Dagblaðið Vísir - DV - 23.05.2012, Page 8

8 Fréttir 23. maí 2012 Miðvikudagur
Helgi seldi fyrir 104 milljónir
n Formaður lífeyrissjóðs VR og stór eigandi í Marel
E
ignarhaldsfélag Helga Magn­
ússonar, formanns stjórnar
Lífeyrissjóðs verzlunar­
manna, seldi á mánudaginn
hlutabréf í Marel fyrir 104 millj­
ónir króna. Um var að ræða 680
þúsund hluti á genginu 153. Þetta
kemur fram í flöggun til Kauphallar
Íslands. Félagið heitir Eignarhalds­
félag Hörpu og er fjölskyldufyrir­
tæki í eigu Helga og skyldmenna
hans sem erfðu málningarvöru­
fyrirtækið Hörpu.
Helgi tengist hlutabréfaeign í
Marel í gegnum þrjú félög og fyrir­
tæki: áðurnefnt félag, Hörpu, eign­
arhaldsfélagið Hofgarða, sem hann
á persónulega, sem og Lífeyris­
sjóð verzlunarmanna sem á nærri
7 prósenta hlut í Hörpu sem verð­
metinn er á um 8 milljarða króna.
Helgi er jafnframt stjórnarmaður í
Marel, væntanlega vegna setu sinn­
ar í stjórn Lífeyrissjóðs verzlunar­
manna.
Helgi og félög tengd honum
halda eftir nærri 4,8 milljónum
hluta í Marel. Þau hlutabréf eru
verðmetin á rúmlega 734 milljón­
ir króna miðað við gengi viðskipta
Hörpu með hlutabréfin.
Í lok apríl var greint frá því í fjöl­
miðlum að Helgi hefði persónulega
keypt nærri 480 þúsund hluti í Mar­
el á genginu 157,5 í gegnum áður­
nefnt félag, Hofgarða. Gengið sem
Harpa seldi á á mánudaginn er því
rúmlega 4 krónum lægra.
Á það hefur verið bent í fjölmiðl­
um að Helgi hafi notið góðs af því
persónulega hvernig Lífeyrissjóður
verzlunarmanna hafi fjárfest í Mar­
el eftir hrun en líkt og áður segir
fer hann fyrir stjórn sjóðsins. Í um­
fjöllun um viðskipti Helga með
hlutabréf í Marel í lok apríl sagði
Magnús Halldórsson, ritstjóri við­
skiptafrétta á Stöð 2 og Vísi, í pistli
á Vísi: „Helgi Magnússon fjárfestir
hefur notið góðs af því hversu þétt
Lífeyrissjóður verzlunarmanna
hefur staðið á bak við Marel. Ekki
síst eftir hrun, hefur sjóðurinn
ítrekað tekið þátt í hlutafjáraukn­
ingum þegar þrengdi að fjármögn­
un fyrir félagið.“
É
g geng út frá því að hann verði
ekki sakfelldur fyrir nauðgun,
þar sem hann hefur verið lát­
inn laus,“ segir Emma Bergen
saksóknari í Växsjö í Svíþjóð.
Sænskur dómstóll mun þann 30.
maí næstkomandi dæma í máli Ís­
lendings sem gefið er að sök að hafa
misnotað og nauðgað barnungri
stúlku. Maðurinn er grunaður um að
hafa á árunum 2007–2011 misnot­
að, áreitt og nauðgað stúlku. Emma
Bergen, saksóknari í málinu segist
búast við því að maðurinn verði ekki
sakfelldur fyrir nauðgun, en hann
hefur játað að hafa áreitt stúlkuna.
Stúlkan, sem er fjórtán ára, kærði
málið sjálf. Árið 2007, þegar misnotk­
unin er talin hafa byrjað, var stúlkan
því aðeins tíu ára. Emma vildi ekki
gefa blaðamanni upplýsingar um
það hvernig stúlkan og maðurinn
þekkjast eða hvort þau tengist fjöl­
skylduböndum.
Líklega ekki sakfelldur fyrir
nauðgun
Brotin áttu sér stað bæði í Svíþjóð
og á Íslandi og er kæra stúlkunnar
tvíþætt. Annars vegar hefur hún
kært manninn fyrir kynferðislega
misnotkun á Íslandi og í Alvesta í
sænsku Smálöndunum. Hins vegar
hefur hún kært manninn fyrir að
hafa nauðgað sér á árunum 2007–
2011 á Íslandi. Í gæsluvarðhaldsúr­
skurði yfir manninum kom fram að
hann hefði viðurkennt kynferðis­
lega áreitni en neiti að hafa misnot­
að eða nauðgað stúlkunni. Emma
segir í samtali við DV að maður­
inn hafi verið látinn laus úr gæslu­
varðhaldi. Í fyrstu var maðurinn því
úrskurðaður í gæsluvarðhald þar
sem lögregla og saksóknari töldu
að ákveðin áhætta fælist í að mað­
urinn gengi laus; að sönnunargögn
færu til spillis eða hann héldi ætluð­
um brotum sínum áfram. „Hann var
úrskurðaður í gæsluvarðhald vegna
rannsóknarhagsmuna og til þess að
hann gæti ekki haft áhrif á málið. En
já, ég held að hann verði ekki sak­
felldur fyrir nauðgun,“ segir Emma,
en vildi ekki gefa neitt upp um það
hversu langan dóm maðurinn gæti
hlotið fyrir þau brot sem hann hef­
ur játað.
