Dagblaðið Vísir - DV - 23.05.2012, Blaðsíða 4

4 Fréttir 23. maí 2012 Miðvikudagur
Fá 373 milljóna afskrift
n Skiptum lokið á rekstrarfélagi Bang & Olufsen
K
röfuhafar eignarhaldsfélags-
ins Næstu aldamóta ehf. hafa
afskrifað rúmlega 340 millj-
ónir króna af skuldum félags-
ins. Næstu aldamót var móðurfélag
rekstrarfélags danska raftækjafyrir-
tækisins Bang & Olufsen á Íslandi og
var úrskurðað gjaldþrota í Héraðs-
dómi Reykjavíkur í apríl í fyrra.
Næstu aldamót ehf. átti félagið
Aldamót ehf. sem var rekstrarfélag
sem rak verslun í Síðumúla 21 sem
seldi raftækin frá Bang & Olufsen á
Íslandi. Það félag er líka gjaldþrota
og er skiptum á því lokið með tæp-
lega 33 milljóna króna afskrift. Aug-
lýsingar um skiptalokin á félögunum
tveimur er að finna í Lögbirtinga-
blaðinu. Samtals er því um að ræða
373 milljóna afskrift.
Eigendur félagsins voru þeir Ósk-
ar Tómasson, sem jafnframt var for-
stjóri verslunarinnar, en hann átti
40 prósenta eignarhlut, Bjarni Ósk-
arsson, sem einnig átti 40 prósenta
eignarhlut, og eignarhaldsfélagið
Laugaból sem meðal annars var í
eigu Guðmundar Birgissonar, sem
kenndur er við bæinn Núpa í Ölfusi.
Í viðtali við Viðskiptablaðið
árið 2010 sagði Sigurgísli Bjarna-
son, einn af aðstandendum Bang &
Olufsen á Íslandi, að mjög vel hefði
gengið að markaðssetja danska
merkið í góðærinu á Íslandi á árun-
um 2005 til 2008. Sagði Sigurgísli að
íslenska verslunin hefði verið næst-
stærsti söluaðili Bang & Olufsen-
tækja heiminum – aðeins Rússar
keyptu meira miðað við höfðatölu.
„Á Íslandi höfum við verið sölu-
hæstir innan danska félagsins mörg
ár, t.d. árunum frá 2005 til 2008. Sal-
an hefur þó heldur dvínað síðustu
tvö árin,“ sagði Sigurgísli. ingi@dv.is
Höfum opnað okkar vinsæla Kebab stað við
Hamraborg 14a Kópavogi
Hádegistilboð
alla daga
Sími: 555-4885
Einn vinsælasti Kebab staðurinn á höfuðborgarsvæðinu!
Opið virka daga frá 11–21 og um helgar frá 13–21
Hamraborg 14 a 200 Kópavogi www.alamir.is
Gunnari Birgissyni
gert að greiða sekt
Gunnar I. Birgisson, fyrrverandi
bæjarstjóri í Kópavogi, þarf að
greiða 150 þúsund krónur í sekt
vegna brota tengdum störfum
hans fyrir Lífeyrissjóð starfs-
manna Kópavogs. Gunnar var
ásamt Sigrúnu Ágústu Bragadótt-
ur dæmdur í Héraðsdómi Reykja-
ness á þriðjudag fyrir að hafa veitt
Fjármálaeftirlitinu rangar upplýs-
ingar um lánveitingu lífeyrissjóðs-
ins til bæjarsjóðs Kópavogsbæj-
ar. Gunnar var stjórnarformaður
sjóðsins og Sigrún Ágústa fram-
kvæmdastjóri sjóðsins. Stjórnin og
framkvæmdastjórinn voru ákærð
vegna hundraða milljóna króna
láns Lífeyrissjóðs starfsmanna
Kópavogs til bæjarsjóðs Kópa-
vogsbæjar árið 2008 og 2009.
Ómar Stefánsson, bæjarfulltrúi
Framsóknarflokksins, Flosi Ei-
ríksson, fyrrverandi bæjarfulltrúi
Samfylkingarinnar, Jón Júlíus-
son og Sigrún Guðmundsdóttir
voru sýknuð í málinu en þau voru
stjórnarmenn í sjóðnum. 
