Dagblaðið Vísir - DV - 07.05.2012, Síða 8

8 Fréttir 7. maí 2012 Mánudagur
Kallaði íslenska sálfræðinga hálfvita
n „Gagnrýni á Greiningarstöð tilhæfulaus,“ segir Evald Sæmundsen
E
vald Sæmundsen, sviðsstjóri
einhverfusviðs á Greiningar-
og ráðgjafarstöð ríkisins, er
ósáttur við ummæli Friðriks
Þórs Friðrikssonar í viðtali í DV ný-
verið.
Friðrik Þór talaði þá um lítt
greinda sálfræðinga sem hann sagði
gera sig að fíflum í gagnrýni á að-
ferðir sem beitt var til að ná árangri
með Kela sólskinsdreng.
„Þessir íslensku sálfræðingar
hafa gert sig að fíflum. Þeir hafa ver-
ið að blogga um myndina úti í heimi
og það eru allir svo hissa á þessu
erlendis. Fólki þykir þetta mestu
kjánar. En það sem er alvarlegra er
að þetta er fólk sem starfar á stofn-
unum sem greina einhverfa og veita
foreldrum ráðgjöf,“ sagði Friðrik
Þór.
Evald óskar eftir því að eftirfar-
andi athugasemd sé birt.
„Óskað er eftir að þið birtið eft-
irfarandi athugasemd vegna um-
mæla Friðriks Þórs kvikmyndagerð-
armanns í helgarblaði DV 13.–15.
apríl. Þar fer hann hörðum orðum
um sálfræðinga sem blogguðu „úti
í heimi“ um Sólskinsdrenginn og
gagnrýni sína á aðferð við kennslu
(RPM) sem komu fram í myndinni.
Hann klykkir út með að segja: „En
það sem er alvarlegra er að þetta er
fólk sem starfar á stofnunum sem
greina einhverfa og veita foreldr-
um ráðgjöf.“ Af þessum ummælum
verður vart ráðið annað en að hann
sé að vísa til starfsmanna á Grein-
ingar- og ráðgjafarstöð ríkisins. Þess
vegna skal það upplýst að enginn
starfsmaður einhverfusviðs Grein-
ingarstöðvar bloggaði gegn þeim
aðferðum sem Friðrik Þór tilgrein-
ir í viðtalinu hvorki innanlands né
utan. Engin sálfræðingur starfandi
á Greiningarstöð á þessum tíma
bloggaði um þetta efni, hvorki inn-
anlands né utan. Einn starfsmaður
Greiningarstöðvar blandaði sér í ís-
lenska umræðu á netinu einu sinni
þar sem þessa aðferð bar á góma
án þess að hann gerði athugasemd-
ir um gagnsemi aðferðarinnar. Ef
Friðrik Þór er að vísa til Greining-
arstöðvar, þá er gagnrýnin tilhæfu-
laus.“
M
ér fannst krefjandi verk-
efni að koma honum í
gegnum svona hlýðni-
prógramm og það hefur
tekist mjög vel,“ segir Pét-
ur Skarphéðinsson, eigandi Múla-
Týs, sem er þriggja ára hundur af
tegundinni siberian husky. Týr hef-
ur náð einstökum árangri í hlýðni-
prófum og er fyrsti husky-hundur-
inn til að fá hæstu einkunn á slíku
prófi. Mikil umræða hefur verið um
hundategundina í samfélaginu að
undanförnu, enda tættu tveir slík-
ir hundar í sig kött í Grafarvogi og
drápu síðan hænu í Grindavík.
Þrjóskir og greindir hundar
Pétur hefur átt Tý síðan hann var
tveggja mánaða, og segist hafa val-
ið sér husky-hund þar sem þeir séu
heillandi og skemmtilegir innan um
fólk.
Pétur segir þá umræðu sem hefur
verið um siberian husky-hunda að
undanförnu ekki gefa rétta mynd
af tegundinni, og bendir á að Múla-
Týr, eða Týr eins og hann er jafnan
kallaður, hafi fengið hæstu einkunn
allra hunda á hlýðninámskeiði þegar
hann var eins árs gamall. „Hann fór
í gegnum Brons-hlýðnipróf á vegum
Hundaræktunarfélags Íslands, sem
er svona grunnhlýðni, og var stiga-
hæsti hundurinn í því prófi það árið
af öllum tegundum.“
Pétur er stoltur af Tý sínum fyr-
ir að hafa náð svo góðum árangri á
námskeiðinu, en hann segir ekki al-
gengt að hundar af þessari tegund
taki þátt í hlýðnikeppnum sem sé
miður. „Það er miður, þar sem það er
mjög skemmtilegt að kenna þessari
tegund. Þeir eru sjálfstæðir, og mað-
ur þarf kannski að nálgast þá öðru-
vísi en aðra hunda, en þeir eru mjög
sterkir karakterar, þrjóskir og greind-
ir.“
Aldrei að treysta hundum full-
komlega í kringum börn
Pétur segir Tý vera barngóðan og
hann sé góður félagi barna hans
sem eru sjö og tveggja ára. „Hann er
alveg frábær með börnunum mín-
um. Hann er svo sem enginn kúrari
þannig séð, en hann er mjög góð-
ur við þau þegar þau eru að fíflast í
honum.“
Hann treystir Tý með börnunum
en þó bara upp að vissu marki og
bendir á að fólk eigi aldrei að treysta
hundum fullkomlega í kringum
börn. „Það er alveg sama hvað teg-
undin heitir maður á aldrei að
treysta þeim alveg hundrað prósent.
