Dagblaðið Vísir - DV - 10.12.2010, Side 10

10 FRÉTTIR 10. desember 2010 FÖSTUDAGUR
Sérstakur rannsóknardómari í
Lúxemborg hefur tekið ákvörðun
um hvort embætti sérstaks sak-
sóknara, Ólafs Þórs Haukssonar,
fái send gögn sem hald var lagt
á í húsleitum þar í landi í febrú-
ar og maí á þessu ári vegna rann-
sóknarinnar á Kaupþingsmál-
inu, samkvæmt heimildum DV.
Ákvörðunin var tekin í lok síðasta
mánaðar. Embætti saksóknara
hefur enn ekki fengið neitt af þeim
gögnum sem lagt var hald á í hús-
leitunum vegna þess að beðið hef-
ur verið eftir niðurstöðu dómstóls-
ins í Lúxemborg.
Embætti Ólafs fór fram á réttar-
aðstoð við húsleitina með beiðni
sem kallast réttarbeiðni á íslensku
eða „derogatory request“ á ensku.
Þetta er gert þegar yfirvöld í einu
landi þurfa aðstoð yfirvalda í öðru
en embætti sérstaks saksóknara
hefur ekki lögsögu til að fara til
Lúxemborgar og framkvæma slík-
ar húsleitir sjálft. Dómstóll þurfti
svo að vega og meta hvort senda
ætti gögnin til ákæruvaldsins sem
bað um aðstoðina. Nú hefur verið
úrskurðað sérstökum saksóknara í
vil, samkvæmt heimildum DV.
Telur að saksóknari eigi að fá
gögnin
Embætti sérstaks saksóknara hef-
ur þó ekki borist niðurstaðan,
samkvæmt heimildum DV. Heim-
ildir DV herma að dómarinn í Lúx-
emborg hafi ákveðið að embætti
Ólafs fái gögnin úr húsleitunum
send hingað til lands. Bið sérstaks
saksóknara eftir gögnunum frá
Lúxemborg hefur verið löng þar
sem gögnin eru lykilatriði í rann-
sókninni á málefnum Kaupþings.
Húsleitirnar voru framkvæmd-
ar þar í landi í febrúar og maí 2010,
líkt og áður segir, fyrir hönd emb-
ættis sérstaks saksóknara vegna
rannsóknarinnar á málefnum
Kaupþings. Meðal annars var um
að ræða húsleitir í höfuðstöðvum
Banque Havilland, áður Kaup-
þingi, í Lúxemborg. Lagt var hald
á mikið magn af gögnum í húsleit-
unum og geta þau hugsanlega nýst
embætti Ólafs Haukssonar í rann-
sóknunum á málefnum Kaup-
þings.
Rannsóknin snýst meðal ann-
ars að meintri markaðsmisnotk-
un Kaupþings á árunum fyrir ís-
lenska efnahagshrunið en talið
er að þessi misnotkun hafi meðal
annars farið fram í gegnum útibú
Kaupþings í Lúxemborg – bank-
inn heitir Banque Havilland í dag.
Nokkrir af helstu stjórnendum
Kaupþings voru yfirheyrðir fyrr á
árinu í tengslum við rannsókn sér-
staks saksóknara, meðal annars
Hreiðar Már Sigurðsson, fyrrver-
andi forstjóri Kaupþings, og að-
stoðarforstjórinn Ingólfur Helga-
son.
Áfrýjun möguleg
Heimildir DV herma að málsaðil-
ar, meðal annars fyrrverandi for-
svarsmenn Kaupþings og for-
svarsmenn Banque Havilland í
Lúxemborg, hafi gert athugasemd-
ir við það hvernig lagt var hald á
gögnin í bankanum sem snerta
rannsókn sérstaks saksóknara. For-
svarsmenn bankans geta skotið
niðurstöðu rannsóknardómarans
til æðri dómstóls þar í landi. Æðri
dómstóllinn þarf þá að ákveða
hvort hann samþykkir niðurstöðu
lægri dómstólsins eða ekki.
Heimildir DV herma að með-
ferðin á málinu hjá æðri dómstóln-
um í Lúxemborg muni ekki taka
mjög langan tíma. Bið saksóknara
eftir gögnunum, eða svari frá Lúx-
emborg, ætti því að vera farin að
styttast.
Vel gæti hins vegar farið svo,
eftir að sérstakur saksóknari fær
gögnin frá Lúxemborg í hendurnar,
að kalla þurfi Kaupþingsmenn til
yfirheyrslu aftur.
Svo gæti hins vegar vel far-
ið, eftir að sérstakur
saksóknari fær gögnin
frá Lúxemborg í hend-
urnar, að kalla þurfi
Kaupþingsmenn til
yfirheyrslu aftur.
INGI F. VILHJÁLMSSON
fréttastjóri skrifar: ingi@dv.is
Dómstóll í Lúxemborg hefur tekið ákvörðun um hvort embætti sérstaks saksóknara fái aðgang að Kaup-
þingsgögnunum frá Lúxemborg. Heimildir DV herma að embætti saksóknara fái gögnin sem lagt var
hald á í húsleitum þar í landi fyrr á þessu ári. Málsaðilar geta áfrýjað niðurstöðu dómstólsins. Gögnin
frá Lúxemborg munu geta hjálpað saksóknara að ná betur utan um rannsóknina á Kaupþingsmálinu.
FÁ LÍKLEGA GÖGN
FRÁ LÚXEMBORG
Beðið eftir gögnunum Embætti sérstaks saksóknara, Ólafs
Haukssonar, hefur beðið eftir gögnunum frá Lúxemborg um
nokkurt skeið en dómstóll þar í landi þurfti að taka ákvörðun
um hvort senda ætti gögnin til Íslands. Lagt var hald á gögnin
í mikilli rassíu hér á landi og í Lúxemborg þar sem Hreiðar Már
Sigurðsson var meðal annars yfirheyrður.
Lykilatriði Gögnin frá Lúxemborg eru
algert lykilatriði í rannsókninni á Kaupþingi
sem farið hefur fram hjá sérstökum saksókn-
ara. Biðin eftir þeim gæti nú verið að styttast.
Gjafavörur í miklu úrvali frá Weber - Grill og fylgihlutir

Sölustaðir :
Járn & Gler hf. – Garðheimar – Húsasmiðjan - Búsáhöld Kringlunni - Pottar og Prik Akureyri. www.weber.is