Dagblaðið Vísir - DV - 23.05.2012, Qupperneq 14

F
yrir síðustu jól varð Berglind
Steindórsdóttir fyrir hroða-
legri árás aðila sem tengjast
mótorhjólagengi. Ráðist var
inn á heimili hennar og henni
misþyrmt með þeim hætti að hún
mun sennilega aldrei bíða þess bæt-
ur. Meðal annars var reynt að klippa
af henni fingur og hún var beitt grófu
kynferðislegu ofbeldi. Aðkoman var
beinlínis skelfileg og unga konan var
milli heims og helju. Nokkrum dög-
um eftir þessa árás var aftur ráðist á
hana í því skyni að brjóta hana niður
líkamlega og andlega. Undanfarna
fimm mánuði hefur hún verið undir
vernd og í felum fyrir ofsækjendum
sínum. Það varð þó ekki til þess að
ofsóknunum linnti því kveikt var í
bifreið hennar sem brann til ösku.
Það er ótrúlegt að svona hlutir geti
gerst í litlu, friðsömu landi.
„Ég gjörsamlega missti trúna á
mannfólkið,“ sagði hún við DV um
líðan sína eftir þessa atburði. Enginn
þarf að efast um að það er stórt skref
hjá ungu konunni að vitna fyrir dómi
og stíga fram og segja sögu sína.
Alltof margir láta kúga sig til að þegja
um illvirkin og gefa þannig glæpa-
hyskinu aukið afl.
Ögmundur Jónasson innanríkis-
ráðherra hefur skorið upp herör
gegn þeirri villimennsku sem fylgir
ákveðnum glæpasamtökum. Ráð-
herrann hefur sýnt þann kjark að
lýsa stríði á hendur þeim sem gera
út á ofbeldi og ótta. Saga Berg-
lindar undirstrikar þörfina á því að
spyrna fast við fótum gegn þeirri
fúlmennsku sem fylgir umræddum
glæpasamtökum. Sjálf á hún virð-
ingu skilið fyrir þann kjark að rísa
gegn ofbeldisfólkinu sem reyndi að
brjóta hana niður með grófara of-
beldi en Íslendingar eiga að venjast.
Það er hlutskipti Berglindar að þurfa
að vera í felum og á flótta undan
kvölurum sínum. „Ég hef ekkert
frelsi til að gera eitt eða neitt, ég get
ekki verið á opinberum stöðum, get
ekki talað við neinn …“ sagði Berg-
lind við DV.
Samfélagið verður að leggjast á
eitt til þess að fyrirbyggja viðbjóð á
borð við þann sem gerst hefur í lífi
Berglindar. Allir verða að leggjast á
eitt með yfirvöldum til að fjarlægja
illgresið úr samfélaginu. Enginn má
þar hvika. Kjarkur Berglindar verður
að blása öðrum í brjóst því áræði sem
þarf til að fara gegn illvirkjunum og
eyða þessu illgresi.
Þá þarf að hlúa að ungu konunni
með öllum ráðum og tryggja svo sem
auðið er að hún verði ekki fyrir frekari
árásum. Staða hennar er ömurleg og
óttinn er við hvert fótmál. „Ég þarf
að flytja í burtu frá Íslandi ef ég vil
eiga eitthvert líf,“ segir Berglind sem
enn er í felum. Þeir sem réðust inn á
heimili hennar bíða dóms.
Sandkorn
Eldhuginn hjá
Gunnvöru
n Fréttin um sigmanninn
sem féll tugi metra í klettum
við eggjatínslu í Stapa í Aðal-
vík á Hornströndum í vik-
unni vakti mikla athygli. Um
var að ræða Einar Val Krist-
jánsson, framkvæmdastjóra
hjá Hraðfrystihúsinu Gunn-
vöru og einn af eigendum
fyrirtækisins. Einar Valur
hefur stundað eggjatöku um
áratugaskeið og þykir mikill
eldhugi. Þykir Einar Valur
hafa sloppið merkilega vel
frá slysinu miðað við að-
stæður en hann lenti á syllu
um 25 metra yfir sjávarmáli.
Eggjatínsla í þverhníptum
björgum hefur verið hluti af
lífsviðurværi og sögu íbúa á
norðanverðum Vestfjörðum
um aldir og halda menn eins
og Einar Valur þessum sið
við þó komið sé fram á 21.
öldina.
