Dagblaðið Vísir - DV - 22.11.2010, Blaðsíða 3

mánudagur 22. nóvember 2010 fréttir 3
Ögmundur Jónassson dómsmála-
ráðherra telur kvótakerfið eina
helstu rót efnahagshrunsins árið
2008. Svo geti farið að almannahags-
munir krefjist þess að kerfinu verið
breytt á róttækan hátt.
Þetta kom fram í máli Ögmundar
á stofnfundi Samtaka íslenskra fiski-
manna sem haldinn var síðastlið-
inn laugardag. Talið er að hátt í 200
manns hafi sótt stofnfundinn, en
flestir í hópi þeirra eru kvótalausir
útgerðarmenn smábáta.
Þjóðfélagsmeinssemd
„Ég ávarpaði fundinn ekki aðeins
sem ráðherra heldur einnig sem
stjórnarmaður í Þjóðareign um auð-
lindir. Ég vísaði í máli mínu til tveggja
greina stjórnarskrárinnar. Önnur
þeirra fjallar um að öllum sé frjálst
að stunda þá atvinnu sem þeir kjósa.
Þessu frelsi má þó setja skorður með
lögum, enda krefjist almannahags-
munir þess. Ég tel að það verði að
skoða það í alvöru hvort almanna-
hagsmunir krefjist þess ekki að um-
deildu kvótakerfinu verði breytt frá
grunni,“ segir Ögmundur í samtali
við DV. „Við glímum nú við afleið-
ingar efnahagshrunsins. Margir líta
svo á að ein af frumorsökum þess
sé kvótakerfið sem komið var á fyrir
aldarfjórðungi og það sé ein af helstu
meinsemdum þjóðfélagsins.“
„Ég hef ekki heyrt um þessi nýju
samtök og get lítið um þetta sagt,“
sagði Friðrik J. Arngrímsson, fram-
kvæmdastjóri Landssambands ís-
lenskra útvegsmanna, þegar DV bar
ummæli Ögmundar undir hann.
„Þetta eru órökstuddar fullyrðingar
um að efnahagshrunið megi rekja
til kvótakerfisins. Ég hef ekki heyrt
neinn rökstuðning ráðherrans,“ seg-
ir Friðrik.
Á meðal gesta á fundinum var
Ólína Þorvarðardóttir, þingmað-
ur Samfylkingarinnar. Hún ávarp-
aði fundinn og sagðist ekki trúa því
að stjórnvöld ætluðu ekki að standa
við loforð sitt um að breyta fiskveiði-
stjórnunarkerfi Íslendinga.
Ekki fyrir smákónga
Eins og DV hefur greint frá hefur
ágreiningur innan Landssambands
smábátaeigenda farið vaxandi. Telja
margir stofnenda Samtaka íslenskra
fiskimanna að ekki gæti lengur jafn-
ræðis innan félagsins og það tali fyrst
og fremst máli kvótahafa. Þessu hafa
forsvarsmenn LS mótmælt og benda
á að margvíslega ávinninga smábáta-
útgerðar megi rekja til hagsmuna-
baráttu félagsins.
„Við stofnum þetta til að verja al-
menn réttindi manna. Þetta eru ekki
samtök fyrir smákónga sem berjast
fyrir sínum eigin hag,“ segir Þórður
Már Jónsson, einn af stofnendum fé-
lagsins. Stjórnarskráin tryggir mönn-
um atvinnufrelsi. Þessu frelsi má
setja skorður í þágu almannahags-
muna. Þetta er ekki léttvægt. Kvóta-
eigendur fara til dæmis með allan
ufsakvótann án þess að hafa nýtt
hann að fullu undanfarin ár. Þetta er
varla í þágu almannahagsmuna. Ög-
mundur taldi í ræðu sinni að brýnast
væri að uppræta kvótakerfið. Það eru
stór orð af vörum ráðherra mann-
réttindamála.“
Sögulegt tækifæri?
Þess má geta að flokksráð Vinstri-
hreyfingarinnar – græns framboðs
hvatti um helgina forystu flokksins,
ráðherra, þingmenn og aðra fulltrúa
hans til að sýna samstöðu og vera á
varðbergi gagnvart hatrömmum til-
raunum hægriaflanna til að reka
fleyg í raðir vinstrimanna. „Slíkar til-
raunir þjóna þeim eina tilgangi að
leiða þá sem hvað mesta ábyrgð bera
á hruninu aftur til valda. Baráttunni
fyrir endurmótun og úrbótum í sam-
félaginu þarf að halda óhikað áfram
og er þátttaka Vinstrihreyfingarinn-
ar – græns framboðs í ríkisstjórn for-
senda þess að hún vinnist,“ segir í
ályktun flokksráðsins.
