Dagblaðið Vísir - DV - 22.11.2010, Blaðsíða 4

4 fréttir 22. nóvember 2010 mánudagur
Stórhöfða 25 • Sími 569 3100 • www.eirberg.is
Slakaðu á heima
• Stillanlegt Shiatsu herða- og baknudd
• Djúpslökun með infrarauðum hita
• Sjálfvirkt og stillanlegt nudd
Verið velkomin í verslun okkar
prófið og sannfærist!
Úrval nuddsæta
Verð frá 29.750 kr.
Opið virka daga kl. 9 -18
og á laugardögum kl. 11 - 16
Spörkuðu í
höfuð manns
Lögreglan á höfuðborgarsvæð-
inu handtók þrjá karlmenn vegna
fólskulegrar líkamsárásar fyrir utan
skemmtistað í miðborginni aðfara-
nótt sunnudags. Maðurinn sem
ráðist var á var sleginn í jörðina og
spörkuðu árásarmennirnir með-
al annars í höfuð hans. Maðurinn
var fluttur á slysadeild til aðhlynn-
ingar en meiðsl hans reyndust ekki
eins alvarleg og óttast var í fyrstu.
Mennirnir voru handteknir og voru
þeir yfirheyrðir síðdegis í gær. Fjórar
aðrar líkamsárásir voru tilkynntar til
lögreglu aðfaranótt sunnudags en
nóttin var mjög erilsöm.
Páfiðrildi
í Reykjavík
Þrjár tilkynningar um páfiðrildi í
Reykjavík hafa borist Náttúrufræði-
stofnun Íslands undanfarna daga og
þykir það óvenju
mikið. Páfiðr-
ildin, sem þykja
mjög glæsileg,
slæðast stöku
sinnum til lands-
ins með varningi
þó aldrei nema
fáein á hverju ári.
Þann 17. nóv-
ember fannst eitt hjá Eimskipum í
Sundahöfn, annað á bílaverkstæði í
Gufunesi daginn eftir og það þriðja
á vörulager í Hálsahverfi þann 19.
nóvember. Það sem af er ári hefur
verið tilkynnt um sex páfiðrildi til
Náttúrufræðistofnunar Íslands. Pá-
fiðrildi er algengt og útbreitt á meg-
inlandi Evrópu en sem fyrr segir eru
þau sjaldgæf á Íslandi. Myndina hér
að ofan tók Erling Ólafsson.
„Það hefði getað haft áhrif á þessa
ráðningu en þegar upp er staðið þá
var hún einfaldlega hæfasti umsækj-
andinn,“ segir Jón Ásbergsson, fram-
kvæmdastjóri Íslandsstofu um ráðn-
ingu Sifjar Einarsdóttur Gústavsson.
Sif var valin úr 160 manna hópi til
að gegna starfi ferðamálafulltrúa Ís-
landsstofu í New York. Athygli vakti að
sá sem gegndi starfinu á undan henni
var faðir hennar en Jón segir að sú
staðreynd hafi ekki haft áhrif á ráðn-
ingu Sifjar. „Við völdum Sif því hún
hefur mikla reynslu og ákváðum að
láta hana ekki gjalda fyrir að vera dótt-
ir föður síns,“ segir hann.
Hagvangur sá um að velja 20 af
umsækjendunum en þegar þrír stóðu
eftir tók nefnd á vegum Íslandsstofu
lokaákvörðun. Aðspurður um hverjir
sitji í nefndinni sagði Jón að það væru
hann sjálfur, Hlynur Guðjónsson, við-
skiptafulltrúi í New York, og Jón Gunn-
ar Borgþórsson, forstöðumaður ferða-
málasviðs Íslandsstofu.
Hlynur hefur verið helsti sam-
starfsmaður Einars, föður Sifjar, en
Jón segir það ekki hafa áhrif á ákvarð-
anatökuna. „Faðir hennar kom hvergi
nálægt valinu. Hlynur, sem yfirmaður
ferðamálafulltrúans, gat ekki sagt sig
frá valinu og samkvæmt lögum er það
framkvæmdastjórinn sem ræður nýja
starfsmenn. Ákvörðunin var því end-
anlega mín en við vorum allir sam-
mmála um hana,“ segir Jón.