Maður á kannski ekki heldur að
treysta börnunum alveg heldur, því
það eru oft börnin sem eru að meiða
dýrin án þess að vita kannski af því
og dýrin kunna aðeins að svara með
hljóði eða aðgerð. Maður fylgist því
alltaf með honum þegar börnin eru
nálægt en hann hefur aldrei sýnt
neina illsku eða neitt slíkt.“
Henta ekki hverjum sem er
Týr lauk nýlega sínu öðru hlýðni-
námskeiði og lauk því, eins og hinu,
með fyrstu einkunn. Pétri finnst um-
ræðan sem hefur verið undanfar-
ið um husky-hunda heldur ósann-
gjörn en bendir jafnframt á að þessi
tegund hunda sé mjög krefjandi og
henti ekki hverjum sem er.
„Það er sterkt veiðieðli í þessum
hundum og maður á ekki að treysta
þeim í kringum smádýr, ketti eða
rollur. Það er svo sem alveg sama
hvað þú kennir hundinum þín-
um mikið, hann er alltaf með eðl-
ið á bak við sig. Þetta er ekki hund-
ur sem hentar öllum og hann þarf
mikinn aga. Husky-hundum hefur
fjölgað mikið undanfarið og það má
segja að hann sé orðin hálfgerður
tískuhundur. Það er kannski þess
vegna sem við höfum verið að heyra
svona fréttir af þeim eins og heyrst
hafa undanfarið.“
Husky brillerar
á Hlýðniprófum
n Eigandinn orðinn þreyttur á neikvæðri umræðu um siberan husky-hunda„Það er alveg sama
hvað tegund-
in heitir maður á aldrei
að treysta þeim alveg
hundrað prósent.
Hanna Ólafsdóttir
blaðamaður skrifar hanna@dv.is
Góður hundur
Pétur Skarphéðins-
son og Múli-Týr eru
miklir vinir. Sá síðar-
nefndi sló í gegn á
hlýðninámskeiði.
Fjölmenni á
kosningavöku í HÍ
Félag stjórnmálafræðinema og
franska sendiráðið stóðu fyrir
kosningavöku í hátíðarsal Háskóla
Íslands á sunnudag í tilefni af
frönsku forsetakosningunum. Egill
Helgason sjónvarpsmaður var
fundarstjóri á kosningavökunni,
en hann áætlar að um 200–300
manns hafi verið á samkomunni
þegar mest var. Egill segir að það
hafi verið sín tilfinning að sósíal-
istinn Francois Hollande, nýkjör-
inn forseti Frakklands sem hlaut
52 prósent atkvæða í kosningun-
um, hafi átt fleiri stuðningsmenn
meðal samlanda sinna á Íslandi.
Sushi
innkallað
Matvælaeftirlit Heilbrigðiseftir-
lits Reykjavíkur hefur stöðvað
sölu og innkallað af markaði sushi
frá Krónunni vegna vanmerktra
ofnæmisvalda. Um er að ræða
átta bita pakkningar af sushi.
Varan inniheldur ofnæmis- og
óþolsvaldandi egg, fisk, afurð úr
sojabaunum, sinnep og aftur úr
krabbadýrum án þess að þeirra sé
getið á merkingum. Það er fyrir-
tækið Domo sem framleiðir vör-
una fyrir verslanir Krónunnar.
Þá hefur Svansbakarí, í samráði
við matvælaeftirlitið, ákveðið að
innkalla af markaði pítsudeig frá
fyrirtækinu þar sem ofnæmis- og
óþolsvaldur er ekki merktur á um-
búðirnar. Varan er þó sögð skað-
laus þeim sem eru ekki viðkvæmir
fyrir sojaafurðum.
Atvinna unglinga
afturkölluð
Sjötíu sautján ára unglingum
sem fyrirtæki á Keflavíkurflugvelli
höfðu ráðið í vinnu í sumar var á
fimmtudaginn tjáð að fyrirtækj-
unum væri ekki heimilt að fá þá
til starfa. Fyrirtækin munu hafa
dregið atvinnutilboðin til baka
eftir að hafa fengið þær upplýsing-
ar að óheimilt væri að framkvæma
öryggisskoðanir á börnum. En
öryggisskoðunin mun vera liður í
reglum til að stuðla að auknu flug-
öryggi. RÚV greindi frá þessu.
Úrskurðar er að vænta í mál-
inu frá innanríkisráðneytinu í dag,
mánudag, en Ögmundur Jónas-
son innanríkisráðherra sagði í
samtali við RÚV að unglingarnir
þyrftu ekki að hafa neinar áhyggj-
ur. Þetta ætti ekki að standa í vegi
fyrir atvinnu þeirra á flugvellinum
í sumar.
Friðriki Þór svarað Evald
Sæmundsen á Greiningar- og
ráðgjafarstöð ríkisins svarar
ummælum Friðriks Þórs um ís-
lenska sálfræðinga.