Eitt af þeim stefnumálum, sem
vísað er til í ályktuninni, tengist
breytingum eða jafnvel uppstokk-
un fiskveiðistjórnunarkerfisins. Ráð-
herrar í báðum stjórnarflokkunum
eru þeirrar skoðurnar að samstarf
núverandi stjórnarflokka, VG og
Samfylkingarinnar, feli í sér sögulegt
tækifæri til þess að stokka upp kvóta-
kerfið og sé í rauninni eina mikil-
væga tækifærið sem gefist hefur.
Ögmundur Jónasson, dómsmála- og mannréttindaráðherra, telur að almannahags-
munir krefjist þess að kvótakerfið verði afnumið. Hann ávarpaði stofnfund Samtaka
íslenskra fiskimanna um helgina. Framkvæmdastjóri LÍÚ kveðst ekki hafa heyrt um
samtökin og segir ráðherrann fara með órökstuddar fullyrðingar um kvótakerfið.
Ég tel að það verði að skoða
það í alvöru hvort al-
mannahagsmunir krefj-
ist þess ekki að um-
deildu kvótakerfinu
verði breytt frá grunni.
Vill uppræta
kVót kerfið
Jóhann haukSSon
blaðamaður skrifar: johannh@dv.is
kannast ekki við samtökin Friðrik
J.Arngrímsson,framkvæmdastjóriLÍÚ,
kallareftirrökstuðningiÖgmundar.
Ráðherra mannréttindamála ÖgmundurJónasson
ávarpaðifundinnogsagðiaðalmannahagsmunir
krefðustþessaðkvótakerfiðyrðiupprætt.
Trillukarlar og strandveiðimenn TónlistarmaðurinnKKstýrðistofnfundi.Viðhlið
hanssitjaÞórðurMárJónssonogJónGunnarBjörgvinssonsemkjörinnvarformaður
samtakanna.
ismuninum sem er tilkominn
vegna falls íslensku krónunn-
ar á árinu 2008. Segja má að
skuldir Pizza-Pizza hafi í reynd
tvöfaldast við íslenska banka-
hrunið út af því að þær voru í
erlendum myntum.
Peningarnir notaðir í annað
Ekkert bendir til að þeir pen-
ingar sem komu inn í rekstr-
arfélag Dominos frá Straumi á
sínum tíma hafi verið notaðar
í rekstur Dominos. Peningarn-
ir voru notaðir í eitthvað ann-
að, samkvæmt traustum heim-
ildum DV. Ekki er þó vitað hvert
þessir peningar fóru. Skuld fé-
lagsins stendur hins vegar eft-
ir og hefur hækkað til muna út
af gengismuni og mun líklega
verða afskrifuð að hluta þegar
Landsbankinn finnur nýja fjár-
festa til að taka að sér rekstur
félagsins.
Ef Landsbankinn þarf að af-
skrifa hluta af skuldum Pizza-
Pizza ehf. þegar nýir eigend-
ur verða fengnir að félaginu er
því verið að afskrifa skuldir sem
að stofninum til eru margra ára
gamlar og snúast um lánveit-
ingar frá Straumi til fyrri eig-
anda Dominos, Birgis Bielt-
velts. Á meðan á ríkisbankinn
Dominos og pítsustaðurinn
bandaríski er rekinn fyrir hans
hönd.
Á sama tíma er ekkert sem
bendir til þess að peningarn-
ir sem verið er að afskrifa hafi
verið notaðir í rekstur Domin-
os en samkvæmt samþykktum
félagsins snýst rekstur þess ein-
göngu um rekstur á pítsufyrir-
tækinu. Eins og segir í lýsing-
unni á starfseminni: „Tilgangur
félagsins er að baka flatbök-
ur og reka veitingastaði með
heimsendingarþjónustu.“ Fjár-
munirnir sem félagið tók að
láni virðast hins vegar hafa far-
ið í eitthvað allt annað en þessa
starfsemi. Núverandi stjórn-
endur Dominos, meðal ann-
ars Úlfar, eru gáttaðir á þessari
skuldsetningu.
tVeGGJa MillJarða
SkulDir Á DOMiNOS