Davíð snupraður
n Lesendur Morgunblaðs-
ins fengu á þriðjudaginn
ágætis innsýn inn í þá furðu
sem mál-
flutningur
Davíðs Odds-
sonar getur
vakið hjá út-
lendingum.
Sendiherra
Þýskalands
á Íslandi, Herman Sausen,
skrifaði grein í blaðið þar
sem hann gagnrýndi Davíð
fyrir að segja sendiherra
Evrópusambandsins á Ís-
landi, Timo Summa, blanda
sér í innanríkismál Íslands
með umræðu sinni um sam-
bandið hér á landi. Sagði
Davíð að Summa bryti með
þessu gegn starfsreglum
þeim sem gilda um slíka
erlenda sendimenn. Sau-
sen sagði skrif Davíðs í garð
Summa vera „fjandsamleg“.
Núverandi eigendur Morg-
unblaðsins keyptu blaðið til
að berjast gegn inngöngu Ís-
lands í Evrópusambandið
og er Davíð Oddsson helsti
varðmaður þeirra hags-
muna. Snuprur Sausens
skipta Davíð því væntanlega
litlu.
„Mig langaði í
Hörpu“
„Þetta er alltaf sama
kraftaverkið“
Þorgerður Katrín Gunnarsdóttir vildi verða forstjóri Hörpu. – DV Þóra Arnórsdóttir og Svavar Halldórsson eignuðust stúlku. – DV
Leiðari
Reynir Traustason
rt@dv.is
„Ég þarf
að flytja í
burtu frá Íslandi
H
ið nýja meðlagskerfi tryggir að
tekið verði tillit til tekna beggja
foreldra og að barni [sic] njóti
þess þar af leiðandi að ákveðnu
marki ef meðlagsgreiðandi hefur mun
hærri tekjur en meðlagsmóttakandi.
Með hliðsjón af þessu er ekki gert ráð
fyrir að unnt verði að úrskurða eða
dæma meðlagsskylt foreldri til að
greiða viðbótarmeðlag.“
Svo segir í greinargerð frumvarps
um breytingar á meðlagsákvæðum
barnalaga. Ókei. En hvernig tryggir
kerfið þetta? spurði ég IRR. Mér hefur
alltaf þótt einkennilegt að íslenska
meðlagskerfið sér ekkert athugavert
við að börn hátekju-umgengnisfor-
eldra lepji dauðann úr skel heima með
tekjulágum lögheimilisforeldrum.
Í núverandi kerfi er foreldrum
heimilt að semja um upphæð meðlags-
greiðslna, sem þó má „ekki vera lægri
en sú upphæð sem lög um almanna-
tryggingar ákveða“ eða „einfalt með-
lag“, sbr. 55. gr. barnalaga 76/2003.
Efnað foreldri vill greiða meira …
Greinargerðin segir um núverandi
kerfi: „Hafi foreldri fjárhagslegt bol-
magn til þess að inna af hendi hærri
framlög til framfærslu barnsins en [lág-
marksmeðlag] er út frá því gengið að
barn eigi að njóta þess í formi aukins
meðlags.“ Sem sagt, ef meðlagsgreið-
andi er efnaður mun viðkomandi auð-
vitað vilja greiða meira en einfalt með-
lag, kr. 24.230 og ekki veitir af nema
lögheimilisforeldrið sé sterkefnað;
samkvæmt skýrslu velferðarráðuneytis
er „dæmigert viðmið fyrir útgjöld fjög-
urra manna fjölskyldu á höfuðborgar-
svæðinu … kr. 617.610,“ sem gerir um
155.000 kr. á mann.
En hvað ef fjársterkt umgengnisfor-
eldri vill ekki borga meira? Samkvæmt
57. gr. barnalaga getur sýslumaður úr-
skurðað um viðbótarmeðlag, en aðeins
ef foreldri „fullnægir … ekki fram-
færsluskyldu sinni.“
Auðvelt er að færa rök fyrir því
að 24.000 séu engan veginn full-
nægjandi framfærsluframlag, en ef
umgengnisforeldrið greiðir ein-
falt meðlag er það talið hafa full-
nægt framfærsluskyldu sinni. 64.
gr. barnalaga heimilar hins vegar
breytingu á „samningi eða dómsátt
um meðlag“ ef „a. aðstæður hafa
breyst verulega; b. samningur eða
dómsátt gengur í berhögg við þarfir
barns eða c. samningur eða dómsátt
er ekki í samræmi við fjárhagsstöðu
foreldra.“
Svo unnt er, fræðilega, sam-
kvæmt núgildandi lögum að skikka
umgengnisforeldrið til greiðslu við-
bótarmeðlags. En ef breytingatillög-
ur frumvarpsins verða að veruleika
verður „einungis gert ráð fyrir að hið
opinbera tryggi réttláta skiptingu
lágmarksframfærslukostnaðar [kr.
