Dagblaðið Vísir - DV - 22.11.2010, Blaðsíða 18

Svarthöfði hefur hvorki skilið upp né niður í þeirri ákvörð-un bensíninnflytjandans N1 að gefa út ævisögu Jónínu
Benediktsdóttur stjörnuendaþarms-
hreinsitæknis. Ekki fyrr en núna
að púslin hafa raðast saman og ein
snilldarlegasta viðskiptaflétta Ís-
landssögunnar verður ljós.
N1 hafði helgað sig eldsneyt-issölu, þar til fyrirtækið keypti óvænt 10 þúsund eintök af bókinni sem Sölvi
Tryggvason skrifaði um Jónínu. Í gær
var tilkynnt að bókin yrði seld á hálf-
virði í Office 1. Það virðist sem ævi-
saga Jónínu sé niðurgreidd svo hægt
sé að koma henni út til fólks. Rétt eins
og boðskapurinn sé jafnmikilvægur
og í dönskum dramaþáttum sem eru
niðurgreiddir af Ríkisútvarpinu.
Lykilspurningin er því: Hvers vegna
ætti einhver að hafa hag af því að
dreifa sögunni um lífshlaup Jónínu
Ben?
Það fyrsta sem Svarthöfða datt í hug voru tengsl milli Jón-ínu Ben og Bjarna Ben, eins eiganda N1; þetta væri enn
ein orrustan í stríðinu milli Baugs og
Sjálfstæðisflokksins. Í slíku plotti væri
Jónína drottningin sem Sjálfstæðis-
flokkurinn spilar fram í refskákinni
gegn Baugsmönnum. En Jónína hefur
svo sem fátt nýtt að segja um Baug í
bókinni. Þetta snýst um eitthvað ann-
að og djúpstæðara en Baug.
Getur verið að útgáfan tengist nýlegu trúarstökki Jónínu, hugsar Svart-höfði? Ástir Jónínu Ben og
Gunnars Þorsteinssonar í Krossinum
eru vissulega svo leiftrandi ótrúlegar
að þær hlutu að vera leikrit. En eina
leiðin til að rekja tengsl milli Krossins
og eldsneytissölu liggur í gegnum
Biblíubeltið í Bandaríkjunum
í áttina til George W. Bush,
valdamesta stuðnings-
manns olíuframleiðslu í
heiminum. Helst þarf að
leita í Opus Dei, Frímúrar-
ana og Bildenberg-hópinn
til þess að útskýringin gangi
upp. Þess vegna gengur
hún ekki upp.
Þegar öllu er á
botninn
hvolft
var Svarthöfði að
horfa á ráðgátuna frá
öfugum enda. Hann
þurfti ekki að kafa dýpra,
heldur grynnra. N1 er
ekki í samsæri gegn
Baugi og alls ekki hluti
af alheimsplotti George
W. Bush um aukna
mengun. Þvert á móti er
N1 að gera það sem N1
gerir best. Með útgáfu
ævisögu Jónínu Ben er
N1 að taka risaskref í átt
til sjálfbærrar, hreinnar
orku á Íslandi.
Rakhnífur Ock-hams segir að einfaldasta skýringin sé jafnan sú rétta. N1 hefur
hag af Jónínu Ben í baráttunni
um orkuauðlindir framtíðar-
innar. Jónína er lifandi sprota-
fyrirtæki. Sproti hennar beinist
að afturendum Íslendinga og
honum er beitt í því augnamiði
að hreinsa þarma. N1 hefur tekið
forystuna á landsvísu í sölu á
metangasi til að knýja
bifreiðar. Metangasið
er orka framtíðar-
innar og Jónína Ben
er með ótakmark-
aðan aðgang að
auðlindinni inn-
anlands. Þarna
liggja hagsmunir Jónínu og N1 sam-
an. Þess vegna þarf N1 að fá þjóðina
til að lesa ævisögu Jónínu Ben. Ís-
lendingar þurfa að treysta Jónínu svo
hún geti unnið metangas úr þjóðinni
fyrir hönd N1, sem selur það til að
knýja bifreiðar á umhverfisvænan og
sjálfbæran hátt.
Þetta er eina leiðin til að út-skýra hvers vegna N1 gefur út ævisögu Jónínu Ben.
Og þetta leysir líka ráðgát-una um beikonpylsurnar á N1.