Þegar Jón var spurður um hvort
ekki hefði verið hægt að spara pening
með því að sleppa því að auglýsa og
ráða hana strax sagði hann að þau hafi
ekki vitað að Sif hafi ætlað að sækja
um. „Það lá aldrei fyrir. Henni var ekki
boðið starfið og það var ekki að okk-
ar frumkvæði að hún sótti um,“ bætti
hann við.
Hann segist skilja að þetta geti virst
grunsamlegt. „Ég ber engan kinnroða
yfir þessari ráðningu og ég átta mig á
því að það geti virkað þannig að þetta
sé einhver leikur vegna þess að Sif sé
dóttir þessa manns. En það er bara
ekki þannig,” segir hann að lokum.
gunnhildur@dv.is
Tekur við af föður sínum í New York þrátt fyrir 160 umsækjendur:
„Einfaldlega hæfust“
New York Sif Einarsdóttir Gústavsson
hefur verið ráðin sem ferðamálafulltrúi
Íslandsstofu í New York.
Alvarlegt
umferðarslys
Alvarlegt umferðarslys varð á Norð-
urlandsvegi í Víðidal í Húnavatns-
sýslu rétt fyrir kvöldmatarleytið á
sunnudag. Karl á sextugsaldri og
kona á þrítugsaldri slösuðust og voru
flutt með þyrlu Landhelgisgæslunnar
á Landspítalann í Fossvogi. Aðgerð-
um lögreglu á vettvangi lauk klukkan
tíu á sunnudagskvöld en lokað var
fyrir umferð um Norðurlandsveg í
dágóðan tíma meðan á aðgerðum
lögreglu stóð. Líðan fólksins var stöð-
ug þegar DV leitaði til vakthafandi
læknis á sunnudagskvöld.
Um það bil 150 milljónir króna skuld-
ir hvíla á tveimur fasteignum sem eru
í eigu Marinós G. Njálssonar, fyrr-
verandi stjórnarmanns í Hagsmuna-
samtökum heimilanna, og eigin-
konu hans. Sex af þeim nítján lánum
sem hvíla á húsunum eru í erlendum
myntum. Þetta kemur fram í tveimur
veðbandayfirlitum yfir fasteignir Mar-
inós sem DV hefur undir höndum.
Marinó sagði sig úr stjórn Hags-
munasamtaka heimilanna fyrir helgi
eftir að vikublaðið Fréttatíminn hafði
haft samband við hann til að ræða
við hann um skuldastöðu hans. Ætla
má að vikublaðið hafi ætlað að spyrja
Marinó spurninga um þá skuldastöðu
hans sem kemur fram á veðbanda-
yfirlitunum. Marinó vildi ekki ræða
við blaðið og sagði að hann myndi
segja sig úr stjórninni sem hann og
gerði skömmu síðar. Fréttatíminn lét
ógert að fjalla um skuldastöðu hans
í kjölfarið en birti frétt um úrsögn
hans úr stjórninni í kjölfar spurninga
blaðsins.
Berjast fyrir niðurskurði
á lánum
DV hafði samband við Marinó til að
ræða við hann um skuldastöðu hans
og ástæðurnar fyrir því að hann sagði
sig úr stjórn samtakanna en hann
vildi ekki láta hafa neitt eftir sér um
málið og bar fyrir sig friðhelgi einka-
lífs. DV getur því ekki haft skoðanir
Marinós um málið eftir.
Ástæðan fyrir því af hverju DV
hafði áhuga á að ræða við Marinó um
málið var sú að kanna hvort vinna
hans fyrir samtökin tengdist með ein-
um eða öðrum hætti hans eigin erf-
iðu skuldastöðu. Hagsmunasamtök
heimilanna hafa meðal annars barist
fyrir flötum niðurskurði á fasteigna-
lánum, að höfuðstól verðtryggðra
lána verði breytt til að auðvelda lán-
takendum að standa í skilum og að
höfuðstóli á erlendum lánum verði
breytt yfir í íslenskar krónur.
