Dagblaðið Vísir - DV - 22.11.2010, Blaðsíða 15

Fasteignaverð á uppleið Ef marka má
síðustu þrjá mánuði er hruni fasteignaverðs á höfuðborgarsvæð-
inu lokið. Í október hækkaði íbúðaverð á höfuðborgarsvæðinu
um 0,9 prósent samkvæmt Þjóðskrá en íbúðir í sérbýli hækkuðu
meira, eða um 2,2 prósent. Fasteignaverð á höfuðborgarsvæð-
inu hefur ekki lækkað frá því í júlí samkvæmt mælingunum.
Greining Íslandsbanka segir að of snemmt sé að útiloka frekar
lækkanir en segir þetta benda til þess að hægt hafi á verðlækk-
un. Erfitt sé að spá fyrir um framhaldið.
Öruggari Hringbraut FÍB fagnar framtaki Vegagerð-
arinnar að auka öryggi vegfarenda á Hringbraut. Unnið er nú að því að setja
upp vegrið á um 700 metra kafla; frá Reykjahlíð, undir Bústaðaveg og að
Vatnsmýrarvegi. FÍB segir að fjöldi umferðaróhappa, sumra mjög alvarlega,
hafi orðið á þessum kafla. Á miðeyjum þessa vegkafla, og raunar fleiri, sé
girðing til þess að varna fólki að fara yfir götuna. Girðingin sé mjög var-
hugaverð enda ekki hönnuð umferðargirðing. Mörg slys hafi orið á fólki
þegar stálteinar úr girðingunni losna og stingast í bíla, og þar með fólk. Því
hafi lengi verið brýnt að girðingin sé fjarlægð.
mánudagur 22. nóvember 2010 neytendur 15
Viking Jóla Bock langBestur
Skál Dómnefndarmeðlimir virtust sammála um að
þau vildu hafa meira bragð af jólabjór en öðrum bjór
og að flöskurnar verði að vera fallega skreyttar.
mynd Sigtryggur ari
Jóla Kaldi
2,8 stjörnur af 5
Styrkleiki: 5,4% Verð: 349 kr.
Henry Birgir: „Vantar aðeins meira
malt í hann en hann er þó betri en
lyktin gefur til kynna.“
andrés: „Þetta er svona bjór fyrir
einhverja sérfræðinga. Hann höfðar
ekki til mín.“
dominique: „Ágætur og þægilegur -
það er ágætt jafnvægi í honum. Gæti
alveg pantað annan.“
Lára: „Full mikið lakkrísbragð af
þessum. Ágætur bjór en ég vil ekki
finna svona mikið lakkrísbragð.“
Stefán: „Í góðu meðallagi. Það er
svolítið ávaxtalykt af honum.“
Jólajökull
2,2 stjörnur af 5
Styrkleiki: 6% Verð: 333 kr.
Henry Birgir: „Fínasta lykt af honum
en það er kraftur í bjórnum. Mér finnst
þetta gott bragð. Það býr meira í
honum en það er eins og hann sé ekki
alveg tilbúinn.“
andrés: „Ég er ekki vanur að drekka
svona bjór. Mér finnst hann svolítið
eins og rúgbrauð; þungur og flatur.
dominique: „Svolítið óþægileg lykt
af honum sem kallar fram skrýtnar
minningar um kjallara og eitthvað
slíkt. Lyktin skilar sér þó ekki í
bragðinu. Bragðið er mikið betra en
hann er mjög þungur.“
Lára: „Mér finnst lyktin ekkert góð
og bragðið er alls ekki gott. Hann er
flatur og hefur vont eftirbragð sem
minnir á naglalakkeyði.“
Stefán: „Þessi er ekki svo galinn. veit ekki hvort
maður flokkar hann sem jólabjór en mér finnst
bragðið mjög fínt.“
tuborg Christmas Brew
2 stjörnur af 5
Styrkleiki: 5,6% Verð: 319 kr.
Henry Birgir: „Dálítið beiskur en svo
sem ekkert vondur.“
andrés: „Lang, lang versti bjórinn – ég
get ekki tekið annan sopa af þessum.
Vont eftirbragð, ég gæt ekki neytt
hann ofan í mig.“
dominique: „Ekki vondur. Mikið
ávaxtabragð af honum. Kannski
miðlungsbjór eins og allt of margir
aðrir.“
Lára: „Finn karamellubragð og
finnst hann bara góður.“
Stefán: „Ekkert spennandi. Það
hefði kannski verið fínt að fá
þennan aðeins fyrr.“
Egils Jólabjór
2 stjörnur af 5
Styrkleiki: 4,8% Verð: 299 kr.