PLOTT JÓNÍNU OG N1 „Það var á tímabili sem ég upplifði
smáhöfnunar-
tilfinningu yfir því að
verkirnir væru allir farnir.“
n Bjartmar Guðlaugsson sem gekk sárkvalinn um í
27 ár. Hann hafðigefið verkjunum nöfn en hlaut svo
bót meina sinna í aðgerð árið 2007. – DV
„Syngja neðan úr
pung.“
n Segir Kristján Jóhannsson
stórsögnvari við karlkyns
nemendur sína. Hann segir í
nýútkominni ævisögu sinni að starf söngvara hafi
mikið með kynvitund og kynheilbrigði að gera. – DV
„Ég vona að hon um
takist að snúa
ógæfu sinni við.“
n Hermann Gunnarsson, Hemmi
Gunn, sem berst fyrir ástvin sinn sem hefur leiðst af
réttri braut í lífinu og er kominn í miklar ógöngur.
– DV
„Er þetta Ísland í
dag?“
n Sóley Sveinsdóttir ákvað að
stíga fram undir nafni og mynd og
verjast árásum sem hún hefur sætt
eftir að nauðgunardómur féll yfir fyrrverandi
eiginmanni hennar. – DV
„Ég játa.“
n Gunnar Rúnar Sigurþórsson
játaði í dómssal að hafa orðið
Hannesi Þór Helgasyni að bana.
Gunnari Rúnari var birt ákæran fyrir
helgi í Héraðsdómi Reykjaness. – visir.is
Styrkur Steingríms
Steingrímur J. Sigfússon er sterkasti stjórnmálamaður Íslands um þessar mundir. Ástæðuna er ekki að finna í verkum hans heldur því þreki sem
hann hefur til að halda saman stjórnmála-
flokki sem gjarnan er kenndur við ketti.
Steingrímur þarf að standa í lappirnar í
stjórnarsamstarfi þar sem lagt var upp með
það höfuðmál að sækja um aðild að Evrópu-
sambandinu. Umsóknin var samþykkt af
meirihluta Alþingis.
Þegar fram liðu stundir tók ákveðinn
hópur þingmanna VG að grafa undan rík-
isstjórninni með því að heimta að hætt yrði
við umsóknina. Öfgavinstrið í VG hefur síð-
an verið að færast í aukana með þetta mál.
Hið merkilega er að þingmenn öfganna í VG
eiga fulla samleið með þeim sem eru lengst
til hægri í Sjálfstæðisflokknum. Hönd í hönd
ganga Ásmundur Daðason og Davíð Odds-
son sem ættu að marka andstæða póla;
Davíð sem helsti ábyrgðarmaður hruns og
spillingar en Ásmundur sem fulltrúi hreins-
unaraflanna í íslenskri pólitík.
Steingrímur J. þarf að glíma við það að
hans eigin liðsmenn hlaupi stöðugt und-
an merkjum undir hvatningarópum öfga-
manna til hægri. Öllum Íslendingum er
ljóst að skera þarf niður hjá ríkinu. Menn
geta deilt um hvar á að bera niður. Öfgaarm-
ur VG gengur fram í því að rústa þeirri fjár-
lagavinnu sem Steingrímur J. hefur staðið
fyrir. Það gera þeir vitandi að ekki er tími til
að fara aftur í fjárlagavinnuna. Það er í raun
sama hvar borið er niður. Stjórnarandstað-
an er innan VG.
Um helgina felldu fulltrúar á flokksráðs-
fundi VG tillögu um að hætta við umsókn
um aðild að Evrópusambandinu. Steingrím-
ur vann þar varnarsigur í baráttunni við
Ögmund Jónasson, höfuðfjanda sinn innan
flokksins. Þótt þeirri orrustu lyki með sigri
stendur stríðið enn. Sótt er að formanninn-
um úr öllum áttum. Í ljósi þessa ástands er
ekki hægt annað en dást að staðfestu Stein-
gríms. Samflokksmenn hans vega ljóst og
leynt að honum. En afleiðingin gæti orðið
sú að nauðsynlegt yrði að kalla Sjálfstæðis-
flokkinn að ríkisstjórnarborðinu. Vinstri-
stjórnin sem lagði upp í óskabyr yrði þar
með dysjuð á grjóthaugi sögunnar. Engum
manni dylst að þetta ástand innan stjórnar
getur ekki varað til langs tíma. Takist ekki
að koma böndum á villiketti VG mun ríkis-
stjórnin springa. Ef miðað er við árangurs-
leysi ríkisstjórnarinnar í fjölmörgum mál-
um yrði það kannski besta leiðin.