Dópsali fór
á taugum
Lögreglan á Suðurnesjum hafði
afskipti af manni á þrítugsaldri
um helgina vegna gruns um að
hann væri undir áhrifum fíkni-
efna. Þegar lögreglumenn fóru
að ræða við hann varð hann
gríðarlega stressaður og skalf
og svitnaði. 
Var hann spurður hvort
hann væri með eitthvað ólög-
legt í fórum sínum. Svaraði
maðurinn með því að sækja
fjóra poka af kannabisefnum í
úlpuvasa sinn. Var hann í kjöl-
farið handtekinn. Taugaveiklun
mannsins var síst á undanhaldi
þegar lögreglan ræddi nánar
við hann á lögreglustöð og kom
í ljós við yfirheyrslu að hann
var með fleiri beinagrindur í
skápnum. Nánar tiltekið fata-
skápnum á heimili hans þar
sem lögreglan fann kannabis-
poka við húsleit og fíkniefni
í krukku í eldhúsinu. Gekkst
hinn stressaði maður við því að
vera fíkniefnasali.
Guðmundur á Núpum Eigendur
raftækjaverslunarinnar sem seldi vörur
Bang & Olufsen hafa fengið 373 milljónir af
skuldum sínum afskrifaðar.
G
runur leikur á að Sigurður
Hólm Sigurðsson, sem lést
á Litla-Hrauni síðastliðinn
fimmtudag, hafi verið barinn
til bana af tveimur samföng-
um sínum. Samkvæmt heimildum
DV eru mennirnir sem grunaðir eru
um verknaðinn þeir Annþór Krist-
ján Karlsson og Börkur Birgisson sem
báðir eru þekktir ofbeldismenn og
eiga langan sakaferil að baki.
Sáust á öryggismyndavélum
Samkvæmt heimildum DV eiga Ann-
þór og Börkur að hafa ráðist á Sigurð
vegna ágreinings sem kom upp vegna
bifreiðar sem þeir sökuðu Sigurð um
að hafa stolið. Bifreiðin var í eigu þriðja
aðila. Sigurður hóf afplánun á Litla-
Hrauni síðastliðinn miðvikudag og
hafði nýlega verið fluttur í sömu bygg-
ingu og Annþór og Börkur dvöldu í.
Á upptöku úr öryggismyndavél-
um sem staðsettar eru á fangagangi
sést hvar Annþór og Börkur fara inn
í fangaklefa Sigurðar nokkru áður en
hann lést. Meint árás náðist þó ekki á
upptöku. Samkvæmt heimildum DV
veittu þeir Sigurði nokkur högg sem
talið er að hafi leitt hann til dauða.
Bráðabirgðaniðurstöður krufningar
benda til að Sigurður hafi látist af völd-
um innvortis blæðinga.
„Brjóta niður aðra fanga“
Mikil sorg ríkir á meðal fanga og starfs-
fólks Litla-Hrauns vegna atburðarins.
Samkvæmt heimildum er þó einnig
nokkur léttir á meðal fanga þar sem
Annþór og Börkur hafa verið færðir
í einangrun á meðan málið er rann-
sakað. Á mörgum fanganna að hafa
staðið mikil ógn af þeim þar sem
þeir eru sagðir hafa farið um hótandi
og hrellandi. „Þeir brjóta niður aðra
fanga, þeir brjóta menn undir sig,“ seg-
ir fangi á Litla-Hrauni um þá Annþór
og Börk. Hann segir Sigurð hafa verið
mann sem vildi engum illt. „Hann var
gæðablóð sem skaðaði aldrei annan
en sjálfan sig.“ Fanginn vill meina að
vegna ótta við Annþór og Börk hafi
Sigurður leynt áverkum sínum og bor-
ið þjáningar sínar eftir árásina í hljóði.
Engan hafi grunað hvað var í vænd-
um „Hann leyndi áverkum sínum og
sársauka fyrir öðrum föngum.“
Systir Sigurðar sagði í samtali við
DV bróður sinn hafa verið „gull af
manni“ en treysti sér ekki til að tjá sig
frekar um andlát hans og þær kring-
umstæður sem nú eru í rannsókn.