Henry Birgir: „Lítið úthald í honum
þessum. Maður verður fljótt þreyttur
á honum.“
andrés: „Ekkert spennandi bjór en
ég er svo sem enginn sérfræðingur.“
dominique: „Að sumu leyti betri en
bjórinn á undan [Tuborg] en svolítið
flatur. Örugglega gott að drekka
þennan kaldari. Þessi er ágætur.“
Lára: „Frekar slappur bjór.“
Stefán: „Dálítið flatur.“
Egils maltbjór
1,9 stjörnur af 5
Styrkleiki: 5,6% Verð: 319 kr.
Henry Birgir: „Allt öðruvísi en maður heldur,
kannski eins og kvenmaður fastur í karlmannslík-
ama. Maður býst við sterkri lykt en hún er ekki til
staðar. Ekkert spes.“
andrés: „Ég væri til í að drekka einn svona bjór –
sötra hann hægt og rólega.“
dominique: „Hann er of sætur og
flatur. Mjög furðuleg blanda.“
Lára: „Lítið gos í honum – eins og
hann hafi staðið í herbergi þar sem
er vond lykt. Frekar vondur.“
Stefán: „Það verður að vera
jafnvægi á milli útlits, bragðs og
lyktar. Þessi svíkur. Hann er samt
ekki vondur.“
royal X-mas blár
1,9 stjörnur af 5
Styrkleiki: 5,8% Verð: 249 kr.
Henry Birgir: „Þessi bjór er vondur
– engin lykt af honum og ég veit ekki hvað er verið
að reyna að búa til. Engin hátíðarstemning og
bragðið er bara vont.“
andrés: „Þessi er rosa góður.
Þetta er sá besti. Froðukenndur
og góður jólabjór eins og ég vil
hafa hann.“
dominique: „Mjög óspennandi
í alla staði. Bragðið er of sætt
og það eina sem kemur í gegn
er beiskjan og liturinn en það
er ekki mikið.“
Lára: „Svolítið bragðlaus og
skilur ekkert eftir sig. Ekki beint
vondur en ekki spennandi jólabjór.“
Stefán: „Óspennandi og bragðið ekki gott. Maður
þyrfti að vera verulega mæddur eftir jólainnkaupin
til að drekka þennan.“
Harboe Jule Bryg
1,5 stjörnur af 5
Styrkleiki: 5,7% Verð: 238 kr.
Henry Birgir: „Lyktin er ekkert
sérlega afgerandi og lítill
hátíðleiki. Frekar flatur en
ekkert vondur.“
andrés: „Ég finn eitthvað
ammoníakbragð.“
dominique: „Svolítið beiskur og vantar svolítið
bragð á móti. Það vantar allan sjarma í þennan.“
Lára: „Mér finnst vera eitthvað aukabragð sem mér
finnst ekki gott.“
Stefán: „Þessi er ekki nógu góður.“
Viking jólabjór
1,5 stjörnur af 5
Styrkleiki: 5% Verð: 289 kr.
Henry Birgir: „Þetta er ekki jólabjór
í útliti, bragði né lykt. Hann er hálf
flatur og vondur.“
andrés: „Verður fljótt að sulli –
þetta er eins og að upplifa tapleik í
enska boltanum.“
dominique: „Sammála – flatur og
óspennandi. Ég myndi ekki vilja
drekka þennan.“
Lára: „Fyrir mér er þetta ekki
jólabjór.“
Stefán: „Sviplaus en það er alltaf til
verri bjór.“
royal X-mas hvítur
1,2 stjörnur af 5
Styrkleiki: 5,6% Verð: 249 kr.
Henry Birgir: „Mér líður eins og Grýla hafi pissað í
glasið. Vondur bjór.“
andrés: „Ég sé mig fyrir mér
á kantinum á Austur með
þennan í góðu stuði. Þessi er
góður.“
dominique: „Sætt bragð en
ekkert sem minnir mann á
góðan bjór. Alveg misheppn-
aður.“
Lára: Mér finnst þessi vera eins
og skemmt hvítvín. Sætt, fúlt
eplabragð af honum.“
Stefán: „Þessi fær falleinkunn. Það er ekki nóg að
kaupa bara ávaxtagám og skella honum út í.“