REYNIR TRAUSTASON RITSTJÓRI SKRIFAR. Hönd í hönd ganga Ásmundur Daðason og Davíð Oddsson.
LEIÐARI
SVARTHÖFÐI
18 UMRÆÐA 22. nóvember 2010 MÁNUDAGUR
STEINI TIL SPÁNAR
n Hermt er að það hafi verið
Þorsteini Methúsalem Jónssyni,
aðaleiganda Sólstafa, gríðarlegt
áfrall að missa
yfirráðin yfir
Vífilfelli. Þar
með missir
hann væntan-
lega viðurnefni
sitt sem er
Steini í Kók.
Því er fleygt að
hann hyggist
nú yfirgefa Ísland og flytja til
Barcelona. Þar með myndi hann
fara í kjölfar útrásarvíkinganna
Hannesar Smárasonar og
Magnúsar Ármann sem sest hafa
að í útrásarnýlendunni.
SKULDIR MARINÓS
n Marinó Njálsson, fyrrverandi
stjórnarmaður í Hagsmunasamtök-
um heimilanna, brá skjótt við þegar
Fréttatíminn
spurði um skuld-
ir hans og sagði
af sér í stjórninni.
Þetta mun hann
hafa gert vegna
þess að á sínum
tíma lofaði hann
eiginkonu sinni
að kæmi upp
umræða um skuldir þeirra myndi
hann draga sig í hlé. Hið merkilega er
að Marinó virðist hafa ætlast til þess
af Fréttatímamönnum að þeir hættu
við fréttina vegna tengsla eiginkonu
hans og fréttastjóra fríblaðsins.
ARNÞRÚÐUR
VILL VERÐLAUN
n Arnþrúður Karlsdóttir, útvarps-
stjóri Sögu, er með allra skeleggustu
útvarpsmönnum. Hún vakti
gríðarlega athygli
á degi íslenskrar
tungu þegar kona
hringdi inn og
mælti á ensku.
Arnþrúður tók á
málinu af festu og
tilkynnti viðkom-
andi að í Útvarpi
Sögu töluðu
menn íslensku. Bægði hún síðan
ógninni frá. Arnþrúði var tíðrætt
um uppákomuna og taldi sig hafa
gert rétt. Meðal annars sagði hún í
léttum dúr að réttast væri að Vigdís
Finnbogadóttir, fyrrverandi forseti,
skilaði verðlaunum sem hún fékk
í tilefni dagsins og Arnþrúður sjálf
fengi þau.
LEIÐRÉTTING
n Í Sandkorni í helgarblaði DV var
því haldið fram að bók Björgvins G.
Sigurðssonar, Stormur, seldist lítið
og ylli vonbrigð-
um. Heimild um
þetta úr röðum
samkeppnis-
aðila vísaði til
fyrstu söluhelg-
arinnar. Nú er
komið á daginn
að bókin hefur
selst prýðilega
og er í fjórða sæti á bóksölulista.
Verði sú sala áfram góð er ljóst að
Hermann Guðmundsson, forstjóri
N1, hefur með kaupum á sölurétti
á Jónínu Ben og Björgvin G. slegið
tvær flugur í einu höggi. Beðist er
velvirðingar á rangherminu.
SANDKORN
TRYGGVAGÖTU 11, 101 REYKJAVÍK
ÚTGÁFUFÉLAG: DV ehf.
STJÓRNARFORMAÐUR:
Lilja Skaftadóttir
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRI:
Ingi Freyr Vilhjálmsson, ingi@dv.is
UMSJÓN HELGARBLAÐS:
Ingibjörg Dögg Kjartansdóttir, ingibjorg@dv.is
UMSJÓN INNBLAÐS:
Ásgeir Jónsson, asgeir@dv.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
BÓKSTAFLEGA
„Þeir hafa engar áhyggjur af þessu.
Einu kvótamennirnir sem ég hef heyrt
í eru ánægðir með samtökin því þeir
segja kvótakerfið vera illt,“ segir JÓN
GUNNAR BJÖRGVINSSON, formaður
Samtaka íslenskra fiskimanna,
aðspurður um hvort kvótahafar hafi
áhyggjur af samtökunum sem ætla að
berjast fyrir atvinnufrelsi í sjávarút-
vegi.
SKJÁLFA KVÓTA-
EIGENDUR?
SPURNINGIN