54.000, skv. frumvarpinu] milli for-
eldra sem tekst ekki að semja.“
Meðlagsgreiðsla foreldris með
100 milljón kr. mánaðarlaun:
53.892
Sýslumaður mun þá úrskurða um
hlutföll hvors af þessum 54.000 krón-
um með þessari flottu jöfnu:
F x Tekjur UF
(Tekjur UF + Tekjur LF)
Ef LF hefur kr. 200.000 í tekjur og
UF hefur kr. 400.000: UF greiðir kr.
36.000 til LF.
Gaman er að leika sér með þessa
jöfnu: LF hefur kr. 200.000 í mán.laun,
UF hefur 4 milljónir í mán.laun: UF
greiðir kr. 51.429. UF hefur 10 milljón-
ir í mánaðarlaun, greiðslan verður kr.
52.941. UF hefur 100 milljónir í mán.
laun: UF greiðir kr. 53.892.
Kaupum hinn skóinn í
næsta mánuði
Hvers vegna verður ekki hægt að
skikka foreldri til hærri greiðslna en
lágmarksframfærslu? Vegna þess „að
foreldrar sem [bera] hag barns síns
fyrir brjósti [hljóta] að tryggja hags-
muni barns að þessu leyti án aðkomu
hins opinbera“ (ahahaha). „Hið nýja
meðlagskerfi tryggir að tekið verði
tillit til tekna beggja foreldra og að
barni [sic] njóti þess þar af leiðandi
að ákveðnu marki ef meðlagsgreið-
andi hefur mun hærri tekjur en með-
lagsmóttakandi.“ (Greinilega mjög
ákveðnu marki, getum keypt einn skó
núna og hinn eftir mánaðamót!).
Svo „hvernig, verður í praxís tryggt
að barnið njóti hærri tekna foreldris-
ins?“ Rúmu hálfu ári síðar barst mér
svar IRR: „Tillögur starfshópsins eru
enn til skoðunar og umfjöllunar í
ráðuneytinu. … Meðan svo er, er erfitt
að fjalla efnislega um útfærslu ákvæða
þess en allar athugasemdir og ábend-
ingar … verða teknar til skoðunar …“
Tvö ár eru síðan frumvarpið
var kynnt og ekki er hægt að svara
hvernig grundvallarákvæðum þess er
ætlað að virka í praxís? Skjóta fyrst,
miða svo?
Skjóta fyrst, miða svo?
Útgáfufélag: DV ehf. Stjórnarformaður: Lilja Skaftadóttir Ritstjórar: Jón Trausti Reynisson (jontrausti@dv.is) og Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is)
Umsjón helgarblaðs: Ingibjörg Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri: Stefán T. Sigurðsson (sts@dv.is)
Sölu- og markaðsstjóri: Heiða B. Heiðarsdóttir (heida@dv.is) Hönnunarstjóri: Jón Ingi Stefánsson (joningi@dv.is) Umbrot: DV Prentun: Landsprent Dreifing: Árvakur DV á netinu: DV.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
14 23. maí 2012 Miðvikudagur
Kjarkur Berglindar
Leiðrétting
n Missagt var í viðtali við
Þórhall Þorsteinsson að
Biskupsstofa ætti land
á hálendi Austurlands.
Hið rétta er að Þjóðkirkj-
an á landið en Biskups-
stofa hafði samband við
Þórhall vegna málsins.
Þá var einnig missagt að
umhverfisstofnun hefði
sagt umhverfisáhrifin óá-
sættanleg, hið rétta er að
Skipulagsstofnun gaf það
álit. Að lokum var Karen
Erla Erlingsdóttir rang-
lega sögð Egilsdóttir. Það
leiðréttist hér með
„Auðvelt er að færa
rök fyrir því að
24.000 séu engan veginn
fullnægjandi framfærslu-
framlag, en ef umgengn-
isforeldrið greiðir einfalt
meðlag er það talið hafa
fullnægt framfærslu-
skyldu sinni.
Kjallari
Íris Erlingsdóttir