Langur tími eftir kæru
Aðalmeðferð fór fram í málinu fyrr
í þessum mánuði en maðurinn var
fyrst handtekinn á föstudaginn langa
og yfirheyrður yfir páskahelgina.
Maðurinn naut aðstoðar íslensks
túlks við yfirheyrslurnar. Saksóknara
var í fyrstu gefinn mjög knappur tími
til rannsókna þar sem talsverður tími
hafði liðið frá því að málið var kært
og þangað til að lögregla hóf form­
lega rannsókn og sótti manninn til
yfirheyrslu. Brot sem þessi varða allt
að tveggja ára fangelsisvist í Svíþjóð
hið minnsta.
Íslensk yfirvöld vita af málinu
Lögregluyfirvöldum á Íslandi er
kunnugt um málið, en það hefur þó
ekki ratað inn á borð þeirra og sænsk
yfirvöld fóru ekki fram á rannsókn
hérlendis. Í samtali við DV sagði
Björgvin Björgvinsson, yfirmaður
kynferðisbrotadeildar lögreglunnar
á höfuðborgarsvæðinu: „Þetta hef­
ur ekki komið til okkar og við höf­
um ekki verið beðin um að rannsaka
það.“
Fimmtán ára
Stúlkan sem kærði
segir brotin hafa átt
sér stað á árunum
2007–2011. Árið 2007
var stúlkan 10 ára.
Myndin eR sViðsett
Ásta Sigrún Magnúsdóttir
blaðamaður skrifar astasigrun@dv.is
n Íslendingur í Svíþjóð hefur játað að hafa áreitt barn
saksóknari vill þyngri refsingu
Krefst 16 ára
fyrir barnsmorð
Ríkissaksóknari hefur áfrýjað til
Hæstaréttar tveggja ára fangelsis­
dómi sem Agné Krataviciuté hlaut
í Héraðsdómi Reykjavíkur 28.
mars síðastliðinn fyrir barnsdráp.
Ríkissaksóknari krafðist hámarks­
refsingar við aðalmeðferð málsins.
Telur hann að ekki séu skilyrði fyr­
ir hendi til að beita refsimildandi
úrræðum í þessu tilfelli.
Agné var ákærð fyrir mann­
dráp, með því að hafa laugardag­
inn 2. júlí 2011, á baðherbergi í
herbergi á þáverandi vinnustað
sínum, Hótel Fróni, eftir að hafa
fætt þar fullburða lifandi svein­
barn, veitt drengnum tvo skurð­
áverka á andlit með bitvopni og
banað honum síðan með því að
þrengja að hálsi hans uns hann
lést af völdum kyrkingar. Agné
hefur alltaf neitað sök. Agné neitar
að hafa eignast barnið og hún
neitar alfarið að hafa veitt drengn­
um áverka á andliti. „Ég vissi allan
tímann að ég var ekki ófrísk,“ sagði
Agné Krataviciuté er hún bar vitni
fyrir Héraðsdómi Reykjavíkur við
aðalmeðferð málsins.
Agné hefur undirgengist tvö
geðmöt og hafa geðlæknar metið
hana sakhæfa í bæði skiptin.
Agné var dæmd samkvæmt
212. grein almennra hegningar­
laga. Refsirammi 212. greinar er
sex ár, en hún er svohljóðandi: Ef
móðir deyðir barn sitt í fæðing­
unni eða undir eins og það er
fætt, og ætla má, að hún hafi gert
það vegna neyðar, ótta um hneisu
eða sökum veiklaðs eða ruglaðs
hugarástands, sem hún hefur
komist í við fæðinguna, þá varðar
það fangelsi allt að 6 árum. Ríkis­
saksóknari vill hins vegar að Agné
verði sakfelld fyrir manndráp sem
er 211 gr. hegningarlaga, en há­
marksrefsing fyrir slíkan glæp er
sextán ár. 
Býst ekki við
sakfellingu
Krosstengdur Marel Helgi
Magnússon tengist Marel sem
hluthafi og stjórnarmaður í gegnum
þrjú félög. Þá er hann jafnframt
stjórnarmaður í Marel.
Kæran DV hefur kæru
og gæsluvarðhaldsúr-
skurð undir höndum.
Barnið hékk út
um bílgluggann
Lögreglumenn á Suðurnesjum
höfðu á mánudag afskipti af öku­
manni sem þar var á ferð og veittu
því athygli að stúlkubarn sem var
farþegi í bílnum var ekki í bílbelti.
Til að bæta gráu ofan á svart þá
hékk stúlkan út um afturglugga
bílsins meðan móðir hennar, sem
ók bílnum, blaðraði í farsíma og
tók ekki eftir neinu. Lögreglan gaf
konunni stöðvunarmerki sem hún
veitti ekki heldur athygli því hún
var svo upptekin í símanum. Þegar
hún varð lögreglu loks vör átti hún
í erfiðleikum með að stöðva bif­
reiðina þar sem síminn virtist enn
trufla hana. Það hafðist á endan­
um og gerði lögregla þá konunni
grein fyrir alvarleika þessa athæfis
og tjáði henni að lögregluskýrsla
yrði gerð um málið.