
Guðmundur: „Það er frábært
að vinna með honum. Ég hef hrifist
af því að hann setur sér markmið.
Mjög háleit og gerir allt til þess að ná
þeim. Honum hefur tekist það í við-
skiptalífinu og á íþróttasviðinu líka.
Það sem einkennir hann er gríðarleg
vinnusemi, skipulag og hann undir-
býr sig vel. Jesper hefur lýst því yfir að
hann vinni lengur fram eftir en aðrir
og fari fyrr á fætur. Þannig nær hann
að nýta tíma sinn mjög vel. Þannig
hef ég kynnst hans sýn að ekkert sé
ómögulegt. Hann setur sér mark-
mið og gerir þá hluti sem þarf til að
ná þeim.“
Hvernig er lífið í Þýskalandi? Er
stórstjörnubragur á leikmönnum
Rhein-Neckar Löwen eða lifa flestir
hefðbundnu fjölskyldulífi?
Róbert: „Það er bara sama stemn-
ing á milli leikmanna hérna eins og
á Íslandi. Enginn með stjörnustæla.
Það eru samt leikmenn hjá okkur í
Rhein-Neckar Löwen sem eru mjög
þekktir í Þýskalandi. Þeir eru þó ekk-
ert merkilegri innan hópsins en við
hinir. Þessir leikmenn verða alveg
fyrir áreiti þegar við förum eitthvert
út saman en þeir taka því bara vel.“
Guðjón Valur: „Ég hef kynnst
voðalega fáum handboltamönnum
sem hafa þóst vera einhverjar stór-
stjörnur. Enda höfum við kannski
ekki alveg jafn mikið efni á því og
knattspyrnumenn sem dæmi. Ég
kann vel við mig í Þýskalandi. Hef
verið hérna í níu ár. Fjölskyldunni
líður vel. Börnin mín tvö ganga hér
í skóla og tala þýsku reiprennandi.
Það er hlýrra hérna en á Íslandi. Þessi
steríótýpa af Þjóðverjum heima á Ís-
landi um að þeir séu harðir er ekki
alltaf rétt. Það eru líka til Þjóðverjar
sem eru nánast eins og Íslendingar.
Ég á tvö börn og maður gæti ekki lif-
að einhverju glamúrlífi enda hefði ég
ekki áhuga á því.“
Guðmundur: „Hér eru mjög heil-
steyptir leikmenn. Ég hef alls ekki
orðið var við neina stjörnustæla hjá
leikmönnum. Hópurinn er mjög
samstilltur og hjá okkur ríkir góður
andi.“
Eru mikil samskipti á milli ís-
lensku leikmannanna hjá Rhein-
Neckar Löwen utan handboltans?
Róbert: „Það er mismikið. Við
erum náttúrulega svo mikið saman
í handboltanum og ferðumst mik-
ið. Ég og Ólafur búum báðir í Heid-
elberg og því hitti ég hann meira en
sem dæmi Guðjón Val. Við erum
samt oft saman á hótelum tvisvar í
viku og því reynir maður einfaldlega
að vera svolítið út af fyrir sig þegar
maður á frí.“
Guðjón Valur: „Við eigum allir
börn sem eru í skólanum á daginn.
Það er meira um það að við hittumst
í kringum leiki. Auðvitað erum við
góðir félagar.“
Nú var Logi Geirsson að gefa út
bók. Hvað finnst ykkur um það að
leikmenn gefi út ævisögur um hand-
boltalífið?
Guðmundur: „Það er nú svolít-
ið snemmt hjá Loga að gefa út ævi-
sögu. Ef honum finnst vera kominn
tími á það er það hans ákvörðun. Ég
Guðmundur Þ. Guðmundsson landsliðsþjálfari tók nýverið
við þýska liðinu Rhein-Neckar Löwen. Liðið er í eigu danska
auðmannsins Jespers Nielsens og er stefnan að gera liðið eitt
það besta í heiminum á næstu fimm árum. Undir stjórn Guð-
mundar spila þeir Guðjón Valur Sigurðsson, Ólafur Stefáns-
son og Róbert Gunnarsson. Guðmundur segist ekki hafa hikað
þegar Jesper Nielsen bað hann að taka að sér þjálfun liðsins og
láta af störfum sem íþróttastjóri AG Kaupmannahafnar. Starfið
hjá Kaupþingi hafi líka verið frábært.
BESTIR INNAN FIMM ÁRA