Dagblaðið Vísir - DV - 04.03.2011, Page 46

46 | Lífsstíll Texti: SVAVA Myndir: Róbert Reynisson 4.–6. mars 2011 Helgarblað
Pétur Gautur myndlistarmaður og eiginkona hans, Berglind Guðmundsdóttir landslagsarkitekt, festu kaup á húsinu fyrir fimm árum. Þá fengu þau sér
golden retriever-tíkina Sunnu sem liggur í stofunni með
skó í kjaftinum.
„Konan sá þetta hús og ég var ekki hrifinn fyrst þeg-
ar ég sá það. Ég var með allt aðrar hugmyndir og sagði
að það væri ljótt. Ég sá hins vegar að það var fullkomið
þegar ég skoðaði það að innan. Fyrir það fyrsta var búið
að gera það allt upp þannig að við þurftum ekki að gera
neitt sjálf fyrir utan að við létum setja dyr úr stofunni út í
garðinn fyrir framan húsið. Konan mín hannaði garðinn
sem er frábær á sumrin. Þá eru dyrnar yfirleitt alltaf opn-
ar og við erum í rauninni með útistofu þar sem ég mála
oft á sumrin.“
Þótt Pétur Gautur og Berglind hafi ekki tekið húsið í
gegn breyttu þau ýmsu að sínum smekk. Hann segir þau
mikið fyrir að hvítta hluti. Brúnt parketið var hvíttað og
kirsuberjainnréttingin í eldhúsinu var máluð hvít. Dökk-
gráar flísarnar voru líka málaðar hvítar. „Það er allt ann-
að andrúmsloft í eldhúsinu. Þessar breytingar kostuðu
nokkur þúsund krónur en það hefði verið dýrt að skipta
um innréttingu.“
Túlipanatími
Listmálari. Landslagsarkitekt. „Ég held við höfum þrosk-
ast vel saman. Berglind er með sinn ákveðna stíl en ég
er miklu kærulausari.“ Útkoman: Hlýlegt heimili þar sem
blandað er saman sígildum húsgögnum og rómantískum
smáhlutum.
„Heimili á fyrst og fremst að vera griðastaður. Róm-
antískt og þægilegt.“
Hjónin námu í Danmörku á sínum tíma og Pétur
Gautur neitar því ekki að á heimilinu gæti danskra áhrifa
svo sem hvað varðar stílinn og húsgögn. Borðstofuborð-
ið er til dæmis dönsk hönnun sem og Fritz Hansen-stól-
arnir sem kallaðir eru „sjöan“. „Þetta eru sterkar og góðar
vörur.“
Ljósi liturinn einkennir líka húsgögnin. „Mér finnst að
heimili eigi að vera hlutlaust en síðan poppar maður það
upp með flottum málverkum sem mega þá vera í miklum
litum.“ Athygli vekur hve fá málverk eftir Pétur Gaut eru
áberandi á heimilinu. „Ég vil njóta málverka eftir aðra.
Konan hefur viljað fá þessar myndir sem eru eftir mig.
Mér finnst það vera svo egósentrískt að vera með fullt af
málverkum eftir sjálfan sig.“
Nokkur málverk skreyta stofuna og má þar nefna mál-
verk eftir Eirík Smith, Svavar Guðnason, Jón Stefánsson
og Þorvald Skúlason.
Þennan dag stendur óklárað málverk úti í bílskúr. Það
sýnir túlipana í vasa. Nokkrir túlipanar standa í blóma-
vasa rétt við trönurnar. Eiginkona listamannsins er nýbú-
in að eiga afmæli og fékk túlipanana í afmælisgjöf. „Núna
mála ég túlipana því nú er túlipanatími. Mér finnst gott
að helga mig einhverju einu. Ég nenni ekki að grufla í of
miklu. Ég tek períódur þar sem ég vinn eiginlega með
enga liti; það er að segja, ég vinn voðalega mikið svart-
hvítar myndir. Þegar ég fæ leið á því tek ég tímabil þar
sem ég vinn mikið í sterkum litum. Ég vinn oft svarthvítar
myndir yfir veturinn og síðan meiri litamyndir á sumrin.“
Þægileg, sígild tónlist hljómar í bílskúrnum. „Það
hljómar klisjukennt en bestu myndirnar verða til þegar
ég hlusta á tónlist eða sögur.“
Hlýleikinn og ljósir litir eru ráðandi á heimili Péturs Gauts myndlistarmanns
og fjölskyldu hans. Stíllinn er kannski svolítið danskur en húsráðendur námu á
sínum tíma í landi herraþjóðarinnar fyrrverandi.
Rómantískur
griðastaður
„Ég vil njóta málverka eftir aðra.
Konan hefur viljað fá þessar
myndir sem eru eftir mig. Mér finnst það
vera svo egósentrískt að vera með fullt
af málverkum eftir sjálfan sig.
Fallegt Málverk eftir Pétur Gaut og rauðir túlipanar í hvítum vasa.
Ljóst yfirbragð poppað upp Loftljósið var keypt í Saltfélaginu.
Hjónin kjósa ljóst yfirbragð á heimilinu. „Mér finnst að heimili eigi
að vera hlutlaust en síðan poppar maður það upp með flottum
málverkum sem mega þá vera í miklum litum.“
Opnað út í garð
Hjónin keyptu borðið
og Fritz Hansen-
stólana, „sjöuna“, í
Danmörku og í Epal.
Skápurinn var keypt-
ur í Tekk Copmany.
Hjónin létu gera dyr
út í garðinn.
Hvítt og létt Tíkin Sunna í stofunni.
Húsráðendur létu lúta parketið hvítt.