Byrjaði á einbýlishúsi 2006
Fasteignirnar sem um ræðir eru 383
fermetra einbýlishús í Fróðaþingi í
Kópavogi, sem Marinó býr í ásamt
fjölskyldu sinni, og tæplega 210 fer-
metra raðhús í Haukalind, sem var
heimili þeirra áður en þau fluttu í
stærra hús í Fróðaþingi.
Marinó byrjaði að byggja húsið í
Fróðaþingi árið 2006 og hefur bygg-
ingu hússins ekki verið lokið. Marinó
hefur hins vegar flutt inn í húsið og
mun ætla að reyna að ljúka byggingu
þess á meðan hann býr í því ásamt
fjölskyldu sinni. Fimm lán af þeim tíu
sem hvíla á húsinu eru myntkörfulán
í svissneskum frönkum og japönskum
jenum upp á samtals nærri 25 millj-
ónir króna. Hin lánin á húsinu eru í
íslenskum krónum.
Hefur reynt að selja húsið
Marinó hefur gert árangurslausar til-
raunir til að selja húsið í Haukalind
en það hefur ekki gengið hingað til
enda hefur lítil hreyfing verið á fast-
eignamarkaði hér á landi eftir banka-
hrunið 2008. Hann hefur því þurft að
greiða af tveimur húsum á sama tíma
vegna þessa. Marinó hefur því gert
hvað hann getur til að losna við annað
húsið en án árangurs. Ef honum hefði
tekist að selja húsið í Haukalind væri
skuldastaða hans allt önnur í dag eins
og gefur að skilja.
Eftir því sem DV kemst næst hefur
Marinó þrátt fyrir þetta náð að standa
í skilum hingað til og er ekki á van-
skilaskrá.
Marinó er því í hópi fjölmargra
Íslendinga sem skuldsettu sig nokk-
uð mikið á árunum fyrir hrunið með
því að stækka talsvert við sig og fjár-
magna fasteignakaupin að hluta til
með lánum í erlendum myntum.
Hann á því ansi mikilla hagsmuna að
gæta í þeirri umræðu sem nú fer fram
um úrræði til að létta á skuldavanda
íslenskra heimila. Staða Marinós er
þó kannski frábrugðin stöðu margra
annarra í þeim skilningi að hann á
tvær fasteignir sem samtals eru um
600 fermetrar að stærð og þarf hann
að greiða afborganir af lánunum sem
hvíla á þeim báðum vegna þessa.
Marinó G. Njálsson sagði sig úr stjórn Hagsmunasamtaka heimilanna vegna umfjöll-
unar sem Fréttatíminn ætlaði að vera með um skuldastöðu hans. Um 150 milljóna
króna skuldir hvíla á tveimur húsum í eigu Marinós sem eru samtals tæpir 600 fer-
metrar. Marinó situr uppi með annað húsið vegna stöðunnar á fasteignamarkaði.
um 150 mILLJÓNIR
hvíLA á húSuNum
iNGi f. vilHjálMssoN
fréttastjóri skrifar: ingi@dv.is
Af bloggsíðu Marinós í kjölfar úrsagnar úr
stjórn Hagsmunasamtaka heimilanna:
„Ég þakka gríðarlegan stuðning og
góð orð í minn garð.  Það skal ítrekað
að ég er ekki hættur að starfa fyrir
HH og alls ekki að málum tengdum
skuldamálum heimilanna.  Ég hverf
úr stjórn samtakanna og því líka úr
sviðsljósi fjölmiðlanna a.m.k. fyrst
um sinn.“
heldur áfram
vék úr stjórn Marinó
ákvað að víkja úr stjórn
Hagsmunasamtaka
heimilanna þegar
vikublaðið Fréttatíminn
spurði hann spurninga
um skuldamál hans.
á tvö stór hús Marinó og kona hans eiga tvö stór hús í Kópavogi. Meðal annars
þetta tæplega 400 fermetra hús í Fróðaþingi en helmingur skuldabréfanna sem hvíla
á húsinu eru í erlendum myntum. MYNd siGtrYGGur ari
Ef honum hefði tekist að selja húsið
í Haukalind væri skulda-
staða hans allt önnur í dag
eins og gefur að skilja.