Fjölmargir af vinum og kunningj-
um Sigurðar hafa heiðrað minningu
hans á Facebook-síðu hans. Þar er
honum lýst sem hjartahlýjum manni
sem og góðum vini vina sinna. Þakka
honum margir fyrir góð kynni.
„Óvini mína sé ég um sjálfur“
Annþór, sem sagður er þekktasti
handrukkari Íslands, og Börkur voru
handteknir um miðjan mars síðast-
liðinn eftir undirheimarassíu lög-
reglunnar. Þeir eru nú báðir ákærðir
fyrir stórfelldar líkamsárásir og ólög-
mæta nauðung og bíða þess að mál
þeirra verði tekin fyrir dóm.
Í einu málanna eru þeir Annþór
og Börkur grunaðir um að hafa ráð-
ist ásamt fleiri mönnum í heimildar-
leysi inn í hús og veist hrottalega að
þeim sem þar voru með golfkylf-
um, spýtum, handlóðum og hafna-
boltakylfu með þeim afleiðingum að
mennirnir hlutu alvarlega áverka.
Samkvæmt heimildum DV urðu
Annþór og Börkur vinir þegar þeir
sátu inni á Litla-Hrauni fyrir nokkru.
Annþór sat þá inni fyrir stórfellt fíkni-
efnasmygl en Börkur vegna tilraun-
ar til manndráps þegar hann réðst á
mann með öxi á veitingastaðnum A.
Hansen í Hafnarfirði árið 2004. Eftir
að hafa hlotið reynslulausn eiga þeir
í sameiningu að hafa verið umfangs-
miklir í undirheimum Reykjavíkur
og haldið þeim í ógnargreipum. Á
Facebook-síðu sinni segir Börkur um
sjálfan sig: „Guð verndar mig fyrir
vinum mínum… en óvini mína sé ég
um sjálfur.“
Aldrei áður morð á Litla-Hrauni
Páll Winkel fangelsismálastjóri
sagði í samtali við DV að fangelsis-
yfirvöld vissu í raun ekkert meira
en lögregla og að ekki hefði leik-
ið grunur á að um refsivert athæfi
væri að ræða eftir að Sigurður lést
í síðustu viku. „Það lék enginn
grunur á slíku þegar þetta átti sér
stað og við erum því bara að frétta
þetta eins og aðrir. Hafi þarna ver-
ið um morð að ræða er það í fyrsta
skipti sem slíkt gerist innan veggja
fangelsisins. Það hefur aldrei gerst
áður.“ Aðspurður um viðbrögð
fangelsisyfirvalda vegna málsins
sagðist Páll ekki geta tjáð sig um
það að svo stöddu.
Rannsókn málsins er í hönd-
um lögreglunnar á Selfossi, tækni-
deildar lögreglu höfuðborgar-
svæðisins og réttarmeinafræðings.
Rannsóknin er á byrjunarstigi og
vildi lögreglan ekki veita frekari
upplýsingar um hana eða málsat-
vik að svo stöddu.
Það var í síðustu viku sem DV.is
greindi fyrst allra frá því að fangi
hefði látist í fangelsinu á Litla-
Hrauni. Sagði lögreglan á Sel-
fossi manninn hafa óskað eftir að-
stoð síðastliðinn fimmtudag þegar
hann lenti í andnauð en ekki væri
grunur um að lát mannsins hefði
borið að með saknæmum hætti.
„Hann leyndi áverk-
um sínum og sárs-
auka fyrir öðrum föngum.
n Grunur um fyrsta manndráp í sögu Litla-Hrauns n Hefnd vegna bíls
„Gæðablóð
sem vildi
enGum illt“
xxxx
xxxxx
Grunaðir Annþór Kristján Karlsson og Börkur Birgisson sem báðir eiga langan sakaferil að
baki eru grunaðir um morð.
GRUNAÐIR
Sigurður Hólm
Sigurðsson
f. 01.05.1963
d. 17.05.2012